TUNI THUTHANG TUAMTUAM TE KISIM THEI

ZOMI TIMES 2.8.2024 Friday 

1. Paletwa khuapi ah SAC galkapte om nawnlo himah leh Mipite ciah kik lo

         Chin Pyine, Paletwah khuapi sungah SAC galkapte khat zong om nawnlo himah leh Mipite ciah nuam nawnlo uh hi. 

Paletwa khuapi pen AA Galkapte’n tukum January 14,2024 ni-in SAC galkap khut sung pan alak khiat uh hi-in, SAC galkapte om nawnlo hi.

Hih Paletwa khuapi lakna hangin mipite galtai in om uh in tuni dong ciah kik nailo uh hi.

Chin Media khat ahi, CBN Daily News genna ah Paletwa khuapi AA ten galkap lak ding leh Zakhai lai Sanginn ah sihsak sawm cihte hangin Mipite aciah kik nuamlo uh hi ci-in gen hi..

BEHLAP::

Mipite omlo pi-in Myo-khuapi te uk ding zong nuam khol dia mataw… Paletwa Mipite ciah nuam nawnlo..

Zogam,Tonzang khuapi Ngongtat CNF te Silapa Salai ThangSuanMung hangin kuamah ciah nuam nawnlo…

Credit: Zalen

2. Kanbalu Myone sungah SAC Galkapte’n mi2 that in, Khua 8 Inn halin Inn 400 Val kangtum 

Sagaing Region, Kanbalu Myone sungah SAC galkapte galkuan in pai uh in Mipi 2 that uh hi. Khua 8 Mipite Inn te hal uh in, Inn 400 val kangtum hi ci-in Khit Thit Media in gen hi.

Ref: Khit Thit

3. Kyauktaw Myo ah Tui Pi10 Valto

Kawlgam, Kyauktaw ကျောက်တော်မြို့နယ် sungah guahtui tamluatna hangin Tui Pi10 valto ta ahihmanin, Mipite khuamite lauthawng mahmah uh in kihemkhia ziahziah uh hi.

Kyauktaw Myone sunga tui tamluatna tawh ki sai, Zani Aug1,2024 nitak nai 7:00 pm hun pawlpan kipan in tui hong luang ziahziah in hong dimto ziau hi ci-in khuamite in gen hi.

Credit: Development Media Group

Olympics Makaite zong paikhial ta.

Numei Boxing kitupna ah Pasal khat tumsap mawk uh hi.

Crd…

4. Yangon, Hmawbi Vanleng Tual ah SAC Galkap Vanleng Kia Mi2 si 

Yangon khuapi, Hmawbi Vanleng kuan ah SAC galkap Vanleng khat kisia in တောင်ပိုင်းတိုင်း လေတပ် ကွပ်ကဲ ရေးမှူးချုပ် Lt. General Soe Tin Latt leh  Co-pilot  pa sipah in adang pawlkhatte nak liam mahmah uh hi ci-in Ayeyarwady Times in gen hi.

Vanleng test sinding a kahtoh laitak un kiasuk kik in mi2 sipah hi. Adang Pawlkhatte zong limliam mahmah in si thei ding uh hi cih Ayeyarwady Times in genbeh hi.

Ref: Ayeyarwaddy Times

5. Mon gamah SAC galkap lut kibehlap ziahziah 

Mon Pyine ah SAC galkap lutding Mipi Khangnote alomlom in pai ziahziah uh hi. Mon Pyine Vuanzi pa vai hawmna tawh khangno takpi tak SAC galkap lut ziahziah uh hi.

Hih SAC galkap lut dingte pen အပတ်စဉ်၄ tintan dingte hi-in gen uh hi. Hih tawh kisai galkap bangzah cih kician tak in genlo uh hi.

Ref: Than Lwin Times

6. Zogam, Tedim khuapi ah Hyper Wifi nuamtak kingah ta

Hyper Line Wifi zang te 2024 August kha pan  Wifi man ki lata ding hi. Abeisa hun sang in tam man zaw hi. Zingciang Aug3,2024 akipan agen lote leh sumthun lote a kikhak dinga abeisa hun a sum cian laite in zaksak kul loin kizang suak thei ding hi. 

15Mbps -40000Ks

20Mbps-53000Ks

30Mbps-70000Ks

Credit….

7. Kalaymyo Lutna geiah Misi kimu 

Kalay wa lam pan Kalaymyo lutna gate ngei lamah amin ki theilo Pasal khat asisa in kimu hi.

Asih zawh ni 3-4 peuhmah phata ding hi. Motor lampi pan nangawn in a uih kiza hi. Anai pan ki en ngam lo uih lua, kua cih ami ki thei cianlo ci-in khuamite khat in gen hi.

Credit: Zalen

8.Salai ThangSuanMung (Zo MuMung) in Zogam,Tonzang khuapi Inn hal  Maban Zom ding cih gen.

Zogam, Tonzang khuapi ah Inn hal maban ka zom ding hi ci-in Salai ThangSuanMung Zo Muamung in pulak hi.

Tonzang Khuapi aciah lote' Inn kihalsakding" cih thuging om ahihman, Pawlkhat ciah ta uh!! Salai ThangSuanMung Zo MuMung makaih Tonzang CDF in Mipi Inn Pawlkhat Sut (tein) in, Innteek te mundang ah kihem khin uhhi.

Tun ahihleh, Na Innvuah naciah kei uh leh Innte hal kik ding hi ung" ci leuleu ahihman Mipi pawlkhat patau mahmah in, Inn azuan pawlkhat om a, Bang hong cihding cih genthei nai kei ung ci in Mipi te tungpan thukiza hi.

Zogam, Tedim khuapi Inn halte zong CDF-Tonzang hi kha ding hi..

Credit: Zomi Post

9. ZOGAM GALKAP ZRA-EC Policy 

Zomi Mipi in Zomi Army ( ZoGam Galkap ) ZRA aki support, aki dinPih , aki Pom na pen Amau Gal do leh Do loh, SAC- MAL kap leh kap loh cih tawh aki support hi zenzen lo hi.

ZRA pen ZoGam -Zomi ading ngiat amankan cih leh Amau lo ngal adang Thautawi nengneng te leh Ki pawlna nengneng te ki muanglou ki sang Lou ahihna ahang bulpi hi pipen hi. 

ZRA Nasepna tungtawng aki en hilou aa Amau Policy dinna leh ahihna uh akalsuan na te uh Thupisa  in aki zui aki dinPih leh Athahat zawk semsem nading uh ZoGam leh Zomi ading na tampi asep zawh semsem zawk na ding uh a kipan Pih aki support hi zaw hi cih ih tel  ding ki deihsak hang. 

Mainawt - ZOMI !

Credit: Zogam Tangval