THU MANPHA, THU LAIGIL

 ZOMI TIMES 21.11.2021 Sun. 

Copy & Pasted from  Sia Cinpu. 

Zogam sungah gal kidona phualpi a suahding hanciam keizaw inla, Zogam leh Zomite gal sungpan a bitna dingin hanciam zaw in. 

=========================

Khuahun Ensiam, 

Pilvang Takin Gamtang, 

Vision le Gimna Goal Limci Nei 

Zomi ihihna manggilh lo.

Na Suahtunga na Nu le Pate hongphuah na min taktak leh na golkhitteh na min a theilo minam dangte hongsap pakna minpen na mindingin koi kipsak nuamzaw na hia? 

Zogam sungah Zomite tenna leitang teng akembit dingin tavuan kala zoding uh hi ci in, a pulaak khia vanzat kicing anei khin Zomi galkap thautawi group ZRA-Ete in NUG tawh kopin zingvai  hawmkhawm uh ahih manin Zomi khempeuhin panpih dingin hoih kisa hi.

Zogam leitang ah thautawi amautawh kizom lo, kipawl lo peuh2 nohkhia dinguh ahih manin Zomi leh Zogam a it thautawi peuhmah amautawh na kizom un.

 Zomi hi kei ung aci namdangte tawh na kipawl leh ni khat niteh na Zomi pihte ado, akap dingin nang hongzang kik dinguh hi. Pilvang ni.

Kawlgam buaina pen aipeng lakin nangbekin va dosawm se kei in, 

Amasa dingte masak phot in

Kipum khatna pen hoih mahmah aa, no nupa kipum khat, kithu tuak masa lopi in,

 na innvengte tawh na kipawl leh na Innsung buaina hong lian tektek ding hi.

Kawlgam bup buaina Kawlgam bup mahtawh do dingleh siahsuah ding hi a,

Zogam buaina Zomite bekmah in isiansuah leh cihloh namdangten hong huh zenzen lo ding uh hi.

Kawlgam khuapi lian ahi Yangon, Mandalay, Nipidaw te ah limtakin Kawl galkap ukna buluhte akido zawh masiah Zomite in do isawm leh kawl galkap te in hong susia nuam taktak uh hih leh nikhat thu in Zogam bup vut le vai hong suah zoding galvan hoih aneih lam uh Zomiten itel ding kisam mahmah hi.

Zogam sung hubit zolo pi in nangbek in Kawlgambup do sawmkei phot inla, 

Kawlgambup Makai pi NUG te in nikhat thu, thakhat thu in do khawmding hi hang hong cih nini in do pan zaw ding hi hang.

Zothau, tupi thau tawh PDF lutte thupi kongsa a, zahtakna kongpia aa, na pilvang dinguh ka deih hi. Bang hanghiam cih leh a hun lopi in na nuntakna uh a mawkbei ding kong phal nai kei hi. A hunlo pi in iZomipihte a galtai dinguh ka phal nai kei phot hi.

Mipil te in gal ado dinguh ciangin, a galte’ thahatna leh galvan neihteng kan masa uha, zolo ding kilel ding hi cih amuh uh leh do nailo phot in, azawhna dinguh lampi zongin ahih kei leh  kilemna bawl ding ahih kei leh ahun sottoh in kiging hun la toto zaw uh hi.

Lel dingcih thei gige in na do teitei pen, pawlkhat in hangsan salpha hongci dinguh a, apil te in Mihai hi hongci lel dinguh hi. Zo mahmah dingcih na telkei leh a thukan laiphot inla, na tha ahilo midangte tha muana zawhsawm na hih leh na muante mahtawh do khawmin la nangbekin va tuamdo kei in, na tuamthuak dinga, na nuntakna a beikhitteh kila kik thei nawnlo hi.

Kawlgam sungah khuapi Myo 330 val bang oma, tuasungah Myo bangzahin kawl galkap ukna buluh te do uh cih na thei kha hiam? A do nailo Myo te zong ukna buluh galkap te apawlpih hi zenzen lo uh hi. Pilvang takin gamtang uha, NUG te mihek leh kalsuan zia ngakphot uh hi. NUG in kawl uital te do ding a pulaak uh pen, amau thu aa adodo teng a thauhkhanna ciangbek hi in, amau kipan nailo, gamnuai mi thautawi taktakte tungah thakhatin do khawmta ni ci in bangmah genna nei nailo uh hi. Thu ngaihsun khial kei ni. 

Na Vision leh na tumna goal pen Kawlgam bup buaina vengsak pakding ciangbek ahih leh NUG mahtawh kopin amau cihcih ngakin amau tawh nasem khawmding hi hang, ahizongin Zomi le Zogam mailam saupi ding thungaihsun kawmin iminam aa dingin nasem mapangte nawngkai sak kei in.

Tulai tak khua hunpen, Kawlgam buppi in thakhat in a do masiah en Zogam leitang pan mawk do masa lo ding hanga, Kawlgam bupin thakhat in a do lianleh Zogam buppi tavuan la aa adoding ZRA te tawh mapangkhawm in a dolian dingin amansa (ready) sa in om ding hi hang.

