JESU UM CIANG TAWH KICING DING HIAM?

Jesu um ciang tawh kicing hiam?

Jesu gumpa honpa in ih sang khitteh ih nuntakzia pen hoih lam amah nawh toto ding hi a, alui nuntaknate a nusia semsem ding ahi hi!

Jesu Thu pen za in up ding hi a tua upna tawh nuntakna Jesu deih bangin nuntak ding ahi hi! “Kei ka siangtho bangin note zong na siangtho un” “Mite in na gamtat hoih uh a muh ciangin Pasian aphat theihna ding na gamtat hoih uh khuavak bangin na kilang,tangsak un” Jesu mahmah in na ci hi.

Jesu nung azui ding khatin i nungzuih ding pa deihna leh utna tawh i zuih kei leh hong kiletkha sangzolo ding hi! Mi na khat Company nakhat na sep ding ciang sikan discipline na zuihkul hi zui kei leng kisem theilo hi. “Topa, Topa hong cina pi in ka gente zui nuamlo” Lk 6:46

Tua mah bangin Jesu ih neih ciang gunpa honpa Topa in ih um ih neihciang Na To, na Boss pa thu naman akul hi!  Jesu pen Na Topa TO ahihtakpi leh nuntakna in adeihbang ih zuih kul hi! Mt25:21

Tulam ciangin leitung vaite ah kipuk theilua ahih manin TO a ih neih Jesu deihdan sang ei deihdan kisem kizui zaw mawk thei hi! Jesu umpna pen Vangam lutna ding Just ticket in kizang ta mawk hi! Ticket bek a zang a ih uppa in kong thei ngei kei hi hong cih ding ka lau mahmah hi. Mt 7:21-23

Jesu um taktakte pen Jesu mahmah in agah in kithei hong um bek un cilo sese in tua zong a ngaihsut huai hi! Mt7:15-20.

Jesu na upna pen Mite in Jesu a upna, muhna, nuntakpihna, ashuah peh na uppa aman hi ding hi! 

Mihing pen ahoih khatzong kiomlo a ahizongin tua hoihlo pimah tawh Jesu nung ihzuihna ah ahoih theipen leh agahhoih pen ding mah Jesu tektek in gen tangtang ahih manin na uppa aman leh na nuntakna, gamtat, ngaihsut, kampaute in Peter Kampau tawh Jesu nungzui ahih lam a kitheih bangin ih nuntakziate = kampau, gamtat, ngaihsutna tuamtuamte hangin mite in Jesu muding uh hi!

-Thu neipen alianpen sangin a kiniamkhiat pen hih sawm in.

-Mikhat anasak pen sang a huhpen hih sawm in!

-Mi khat ahehsakpen sangin a lungdam sak pen hih sawm in!

#Mite in Jesu hangin a nuntakna a kepzawh leh en bang hangin kemzolo ding ih hiam? Kidong in!

Na nuntakna mite a ding a mannei asuah ding hanciam mahmah sa in nungta in! Jesu theih khak mi hihsawm ciat ni!

Lungsim tawng khat pan

Siam!

 

NINKANG NEITE ADING APHATTUAM KHAK LEH NASIM IN

 Nin kang( Leucorrhoea)

••••••••••••••••••••••••

               Numei te pawl khat in nin kang( White discharge)ki  nei thei a, nat na gil hi pah sam lo a lung neu ding zong hi pah lo hi. Nin kang pen nam nih in ki khen hi.

              (1) Nungak dek tung lai, I sung a hormones te ki kheng a ki kim loh man in nin kang ki nei thei hi.Naupaai lai tak bang ki nei nuam se hi. 

             (2) Numei lam dam pha lo te in nei thei a,tua te pen namsia hi.

              Hi bang te zatui za ha ki sam lo a inn a I ki et dan ding tawm en khawm ni ei guai te......

    =>Kawlsing teh

          ••••••••••••••••••

           #Kawlsing teh lim ci deuh a tui huan inla,ni khat nih vei dawn in.

    =>Mehnal gah

         •••••••••••••••

          #A sial / a huan a nek theih

          #Mehnal diah a a tui zong dawn theih, Dengchiin tawh zong diah khawm in dawn thei teh.

    =>Buh huanna tui( Rice starch)

 ••••••••••••••••••••••••

           #Buh I huan lai tak a,a tui pen dawn ding. 

    =>Tulsi/ Basil (ပင်စိမ်း အရွက်) 

 ••••••••••••••••••••••••

           ~Tulsi teh pen gawi inla khuaizu tawh pawi in ne in.

           ~A sial a zong nek theih.

           ~Bawngnawi tawh dawn theih.

     =>Siing( Ginger)

           •••••••••••••••••

            €A tui huan ding dawn ding.

            €A sial a zong nek theih.

     =>Neem (တမာ ပင်)

       •••••••••••••••••••••

            %A teh huan in la, a khing teh na zunthak na sawp in.

            %Neem oil zong na zunthak na nuh le teh pha thei hi.

            %A juice in bawl inla ni khat 20ml ta zing leh nitak dawn in.

          

     =>Suaklu( Gooseberry)

••••••••••••••••••••••••

            #Suaklu a pum in zong ne thei teh.

            #Suaklu gawizan dikdek (paste)in la na zunthak na  ni khat nih vei ta nuh in.

            #Suak lu at paan inla Ni sa ah pho keu in. Gawi vui inla sikkeu neu 1 glass khat ah hel in ni khat khat vei ta dawn in.

   

      =>Lothaang kang 

         ••••••••••••••••••••

            #Lothaang kang pen tawm gawi inla tui tawh diah in. 

            #Tua tawh na zunthak na sawp in.

      

        =>Aloe vera 

              ••••••••••••••

             #A juice bawl inla ni khat  nih vei dawn in.

             #A hawng meet in la na zunthak na a nop loh na teng nuh in.

