NA PASAL NA LUTANG

Na Pasal, Na Lutang.
~~~~~~~~~~~~~~~~
Agelh ~ Rev. Thang Boih

1. Na pasal midangte zak in gensia ngei kei in, miten na pasal ong hoihmuh sak kei a leh nang a vang neilo na hi zaw hi.(Hebrew 13:4)

2. Na pasal thupi bawl,Itna nei-in zahtak siam in. Tua hi leh mi dang ten zihoih na hihna ong thei ding uh hi.(Col 3:18)

3. Na pasal na zahtakna na omzia tawh laksiam in, gamtatna leh omzia khawl zia in nupa kal-ah a thupi mahmah lungnopna piangsak hi.(Ephet 5:22-23)

4. Na pasal khembawl in a lungkim na ding in mai-et bawl ken, na simtatna hong theih ciang in a lungsim na mahmah khinkhian thei hi.(Pau 12:4)

5. Na pasal thaneemna midangte tawh tehkak ngei ken. Nang a ding Pasian hong piak hi a, nang tawh kituak ding a Pasian onggelsak ahi hi. (Pau 5:17)

6. Mite lakah na pasal tawngtawng,hawmthawh den ken, nang a ding a gim leh tawl a thuak pen a hih lam phawk tawntung in.(Col 4:6)

7. Na Pasal tawh pumkhat, lungsim khat hi den un. Neihtuam omlo ahun zui, a kisam bangbang kitheihsiamna neihtuak ding a hihi.(Mate19:6;thuhilhna 9:9)

8. Na pasal tungah thusim gengamloh nei kei in, nupa kikalah thu seelsim a omloh man-in kimuanna ong khang semsem ding hi.(Pian27:5-10;39:12-15).

9. Na pasal thapia inla awkhum kamkhum tawh hopih den in, a lungnuam in akhan ong sau tuam ding hi.(Pau 31:26)

10. Thusia, thu hoihlo, khasiatna na neih ciangin na pasal ninkholna in zang kha ken.Pasalte lungsim natna in a pumpi uh zawngkhalsak thei hi.(Pau14:1)

11. Na pasal teekin tumbang a vuai ciang in na itna kiamsak ngeikei in. A ithuai a ngaihbaang in ngaih sun tawntung in.A hatna, a hoihna, leh a hih theihna kempeuh piakhia in nang leh na tate a ding nasem a hihi.(Pau 5:19)

12. Na pasal na it mah bangin na teeknu,na teekpa leh a sanggam laizom teng zahtak siam in.Mi khempeuhin ama vawh nam khaici mah at kik hi.(Gal 6:5-7)

13. Na pasal pen leitungah na nuntak lai teng ama aa ding bek hi den in. Midang pia sawn ken.Tua hi leh mawhna in bangmah ong cih zolo ding hi.(Mt 5:28,Solomonla 2:16)

14. Na hih theihloh na hih zawhloh a om ciangin na pasal tungah hangsan takin pulak ngam in. Tua na genna hang in na pasalin na kicinlohnate honghuh hong theikhia ding hi.(Ephet 5:30-33).

15. Na pasal tawh hunnuam zangh khawm unla, Pasian kammal simin thungen khawm zel un. Midikte thungetna in vanglian a, na lian tampi sem zo hi. (James 5:16)

16. A hih theih leh na pasal tawh kino zel, ciamnuih khawng gen khawm zelzel un. Mai taiina in lungnuamsak a, lungkhamna in maigum sak hi.(Pau 15:13,30)

17. Na pasal kiang ah U aw thupi lua teh, nang na om ciang ka lungmuang cici lel in. Na pasal in innsung nuam hongsa ding a innkuan nuam na suak ding uh hi.(Pau 31:27-29)

18. Anhuan mehbawl na siam kei zongin na pasal tungah nang bang duh, bang ci bawl ding cih dong tangtang in. A lim kei zongin na pasal lungkimin a gil vah lel ding hi.(Pau 31:11)

19. Na khat peuhpeuhah lungkim takin na pasal tungah lungdam ko zelzel in. Lungdamkohna pen Pasian deih biakpiakna ahi hi.(Late 107:1)

20. Na pasal,na tate,na innkuan leh navai khempeuh Pasian ap tawntung in. Amah muang in amah in hong sem ding hi.(Late37:5;Pau22:6)

Source :
Thangboih Guite (Facebook).

HOME anuai ah na mek in adang zong sim theih

PASIAN NASEMTE ADING THU HOIH KAWLGAM AH 2020

GOOD NEWS FOR GOD’S SERVANTS!
