COVID-19 HANG A HUHNA PIAK DING BAI KICIAN TRUMP GENNA

Breaking: Covid-19 Stimulus bill & Direct payment Update (@10:30pm EST - December 22, 2020)

- Hih Covid-19 relief bill ah bang teng kihel tak tak hiam - Pu Trump thu gen na te pan et kikna

************************

Senate ten Covid-19 bill package a pass khit zawh ciang Pu Trump tung puak uh aa, Pu Trump in mipi ten direct payment mi khat ciang atawm pen $2000  angah kei leh Stimulus bill ah letmat ka thu kei ding hi ci in video message pan genkhia aa, tua bill pen Congress ah puak to kik leu leu hi. Hih bill pen page 5,593 tak pha aa, Senator pawlkhat bang in avekpi sim khin zolo uh ahih manin asungah bang teng kihel, kingelh tak tak hiam cih thei lo uhhi ci in Pu Trump in genkhia hi. Tua page 5000 apha bill sungah Democrat te in  Covid-19 tawh akisai lo thu tampi leh sum tampi hel uh hi ci hi. Laimai 5000 apha bill pen kua man zong avekpi sim lo uh aa, tualai ah Covid-19 relief tawh akisai het lo Gamdang te huh nading te ahi:

-  Cambodia gam huhna - 85.5 million

- Burma gam huhna - 134 million

- Egypt gam te galvan lei nading - 1.3 billion

- Pakistan gam te huh na - 25 million 

- South America gam te huhna - 505 million val

- Asia R.I.A - 140 million

Tua bek thamlo in akihong nai lo:

- Kennedy Center aading 26 million dollar

- Smithsonian aading $1billion, 

- National Art Gallery aading 154 million 

- FBI bulding lam nading $54 million leh domestic funding huhna atuam tuam te kihel hi ci hi.

Tu bek tham loin Gam sungah hong guk lut sim (illegal immigrant) te aading:

- Illegal immigrant innkuan khat ciang $1800 piak ding zong kihel mawk ahih manin kisang zolo ding hi ci hi. Tax apia giat lo te US gammi te ii tax sung pan huhna sum piak ding cih pen pianglo hi ci hi.

Tax apia US gam mi te aading:

- Tax pia American gam mi (US citizen & PR) khat ciang $ 600 bek kipia ta lawm lawm ahih manin ka sang zo kei ding hi ci hi. Atawm pen khat ciang $ 2000 leh nupa khat ciang $4000 bang akhan kei uh leh bill ah letmat ka thu zo kei ding ci in Pu Trump in video message pan gen khia beh beh hi. 

Pu Trump cih dan mah in Tax pia lo aa guk lut sim (illegal immigrant) te na leng innkuan khat $ 1800 piak geel uh aa, ahi zongin US gam mi tax pia te mi khat ciang $ 600 bek piak cih pen ngaihsut huai mahmah in, Covid-19 relief package ci aa akisai lo gamdang huhna tampi pi aguan mawk uh pen hi thei het lo hi ci uh hi. PI Nancy in belh mipi te piak ding $2000 cih pen amanlang tak in ka behlap thei ding uh aa, ahi zongin Covid-19 relief bill sungah akisam het lo gamdang te huhna, illegal immigrant te uhna cih te bang cih ding cih genkhia lo hi. Bang teng hong piang to to lai hiam cih ngak to to lai ni.

Hih Covid-19 stimulus package update ahun zui in bawl to to lai hi.

Pu Trump Video message link: https://fb.watch/2yvHA3DgYn/

---------------------------------------------------

Thomas On Sian Mung (Thomas Mung Guite)

Washington D.C

December 22, 2020.

MOMNO Media & Museum @

Like and share my pages

1.

https://www.facebook.com/MomnoMediaMuseum/

2.

https://www.facebook.com/ThomasMungGuite

 

UNAU THUM IN Ph.D NGAH LUNGDAM PIHNA

 Angtan Pih Luat manleh Lungdam Pih Natawh

Zomi sungah Unau tingteng thum in Doctorate of Philosophy ngah....Zomi sungah Amasa pen uh hiding inzong lamen ingh....... 

Lamka Khuapi, Lanva Khua ateeng...... Pu Nok Swan Lian (Late) le Pi Zen Khan Vung te sungsuak Secular tawh Doctorate ngah thumte.......