             #Tua lo a hawng meet inla tui tawh diah in na zunthak na sawp in. 

       =>Nanaan

             ••••••••••

             #A teh in zong nek theih.

             #Nanaan tang tui min sa ah diah in la a tui dawn in.

       =>Aungh  

             •••••••••••••••

             #Aungh hing tui ni sim in dawn in.

             #Aungh thau zong na zunthak na nuh thei teh.

             #Aungh thau leh neem thau gawm inla na zunthak na nuh in.

        =>Fenugreek (ပဲနံ့သာ) 

••••••••••••••••••••••••

            #Fenugreek tang sikkeu neu khat tui minsa tawh zan thapai daih inla a tui dawn in zing sang bang mah na nek ma in.

            #A tui huan a zong dawn thei teh.

            #A teh hing zong nek theih hi.

            #Fenugreek vui zong tui tawh phiaw a dawn theih hi.

     

        =>Walnut

              ••••••••••

             Walnut teh lo in la,minute 15-20  sung huan in. A tui tawh na zunthak na sawp siang in. 

             #Walnut tang zan khua vak  tui ah diah inla, zingsang teh bang mah na nek ma in ne in.

#A dang ki kep dan ding

••••••••••••••••••••••••

            #Tui lum leh dettol tawm hel inla, zing leh nitak na zunthak na sawp siang den hi.

            #Na pheituam sung ten ni sa ah pho keu den in. Ni khat 1 vei tei" kheng inla Kha thum val zangh ken.

            #Pheituam sung teng pen cotton zangh zaw hamtang in.

            #Zan na lup teh pheituam sung teng leh puan sung silh zangh kei zaw in.

    

 **Khat leh nih hong dong ta ding a, hong let sawn hi'ng ei lawm te..

        

 **Lawm te khat peuh in na nei khinkhian a, mi kiang gen ngam lo a ,a sim thuak khinkhian ta ding in na deih sak leh na share sawn ve maw! 

   

=>Deihsakna tawh Nianiang Buansing 

USA KITELNA UPDATE NOV 24,2020

 Breaking news & US Kitelpi Latest News Update: November 24, 2020

-------------------------------------------------

1. US Stock market, Dow Jones in average point 30,000 kan tan to in US taangthu sungah Stock market asang pen din mun tung ta hi ci in Pu Trump in alungdamna thu tuni White House pan taangko khia hi. Pu Trump hong sep sung US ii economic pen ahoih pen leh stock market zong asang pen din mun tung cih pen kua ma nial theih loh thu ahi hi. Covid-19 pandemic aom hangin US economic hi ciang i tun theih pen mipi te ii hanciam na zong hi ci in Pu Trump in gen beh hi.

2. US thu khun leh protocols tawh kizui in Pu Trump in Kumpi kilaih theihna (presidential transition) hoih tak apai theih nangin tua lam ah alen kumpi Agency khat ahi General Services Administration (GSA) te nasep kipat theih nang thupia hi. GSA ii Administrator Pi Emily Murphy leh apawl ten nasep kician tak in hong semkhia uh aa, ahi zong in GSA in kua kumpi suak ding cih khensat thei lo hi ci in Pu Trump in ama facebook tung pan genkhia hi. US thu khunpi tawh kituak in GSA in asem hi aa, ahi zongin election fraud vai tawh kisai court thu te zong kizom to to lai ding hi ci in Pu Trump in gen hi. Abeisa ah zong Senate Majority Leader Pu Mitch McConnell leh White House Press Secretary Pi Kayleigh McEnany ten zong  Kumpi kitel na pen apai dan in hong pai to to lel dingaa, court aa thu te zong hong siangto to dingin kilamen in January 20 ni ciang Kumpi kiciamna zong kinei thei lel dingin ummawh ing ci in news conference ah genkhia khin uh ahi hi. US gam pen Democracy gam ahih mah bangin court ah legal challenge tuamtuam zong hong vaihawm siang to to dinguh aa, Kumpi kilaih ding cih te zong amau gel dan leh US thukhun dan in hong pai to to lel ding ahi manin mipi lam pan bang mah lung himawhna om lo ding ahi hi.

3. General Services Adminstration (GSA) ii Administrator Pi Emily Murphy pen Pu Biden a zawhna thu taangko khia lo leh transition ding sem lo ci in D lam te in phone, email leh message pan sual lup ding ciang na leng to bawl uh ahih manin ka nuntakna zong lahuai din mun tung hi ci in Pi Emily in genkhia hi. Adiak diak in battleground states teng aa thu te siang nai lo ahih manin bangmah vaihawm nailoh ding ka khensat hi aa, tungsiah pan thu piakna leh pressure piakna bangmah omlo hi ci in Pi Emily in genbeh hi. Kumpi khat leh khat akilaih theih nang GSA in tavuan ala hi aa, tua dingin Federal kumpi in $ 7.8 million budget zat theih ding geel sak khin ta uh hi.

4. State khempeuh ii state election board te in amau deadline ni tungtawn in election final result certification hong bawl ding uh aa, Governor te in December 14 ni anu nung pen in election final result certification letmat hong thu zawh ciang I Kumpi ding hong kitel siang pan ding ahi hi. Tu ciang ciang battleground ahi Georgia state leh Pennsylvania state te ii state election board te in certification bawl zo ta uh aa, Governor te ii letmat thu ding bek cian lai hi. Ahi zongin Georgia state ah Audit bawlin sim kik ding thu om lai ahi hi. Adang bang state teng in kipsakna – certification hong bawl toh toh ding uh ngak toh toh lai ding ahi hi.