2020 kum Pasian nasem te Chin Taung Taan mawtaw a mawkna in ki zuisak ding, Pasian nasepna card lahkul dinghi.

 2020 Special bonus 100'/,
ချင်းတောင်တန်းခရီးစဉ်များဖြစ်သော  ကလေး-မန္တလေး-ရန်ကုန်-တီးတိန်-ရိဒ်-တွန်းဇန်-ကျီခါး-ဖလမ်း-ဟားခါး-ထန်တလန် မြို့များခရီးသွား ဓမ္မအမူတော်ဆောင် ဆရာများအား အခမဲ့ စီးနှင်းနိုင်မည်ဖြစ်ကြောင်းသတင်းကောင်းပါးအပ်ပါသည်
မှတ်ချက် {} ℝ𝔼𝕍 အမူတော်ဆောင်ကဒ်တင်ပြပေးပါရန်

#Chin_Taung_Taan_Page

PASIAN IN EI HONG UP DING LUNGKIM HUAI ZAW

EN PASIAN I UP NA CIANG TAWH I LUNG KIM A, THU PI I SAK SANG IN PASIAN IN EI HONG UP DING LUNG KIM HUAI ZAW IN THU PI ZAW HI.

=============================

Kasapmi atamding a, ka tel mi a tawmding hi Topa Zeisu in acihthu  ngaihsut huai mahmah thukhat ahi na thu leh Topa Topa aw aci khempeuh leh Pasian na asemkhempeuh vangam lutkhaklo ding acihthu ngaihsut huaimahmah sa ing ee guai aw.

1. Ei thuum miten Pasian in ahoih ding in hongthupiak pawlkhat i zuih zawh kei phial leh zong kingah lai in a kisampi pen itna taktak ahi hi guai aw...

2.Tua itna taktaktawh nungtak in itna i gahsak kei leh Pasian tawh akigamla peuhmah pah i hi hi guai aw....

3.Ki itna in ngahna lam hilo zaw-in piakkhiatna lam hi zaw hi.

4. Piakkhiatna nangawn zong itna tawh ahih keileh Pasian in hongsanglo sawnsawn hi.

5. Pasian leh abawlsa mihing te itna taktak tawh ahivetlo sa in nungta in huhna ngah nadingbek  angsung dingbek ei nopsak dingbek leh miten thupi hongsak dingbek cihte atamzaw khual in Pawlpi leh Laisiangtho sang, tagahsang, kipawlna atuamtuam cihte phut i hih khak leh tu mahmah in kisik kik hunlua ta-hi.

6. I mipih te akipan i Pawlpi mite leh iseppih ilawm i gual te theih dinglau in asimtham a, iselsim sumleh pai tetawh azawngte acimawh lamsam abeidongte meigong tagahte itsik vetlo sa-in huh in i piakkhiat hun mahmah ta hi, tua bang in i huh ipiakkhiat te itna taktak veina, lainatna taktaktawh ahivetlo in huhna tampi ingah kiktheih nading in ahuh apiakhia ihih khak leh zong Pasian in hongsang ding hivet lo sawnsawn ahi hi.

7. Ei thuum mite Biak inn sungah Vantung mite bangliang in i inn i tunkik ciang i inn kuan pihte,  iU i naute, i beh i phungte, iveng ipam alawm igualte, akhua ituipih te izin ilengte  it vetlo veivetlo lainat vetlo thupisim vetlo in i om khak leh tu mahmah in kisik kik in itna taktawh nungta in itna i khahkhiat hun mahmah ta hi.

A.( kineih kei ni i Biak Pasian pen ilungtangtawng aen Pasian ahi hi.)

B. (i nupa kikal sungah, i inn kuansungah, iU inau sungah, ibeh iphung sungah, ikhua itui sungah, ipawlpisung leh ikipawlna sungte ah, i Minam igam sungah, deidan omvetlo sa-in avangkim in it-na taktak kisam mahmah hi. )

C. (Vangam ah i kengtheih dingpen it-na tawh i huh i panpih i piakkhiat asepkhiatna tebek ki kengthei bekding ahi hi.)

1Korin 13:1-3

Keimah in mihingte pau a tuamtuamte le vantung mite’ pau nangawn ka pautheih hangin itna ka neih kei leh a bil-aphuai zam le daltuah kitum tawh a kibang lel ka hi hi. 

 Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi. 

 Ka neih khempeuh midangte tungah pia-in, Pasian’ nasepna hangin kihaltumna ka thuak ahi zongin itna ka neih kei leh ka phattuamna bangmah om lo hi.