Pum Khan Pau   Ph.D (History)

Thesis: The Chins and the British 1835-1935

Zawhkum: 2007

Zawhna: North-Eastern Hill University (NEHU), Shillong

Zam Ngaih Cing    Ph.D (Linguistics)

Thesis: A Descriptive Grammar of Tedim-Chin

Zawhkum: 2018

Zawhna: North-Eastern Hill University (NEHU), Shillong

Thang Sian Mung      Ph.D (Sociology)

Thesis: Zomi Ethnicity in Manipur: A Sociological Study

Zawhkum: 2020

Zawhna: North-Eastern Hill University (NEHU), Shillong

...Photo hong kaihkhop sak Sia Samuel Mung Suantak  tungah lungdam mahmah....

....Topa ih biak Pasian in amaban tek vuah na makaih to semsem henla Topa le minam, gam le lei ading in hong zatsak semsem tahen...

TA IHNEIH TAKTAK CIANG KIPASAL ZO NAWNLO HI

 TA I NEIH  TAKTAK CIANG KIPASAL ZO NAWN LO HI

1) Ta khatna i neih ciang bel, ziite  sawltak in kibuai mahmah a, nau na tawi pak dih, meh na tawk pak dih, diaper ong lak vat dih, nau nawi na pia aw, cihte pawl tawh zii ten teentaan hong pan uh hi.

2) Ta nihna ciang bel naucin ut zaw maw puan sawp, naucin utzaw maw zii pai, nau cin utzaw maw kuang sil, nau na na cing o, an ong huan pak ning ei cih pawl, nau na en o, ong kisil pak ning, cihte pawl kinawh zak mahmahta a, tel sawn ding i theih loh ni zong tam mahmah hi.

3) Ta thumna ciang bel, na tate na kem aw, mimawl mihai, mi pasalte zong bang lo, nang bang pasala kong neih mahmah..! Si suk aw, kimanna zong nei lo cih pawl kiza ngeihngeih ta a, lupna tung khawngah ziite thuhilhna kisang panta hi.

4) Ta lina ciang bel ut in ut ta kei leng, ziite thu nuaiah a kilut hi ta mai a, ziite thu mang in a kileng dengdeng hi ta mai hi.

By: Zonupa Ciamnuih leh cihtak

ZILETA NEIH IHCIH KHAWNG TAKTAK PEN

 ZI LEH PASAL NEIH I CIH KHONG TAKTAK PEN

1) Tuak vang lak leng, nisim Valentine’s Day  hi mai.

2) Tuak kei vang lak leng, nisim  Labor Day a kizang hi mai.

3) A hau khat bang teenpih kha vanglak leng, nisim New Year’s Day hi mai.

4) A pil a siam khat nei kha leng lah, nisim Teacher Day  hi mai.

5) Lungsim naupang pian khat nei kha leng lah, nisim Children Day hi mai.

6) Thadah, uisan, zuau haat  khat tenpih kha leng lah, nisim April Fool hi mai.

7) Khamtheih guihthei suai khat tenpih kha leng lah, nisim Missionary Day hi mai.

8) A poi a gilo khat tenpih kha leng lah, nisim Anti-Terrorism Day hi mai.

9) Zi neih pasal neih i cih khawng pen tua dan hi mai ei. Nei kei vanglak leng, nisim Independence Day a kizang hi mai.

By : Zonupa Tulsa 

COVID-19 VACCINE KIHAWMTA DING

 Breaking News: FDA in Covid-19 vaccine hawmkhiat ding phalna pia ta

-----------------------------------------------------------

Leitung in i ngaklah mahmah ahi Covid-19 vaccine pen US gam sungah hawmkhiat theih, zat theih nangin Food and Drug Administration (FDA) in Pfizer company te tunitak lam in phalna pia (Approve) ta aa, i gam ii gualzawhna lianpi khat hi ci in Pu Trump in White House video message pan taangko khia hi. Tu zawh nai 24 sung (24 hours) sung State 50 ah vaccine million tampi kihawmkhia pah ding hi ci in Pu Trump in genkhia hi. Akizom in Pu Trump in US gam sung om khempeuh in sum pia khat zong kila loin, free in kihawmkhia ding hi ci in genbeh hi. US Kumpi nasem pawlkat leh White House aa nasem ten in tuni gualzawhna party pawi kibawl ziah ziah aa, ko nasepna ah zong pawlkhat ten gualzawhna party kibawl hi. Pu Trump leh US kumpi in billion tampi bei in Operation Warp Speed cih phuankhia in kha 8 sung bang hong hanciam toh toh uh hi aa, tu in angah kimu khia ta hi.  US gam ah Pfizer leh Moderna company te bawl khiat vaccine pen 95% muibun ahih manin leitungbup ah amuanhuai pen vaccine hi ci uh hi.