5. Kumpi kilaihna - Presidential transition bawl theih nading Pu Trump in GSA agency te thu apiak zawh ciang Pu Biden in zong ama Kumpi Cabinet sungah akihel ding mi te taangko khiatna nei aa, tua lak ah secretary of state - Pu Anthony Blinken , Pi Janet Yellen – treasury secretary, Alejandro Mayorkas – secretary of homeland security, Pi Linda Thomas-Greenfield – US ambassador to the United Nations, Pu John Kerry – special presidential envoy for climate, Avril Haines – director of national intelligence, Jake Sullivan – national security adviser cih te kihel uh hi. Atam zaw pen Obama hun lai aa asem sa mi lui teng hi aa, tua lak ah Hispanic khat zong kihel in ei Asian lam te belh khat zong kihel nai lo hi. Tulai tak Pu Trumpi ii cabinet sungah Secretary of Transportation asem Pi Elaine Chao pen ei Asian lam te ahi hi. Kua teng hong behlap to to lai ding hiam cih et toh toh phot ding ahi hi.

6. Tuni in First Lady Melania Trump makai in kum sim aa aneih uh White House ah Christmas singkung (tree) golpi suan/phuh na nei aa, tua Christmas singkung pen West Virginia pan a puak toh ahi hi. Pu Trump hong kah zawh aa kipan White House ah Christmas cih te thupi takin hong bawl uh aa, Zeisu suah ni “Merry Christmas” ci in hong bawl tang tang ahih manin thu ummi te ki angtang mahmah ahi hi. Tua bek thamlo in tuni in Pu Trump leh Pi Melania Trump ten “the presentation of the National Thanksgiving Turkey” ci in White House ah thupi tak in bawl uh hi. Abeisa Pu Obama hun lai in Christmas pen “Happy holiday” leh Santa pawi ci in hong laih, hong thang sak mahmah aa, ama sep kum 8 sung Christmas thu te zong tam akigen khol nawnlo ahi hi. Pu Biden hong kah zen zen leh Christmas te bangcih hong bawl sak diam cih theih nop huai mahmah hi.

7. US Health and Human Service Secretary Secretary Azar in Coronavirus vaccine pen US Federal Kumpi Agency khat ahi Food and Drug Administration (FDA) in hong tung ding nipi sung hawmkhiat theih nang phalna approval hong pia thei ta dingaa, Vaccine pen mipi tung asawt loin kihawmkhia thei ta ding hi ci in  White House pan taangko khia hi. I ngak lah mah mah Covid-19 vaccine zong hong kihawmkhia thei taktak ta ding ahih manin hong vaihawm khia Pu Trump leh apawl te tung Pasian in thupha pia ta hen.

8. Tulai tak Wisconsin state ah Meetang te a sim kik (recount) lai tak uh hi aa, tua lak ah Georgia state dan mah in meetang manlo illegal vote te tampi kihel ahih manin hepkhiat dingin Pu Trump Lawyer ten ngetna nei uh hi. Abeisa ah I gensa mah bangin Presidential election process ah Kumpi a zo cih akip theih nangin State khat ciat ii kipsakna – certification athupi pen ahih manin hih Wisconsin zong hong thupi mahmah ding ahi hi. Presidential election process tawh kizui in Presidential transition cih te zong ahun ahun in thukhun om bangin hong kibawl to to ding uh aa, court te aa thu te zong hong siang to to dingin mipi ten belh lungduai tak aa I ngak ding ahi hi.

9. US Kumpi kitelpi sung Facebook leh Twitter te zong alang lam lek lua bek thamlo in sum million tampi huhna pia in alang lam te gualzawh nang huh uh hi ci in mipi lam pan agenkhiat na tawh kizui in Senate ah abeisa hun in Facabook makaipi pa Pu Mark Zuckerberg leh Twitter nei pa Jack Dorsey te kisam in thu dotna tampi kinei hi. Facebook leh Twitter ten Pu Trump ii account zong et cik na, block na cih te nei pah pah uh ahi hi.

10. Senate ah majority suah theih nang Georgia state senators kitel na in khensatna pia ding ahih manin Party nih te hanciam mahmah uh hi. Georgia ah abeisa senators kitelna a zo kiomlo ahih manin January 5 ni in kitelna nei kik dinguh ahi hi. D lam te in sum tampi zang in Senate ah azawh nang uh han ciam uh aa, tua lak ah billionaire George Soros te pawl zongin sum tampi huh uh hi ci uh hi. Georiga state secretary in abeisa hun in Kumpi kitelna dan in Meetang pia ding adang state te pan hong pai sim kei un ci in warning pia ngei khin ahi hi. Hih Georgia senate election zong hong thupi mahmah ding ahih manin et toh toh lai ding ahi hi.

11. POLL: US Poll lam minthang khat ahi Politico ii taangkoh khiatna ah Pu Trump vote apia 80% val in kitelpi ah meetang gukna  om in a result pen ka sang zo kei ding ci uh aa,  Pu Trump apia 83% in media te pen I gal te hi ci in ciamteh uh hi ci uh hi. Pu Biden vote apia D lam 90% kim in election result sang uh aa, 59% in electoral votes tawh khensat na bei sak ding leh popular vote tawh khensat ding hoih sa uh hi. R lam atam zaw in 2024 ciang Pu Trump mah dem kik ding hoih sa uh aa, adang Senator Ted Cruz leh Pi Nikki Haley te zong hoih sa tek uh ci uh hi.

Abeisa hun te ah ka gen zel mah bangin na khempeuh Pasian khut sungah om ahih manin thu ngetna ah phawk tek in hih Kumpi kitelna amanlang takaa aman siang nang, buai na bangmah aom loh nang thu ngentna ah phawk tek ni. Pasian in phalna aom te Kumpi hong suak ding uh hi lel aa, kua kua in a zo zongin akua ma peuh in i san theih ciat ding leh mai kum 4 ciang i deih Kumpi i piak toh toh kik ding hi lel hi. 

Kumpi Kitelna zong hong man siang nailo ahih manin Update bawl to to zel ni.