Zogam sungah gal kido na phualpi a suahding hanciam keizaw inla, Zogam leh Zomite gal sungpan a bitna dingin hanciam zaw in.

Credit : Sia Cinpu

Ygn khuapi ah galkap misokte Vanleng. 

TOPA AWNEM KAMMAL THAKTE

 Tuni ading Topa aw nem, Kammal thak te :

——

1Sam 18:14 

David in asepna khempeuh ah ama tun hi , Banghang hiam cih leh Topa in amah ompih hi .

—-

1-Topa ompihna icih pen nasepna khempeuh ah lawhcinna naak ahihi.

2- David in anuntakna ah alawhcinna dingin amasa in Topa minphatna sungah nuamsa hi .

3- David in Siampi Samuel tungpan sathau nilhna ngah hi .

4- Pasian sathau nilh Kumpi Saul tungah khutkhial lo kampau khiallo hi .

5- David in khialhna khat peuhpeuh aneih ciangin kisik in thum pah hi .

6- Migualzo icih te pen thuakna tampi anei ngeite ahihi.

7- Leitung ah hamsatna khat peuhpeuh ituah ciangin thangpaih ngaihsut lo in Topa deihna bang hiam ci in ngaihsutna pen gualzawhna lampi ahihi.

8- Zeisu nu Mary leh John nu Elizabeth te kha 3 sung Elizabeth te innsungah omkhawm uh a , kuamah gensia manlo liangin amau tunga Pasian vangliatna te kikum kum uh ahih manin Pasian alungkim mahmah hi .

9- Nisim in izak thu in inuntakna hong limci sak leh hong zawngkhal sak thei namnih omden hi .

10- Tano te a ih mutsungin Nulehpa ten akisam dingteng akaihkhop sak bangin Pasian in amah a it leh ama tate adingin i ihmut sung na ngawnin ikisap nate hong kaihkhop sak den hi .

11- Biakinn sungah ipumpi bek hilo in ilungsim khempeuh itunsak zawh nakleh biakpiakna sung mahmah panin imaban ding Topan geel zo ding hi .

12- Tuhun pen hunsia mahmah ahih manin i nusiat ding teng bek buaipih ding hun hi nawnlo in ima nawh ding thu zong ibuaipih ding ahihi.

13-Tate don manlo liangin neihsa lamsa izong thei a , ahizongin itate kikhelna ding leh lampi man totna dingin ineihsa teng beikik thei veve hi .

14- Leitung ah Credit hoih ding athupi mah bangin kha thu ah zong I credit ahoih ding thupi mahmah hi - Biakpiakna, thungetna, Pasian Kammal simna leh piakkhiatna te ah .

15- Kikhoppih puante silh le hang nin khat peuhpeuh aom ciangin kilang pahpah a, ahizongin itualpuan te  nin aban hangin kilang lo hi, ikhialhna khat peuhpeuh hong kimuh baih leh mihoih mahmah lai cihna hiden hi .

16- Elisha guhkeu in Israel misi hingkik sak thei lai buang ahih leh ei adamlai ten Zeisu khephung ah damna ingah ding leh midangte damna hinna ingah sak zawh ding thupi mahmah hi .

17- Jonathan in Pasian sathau nilh David tungah itna tawh thupha abawl manin amah asih khit ciang nangawn in atapa khelbai pa in apa na hoih sepna tawh Kumpi inn ah om in kumpi an ne tawntung zen hi . NulehPa te khaici in koi ah kituh cih leh bang khaici kituh cihpen thupi mahmah hi .

18- Nisim in ngaihsut den ding khat ah - Ei bang vive Pasian thu um hileh Pasian alungkim taktak mah diam ? Pasian min athang taktak mah diam cih pen nisim in kisik zel le hang  inuntakna thupi ding hi - Biakpiakna ah , sepna leh piakna ah , thungetna leh Topa Kammal lung ngaihna ah cite .

19- Leitung ah itate sangkahna ding sang hoih izon ciangin- Building hoih kizong masa lo in - Sia hoih aom hiam ? Sikan thukhun hoih  aom hiam? Ut bangbang in zune zatep khawng aom hiam ? Ut dadan in sangkah leh sangkahlo zelzul khawng ahi uh hiam? Sang naupang ten thu amang hiam ? Lai limtakin akisinsak hiam ?cih danin kizong hi , tuamah bangin Biakna vai ah ut dandan a kikhawm , ut dandan a pia , ut dandan a sem cih te tawh kalsuanna Pawlpi ah khantohna om ngei lo dinga , Kha thu ah discipline limtakin akineihna mun bek ah Khantohna leh lawhcinna aom ding ahihi. 