FDA ii emergency use authorization (EUA) tawh kizui in amasa pen in Zato ah nasem teng leh Piteek, Pu teek teng tung sun masa ding uh ahi hi. Tua zawh ciang kum 18 nuai siah te hong sun ding uh aa, adang ten anunung pen in kisun ding uh hi. US gammi khempeuh in belh mai kum April, May kha kiim in sut theih kim dingin kilamen hi. Hi bang gualzawhna lianpi hong ngah Pu Trump leh apawl te Topan thupha hong pia sem sem ta hen...

---------------------------------------------------

Thomas On Sian Mung (Thomas Mung Guite)

Washington D.C

December 11, 2020.

MOMNO Media & Museum @

Like and share my pages

1. https://www.facebook.com/MomnoMediaMuseum/

2. https://www.facebook.com/ThomasMungGuite

USA KITELNA AH STATE 6 KICIAN MAHMAH TA

 US Kitelna States 6 ah Results kician mahmah ta

 US kitelna ah States 6 ah vote om dan hi bang hi.

1. Nevada Biden in Vote tang (33000)  tawh zo a ahi zongin address om lopi vote  (8,000) kician lo address leh sumbuk sai address vote ( 15,000 ) address khel ahih kei leh state dangah apem khin vote ( 2,468 ) misi sa te vote ( 15,000 ) state dang pan vote ( 20,000 ) laito ah aom sa vote ( 6,000 )leh vote nihvei a khia ( 42,000 ) hi a zuau khem guksim vote a tam penna state in kiciamteh hi.

State thukhen zum ah khia uh a state thukhen mangte republican vive hi zaw ahih manin Trump lamte in zo dingin ki-um hi.

2. Pennsylvania ah Biden in vote (81,000) tawh zo a, ahi zongin vote zuau (121,000) om hi. Bektham lo vote khiat ni November ni 3 pan 6 ciang ahih manin constitution tawh kituak lo hi. Supreme court in thu khen ding hi.

3. Wisconsin, Biden in vote (20,000) zo, ahi zongin vote guk sim (20,0000) om hi.

4. Arizona Biden in (10,000) tawh zo, ahi zongin vote guksim (300,000) om hi. Vote a guk uh tam lua ahih manin Maricopa county ah vote simna set sung ah sazian audit laitak hi.

5. Michigan ah Biden in vote (154,000) zo, ahi zongin vote a guk sim uh (300,000) om hi.

6. Georgia ah Biden in (11,977)tawh zo, ahi zongin vote a guk sim uh (200,000) om a, Fulton county ah kitel ni-in mi a ciah khit ciang nitak nai 10:30 pan zingsang 1:00am ciang mi li in vote a guk simte CCTV in man kha lian hi state governor in vote sim kik ding gen a, ahi zongin state secretary ut vet lo hi. Bang ciang ong tung uh diam state secretary in golhguk ne in a minthang hi. 

Credit: Chin news daily

USAte YOUTUBE NEWS HIZENSAM EI

YouTube ten tuni a kipat Mee guk voter fraud toh kisai a gen te video khempeuh delete sak mang ding ci uh. Joe Biden President elect aci lo peuhmah videos lakhia ding ci uh.

Joe Biden pen Anti-Christ sawltak tak tak, hell khuk pan a kipan ahihna thu ki lang to tek tek. Atapapa nekgukna a share kha khempeuh video leh thugelh te ki lakhia.

Jesu pian lai a kumpi Herod in naupang kum 2 nuai siah a thah mang dan in Biden in Nauphiat abortion gambup a kumpi sum toh a ki bawl theih na ding hanciam. Pasian hunciam a sia lam a atangtung sak himok ei. Hun nunung hita, Christian ten bawlsiatna thuak to tek tek ding. Lukewarm Christian te kitel na ding in bawlsiatna persecution hong om ding. Christian akici tampi takin Christian tak tak upna khauhtak a din pih ngamte nuihzat ding. Simmoh lai ding. 

Mi tampi kisam, ahih hang kawngkawcik a zui te bek kitel. Many are called but few are chosen.

Kasapmi tam ding a katel mi tawm ding hi!

Atawp dong athuakzote in thupha ngah ding hi

Note kong thei ngei kei hi

Cihna Laisiangthote hong tungtung ding hita hi!

