USA sung leh LEITUNG thu phawl khat

Covid-19 Update XXX: White House Press Briefing pan atheih huai thu pawlkhat leh tulai tak US sung thu tuamtuam te: (September 27, 2020)
 -----------------------------------------------------------------------
1) White House pan news update pawlkhat:
- Covid-19 pandemic sung akibawl Abraham Accords peace Agreement
President Trump ii hanciam pih na tawh kum tampi sung kizopna akibawl vet lo Israel gam leh  Arab gam 2 te ahi United Arab Emirates (UAE) leh Bahrain gam ten Abraham Accords peace agreement akici kilemna laidalpi pen abeisa September 15 ni in White House ah sign thu khin ta uh aa, leitung gambup in lamdang kisa vat hi. Tua letmat thu na ah President Donald J. Trump, Minister of Foreign Affairs of Bahrain Dr. Abdullatif bin Rashid Al-Zayani, Israeli Prime Minister Benjamin Netanyahu leh Minister of Foreign Affairs for the United Arab Emirates Abdullah bin Zayed Al Nahyanisigns cih ten sign thu uh hi. Covid-19 pandemic sung thu piang tampi te lak pan lamdang akisa leh akithukim pih thu khat in kihel ahi hi. Lai siangtho sungah Abraham suan ta te geel ahi Isaac leh Ismail suan te kilemna akibawl kikna uh ahih manin “Abraham Accords peace agreement” cih min pua sak uh ahi hi. Pawl khat ten belh hi te hangin Lai siangtho taang tung to to ta hi ci uh hi. Hih kilemna bawl nading akikup lai un Iran gam in Palestine gam tawsawn in Arab gam 22 kipawlna ahi Arab League ah nial na nei uh aa, ahi zongin Arab gam tam zaw in nial nuam lo uh ahih manin taangtung lo ci uh hi. Mi tampi ten belh kilemna bawl pen thukimpih uh aa, ahi zongin Israel amuh dah gam ten belh nakpi takin nial bawl uh hi. Hih Abram Accords letmat athu zawh aa kipan Isarael, UAE leh Bahrain gam te diplomatic kizopna kipan kik ta uh aa, economic leh travel cih te aa kipan kizopna bawl kik ta uh hi. Abeisa hun in zong Egypt leh Jordan gam ten zong kilemna bawl khin ta uh aa, UAE leh Bahrain gam te pen kilemna abawl gam thumna leh gam Li na na hi uh hi.

- Pu Trump Nobel Peace Prize nomination ding kitel
Isreal gam leh UAE gam te kilemna abawl zawhna hangin President Trump pen leitung gambup ah aminthang pen Nobel Peace Prize nomination ding in kitel khia aa, US gam ii gualzawhna khat hi ci in Pu Trump in zani athu genna ah genkhia hi. Abeisa hun in US President te ahi President Barack Obama, President Theodore Poosevelt, President Woodrow Wilson leh President Jimmy Cartar te ten Nobel Peace Prize ngah khin ta uh aa, Pu Trump in ngah leh US President sung pan a 6 na hi kha ding in kilamen hi. Covid-19 Pandemic sung Pu Trump ii gualzawhna lianpi khat zong ahi hi.