Refs: White house page, Fox news, The Guardian, CNBC, PBS, Breitbart, Epoch Times,  

---------------------------------------------------

Thomas On Sian Mung (Thomas Mung Guite)

Washington D.C

November 24, 2020.

MOMNO Media & Museum @

Like and share my pages

1. https://www.facebook.com/MomnoMediaMuseum/

2. https://www.facebook.com/ThomasMungGuite

NA LAWMPA LEH NATEKTE THU MANG PHOTPHOT IN NANG HUN NGAKZO IN

 #Numei in A pasal deihna zui-in a khutnuai ah kigolh peuh leh Pasal hai lua lawm2 ahih kei leh asungte phawksak dingin lamen ing na lawmpa thu neihna nuai ah omphotphot in na tekte thuneihna nuai ah om phawtphawt in nang thu neih dinghun ngakzoin la kitomkhia pahpah kei in! #Ruth dan in ansang kaikhawm na hih laitak in thuakzo inla, Ansal neinu, zeknu nahih hun, nang thu a pai hun ngakzo in!

#Ruth in A teknu thu mangin mi lupna kawm khawng ah zangkhum ding bangin akisawlna a man bangin na tekte thu mang le cin lawhcinna leh Na thuneih hun hong tung ding hi ci-in hong gen ing! Ei thu ih neihnop lua pah leh hong kihemkhia ding hi!

#Sawl kumpipa zong Pasian in tel in kumpi asuahteh a ma utbangin Gamta Pasian deihbangin gamtalo ahih manin Pasian in nawlkhin hi! Tekte a omlai teng a thu uh mang lel leng eitek hun hong tung ding hi!

BIDEN IN KUMPI NGAH LEH IH LUNGDAM ZO DIAM?

 I Lung adam zo diam?

----------------------------

I Pu Biden hong kah leh US gam sungaa Tapidaw (Christian) Sang teng ii ciaptehna, kipsakna - Accreditation cih te Kumpipa ii thu neihna (executive order) tawh lak khiat dingin gay kipawlna khat ahi HRC in ngetna nei ta uh ahi hi. Tua te lak ah Tapidaw sangte ah Lai Siangtho sin sakna, Pasian thu sin sakna te lak khiat ding cih te zong kihel ahih manin dah huai mahmah hi.

Tua te lak ah US gam ah Biakna lam kipawlna agol pen khat ahi Southern Baptist Convention ii huam sung teng pen Tapidaw Sangte kihel ding ahih manin Southern Baptist makaipi ten belh tua dan hong vaihawm mawk uh leh "Atomic Bomb" tang Christian Sangte tung nong khiat uh tawh kibang ding ahih manin kibuai mahmah ding ahi ci in genkhia khol uh hi.

US gam ah Pasian thu leh Lai Siangtho asin sak pen Biakna Sang (Christian School) te bek om ta aa, Kumpi sang akici peuh mah in Pasian thu tawh kisai sin sak nawnlo uh ahi hi. Pu Trump hong kah ciang Sangte pawlkhat ah Thu ngetna cih te hong vaihawm kik ahih manin akilungdam mahmah ahi hi. Pu Biden in belh Muk-mul-sau te ii a laibupi uh Sangte ah sin sak ding alunggulhna thu a campaign sung in pulak ngei ahih manin thu um pi te ki patau mahmah ngei hi.

Hi dan te hong vaihawm mawk uh leh I Lung adam zo daim? Thu ummi te aading belh ngaih sut huai thu khat ahi hi....

Credit :Thomas Mung Guite

USA om hih lai asimtheite ih lung a kimzo diam?

NA UPNA HANGIN NA SINGAM DIAM?

 #Pasian um khat amah leh amah a kithat diam?

#Kei muhna kithatlo ding hi! A kithat leh Pasian athei hi a, a nei hilo hi! Khanin in hong luah a akithat ahih leh a ma sung ah khanin in a lau ding omlo cihna hi!

#Jesu na upna hangin temtawhthau tawh hong kingimin hong kithat ding hileh na singam diam? Zuau khem a hing ding maw thutak Jesu upna hang a si zaw ding?

#Pawlkhatte in khemding in ih pumpi suakta in ih lungsim pan ci kei peuh leng Pasian thu gen veve ding ci hi! Tuadan hi leh Nungzui tampite na suakta ding a na kithatlo ding hi! (I have decided to follow Jesus) cih la hong pianna ngaihsun leng Jesu hangin innkuan in kikaplum hi.

#Daniel leh a lawmte milim mai ah khat vei lukun ziau leh meikhuk ah kikhullo ding hiven kunsuk ziau hile uh bang acitam? tuadan ngaihsutna Pasian in deihlo cihna hi!

#Joseph e leh nial kei leh bangciang atungtam kuaman mulah hilo, Eygpt ah zalian in a kikoihtam ngaihsut huai!

#Paul, Peter etc te e a kam uh tawh na kiphelh leh kithatlo ding cileng Pasian a lungkim tam? Paul sihding laulo ut mahmah hi.

#Christiante aw Jesu or Pasian vai ah Naleemuh cih Laisiangtho sung ah a om ngei mah hiam? Ut dandan a om dingin Vangam tung ding kua utlo om ding hiam? Tuadan hithei leh Laisiangtho sung a thu kigen2te bang ding ahidiam? Gupna ih cih pen ei utdan hilo a Pasian deihdan hizaw hi! Laisiangtho ah Naleemuh theihsiamna cihbang omlo hi!(Ka sapmi tam ka tel mi tawm)

#Ih Nuntakna ah a ma ading siangtho, Hangsan, Singam, haksatna  thuakngam Nungzuipite Laisiangtho sung ate ih bat sawm kei mawk leh kingaihsut huai hi! Mt7:15-23 nasim vevua Please!