Kidawm ciamteh!

Credit : Sia Muana Khuptong 

 

USA kitel latest News Dec 9

Breaking news: US Kitelpi Latest News Update: December 09, 2020: Texas state tawh kipawlkhawm in US states 17 ten Supreme Court ah thu bawlna ah kizom

**************************

Zani Texas State in US Kitelpi thu man lohna leh kitelpi result pen thu khun tawh kisuak lo "unconstitutional" bawl ding cih tawh Supreme Court ah states 4 te thu abawl na uh pen tuni in US states 17 ten zong thukim pih in tua Supreme court thu bawlna ah kizom ta uh hi. Tua states 17 te pen Alabama, Arkansas, Florida, Indiana, Kansas, Louisiana, Missouri, Mississippi, Montana, Nebraska, North Dakota, Oklahoma, South Carolina, South Dakota, Tennessee, Utah, leh West Virginia te ahi uh hi. 

US states khempeuh ii alang dek tak phial bangin thu bawlna ah kihel ta uh ahih manin Supreme Court te in hoih tak hong bawl kei aa thu man tak in thu hong khen kei uh leh belh kibuai mahmah ding hi ci uh hi. Pawl khat te bangin buaina lianpi piang thei ding uh hi ci aa, ahi zongin tua ciang dong tun ding belh kilamen lo phot hi. Pu Trump leh Republicans makai teng in zong nakpi takin panpih uh ahih manin tu sung teng thu lianpi hong piang thei dingin kilem en hi. I theihsa tek mah bangin US Supreme Court pen anunung pen thu khensatna leh i lametna ahih manin thu ngetna ah hel tek ni. 

Update to to zel ni.

Refs: Fox news,  Breitbart, Epoch Times

------------------------

Thomas On Sian Mung (Thomas Mung Guite)

Washington D.C

December 09, 2020.

MOMNO Media & Museum @

Like and share my pages

1. https://www.facebook.com/MomnoMediaMuseum/

2. https://www.facebook.com/ThomasMungGuite

 

GAMVAI NASEMTE LEH BIAKNA NASEMTE DINMUN

 

Gamvai Nasemte Le Biakna Nasemte' Dinmun

         Leitung tangthu I ettak ciangin leitung minam tuamtuamte’ suahtakna ding leh nuntak khuasakzia ding vaihawmna khempeuh ah minam gam makaite leh biakna makaite in amau’ mun ciat ah kihualkimin atonkhop uh kulin kinahvawh loh kiphamawh hi. Minam gamvai nasepna ahizongin, biakna nasepna ah ahizongin kikhentheilo-in amun, ahun leh apaizia/asep abawlzia kilamdang bek ahihi.

        Laisiangtho thuciamlui buppi enle hang zongh tanglai Israel mite amakaih dingin anungta Pasian in minam gam makaite (Politicians) leh biakna makaite/siampite ( Religious leaders) amau’mun ciat ah na zangh-in mipi taangpi taangtate makaih dingin na seh tawntung hi. Leitungah minam tuamtuamte in biakna tuamtuam kineitekin, tangtawn pek pan tuni dong leitung khang tangthute I etkik tak teh minam gam makaite leh biakna makai siampite in minam leh gam kimakaihna gam kilamhna ( Nation building) ah kihualkim takin pan nala hamtang uh hi, cih kuamah in nialtheilo ding hi.

       Israel minamte’ tangthu I ettak ciangin zongh minam gam makaite athahat lawhcing nadingin biakna makai siampite in Pasian’kiang panin apai ompihna angah nading uh thupha paihna ( Blessing) na nei tanghtangh uhhi. Minam gam makai asem ding kumpi tokhom aluah ding kumpi khat pen biakna makai siampite in sathau na nilh ngiat uhhi. Leitungah biakna nampi (4) ahi Christianity, Islam, Budhism, Hinduism cih biakna tuamtuamte akilamdang zenzen hangin minam gam makaite leh biakna makai siampite gamkhat makaih ukna leh nuntak khuasakna ah kituambawl thei tuanlo-in sepkhop loh kiphamawh hi.

       Akhangtosa nitumna gamte (Europe) gamte bang ah nasepkhopzia na siam mahmah ta uh hi. Tulaitak leitung ah gam thahat penpen USA gam bang zongh akilamh tuungin Pasian min mah tawh ki-ap kiciamin gam makaite leh biakna makaite in khut kilenin pan nala uhhi. Ahizongin minam gam makaite’dinmun ah biakna makai siampite in ama mun khengvalin akitulmawh loh ding athupit mah bangin minam gam makaite in zongh biakna makai siampite’ tungah thuneihna khengvalin azatkhak hetloh ding thupi mahmah hi. Tua bang ama mun ahilo ah akhengval thuneihna akizatkhialh simin leitung gam tuamtuam leh minam tuamtuam sungah buaina tampi piang ngei ahih manin athupitna akibang apanmun kibanglo thumungpi (2) khensiam kul mahmah veve hi ( Separation of Church and State).

         Myanmar gam suahtakna ding hanciamna ( Independent Movement) ah zong biakna makaite leh minam gam makaite in pan na lakhawmin na mapang khawm mahmah uhhi. Suahtakna ngetna ding Kawl mite ahanciamlai-un Young Men’s Buddhist Association leh General Council of Buddhist Association cih biakna kipawlna siiksanin minam gam nasepna ah kihualin na tonkhawm thei uhhi.

       Zomite zongh tangtawn pek tapidaw/Christian isuah ma tham-in khua le tui thuvaihawm upa pawlte leh biakna makai siampute in kihualin khua le tui vai, innmun logam vai, gal le sai vai ah thu na vaihawm khawm den uh hi. Gamthak khuathak khat akisat ding ciangin hih khua le tui makaite le biakna makai siampute kithuminna lo tawh thu kivaihawm ngeilo hi. Tua hun pek pan akipelh theilo minam gamvai nasepna ah gam makaite leh biakna makaite kihualkhatin amau mun tek ah panmun alenkhawm uh ahihi.

         Akhangto minam picing leh minam thuneih bukim ingah zawh nading panlakna ah leitung minam dang tuamtuamte mah bangin Zomi sung minam gam makaite leh biakna makai siampite in ih mun ciat ah iminam leh gamh ading panlaakthak mahmah ding zongh kisam hi. Minam tuamtuam thupisa-in apiangsak Zomite zong leitung minamte’lak ah minam kician khat in hong bawl anungta Pasian abiate in iminam leh gam izuun iphungvuh ding iliangko tungah Pasian in hakkol hong suan ahih lam zongh imangngilh khak hetloh ding thupi mahmah hi.

        Tuhun tak teh Zomite anungta Pasian abia vive kihizaw ta a, ahizongin biakna pawlpi sandan updan tuamtuam ah ki om tek hi. Tua ahih manin, akibanglo ibiakna pawlpite upna leh sandan thupomte khat le khat ikizahtak sak kithusimsak ding zong minam sung ah kisam mahmah hi. Tua mah bangin Zomi akipsak akibanglo khua le tui, beh le phung, awikaih tuamtuamte zongh kisimmawhsak hetlo-in kiteelsiamna leh kizahtaktuakna ( Mutual Understanding & Mutual Respect) izatsiam mahmah kul hi.

         Minam gamvai makaite athahat lawhcing nading leh lam apialloh nadingun biakna makai siampite in thungetsak thupha pia-in hangsantakin Pasian thu tawh kituak lam alah ngam ding uh zongh kisam hi. USA gam bangin gambup ading gambup minambup thunget ni ( National Prayer Day) aneih zeel mah bangun ei Zomite in zongh igam iminam cidamna leh suahtakna dingin ahunzui minambup thungetna neih det ding zongh kisam hi. Bang hang hiam cih leh minam khat abucingsak alaamto, ukna thuneihna bukim leh suahtakna apia pen Pasian bek mah ahihi.

        Tua ahih manin, iminam maban kalsuanna leh igam lamhna ( Zomi Nation Building) ah minam gam makaite in zong gamthu ah Zomi in ideih bukim thuneihna ( Zomi Self-determination) ingah matan lampi tuamtuam ahitheizah hanciam suakto-in biakna makai siampite in zongh biakna sungah mun thupi zuungthuukpi kha-in taksa lam le khalam ah abukim khantohna ineih semsem nang thasanin Zomi mipi ading hahtak citakin nasep panlaak phat mahmah hun ta hi. Leitung khuahun tuihual luanzia zui-in minam gamvai leh biakna kimakaihna ah zongh nusiat huaite nusia, kipuah huai behlap huaite behlapin, kimakaihzia athakthak ah kipattahto zeelin, ileitung muhna ( world view) mahmah minam dangte tawh liangko ikikim zawh semsem nading kalthak zongh suan hun ta hi.

