THU UM MITE NUNTAKZIA DING

THU UM MITE NUNTAKZIA DING
------------------------------------------------------
Sileh sa lamtawh anungta teleh Kha Siangtho lamtawh anungta te thu.

Țhuum mi ten hih iom na leitung hilai hi ci in si leh sa lamvaitawh leh kha Siangtho lamvai igawmkhawp imehkhawp nopkhak leh ki kel ki in kilang pan hi cih kimu thei ahih man in adah huaimahmah ahi Sileh sa vai in sihna hongtun in nuntak tawntung na ahi Kha Siangtho lungsum tawh nuntak ding thupi zaw cih kimu thei hi.
==========================
Rom 8:5-6
Amau pumpi deihna bangin a nungtate, amau pumpi deihna in a lungsim uh a uk hi; Kha Siangtho deihna bangin a nungtate, Kha Siangtho in amau lungsim a uk hi.
 I ngaihsutna, i pumpi deihna uksak lehang sihna tawh kizom hi;
 i ngaihsutna, Kha Siangtho uksak lehang nuntakna le nopsakna tawh a kizom hi.

Galati 5:16-18
Note kiangah ka hong gen thu in: Kha Siangtho’ hong sawlna bangin gamta unla, na pumpi uh utna bangin gamta kei un.
Bang hang hiam cih leh ei’ pumpi ut bangin gamta lehang Kha Siangtho’ deihna tawh na kituak lo a, Kha Siangtho’ deihna bangin gamta lehang ei’ pumpi deihna tawh na kituak lo zel ahih manin hih nih tegel a kilangpang niloh na hi a, note’ ut bangin a gamta thei lo na hi uh hi. Kha Siangtho’ deihna bangin na gamtat uhleh Thukham khutnuai-ah na om nawn kei uh hi.

Galati 6:7-8
Pasian a kikhemzo dingin ngaihsunkha kei un. Mi khempeuh in ama vawh nam khaici mah ngahkik ding hi.
 Mi khatpeuh in ama leitung pumpi deihna khaici a vawh leh sihna ngah ding a, Kha Siangtho deihna khaici a vawh leh Kha Siangtho tung panin nuntak tawntungna ngah ding hi.

Rom 8:11
Sihna panin Jesuh a thokiksak Pasian’ Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi.
Amen

Minthanna leh pahtawina khempeuh i Biak Pasian in tangzaw tahen.Amen

Lungdam

Siansiam Khaute

https://www.facebook.com/siansiamkhaute/
 La hoih mahmah khat ngaini ei na ngaihsak vua! Pasian mah eite ading ahoih pen ka hutawp tawh phat ning cihla hi

ZBCM Full-member HITA

ZBCM BWA Full-member suahni suahna lungdam mahmah hang!
ZBCM in BWA ah fullmenber ngahna: Baptist World Alliance 

General Council.

July 10,2019

Melia Nassau Beach, Bahamas: Ah hong ngah hi!

Namdangte netniamin omta seleng Zomite hong angvan Pasian in #Direct in BWA tawh kizoptheihna hun hong pia ahih manin Topa tung Lungdamna lianpi ih ko hi! 

Hihbang lampi hong pia Topa hi! MBC nuai kulnawnlo hong hiphot2 ahih manin Lungdamna nakliat mahmah hi! BWA to MBC to ZBCM hilo in Haksatna ih thuaklai in lungkhamna tampi thuakta le hang BWA to ZBCM #Direct kizopding Pasian in hong deihsak na hi khinkhian zaw mawk hi! Nappitakin Topa gelna tung ah ih lungdam mahmah hi!

Phamsa Makaite nungta lai hileh a lunguh dam mahmah ding cih kangaihsut ciang! Ih nakngek hong na hi!

Pasian leh Zomite kizopna thupit semsemna hong hita hen!

Lungdam ung Jesu Topa aw! Nang minthanna hita hen!
Keimimal in Lungdam ngeungau ing!