- Supreme Court Justice thak kitel kik ding:
Supreme Court Associate Justice Pi Ruth Bader Ginsburg in hong nusia ahih manin President Trump in Supreme Court Justice thak dingin Judge Amy Coney Barrett acih numei khat telkhia in Senate ah khensat dingin puak to ta hi. Supreme Court Justice Pi Ruth pen Supreme Court ah asep zawh kum 27 pha ta aa, Justice te lak pan a liberal zaw deuh leh Democrats lam a lek zaw khat in akithei hi aa, ama hangin abeisa hunte sung ah nu leh nu, pa leh pa kiten theihna (same sex marriage) Supreme Court pan US gambup zat ding a vaihawm khia in kithei tek ahih manin Pasian thu um te leh conservative te belh deih khol lo uh hi. Pu Trump in Pasian thu um khat leh conservative khat hong guang ding cih agen khiat zawh lian ciang Democrats lam ten nial pah uh aa, election man zawh ciang hong kah thak kumpi in vaihawm ding ci uh hi. Pu Trump in hong vaihawm tei tei leh ka impeach kik ding uh ci in Pi Nancy leh Democrats lam ten genkhia uh hi. Ahi zongin US thukhun pi (constitution) sungah Supreme Court Justice mun a awn leh President in ama deih khat tel khia thei ding aa, tua a tel pen Senate in vote in thukimna nei ding hi ci in kingelh ahih manin Democrats ten nang zo lo ding uh hi ci in  Press Secretary Kayleigh McEnany in White House briefing pan genkhia hi. Hih Supreme Court Justice mun pen Pu Trump in hong behlap zo leh Supreme Court ah Republicans lam (conservative) kitam zaw ding aa, abortion leh same sex marriage, Obama care cih te hong lumlet kik thei ding ci in kiummawh hi. Hih thu hong kivaihawm khia zo leh Covid-19 pandemic hun sung Pu Trump leh Republicans te gualzawhna lianpi khat hi thei dingin kilamen hi.

- US gam ah Covid-19 hun sung naupang mang tam:
Covid-19 hun sung teng in US gam ah naupang mang leh kigu tam mahmah aa, zani in zong US Marshals service ten Georgia state sungah naupang 39 hon khia uh hi ci in US Attorney General William Barr in White House pan taangko khia uh hi. Tulai tak US gam sungah naupang kigu leh amang tam mahmah ahih manin naupang nei akua mapeuh in I ta te hoih tak kep cing ding leh hoih tak I et cing ding thupi mahmah ding ahi hi.

- Pu Trump in UN ah thu gen:
UN General Assembly pen zani in online pan kibawl aa, tualai ah White House pan Pu Trump in zong thu genna nei hi. Pu Trump in Covid-19 leitungbup kilawh gawpna pen China te hang hi ci aa, Covid-19 tawh kisai thu maan genkhia nuam lo uh ahih manin hi zah ciang akilawh gawp hi ci in China mawh sak hi. World Health Organization (WHO) in zong China lam panpih in Covid-19 natna tawh kisai ahunlap in pulaak khia lo ahih manin leitungbup hi ciang akibuai hi ci in UN speech ah Pu Trump in genkhia hi.

2) Coronavirus stimulus package update:
- Treasury Secretary Steven Mnuchin in mipi te tung piak ding second stimulus check piak ding pen President Trump in thu kim lai aa, mai stimulus package sungah hel ding in hoih sa hi ci in tu ni Capitol hill ah House Financial services committee te tung genkhia hi. Hih stimulus package vai Federal Kumpi lam pan Democrats te tawh kikup kik ding ka ready uh aa, asawt lo in thukimna ngah ding cih ka lamen uh hi ci in Pu Steven in gen beh hi. Pu Steven in gen behna ah mipi tung single khat $1200 leh nupa kop khat $2400 sum khawm khiat ding cih pen President Trump in thukimpih lai hi ci hi. Federal Reserve Chairman Jerome Powell hi zong hih direct payment (stimulus check) in US gam ii si-pua-zi (economy) hong khang sak mahmah ahih manin amanlang pen in vaihawm ding kisam ci hi hi. Speaker of the House Nancy Pelosi in zong Pu Trump kumpi lam tawh stimulus package aading thukimna khat ngah ding lam en ing ci in  CNN tawh interview na ah genkhia aa, stimulus thak khat ki vai hawm ding aa, $2.2 trillion bang pha thei ding hi in genkhia hi. Ahi zongin Republicans leh White house tawh akiho na nei mas kei uh leh uh ki pass zo tuanlo ding hi.
- Abeisa hun in Replubicans lam pan $1 trillion apha stimulus bill proposal a sun khiat uh hi aa, Democrats lam pan $2 trillion val sungkhia uh a hi hi.