#Ih Pasian zuihna Ih Pasian Nasepna nopsakna ding, hamphatna ding tawh ih ngaihsut laisiah Laisiangtho deihna bangin kinungta lo ding a Pasian in Sawl tel a Adeih bangin a nuntak, Gamtat lohteh nawlh, tawpsak lel hi!

Ih upna pen nuntakna tawh zuih a kul hi a ih zuih kei leh bangci ngah ding! 

Eg: sai khat ah van or Sum kihawm dingin na lawmte in vala in hong ci ding na up leh na pai a nalak kul a nalak kei leh ih up hang tua a kihawm bangcih ngah ding na hiam? 

Lungdam 

MOLETEK KIKAL A NOPNA DING

Zi/pasal na neih sawm leh lungduai kisin masa in Na suang lungtang kizang thei nawnlo ding hi! 

#Tekin a Mo asungpiang ta bangin it henla, a mo in atekte pianna nu/pa taktak mahin ngaihsun theih pahin nungta pah leh kiitna om in Naomi-te Mota mah bang ding hi!

#Kiniamkhiat kituhna innsung a nuam hi! 

#Mo in hihteng pen ka Inn hita kakhanggui kizopna ding mun cih phawk leh kiniamkhiatna leh itna neizo ding a, Tekin kei hongkem hongkhawi ding kei tanu sang ka sihdong hong kemkhawi kakiang a om ding cih phawk leh itzo maisakzo ding hi!

#Mo in teknu in hong ittheihna dingin ci-in it masa, kiniamkhiat in Ruth bangin nungta in om henla nute a sihma a mauthu ka mankul ding hi thupha kasannop leh cih Ephesa 6:1-2 phawk den leh kiniamkhiatna leh itna neizo ding a, Ruth bangin Ansang khawmpan Ansal zeknu suak ding hi!

#Teknu-in zong a mo nu-in a itna dingin atapa mah bangin it henla pantah or makaih leh Ruth in a teknu a it mahmah na pen Ateknu in itna aneih na hang hi a, A monu it leh amah zong Naomi bangin A monu itna leh vaksa in om ding hi!

 

KAMMAL HOIH PAWL KHAT 2020 By: Sia Paukhai

KAMMAL HOIH PAWLKHAT 

By: Rev. Pau Khan Khai

1. Siavuante’n  a bawlna mun bek damsak thei a, Jesu in a natna mun khempeuh dam siangsak thei hi.

2. Taksa cidamna dingin kha leh lungsim a dam masak kul hi. Topan damna bukim nei hi.

3. Lungdamna Gospel thu buaipih mahmah leng, Gospel anei Jesu in ei hong buaipih zo mahmah ding hi.

4. Na mailam ading lampi abin mahmah leh Jesu tawh ton lecin lampi thak hong kihong ding hi. Jesu in lampi hi.

5. Pasian thusung ah Kha mi taktak ih cihte pen a lungkhamna, a hamsatnate zangtak in a puazote ahi hi.

6. Khuahun siatna tung ah kingakei-in la, khuahun khempeuh a uk Pasian tung ah kinga zaw in. Khuahun hoih a thak na mu ding hi.

7. Tuhun pen kigensiat hun hilo, kigalko hun hilo, kimawhsak leh kihawmthawh hun hilo,  i omna tek pan nuntakna hotkhiat hun ahi hi.

8. Midangte tawh kigamla theithei in i om sungin, Pasian tawh a kinai theithei in i om hun suaksak leng Pasian vangliatna na mu ding hi.

9. Pasian in hong deihsakloh hangin hong phal nasep om a,  ahizongin hong deihsak semleng kilawhcing zaw hi.

10. Pasian in a aw zakding hong deih a, Pasian a itlote aw zak ding deihlo hi.

11. Jesu na it mahmah leh Jesu in nang hong it mahmah ding mi hong koihsak ding hi.

12. Kumpi pa pahtawi leng i pahtawi lam hong theikhalo ding a, Jesu pahtawi leng mimal in hong thei sitset ding cihpen thangah huai lua hi.

13. Topa adingin paulap na zon kei nak leh nang kisap hun ciangin Topa hong manlang pah ding  ahi hi.

14. Mi khatin hong gensiat leh midangte theih dingin hong tangko sak suak ahihmanin na thupitna hong kilang semsem ding hi.

15. Pasian maipha i zon laitakin i cimtak pahpah hangin, a maipha gah i ngah ciangin kihawmthawh theizel hi.

16. Leitung thu tamtheih lecin na lunggim ding a, Jesu thu tamtheih lecin na lungdam ding hi.

17. Jesu ei adingin hoihden ahihmanin, ei zong Jesu adingin ahoih dingin kiging ciat ni.

18. Pasian sapna tawh Pasian nasemte adingin leitung vangik tuamtuamte puaklah ding hilo hi, Hong sampa’n hong puakpih ding hi.

19. Na lungkhamna pen Topa hong itna sangin neuzaw den cih phawk in, tuni lungkhamna pen zingciang lungdamna suakthei cih phawk in.

20. Leitung asiat mahmah laitakin, ei Topa tawh i kizopna ahoih mahmah laitak ahihding thupi hi.

21. Limtak in Topa na it leh, Limtakin hong kem ding hi.

22. Topa adingin na kipiakkhiatna tam mahmah phot leh agah na at the hong kicing mahmah ding hi.

23. Zomi cih pen a neituam omlo hi, ahizongin a itdeuh, apuah nuam deuh, akhangto sak leh a kipsak nuam deih om thei ding hi.

24. Kipahtawina in hong thahat sak a, kigensiatna in hong kipsak hi.

25. Minuamsa ih cihte pen khuahunte ngaihsunsun hilo in, Topa thu a ngaihsunsunte ahi hi.

26. Khuahun tung a kingate buai mahmah ding a, Jesu tungah a kingate  lungdam semsem lel ding hi.

27. Na lianpi leh na hoih khat nasep laitak in lungkiatna ding hong om leh Topa khut ah ap in, gualzawhna kahlei thak na mupah ding hi.