Lungdam 

Siamkhaute 

July 10, 2019

ZBCM GS tungpan->
Lungdam mahmahna thu tangkona:
Pasian in ZBCM kikona kum 24 cin teh hong dawng ta a, BWA in ZBCM pen Gam 125, Convention 240 na Bahamas hun July 10,2019 ( Wed) 3:15pm ( Kawlgam hun July 11,2019 (Thurs) 1:45am) hunin BWA General Council Nassau Bahamas pan hong sangta uh hi. Topa minthanna hi ta hen. BWA pen gam 125, Convention 240, pawlpi 169,000, member 47 Million kipawlna hi. Hih bang ngah theih nadingin vaihawm makai masate, Consultant of ZBCM,ZBCA OBte le lampi tuam tuam pan mapang vaihawm khempeuh tungah lungdam mahmahna thu ZBCM gambup min in kong tangko hi. Membership ngahna ah ZBCM pan mi 4, ZBCA pan 6 kihel thei hi. ZBCM gambup le Zomite tungah nopna daihna thupha hong tung henla, Topa vang in hong taan tawntung ta hen.  Halleluijah! Amen. 

Lungdamna lianpi tawh, 

Rev. Langh Za Kap
General Secretary
ZBCM

Note:- A nuailam khinsuk inla HOME cihna mekin Thulu tampi simtheih ding om hi! Tua banah < Home > kiang ah vei leh tak ah thaltangte thului na zonnop leh mekin  Lungdam 

KIPHAWKHUAI PAWLKHAT

Ngaihsut huai/kiphawkhuai pawl khat

1.Mangkangte a nuntaklai uh ki-it mah" uh a

Zomite sihkhit ciang ki-it pan,ki-ngai pan hi hang.

2.Sente’n zan 1 nai6 val ihmu ngeilo in na sem ciat" uh aa,

Zomite ut tanvei ihmut khitciang na sem pan hi hang.

3.Sente’n zu a dawn ding uh ciang holiday ciang bek in dawn uh aa,

Zomite’n nisim in dawn uh hi.

4.Mangkangte a sih uh ciang mualsuang khawng bawl selo-in, misi tangthu khawng gen" selo uh hi.

Zomite a sih uh ciang misite thu khempeuh gen" in a hihzah val in kiphat liang uh hi.

5.Mangkangte’n na 1 peuh" a sep ding uh ciang 75% gel khol ciat" in na sep kipan uh aa,

Zomite’n gelkhollopi-in na semin gim mah" napin a na sep hoihlo lai hi.

6.Kawlte in a pantah siate a khantawn in zahtaak tawntung uh aa,

Zomite’n hong pantah ta", hong huh ta" khawng gensia-in dai sak" lai hi hang.

7.Japante in makaite zahtaak in a thu uh mang diam" uh aa,

Zomite’n makai ta", sia ta" khawng lehdo in galbawl zaw hi hang.

8.Kawlte in a lawmngaihte uh a deih bang" uh lei sak aa,

Zomite in a lawmngaihte uh van leisak nuam cihthadah ki-limzem pian le khaam lai uh hi.

9.Mangkangte in a zi/a pasalte uh my honey(ka khuai zuu) aw ci-in sam uh aa,

Zomite’n ih zi, ih pasalte a min na ngawn in sam nuamlo-in ka mihing nu/ka mihing pa cih bang in a hi lo" in sam hi hang.

10.Sente in sum hauh ciang zi nei ding ci uh aa,

Zomite’n zi neihkhit ciang sum zong ding ci-in zi zong masa aa zi vakzolo tampi om pah hi.

11.Namdangte in van a kisapte bek uh lei uh aa,

Zomite’n ih deih lei hi hang.

12.Mangkangte gamdaitak in om in thu ngaih sun" uh aa,

Zomite thu ngaihsun selo in tukhawm liailuai-in ciamnui" lel uh hi.

13.Sente, mangkang, namdang thu um mite dik thei mah" uh aa,

Zomi thu um mite thuakhak thei mah" in gilo thei mah" zaw lai hi.

14.Sente’n zu a dawn uh ciang happy" ci uh aa,

Zomite’n zu a dawn uh ciang fighting ci uh hi.

Credit.TgCinpi