3) Corona virus vaccine update pawlkhat:
- Coronavirus vaccine bawlkhiat nang US Kumpi lam pan amakaipi aa akoih uh Pu Moncef Slaoui in US kumpi hanciam na tawh vaccine bawlkhiat zawh nang leh hawmkhiat zawh nang naih mahmah ta aa, October kha leh December kha kikal peuh mah in kihawmkhiat sawm hi ci in CNBC tawh kiholimna ah genkhia hi. Vaccine zatui bawl khat zong hawmkhiat dingin kikoih ta aa, November kha ciang kihawm khia thei ding hi ci in Pu Moncef Slaoui in genkhia hi.
- White house coronavirus task force member Dr. Anthony Fauci  in belh vaccine hawm khiat ding mi ten a upmawh uh gen thei ciat aa, ahi zongin cik ciang hawmkhia tak tak ding cih kua man thei cian lo hi ci in interview bawlna ah genkhia hi.
- The US Food and Drug Administration (FDA) in belh vaccine pen emergency in zat theih nading in Novebmer kha sung kivaihawm kha ding hi ci uh hi.
- Tulai tak US Federal kumpi tawh vaccine thoh khiat zawh nading nasem khawm ahi AstraZeneca, Moderna leh Pfizer company te vaccine Phase 3 clinical trial akipat lai tak uh ahi hi. Pfizer in Phase 3 clinical trial abawlna ah volumteer mi 44,000 zang uh aa, mai nipi sungin mi 19,210 tung vaccine sut na nei ding uh hi. Moderna company in  volunteers mi 33,000  tung vaccine sut na nei ding uh aa, mai nipi sungin mi 11,879 tung vaccine sut ding geel uh hi ci hi.

4) US gam ah Covid-19  natna tawh asi mi  Thein 2 (200,000) val cing ta:
John Hopkins University leh Worldometer te taangkoh khiat tungtawn in US gam ah Covid-19 tawh asi mi thein 2 (200,000) val cing to ta aa, Covid-19 natna ngah 7 million cingto ta hi. US gam ah Covid-19 natna tawh asi ma sa pen February 29 ni in ki tangko khia masa pen hi. Tua zawh ni 54 khit April 23 ni in asi mi 50,000 pha in tua zawh ni 29 khit zawh May 23 ni in asi mi 100,000 pha to ahi hi. Tua lai pan ni 65 khit July 28 ni in asi mi 150,000 pha to aa, tua zawh ni 55 sung tuni in 200,000 acing to ta hi hi.

5) January ni 1 ni ciang US gam ah Covid-19 hangin asi mi thein 3 (300,000) val thei ding:
US gam ah coronavirus prediction lam ah amin thang mah mah khat ahi the Institute for Health Metrics and Evaluation (IHME) at the University of Washington in tukum bei ciang US gam ah Covid-19 hangin asi mi 370,000 val pha thei kha dinghi ci in taangko khia uh hi. Abeisa hun in belh Thein 4 kiim si thei ding acih uh hi aa, 30,000 val kiam kik ahi hi. Ahi zongin tu hun pen US gam ah Flu natna tam mahmah lai tak ahih manin asi pen hong kibeh lap lap ding hi ci in doctors tampi ten genkhia uh hi. Mipi ten mailtuam thuah lo aa, thu khun azuih kei uh leh belh tukum bei ciang asi mi Thein 4 bang tung to thei ding hi ci in IHME in gen khia pha pha hi.