28. Ruth pen khuahun tung ah kingalo ahihmanin  An sang kaikhawm dinmun panin Ansal zek dinmun ah Topa’n koih hi.

Credit: Siapa Facebook tung pan

lungdam

 

KHANGNOTE LE NUPA PAWL KHAT THEIH DING KILAWM

KHANGNOTE LE NUPA PAWL KHAT THEIH DING KILAWM

#Zi or Pasal na neihkhit ciang kikhen ding ngaihsun kha kei in! Laisiangtho in kikhenna aphal pen Nulepa mawhna hang bek in kikhen thei cibek hi! 

#Tua ahihteh zi/pasal na neihma hoihtak thungenin ngaihsun masa in taksa lawpna peuh tawh zi/pasal or Sumlepai hang peuh tawh zi/pasal nei kha kei in! A hun cinma in ngaihsun sa in thu ngenin neihsawm in lamkal khawng ah vankia topin top sawm kei in!

#Nupa asilo a kikhente numei or pasal atenpihte Sex adultery Numei/pasal tawh mawh kici hi! Zi/pasal asi khinte bek zi/pasal nei kikthei bek hi! 

#Kikhentheihna a omlai khat pen Pasal or numei Pasian thu-um ahih kei leh Tuapen kikhenthei ci hi Paul in! Laisiangtho phalteng thei in Laisiangtho phalloh teng theih ding hoih hi!

#Human Right zangzaw ding maw #God Right/Bible right! Laisiangtho sung thu luanzia pen leitung tawh kibanglo ahih manin, Pasian umte in ngaihsut huai mahmah thu hi!

#NaUp Jesu pen Laisiangtho sung a ahihleh nuntakna kikhel loh phamawh a zong hidan thute nakpitak mah a na ngaihsut kul hi. Na up jesu pen Laisiangtho pua lam a  ahih leh Leitung thulam na thupisak zaw ding a #God Right second in na koih zawkha thei ding hi! 

#Akikhelma in kipuahpha in in na khangno lai in kipuahpha, ngaihsunpha, ngaihsun kikkik in, siatna leh Laisiangtho pualam thute pan kileh kik in lamman tawn in!

#Khangno lai in sex lam video, lim, man hoihlo cihte kidawm in, na thuzakte zong kidawm in, na lai simte zong bang lam hiam kidawm in, tuate in na nuntakzia, ngaihsutna hong siasak ding hi. Ih muh, zak, sim leh ukte in ih nuntakna hong khel, laih, zo influenced hi. Lungsim hoih, gamtat hoih na ut leh nazak leh na muhnate Kidawm in ciamteh in!

#Tuni Khangnote ading leh nupipapi pawlkhatte a ding ngaihsut huai hanthawtna cini, ahun omlai kipuah ding, kikhel ding na neih leh kikhel in, adangte adingin thuhoih lam, lampi man tawhtna hong hih semsemna hi ta hen!

Lungdam 

Siam Khaute! 

 

USA KITELNA A NUNUNGPEN LATEST NEWS

 US Kitelpi Latest News Update: November 17, 2020

------------------------

Tu nipi sung US election update anuai aa teng ahi hi.

1. Senate Majority Leader Mitch McConnell in Kumpi kitel na pen apai dan in hong pai to to lel dingaa, court aa thu te zong hong siangto to ding ahih man in January 20 ni ciang Kumpi kiciamna zong kinei thei lel dingin ummawh ing ci in tuni news conference ah genkhia hi. US Federal kumpi tawh nasem khawm Moderna company te ii Covid-19 vaccine gualzawhna leh 94.5% muibun (effective) na hangin alungdam na thu uh zong genkhia uh hi. Republicans Makai atam zaw in election official result kitaangko khia nailo pi news media ten Pu Biden pen President-elect ci aa aminthan sak uh pen apai dan maanlo hi ci uh aa, makai lam ten tu dong ciang ciamteh nailo uh in court aa thu teng  a sian mateng bangmah kigen thei nailo ding hi ci uh hi.

2. Republican makai minthang khat ahi Sen. Lindsey Graham (R-S.C.) in court cases teng sian leh lakkhiat (dismissed) ma siah leh states ten kipsak na - certification bawl ma peuh mah in Pu Biden pen President-elect kici thei lo hi ci in tuni genkhia pha pha hi. -** Atom in gen leng President-elect cih theih nangin 1) court cases teng a sian kul hi 2) states khempeuh in final result kipsakna - certification abawl kul hamtang hi. Tua hi aa, i Pu  Biden pen Media te taangko khiat dan in "President-elect" cih nang quality nai lo cihna hi. President-elect ci in i taangkok khiat loh ding leh i sap nai loh ding hi ci in Pu Linsey in gen pha hi.

3. Georgia state ah khut tawh Meetang sim kikna a neih zawh uh ni 2 sung sawt ta aa, state ii certification deadline November 20 ni ma in sim siang zawh ding ki hanciam ding uh hi ci in thu nei lam ten genkhia uh in, counties 159 te ah asim lai tak uh ahi hi. Rep. Doug Collins (R-Ga.)  in belh Mee manlo (illegal vote) teng khempeuh lakkhiat kul dingaa, meetang maan (legal vote) khempeuh sim kik kul ding hi ci hi.  Hih meetang sim kikna bang ciang hong tun ding uh hiam mipi in kithei nuam mahmah hi.

4. Zani in Georgia state, Floyd county ah meetang akisim nailo tang 2600 kimukhia aa, atamzaw pen Pu Trump ii meetang hi ci uh hi. Tulai tak Georgia state ah meetang kilamdang na 14000 bek om aa, hih akisim nailo meetang in bangzah hong kilamdang sak ding hiam cih belh kithei cian nailo hi.