 

 Muhna Pulaak : Bob Tuangpi ( 007122020)

PAWLPI BUAINA APIANG SAK THU PAWLKHAT

PAWLPI BUAINA APIANG SAK THU PAWLKHAT

Zomite sung ah pawlpi buai pen omden mawk hi. Nam dangte sung panin bel tam theih lua khang. Hih bangin pawlpi a kibuaizelna pen thudang tampi zong omkha mah ding a tuate lak panin pawlkhat a pilvang huaithute a points in gelh suk ding hi hang. Pawlkhatte adingin aman tampi hong om kha thei ding hi. Mailam ah pilvan ding kisam hi cih makaite in aphawk zel ding deihna tawh anuai ah tawm hong gelh ing, Makai ih sepna ah hih thute phawk kawmsa in vai hawm ni.

Pawlpi sung hon g buai sak nuamte:

1.      Pawlpi in Thukhun kician a neihlo in Makai khat peuh in ama hoihsak in thu agelgel man

2.      Pastor in Thu nei nuamlua in aseppihte hunpia nuamlo, muanglo, ama thubek lutsak nuam.

3.      Pastor in Sum tawh kisai ah thu nei nuamlua tua hang

4.      Pawlpi sung ah Sia lakdan akipan sia ding tawh kisai hang, thukhun neihloh hang!

5.      Pawlpi sung ah Makai ding kideidanna hang kipattah nopna omlohna hang

6.      Pawlpi sung ah akhuakhua, abawngbawng, le ami en a deidanna hang

7.      Thuman thu apulakte leh na ahoih ding deih a agente tuambawlna hang

8.      Pawlpi khat sung ah Innkuan, tanau teng in Makai atuamtuam ah bupluahin midangte piaknoplohna hang

9.      Kimuanna omlohna pawlpi sung

10.  Kihazatna leh Sia or Upa dinmun kisuan ding launa hang

Hih thu teng pen atawm in ih gen pakna hia, thulu zui in gencian ni cileng tampi pha ding ahih manin a points tawh gelh ziau ni.

Pawlpi atamzawte pen hihdante hangin kitam, unau putu a kikhen tam hi. Makai khat sia khat in ihih leh pawlpi a khangtohna dingin hih atung athute ngaihsun kawmin ih sepding thupi ding hi. Sia Pawlkhat in apawlpi pen company dan in zang nuam thei hi. Pawlpi ih cih pen Leitung vai hilo in Pasian vai ahih man in kipumkhat in, kipattah in, vantung dan pen hih leitung ah ih ciapna ding mun hi.

#Pawlpi a it taktak leh khantoh ding adeih taktakte in Mi khatlehkhat mun kipia in, kipantah in kimuang ngam ding a, mite ading deihsakna tawh nasem a guptuam paihtuam neilo in mikhempeuh a kibang in mu in munpia, pantah ahih manin tua Pawlpi ah misuakta in khathu taksa thu lam ah khangto mahmah hi.

#Pawlpi itlo in thuneihna anei nuamte in midangte thuneih ding lau, ukna bek deih in ama deih bangin kikalsuan den ding, a lupen hiden ding, ama vaihawm bangin kikalsuan den ding deih hi. Mi dangte member ding bek in deih in ama khutnuai bek a tuate om ding in deih hi. Makaite or Siate in amipihte muanglo in panmun leh tavua pia nuamlo hi.

Pawlpi sung akhattohna dingin amun leh mual zui in thuneihna, Sia leh Pan mun tuamtuamte ah ami zui akhua or beh or bawng zui in kiseh theih ding zong kisam hi. Ei ate bekbek in semden cih zong mimuhna ah hoihlo a, akipau loh hangin mite in nuamsalo, nasa mahmah veve hi. Pawlpi khantoh ding ih deih leh Panmun akipan nakhat peuhpeuh ah ahithei ding aom nak leh kisehhawm kiguang dimdiam thei le hang Pawlpi pen cidam in kiitna khangin itna nei pawlpi cihna hi. Ei ate bek in ih uksak ih makaihsak det leh asawtlo in tua pawlpi pen hong kitam lel mawk ding hi.

Myanmar Zomite pen Pawlpi makai vai leh sia vai ah ih buaidet uh pen dahhuai sa ing! 

 

Note: Sia khat in Sia ih sepnak leh Panmun dangte ah ih sanggam ih tanaute atam luat ciangin mite zakdahna pia hamtang ahih manin khinkhai siam huam mahmah hi.

Lungdam

Siam