6) Covid-19 virus huih lak pan kilawh thei cih CDC in genkhia pha pha:
United States Centers for Disease Control and Prevention (CDC) ii muh khiatna ah Covid-19 virus pen huih lak pan zong akilawh tam mahmah ci uh aa, mihing te ii cil leh naptui cih te lengkhia in midang tung kilawh hi ci uh hi. Tua hi aa, mi khat leh khat I kiho, I om khop ciang atawm pen pi 6 kihal in 6 feet social distancing zat hamtang ding thupi mahmah ding hi ci in CDC in athak in tangko khia pha pha hi. Tua hi aa, akua mapeuh in mi honpi lak I pai ciang 6 feet social distancing I zat hamtang ding thupi mahmah hi.

7) US gam state 8 te ah Covid-19 natna khang kik:
Tu sung teng US gam state 8 te ah Covid-19 natna 15% bang khang kik aa, state 20 te ah zong khan lam ma nawh kik in state 16 te steady in om lai uh ci in John Hopkins University te muh khiatna tungtawn in CNN in genkhia hi. Nantna khan lam a manawh state 8 te lak ah Wisconsin, Idaho, South Dakota, Iowa and Kansas cih te zong kihel hi ci uh hi. Texas, California, Florida leh Missouri state te ah zong Covid-19 natna khang mahmah lai cih kimukhia hi. Zomi te ten diak na Oklahoma, Tennessee leh Maryland te ah zong natna ngah thak nikhat sung tampi kibehlap lap lai hi.

8)) Texas sang te ah Covid-19 natna ngah 4500 om:
Texas sungah Kumpi sang te in-person in kihong kik aa, sang akihon zawh sangte pan natna ngah 4500 om hi ci in Texas Education Agency (TEA) in genkhia hi. Tua lak ah sangnaupang 2353 leh sangsia 2100 kihel uh ci uh hi. Nung August kha bei nipi khat sung bek bek natna ngah sangnaupang 995 pha hi ci uh hi. Tualai tak sang kihong kik na mun te ah Covid-19 kilawh tam mahmah ahih manin kidawp huai mahmah hi.

9) US ah Covid-19 natna ngah thak ni khat 50000 kiim om kik:
Tu sung teng US gam ah Covid-19 natna ngah  thak ni September 25 ni in 53629, September 26 ni in 43206 khang kik aa, White House Coronavirus Task Force member Dr. Anthony Fauci in hih zah hong khan kik pen ka sang thei kei hi cih genkhia hi. US gam ah Phalbi hong tung ta aa, natna ngah kibehlap to to thei ding ahih manin thu khun te hoih tak I zuih ding thupi mahmah ding hi ci in Dr. Fauci in genkhia hi.

10) Miami, Florida Sangte mai kha ciang in-person in kikah kik ding:
Abeisa hun te ah Florida state sung Covid-19 a tam pen na leh Covid-19 lungno phulna mun aa, akiciamteh Miami-Dade county Kumpi sang te mai kha sungin in-person in kah kik ding hi ci in Miami-Dade county board of education in taangko khia hi. Hih sang in-person aa hon kik ding leh hon kik loh ding thu kikupna nai 29 sung aneih khit zawh uh ciang Mee (vote) kikhia in tua tawh akikhensat ahi hi. Miami-Dade county school district pen US gambup ah alian pen leh sangnaupang atam pen number 4 na ah om ci uh hi.

11) CDC in tukum Halloween ah bawl loh ding thu te pulaakkhia:
US gam ah kum sim aa akibawl Halloween pawi bawl na te ah “trick-or-treating” akici inn khat khit inn khat vaak na leh siikna te bawl loh phot ding hoih asakna te uh pulaak khia uh hi. Inn khat khit inn khat kikawm na in Covid-19 natna kilawh koi koi, ki puak koi koi thei ding ahih manin la huai hi ci uh hi. CDC in belh Halloween guidelines akici Covid-19 Halloween hun un zat ding leh zuih ding thukhun te taangko khia uh hi.