5. **Update - Daily Wire news te report na ah tuni in Georgia state, Fayette county ah Meetang akisim nailo 2755 mu khia kik leu leu uh aa tua lak pan Pu Trump -1577, Pu Biden - 1128 ta kibelap in kilamdan na zong 12928 ah kiam suk ta hi ci uh hi.

6. Republicans ten Pennsylvania (PA) ah November 3 ni zawh ciang hong tung meetang teng sim loh ding Supreme court ah thu abawl uh pen Supreme court ten sang phot uh aa, khensatna nei nai lo uh ahi hi. Abeisa hun in New York Mayor lui Republican makai khat ahi Pu Rudy Giuliani in Pennsylvania state sungaa om Philadelphia and Pittsburgh te ah unlawful ballots akici thu maan lo aa apiak uh Meetang 650,000 om ci in in Fox Business tawh akiholimna ah taangko khia hi. Tulai tak PA ah Pu Trump leh Pu Biden te meetang 68000 kikhai lai aa, final result pen court te ii khensatna tung akinga hi ta hi.

7. Trump campaign in Philadelphia county sungah meetang manlo 8,329 lak khiat dingin court ah thu bawl uh aa, Philadelphia court in sang lo ahih manin Philadelphia Board of Elections in Pennsylvania Supreme Court te tung khensatna bawl ding puak to phot uh hi. Trump campaign ten Pennsylvania state in Mee kipsakna – certification bawl nailoh nangin court ah ngetna nei uh hi. 

8. Michigan state ah Mee pia (voters) pawl khat te in meetang maanlo te sit kik theih nading in state in certification process – kipsakna neih nai lo ding court ah thu bawl uh aa, court te in khensat nailo uh hi. US thu khunpi tawh kizui in state khat ciat in amau state teng ah kipsakna – certification bawl hamtang uh kul aa, tua certification bawl masaih pen election result kip sakna, President-elect ding kipsakna kinei thei nailo ding ahi hi. 

9. Georgia Secretary of State Pu Brad Raffensperger in hong tung ding Georgia senate mun 2 kidem kik na ah vote khia dingin state dang peuh mah pan mi te hong kituah loh ding genkhia in warning piakna nei hi. Abeisa US kitelna ah Democrats lam te in amau gualzawh nangin Repulbicans te control na state te ah alom alom in hong lut uh aa, mee pia uh hi ci uh hi. Arizona ah D lam ten azawh theih nangun California pan D te tampi kituah in mee pia uh ahih manin kum tampi R lam te a control uh Arizona pen kilumlet sak zo uh hi ci uh hi. 

10. US gam ah lawyer minthang mahmah khat ahi Sidney Powell zong Trump lawyer dingin hong dingkhia aa, state tampi ah election results te lumlet theih nang evidences tampi ka ngah khin uh hi ci in genkhia hi. Meetang simna set (voting machine) abawl Dominion te in D lam te tawh kipawl in R lam te ii meetang pen D lam ah million tampi laih maang ahih manin state tampi ah Pu Biden in meetang tampi ngah lawh hi ci uh hi. Tua Dominion voting company te leh Clinton foundation, Pi Nancy Pelosi te kizop na mukhia uh hi ci uh hi. Hi thu a maan zen zen hi leh belh US taangthupi sungah “election fraud” akici meetang gukna, khemna a nasia pen hi dingaa, US gam aading zong min siatna hi thei ding hi ci uh hi. Court pan hi thu bang cih hong khensat ding uh hiam lunglut huai mahmah hi.

11. Pu Biden zong tulai tak transition team phuan in buai mahmah aa, tua team sung ah akoih Pu Perter Neffeger akici pa pen Dominion voting company Makai (board of director) khat in kihel ahih manin meetang simna set tawh meetang gukna pen muan mawhna om sem sem hi ci in Trump lawyer Sidney Powell in genkhia hi. Abeisa hun in Pu Biden in ama transition team sung ah “Pasal pen numei akihel” (Transgender) Pi Shawn Skelly akici khat zong Galkap lam Department of Defense en dik kik nangin tel khia bek thamlo in LGPTQ akici အခြောက် (gay) pawlkhat zong tua transition team sungah guang khin ta hi. 

12. Tu ciang ciang dong Republicans (R ) Makai teng khempeuh in kithu tuak takin Pu Trump lam panpih giat uh ahih manin Pu Trump lam pan tha ngah huai mahmah hi ci uh aa, Rep. Brian Babin (R-Texas)  in court mun tampi ah Pu Trump in zo thei lai ding hi ci hi. Arizona GOP Chairwoman Pi Kelli Ward in zong “This election is far from over” - hih election pen man ding ngamla lai, man pak nailo dingin hong sawt to to thei lai ding ci hi. A tungaa I gensa mah bangin hih election man baih leh man baih loh ding pen Court te tung hong kinga ta ahih lam phawk tek ni.

13. Tu sung teng state pawlkhat ah court te pan kitelna tawh kisai lawsuit pawl khat lakhia (dismissed) uh aa, ahi zongin tulai tak court ah aomlai pending cases 300 val om lai hi ci in Trump campaign lawyers ten genkhia uh hi. Kitelna meetang kipsakna – result certification bawlna a ni deadline pen state khat leh khat kibang lo aa, ahi zongin US kitelpi thukhun dan hi leh state ciat in certify abawl zawh ciang state khempeuh pan  state electors teng December 14 ni Washington D.C ah kituah dinguh aa tualai ah election result kipsakna nei pan ding uh ahi hi. Tua ni atun ma December ni 8 ni anunung pen in court aa thu teng sian sak kul ding dan ahi hi. Bang state tengin election result teng certify hong bawl zo ding uh hiam cih zong et toh toh lai ding ahi hi. Pu Trump in azawh kik theih nading belh court teng ii thu khensatna tung akinga hong suak phot ahi hi.