Matthai 7:21-23

 “Kei kiangah, ‘Topa, Topa aw,’ hong ci mi khempeuh, vantung ki-ukna sungah lutthei kim lo ding uh a, vantungah a om ka Pa’ deihna bangin a gamtateng bek lutthei ding uh hi. 

 Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawlkhia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi. 

 Tua ciangin keimah in amaute kiangah, ‘Note ka hong thei ngei kei hi. Siatna a gamta mite aw, kei kiang panin kihemkhia un,’ ka ci ding hi.

Late 139:23-24

Pasian aw, kei hong entel inla, ka lungsim hong thei in.

Kei hong sit inla, ka ngaihsutnate hong thei in.

 Kei sungah siattheihna a omkha hiam hong en inla, tawntung lampi-ah kei hong kha in.

Rom 9:1-3

Kei, Khrih tawh kipawl ka hih manin zuauthu ka gen thei kei hi. 

Kha Siangtho lamlahna tawh, ka lungsim kitheihna-ah zuau gen hetloin a mantakin ka gen thu in:

 Leitung silesa ah ka mipihte adingin nakpitakin dahin ka lunggimna a khang hi. 

 Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi.

By: Paul Pau

https://m.facebook.com/story.php?story_fbid=520651872138745&id=100025818097384

KAMMAL HOIH PAWLKHAT BY: Siadaw Lian Khen

Sia Daw,Lian Khen 

Kammal Hoih pawlkhat

1.Ih zato,ih sangte kumpite huh ding bek ngak aa thu nget ding hi zenzenlo aa, ei mahmah in ih sep dig ahi hi.

2.Zomite pen a haunuam pente ih hi aa,hauh dan a siamlo pente zong ih hi sawnsawn lai hi.

3.Zomite pen a hau nuam vive ih hi aa,a thadahpente zong ih hi sawnsawn lai hi.

4.Thong kiate simmawh ding hi zen" lo hi, nuntakna a thak a nei ding a, kikhel dingte uh a hi hi.

5.Sakhi man lo, ngaltang tumh, nungzui masalo-in makai ut kei ni.

6.Biakinn sung pen phone maan zut hial" nading mun hi zen" lo hi.

7.Khangnote aw, khua nong muh theih uh ciang, vandak kawmsa in lam hong pai lau" pah kei un, kiat-theihna ding guamthuk tampi om lai hi.

8.Gamdang ih vatun ciangin ih omna gam, ih tunna gamte ngeina le zia le tongte en kawm in kidawm mah" ni.

9.Gamdang tung Zomite in ih ngeina, ih pau le ih hamte lei ah kiasak, mangthangsak kei ni.

10.Ih nu ih pate teek ta lel ee ci-in nawlkhin mawk" ding hi lo hi.

11.Ih pumpi omkhawm, tukhawm Na semkhawm na pi ih lungsim puakte kigamla thei mah" hi.

12.Tuni aa  khaici tuh tuni in kinepah thei lo aa,ngak kul leh hah kul lai hi.

13.Kitheihsiamna tam sem" le kima zang zaw sem" aa, na sepna tangzai sem" hi.

14.Tate pen Pasian thu pha hi aa, nau khong khak zen" ding hi lo hi.

15.Tuu cingte tuute tawh kigamla ngamlo uh hi. Pawlpi kem siate aw tuute hong nusia kei un.

16.Bang hang sumpi 10/1 te a maan in ngah zolo, Ih zatdan maanlo a hikha tam?

17.Meigong tagahte Innsung ah om leng, aksite le khapite kimu vengvang liang, khasiat huai lua, huh veni aw, panpih ve ni.

KUMTHAK I MUAK A MANPHATNA DING MASSAGE

KUMTHAK MESSAGE:

Thumapi

   Kum 2019 kumlui hong zawhpih in kumthak hongmuak sak thei i biak Pasian min i phat masa hi. Kumthak cih kammal i theih hangin i lawh mengmeng loh kammal khat ahihi. Ni dang te leh khadang te in kilo khollo in January kha sungteng mah kumthak kilo se hi.

    A masa in kumthak cih kammal i lawh theihna dingin ni 365, nipi 52 leh kha 12 abei phot kul a, ni khat bei theihna ding zong second, minutes leh nai tampi mah abei kul lai lai ahih manin kumthak cih kammal in hun tampi leh vai tampi ahuam hi gige hi.

     Kumkhat sung i nuntakna ah lungdamna, dahna, lungsim gimna, meetna, supna baina te tampi omding a, a hi zongin tuate hangin kumsia leh kumhoih kici thei pah lo a, kum leh hun pen Pasian khutsung ah om in ei khut sungah omlo ahih manin i sih i nat leh i cidam hun pen Topa geelsa mah ahihi.A piang khempeuh Topan ahoih penpen dingin a piansak leh a theihpih ahihi.Topa sungah a lungkim siamte mi hampha pen ahihi.

Kumlui leh kumthak:

   Tu in kumlui zo in kumthak sungah a kalsuan ding i hih manin i lungdam hi. Kumlui sung tuahkhak haksatna, khitui naptui luanna leh a hoihlo ngaihsut na khempeuh kumlui tawh beisak in kumthak ah lungsim ngaihsutna thak leh lam etna thak tawh kalsuan khawmciat ni. Kumthak i muakna sungah i sepding thu nam (4) omden aa, tua te in:

 1. Kumlui zawhna lungdam ko ding:

     Mi tampi in kumlui zawhna lungdam kohding mangngilh den kha uhhi. Kumthak dawn theihnang in kumlui na zawh phot kul hi. Ni khat sungin thu tampi piang  man ahih leh kumkhat sungin thu bangzah piangding ahi hiam? Tua te na zawh ciangbek in kumthak a ci thei pan na hih manin lungdam koh taaklua mahmah hi. Kumlui zawhna lungdam kohding mangngilh ngei ken.

2.I kumlui nunzia ngaihsun pha kik ni:

  Pasian pen a sepsa te a enkik den Pasian ahihi. Leitung a bawlcil in a zawhtan dong semsuak lo aa, a zawhsa te en phakik kik hi. Hoih hi a cih khitteh maban zomto pan hi. Tua ahih manin kumlui na nunzia en pha kik inla gamtatna, kampauna leh sepna bawlna te ah na lungkim takpi mah hiam? Hoih na sakloh khempeuh kumthak ah kipuahpha in . Mipil ten zong Zeisu a biakkhit ciangin kumpi Herod tawh kituah nawnloh na dingin lampi dang tawn in a ciah  mah bangin kumlui nuntakna

i mimal kiim in  enpha kik in kipuahpha kik ni.

3.Haksatna thuak dingin kiging khol in:

     A lungdam huai kumthak i muak ciat hangin pawlkhat adingin sihkum, natkum leh manthan kum hi thei lai veve hi. Haksatna omlo kum cih bang omlo ahih manin haksatna zong a thuak dingin kiging kholh denni. (Mi Kang te paunak khat ah: “A hoih pending geel inla a sia pending kiging khol den in” ci hi. Tua ahih manin kumthak sungah zong nopna, dahna, haksatna lungkhamna zong omding aa, Tua bang hun ciangin Topa min tawh kazo ding hi ci in kiging khol in thungen leng kizo takpi hi.

4.Tupna leh khensatna nei in:

    Kumthak in mihing te thaksak zo tuanlo hi. Hun, mun leh gam te in mihing lungsim khel zo tuanlo a, mihing mahmah in khensatna nei in Pasian tungah i ki-ap ciangin kizo aa, tua a kikhel mipa/ nu adingin a omna mun peuhpeuh munthak kumthak suak pah ahih manin ama adingin tua kum pen kumthak hi pah hi. 

   Kumthak sungah Topa ading, i pawlpi leh i minam, khua leh tui ading bangsep sawm i hiam? Tupna leh khensatna kician i neih kei leh gualzawhna om ngeilo ding hi. Josh 1: 3, Thuhilhkikna 11:24, na sikna mun ciang ciang na gam hiding hi ci ahih manin ei mimal mahmah in khensatna nei ngiat in i  ki ap ngiat ding thupi mahmah hi. Bangdan tengin ki-ap ding: 

genteh na in:

(a). Sumpi &Sawm a khat piakna ah

(b). Laisiangtho buppi vial khat zawhnang 

(C). Thungetna, lasakna,etc

(d). Gui theih khamtheih kidekzawh nang

(f). Tui buuk, khaini, sahdah leh kunpong 

       zatna pan kidek zawhnang!

(g). Mukpau, kampau, gamtat luhek cihte nangawn kidopding tampi om ahih manin i pawlpi leh i khua i tui i mimal ki-ap phaciat ding hihang. Hih bang i ki ap ciang bek in kum manpha leh kumthak suakpan bek dinghi. Topan a sim mimal kimciat leh innkuan adingin hongzang siamsak ta hen. Amen

 Deihsakna lianpi tawh:

                     Khup Sang