12) Tulai tak Kawlgam Covid-19 din mun:
Kawlgam ah Covid-19 natna ngah thak September 28 ni in mi 743, September 27 ni in 880 kibehlap aa, Covid-19 kipat zawh ni khat sung atampen akimuh ni te ahi hi. Natna atam pen kimuhna pen Yangon Khuapi kiim teng leh Mandalay division sung teng ahih manin tua sung aom te kidawp huai mahmah hi. Tuni ciang dong Kawlgam ah Covid-19 natna ngah mi 10734 pha ta aa, a si mi 226 pha to ta hi. Kawlgam ah natna ngah khang sem sem aa, zato nasem te, Palik te tungah zong tampi kilawh in, ala huai mahmah din mun tung to ta ci uh hi. Quarantine lut mi tam lua ahih manin Kumpi te leh kiplawlna tuamtuam ten vaihawm zo nawnlo uh ahih manin Quarantine center ah mi tampi lut sak zo nawlo uh aa, inn ah quarantine lut sak ta uh ci uh hi. Tu sung teng asi sung pan Ulian, Uneu, mihau, mizawng cih bang kihel kim ci uh hi. Kawlgam ah Covid-19 amanlang in hong bei, hong veng nading thu ngetna ah phawk ciat hi.

13) Johns Hopkins University & Medicines te report na tungtawn in September 28, 2020 ciang dong Leitung ah Covid-19 natna ngah mi 32 million pha ta in asi mi 996,682 pha ta hi. US gam ah natna ngah mi 7.1 million leh asi mi 204,752 pha ta hi. Kawlgam ah natna ngah mi 10734 pha ta in asi mi 226 om ta hi. Kawlgam ah tulai tak Covid-19 natna akilawh ziah ziah lai tak hi aa, US gam sungah zong Covid-19 anei tampi kibehlap toto lai a hih manin i om na ciat ah i kidawp ciat ding leh I innkuanpih te hoih tak I kepcing ciat nang thupi mahmah ding hi.

Note: Nung Wednesday ni nitak ZNTV pan Lia Zo Bawi hong taangkoh khiat pawlkhat zong gawmkhawm in Lai tawh asim nuam te aading "news version" tawh kong suahsak kik ahi hi.

---------------------------------------------------------
Thomas On Sian Mung (Thomas Mung Guite)
Washington D.C
September 27, 2020.
Momno Media & Museum @
https://www.facebook.com/MomnoMediaMuseum/
---------------------------------------------------------

SIA JM PAUPU TUNG PAN PASIAN THU GIL DOTNATE LEH SIA TS KHAI LA

Rev. Dr. JM Paupu tung ah thu kidotnate a phina hi in na enle cin Pasian nasemte a hizongin afangte adingin manpha mahmah ding hi! 

Ih nuntakna sung ah Pasian kammalte 
Theician
 Telcian
Leh nuntakpih ding kisam hi.

Upna leh khiatna tuamtuam om thei a Pasian deihna lian bang hiam cihpen hoihtak ih kantel ding kisam hi. Laisiangthote pen a kitel sitset dan in a om hang atamzaw gennopna nei vive ahih manin telcianna ding mipilte genna leh Khangsiangtho panpihna kisam hi.

SIA T S KHAI La zong nangai in a ma ading thu ngetsa kawm ni. Kal damlo kalsawpzel ahih manin ih huh zawh leh thupi mahmah ding hi. Ih sihkhit ciang hoihna gensang sihma kihuhna in man neizaw hi.

Hih a lapen 1990 kim khawng hileh kilawmsa ing! Burmate ci a hong kithupisimloh lai hiding hi. Amah bek hilo India bordering a tengte in thei lua zen ung ah mah bel thong kia ngeu hituak in, ih beh khawng ih kigen ciang Burma ah tuadan beh a om maw hong kicih hunlai hizen dingin ngaihsun ing! 