Abeisa hun te ah ka gen zel mah bangin na khempeuh Pasian khut sungah om ahih manin thu ngetna ah phawk tek ni. Pasian in phalna aom te Kumpi hong suak ding uh aa, kua kua in a zo zongin akua ma peuh in i san theih ciat ding hi aa, mai kum 4 ciang i deih Kumpi i piak toh toh kik ding hi lel hi. 

Update bawl to to zel ni.

Refs: Fox news, NBC, Advocate news, CBS, Newmax, Breitbart, Epoch Times, Senate page, White house page, Daily Wire news

---------------------------------------------------

Thomas On Sian Mung (Thomas Mung Guite)

Washington D.C

November 17, 2020.

MOMNO Media & Museum @

Like and share my pages

1. https://www.facebook.com/MomnoMediaMuseum/

2. https://www.facebook.com/ThomasMungGuite

NA INNKUANPIHTE NA KAPKAP UH HI !

 NA KAP KAP UH HI"

(To Whom It May Concern)

Na zi sang in numei dang na lung lut zawk a, lawmngaih na neih san ciangin, “ Na zi leh na tate in a buaipih ding “ PA” neih ut lua in, “NA KAP KAP UH HI”.

NA zi sangin numei, nungak dang dangte ho kawi kawi in na zi leh tate lungnop nang leh na tate khamuan ding ngaihsun lo in, nang ut bang bang in na gamtat lai in, na zi leh na tate a hih leh lungsim nalua in  “NA KAP KAP UH HI”.

Innkuan sung Papen hi napi , innkuan sung neklehdawn silhlehten thudon lo in, zu na kham kham lai in, na zi leh na tate milak ah maizum lua in, “NA KAP KAP UH HI”

Na zi kiang sangin numei dangte kiangah nuam sa zaw in, na neih sum leh pai te zangh ziah ziah in, na zi leh tate haksatnate thudon lo in na om lai in, na zi leh na tate in nuntak haksa sa lua in “NA KAP KAP UH HI”.

Zi nei ngam sam in, innkuan sung a Pate mawhpuakna thudonlo in , nangma nopsakna bek zongin na vakthap ciangin, na zi na tate in “PA HOIH” lunggulh lua in NA KAP KAP UH HI”.

In sung Pa pen in , innkuan sung a zi leh tate thudon lo in, na phone leh na computer bek bek na kinbawl lai in, na zi leh na tate in, omcim liangvai kisa lua in NA KAP KAP UH HI”.

“Lawm aw , na zi leh tate kap pen kua in khem ding a, a lungkhamna haksatna e huh in, kua in hehnem ding in ngaihsun na hi hiam???

Innsang Pa pen inn kuan sung kisapnate ngaihsun lo a, na zi leh tate sangin numei dangte nopsak na ding bek ngaihsut na hangin a thuak khempeuh uh kua in dam sak ding in ngaihsun na hiam?

Kua in na zileh na tate  KAHNA LEH LUNGKHAMNA  a tung sak ? “ NANG” mah mah na hihna na phawk hiam? 

NANGMAH mah kiciatlohna hangin na zi na tate maizumna te kua in dam sak hen ci na hi hiam?

Na zi tung na muanhuai lohna hangin numei dangte in nangmah hangin na zi hamsiat uha, kamsiate zangh in na kobawl uh a, na zi maizum lua a maihum in a om, kua in honkhia hen ci na hiam? Kua mawhna hi ci na hiam? Na zi mite in a zahtak lohna a hang na ngaihsun ngei hia?

Na zi leh tate lungnopna, khamuanna pen NANGMAH tung kinga aive. Na zi mite in zahtak in a nopneh lohna dingin mawhpuakna  anei pen nang APA pen na hihna na thei kha hiam? A hih keileh na zi leh na tate mite in a ut bang bang un bawl in maizum sak mah mah ta leh nang nop na sak peuh leh hun sa lel na hiam? PA dinmun luah zo na ki sa hiam??? 

Na zi etlawmna leh lungnopna, na tate nopsakna leh khamuanna a bawlthei pen NANG mah bek na hihna na phawk kha lo na hiam le?

Limtak ngaihsun in. Nangma nuntakna siatna hangin na zi leh na tate na ngawn thuak ding pen na ut nak leh tumah mah in khawlsak thei na hihna naphawk kha hiam?

Na zi it pen in nei inla, mite neu-et leh thusimloh ding phal kei inla, tua bang a na zi vang na khual sakna ding in a kisam khat bek oma, tua in na zi tung “CIHTAKNA” bek tawh kicing lua hi. 

A khial khin na hih phial leh zong, innkuan nuam, leh nupa ki-it na hih theih na ding in na nuntakzia ah a hoihlote puahpha peuh lecin, kai nai lo a hi aw..

“NA ZI NA TATE KAHNA KHITUITE NUL SAK INLA, NA LUNGSIM NATNATE LEH A MAIZUMNA KHEMPEUH A THOIHDAM KIK DINGIN A KIPATNA PAN IN PAN KIK DIH VE..”

Midangte lungnopna ding na buaipih sangin na zi leh na tate lungnop khamuan na ding in bawlsak zaw hamtang in aw..

“ NA NUNTAK SIATNA HANGIN NA ZI NA TATE KAHNA KHEMPEUH LUNGDAMNA A TUN KIK THEI DINGIN NA KIPAN KIK DIH VE” “ TOPAN HONG OMPIH DING HI.

A nuai a na sim dihve…

BUKNO KHAT SUNG ZONG NUAMNA 

INNKUAN KI-IT LENG..

LUI GING BEK ZONG LA NGAIHPI,

VANDUM BEK ZONG MAITAINA

PASIAN VAN PAN HONG NUIH PIH

LUNGDAMNA DIM NUNTAKNA,

INNKUAN KI IT LENG………

Credit: Daniel Soute