20- I nuntakna ah i tha piak zawk zawk in i innsung , ikampau igamtat hong makaih ding hi . Zeisu tha ipiak a i welcome leh itha lawp in ilungdam dinga , Satan tha ipiak a  i welcome leh i sepna khempeuh ah itha dah in atawpna ah Hell sung na nangawn hongtun thei ding nahi mawk hi .

Topa Pasian in David bangin ama tun dingin Mimal kim hongsiam tahen.

Amen ….

Nov 11,2021.

9:00 AM .

TUNI ADINGIN TOPA AW NEM KAMMAL THAK

 Tuni ading Topa awnem Kammal thakte:

—-

Late 23:3

Ka nuntakna tha hongdim sak a , ama minthanna dingin thuman lampi ah kei hong kha hi .

1- Nisim in itha dimna pen Topa minthanna ding ahihi.

2- Topa minsiatna dingin akinungta hilo in Topa minthanna dingin akinungta bek ahihi.

3-Thusia lampi ah apai dingin Topan hong nungta sak hilo in thuman lampi ah anungta dingin hong nungtasak bek ahihi.

4- Pawlpi sungah Zeisu itna thu theihsawm le hang ilungdam semsem a , Pawlpi kalsuandan kankan le hang ithanem na khop ding koi koi ah omthei ding hi .

5- Pasian hong itna Gospel thu tamgen mahmah le hang Ei Lungdamna ding Topan geel geel den hi .

6- Khami taktak icih te pen athanem hun akitello lianga Topa thu sungah alungdam leh a mainawt den zote ahihi.

7- Midangte tawh kitam hopih lecin atawpna ah na khasiatna ding nangah zo den dinga z, Zeisu tawh kitamho pih lecin na Lungdam nading nangah den ding hi .

8- Leitung thu pen ahat hat in zo thei a , biakna thuleh kha thupen athuakzo zo in zo tawntung den hi .

9- I innsung akeh avan leh ganhing lauhuai Pipi hong lut thei a , thungetna leh Topa tawh kihona ineih zawh loh ciangin thu hoih lo tuamtuam innsungah hong lut thei hi.

10- Syria galkap bek amu Elisha nasempa lau mahmah a , vantung galkap amu thei Elisha pen lungmuamg mahmah lel hi.

11-Satan in ithanemna mun leh hun nisim in zongden a , Zeisu in ilungdamna om sunsun hong munuam den hi.

12- Sum zong den ten sum mah muthei a , pilna zong ten pilna mah muthei a , Zeisu sungah lungnopna azong den ten mu veve uh hi.

13- Tapa taimangpa ama kibawl in vokkuang gei ah gilkial in om zo a , ama khentatna mah tawh a pa hauhna zeek kha kik veve hi.

14- Salimci mahmah khat innpua ah koihkhia lecin thopi leh atawpna ah lungno nangawn in bawk ding hi , tua mah bangin inuntakna Topa sungah ikisuan kei leh hong bawk ding tam thei mahmah hi.

15- Nisim in Topa Kammal leh thungetna tawh kal thak nasuan den nak leh lampi thak leh dinmun thak ah Topan hong kha toto den ding hi.

Sia Pau Khai

Nov 9,2021

8:30 AM 

Louisville.

KOREA SANG KAH NUAMTE ADING LAMPI OM

KOREA SANGKAH NUAMTE ADING LAMPI OM. 

ZOMI HORNBILL MEDIA 9.11.2021 Ninihni. 

=====================================

Tulai Khuahun siatna, gambuaina  hangin gamdang paiding pen hamsa mahmah hi. Tua haksatna, gambuaina kawmkal panin S. KOREA  ah Sangkah nuamte adingin lampi om ahihmanin, a lunglutte'n kihopih thei hi. 

Tulai gambuaina hangin, bangmah kisem theilo, koimah kipai theilo ci'in khakunkun khaken, lampi tampi om hi. Hibang hun sungah Na Nuntakna dingin lampi zongin tua ahih kei leh mite na phazo kei ding hi. Hih khuahun siatsung ,Khuahun hoihloh sungin Ken Bangsem thei, koilai pai thei ka hiam cih lampi zon cihtak ihzon kul hi. Tua loin kisuakta zolo ding hi. 

Note :  Na lunglut leh Khentat pahin, khua dakdak Ken, Na ziakai kha ding ai maw... Zomite'n ih pai nopna ,ih lunggulhna kum1 khitteh khentat zo nailo cih danin om kei ni. 

Korea Sangkah Nuam, Pai nuamte theih ding. 

1. Aniam pen  Tan (10 ) Zosa hiham tang ding. 

2. Buaih ngahsa hile manlang zaw lemzaw lai hi. 

3. Korea gamah Korea pau sinnuamte zong kingah hi but a tunga nambat 1 & 2 kisam hi. 

4. Tan 10 Mark sheet leh Transcripts Original ki sam hi. Tan 10 Aungletmat leh matsazian asit kisam hi. 

Na Lunglut leh Hopih in. 

Sya Khualpu 

Phone 📱 : 09453610096

WhatsApp &  Viber kingah hi...........