Lungdam 
Siansiam Khaute 

UPNA, ITNA LEH LAWPNA BEH HILO LAUNA TAWH PASIAN BIA NI

ZOMITE Pasian ih up ih muan ih Biaknate hawthawh huai hetlo hi. Ih lawpna, ih phatnate zong hawmthawh huai hetlo hi. Pasian ih itnate zong hawm thawh huai hetlo hi. Ahizongin ih nuntakna ah Pasian deihna bangin ih nuntak ih kalsuan theihna dingin :

Ih Itna
Ih upna
Ih lawpnate bek hi kei henla
Pasian kihtakna 
Tawh thuah lailehang Pasian lungdam mahmah ding a
Ih nuntakzia zong Biakinn bek a hoihlo in
Apualam ah zong hong hoihzaw kan lai ding hi hang!

Lungdam 

Anuai ah HOME mekin 

NUNTAKPIH LEH THEIH DING KILAWM Sia Thang Lam Mung kammal hoihte

Phawk huai mahmah thu tampite lak pan Sia Thang Lam Mung tung pan theih huai kammal hoih pawl khat hi na ngai in la thei bek hilo nuntakpihna in nuntakna leitung thupha hipah ding hi.

Ka video leh ka bloger hong etsakte tung lungdam na enzelzel un ka bloger pen News maimai tamlo a Laibusal bangin kazat ahih manin thumanpha tampi na om ding a nikhat khatta bek na simle cin nuntakna ah thuhoih muhna tampi hong piang ding hi!
Pasian thu
Kha thu
Taksa thu
Minam thu
Leh khantohna ding tuamtuam om hi!

Lungdam 
Topa thupha
Siansiam Khaute

Ngen zatdan na theih nop leh USA ah

If you want to know how to use the cast net. You can watch here and give feedback. 
USA a ngen khuh zong nuam ei tano teng tawh Innkuan outing na khat hi nga bel ei gam danin lim kei in ciphawng bel nuam zawzen 

Lungdam 

LEITUNG AH THONGKIA ANEILO GAM LEH KUATE VOTE DING!

 Leitung ah thong aneilo gam leh Vote piak ding vai

Netherland gam pen leitung ah thong neilo or thongkia ding a neilo gam khat ahi hi.

2013 kumin mi 19 prisoners thongkia nei uh a tua kum a kipan tudong mah thongkia ding mi prisoner neilo uh hi. Tuadan gam bel nuam ngel ding hi! Palik policete nasep ding tawm ngel tuam ding hi! 

Lampi Highway ah speeh limits pen 100 ah khiamsuk cizen hi! Ama in bangzah ahitam? 7pm pan 6am kikal pen 130 ciang in hawl theih cilai zen hi! Nasia mah2 ei! 

Thongkia a neilo gam himawk ei! Thupi ei guta mi gilo tawmngel ding hi! Lungnuam ngelve!

#ELECTION KITELNA AH KUATE PIA DING.

->USA ah bel Party lianmahmah 2 om a adang pawlkhat bel om hi! USA ah Vote ding na hih leh atheih huai ah Party lian nihte kalsuanzia leh thukhun, paipihziate thei masa inla Christian na hihna tawh kituak thu guilet anei pen a mi enlo in Party zui in pia in.

Bang hang a hih ci kahiam cihleh USA ah pen Party te in amau thuguilet pen mipi lak ah thunzo paipih zo mawk ahih manin lauhuai mahmah hi! Christian upna tawh kituaklo Party i thuguihlet neite in a zawh leh nangpitakin Christiante adingin lauhuai leh a kileh bulh 96 abang thu tampi hong om zel ding hi!

Tua ahih manin Party thuguilet paipih dante tel mahmah kawmsa in vote in.

Eg. Democrats te thuguilette ahoihloh manin Obama in kum 8 sung hong seppen USA sung upna lam nuntakna lam ah sia zo mawk hi. Nulenu palepa etc, Christian upna tawh kitungseli english in 96 tam mahmah hi. Kikhelzo pak nawnlo mawk hi! Lehpan leng Court himawk hi. Tua hangin BWA haigen mualmual khat in athu atelloh man hi, mikhat nang gays vaci in vanawhkhia le cin Zum hong kitun ding ahih lam phawkkhalo hi. Athugen azate ading cihna bek! 

-> MYANMAR ah Vote mekhia ding na hih leh USA danin Party tuazahin etkul nailo hi! USA danin party in a mau thuguilet thunzolo phottadih hi! Democracy dektak hipan ahih manin Party in USA danin amau thuguilet tawh kumpi angah pen in zong hong influences hong thuzawh zonailo hiphot hi.

Party tamet ding hilo a, Galkapte kihon laitak mimal kua in ih gam, ih lei, ihkhua, ih lampite leh Mipi phattuamna ding sem zaw ding hiam cih a mi pianzia, nuntakzia en in me pia leng mipi kikhiallo zaw ding hi!

Kua party peuhpeuh in mipi leh ki-ukna influence zo nai mahmah lo ding hi! Tua telsiamsa in vote tek ding thupi hi! Mipi ading leh Minam veikhat ihsepsak khak leh party koikoi ah omta leh semnuam paunuam mi ahih nakleh ahun amun om veve hi. Zomi minpua lak ah a omtei hangin a veilote a dingin lampi pauna ding sepna ding omtuanlo veve hi.

Tua ahih man : USA ah Omte in Party thuguilet paipihte theitel in Party thukhun hoihna sakte pia in.

Kawlgam a vote ding na hih leh a mi namuante pia inla party zui in pia kei in cih muhna leh hawpsawnna ci ni. Lungsim tawh a kituak kei leh ngaihdam bawm ah!!!

Lungdam nong simsak man, a nuai ah HOME mekin thutuam2 tampi nasim in

Siansiam Khaute! 
Anui a Netherland man khat hi.

2020 KAWLGAM AH MP DING KUATE TELDING NA HIAM?

MP DING KHUATE TELDING NA HIAM? 

Who to be vote 2020

ZOGAM Chin state ah MP dingin kuate tel ding ih hiam? Party thupi na pin 2008 Gam  Thukhun nuai ah Party sangin Gam leh Minam, khua leh veng khantohna ding hanciam tak a asemnuam mi nu, mipa kisam mahmah hi cih kei muhna hi.

Myanmar federal asuahna dingpen 25% telkullote lungtang ih khelzawh mahsiah federal zolo ding a mipi khualna tawh tu a ciang khantohna ah hong kihon sungin mimal hilo khua nu khuapa gam khantohna ding a vei taktakte MP dingin ih kisam hi.

MP sem ih cihte zong Kumpi thukhun tel in atavuan uh thukhun vai ah athei thukhun akheldingte ahih lam akitelte kisam hi hang. MP ut menmente tello ding hi hang!

Party pen Gam Federal Democracy ah hih ciang thupi san a tun lenkawm a khatohna lam 80% focus hun hi.

Kawlgam a omte in na mepiak ding pa/nu teltek dingin hong lamen ing. Company tampi hong omin khuasung lampi lei atuam2 kibawl a Mipi adeihsakte anasepna sawt kimang hi tua pen na theitek uh hi.

Tua mah bangin party khat peuhpeuh panin MP kumpi nasem ding, Khasum lamente tello in MP Mipi ading nasem nuam gampuah nuamte nekguk nelo ding zawdeuhte telthei leng Gam leh khua khantohna piang zaw ding hi.

Party tawh kifight hun ding hilo a Mimal kua-in itna leh veina tawh gam piah zun ding cih lungngai veng2 a tel hun ding hi.

Party khat ah Kuanglui khempeuh hoih kimlo a, Siakim lo hi. 
NLD or ZCD cia party tawh buai ding hun hilo hi. ZCD deih ing ahih hang Kuangluite hoihkimlo hi! Ami mipi hong kin ding bang party ah omta leh tua kisam zaw hang!! 

Ih gam ih lei sawtpi kimangding hong puah hong zun nuam taktak MP leh Company nasem ding natel ciat un, cih kei muhna hong sung ing!

Lungdam 

Siansiam Khaute

Anuai ah HOME mekin 

MYANMAR ELECTION VAI DING KA LUNGNGAIH THU

Sunkim ka lungngaih thu: 

1. Tu sawngteng Yangon ah Covid-19 Natna khan cihtakin  hong khangkhang mawk ciang Kawlgambup sung thu khat peuhpeuh ki vaihawm leh Yangon khuapi tungah kinga mahmah hi cih pen kei mimal ngaihsunna hi aa, hih bang paulap hoih ding siksan kician ding a om na tungtawn in  Kawlgambup kitel ding November 8,20 pen lem in ka um zo kei hi. NLD kumpi in alem dingin a gelgel zongin, alang lam ah party pawl khat in lem ta kei leh phamawh salo ding in ka um hi. 

2. Ahangin  2008 Kawlgam Thukhunpi leh thuzui sungah ahunhun aa gam uk kitel vai ah hunlap in a sepzawh a bawlzawh kei leh Galkap in aana (အာဏာ) la ding aa, tua khit kumnih ciang kitelna bawlpih kik ding hi cih khat om ngel hi. 

3. Tu laitak in Galkapte leh USDP in Union Election Committee (UEC) te pakta khollo in mu ing

3. Adang party tuamtuamte thanemna gen kei ni USDP sung bek zong khen thum bang hong pha sawnsawn uh hi

4. Azenzen in Kitelna lem kei in hi leh Galkap in aana(အာဏာ) laziau leh kum nih sung uk thei in a mau deih  bang un ပုံသွင်း kik thei ding uh hi

5. A dang Party neuneu telcing ding aa kingap mello tengin zong kitelpi lem ta kei leh adeih lam in hong ding ngelngel ding uh hi. 

6. Tua hi leh Galkap 25% adang 26% tawh gambup kitelna kullo in lampi khat om thei mawk hi

Theihding: Hih atung aa thu te pen kei mimal ngaihsunna bek a hihi.

Tg. Do Khan Tuang

Yangon 

KAWLGAM AH KITELDAN DING HITENG HI TELCIAT NI

*Myanmar MP kiteel ding dan:*

_Hih a nuaia bangin en dih ni ei guai....._

Seat omzah: 664

Galkap seat : 166

(Galkap lam in 25% tuh ngailo in nei phot ding)

 MP seat kituh ding zah : 498 (Hih seat cianlai teng pen party tuam tuam te kituh ding uh hi)

Regions-ah: seat 291 (2015 kiteel in Region seats 290 ah 280 NLD in ngah uh hi)

States-ah: seat 207  (2015 kiteel in State a seat ah NLD in 110 ngah uh hi) 

A gawmkhawm kumpi a bawlthei ding in Seats 333 bek kisam hinapi amau party bek in  seat 390 ngah zo uh hi.

Tukum 2020 ciang Region ah 2015 bangin seats 280 a ngah ding uh lamet huai meello  hmuh a a, taiyinta te lam ah cile hang amau nam party tek tawh me kuang a lui tam ahihciangin, NLD amah bekin a ding zo takpi  diam? Taiyinta te party te aki thutuak uleh,  MP seats eimau kuama teng i tan theih leh state MP loin kumpi bawl theilo ding uh hi. Region seats khempeuh party khatin lakhin phial ta leh zong kumpi sem ding (ruling)in seats 333 kisam ahihmanin party khat bek in semthei tuanlo hi. Region a seat omte khempeuh Party khatin lakhin peuhmah lo ding ahihciangin, kum 2020 election pen  Taiyinta party te adingin kamphatna lianpi khat suak thei dingin uphuai hi.

Copy paste 

ZOMI ADIAK IN TEDIM ATEN ITEL DING

Zomi adiak in Tedim in itelding 

1. Hang Khan Lian Zo te hi. