TUNI THUTHANG TUAMTUAM TE

ZOMI TIMES 25.7.2024 Thursday NEWS 

1. Falam Khuapi pan Mi Pawlkhat Khuakimnai ah Kihemkhia —Galtai 

Falam khuapi kila ding cih thuging om hangin, Falam khuapi sunga om Mipi pawlkhat akimnai a khuate ah galtai kipan ta uh hi ci-in Zalen in gen hi.

          Falam khuapi lakding thuging hangin Falam khuapi sunga Mipite akimnai khuate leh Kalaymyo, Khalkhaleh Mizogam ah cih bangin khua tuamtuam ah galtai pawlkhat om hi.

            Falam khuapi sunga om Papi khat genna ah zingciang Sangnaupangte Laiphi zo tading uh hiven tua khit teh Mipi galtai tam semsem ding hi ci-in gen hi.

2.MNDAA in Lashio khuapi lazo ci-in Media tuamtuam in gen mah leh SAC galkap Bu Zaw Min Tun in la zo baih kei uh ci-in BBC Burmese tungah gen hi.

1. MOGOK KHUAPI LAZO TA: Mogok Suang manpha omna 

Mandalay khuapi gamhuam, Mogokမိုးကုတ် khuapi TNLA leh Apawl ten ka lazo ta uh hi ci-in TNLA in pulak khia hi.

Mogok khuapi lakna ah galvan tam tak te zong lak in om hi. Galvan ci tuamtuam tampi om hi. Tua galvan te ahih leh alomlom in akilawn khawm thei galvan zong tampi om hi.

Galvan tuamtuam nam200 val leh SAC galkapte ahing mat uh 30 val om hi ci-in TNLA in pulak khia uh hi.

Mogok khuapi lak pen zani July24,2024 nitak lam nai 5:00pm hun pawlin Ta-ang galkap PSLF/TNLA in la siang zota hi.

Mogok khuapi lakna ah Mipite zong asi aliam tampi om hi. Pasal 14, Numei 8, Naupang 9 si hi. Aliam 59 leh Phungzyi sang 4 kisia cip leh Mipite Inn 29 zancip hi.

Hih Migok khuapi lakna ah TNLA lam pan galkap 120 val si-in, 70 kim pawlin nasia takin liam uh hi..

Credit: Khit Thit media 

1. Zomi Women Power ten CYMA, MZP te Laikhak 

Mizo Makai CYMA leh MZP te tawh Zomi Women Power te kimu khawm uh in, Zomi Women Power ten LAI limci mahmah khak uh hi.

A thupi diak ah Ngongtat CNF te ong matsak Sanggampa SUT LAM KHAI pen amanlang Ngongtat CNF ten hong khah khiat nading uh cih leh Mailamah akisam bangin nasep khop toh ding thute pulak uh hi.

Credit: Zomi Women Power 

1. Zomi Khangthakte leh New Zealand Parliament (Innpi)

New Zealand Parliament ah Zomi khangnote va hawh thei uh hi. Hih kimuh khopna pen thupi leh manpha mahmah hi.

 

New Zealand Parliament-Phil TwyFord genna ah Zomi  Community pan Zomi khangtahkte Zum-Innpi ah hong pai uh pen ki-angtang mahmah hi ci-in gen hi.

Zomi Khangnoten ahih leh New Zealand Innpi ah Zomi tawh ki sai thupi tak ka sung thei uh hi ci-in gen uh hi. 

Phil Twyford genna ah Zomite pen kawlgam Chin State ah Minam khat hi uh in, Mi thupi mahmah te ahi uh hi. Innpi ah hong pai-in amaute nuntakna zia leh mailam kalsuan zia dingte leh Mailamah alam etna te a sunmang te uh hong gen uh in thupi mahmah hi ci-in Innpi pan PALAI ten gen uh hi.

Tua bek tham loin gam khat pan gamkhat ah hong pai nading un haksatna tampi tuak uh hi. Hibang in lungkia loin akalsuan ngam Mite Mailamah mi thupi vive suak to lai dinguh hi.

Mailamah gento, zomto kik ni.

Ref: Phil TwyFord 

1. AA Makaih Chin Brotherhoods (CB) leh Falam khuapi 

Tulaitak AA Makaih CB te Falam khuapi ah om zihziah ta hi ci-in The Chin Land Vision in gen hi. AA Makaih CB te ahih leh Falam khuapi lading in kithawi uh ci-in genbeh uh hi.

AA Makaih CB te tulaitak Falam khuapi ah om dimdem uh himah leh Galphuag nailo uh hi. Gal kido, kikapna bangmah om nailo hi.

Falam khuapi ah mun la zihziah khin ahi AA Makaih CB te ahih leh banghun teh Falam khuapi aom SAC kap dinguh cih thei nailo hi.

Pawlkhatte genna CNF Makaih CC te akap ding maw, kuate kap zaw ding cih akician in kuaman thei cianlo uh hi.

Pawlkhatten bel Falam khuapi kap pak nai ken teh cih agen zong om hi.

Laksawnna: The Chinland Vision 

1. Zakhai gamah Zakhai Galkap AA ten Pastor pawlkhat leh NGO nasemte honkhat manin khahkik nailo, amatna ahang akician in ki thei nailo ci-in Zalen in gen hi.
2. India leh kawlgam gamgi, Kawlgam huam Tamu gamsung ah Naga thautawi NSCN-IM ten Bomb sikkha in ABu khat sipah in adang mi2 zong liam uh hi. Hih tawh kisai India lama gamtaite lunghimawh mahmah uh hi. Meitei thautawite genna ah Kuki Thautawite Bomb siah danin gen ngawh uh hi. Zalen 
3. Gospel Lasak asiam Vanlalsailoa makaihna tawh Australia ah gaitai te ading Charity Concert om ding.
4. TSP Idol Season 1 Manta in Winner NL MUANPI No.47 in khatna ngah hi.
5. CNF Makaih CC te leh AA Makaih CB kikapna kidona kizom to lai in, CNF makaih CC in AA makaih CB galvan honkhat ka matsak uh hi ci-in Phualva Lungguak Media in gen hi.

Tuni thuthang nong simsak lungdam.

Naga galkap NSCN-IM te hi.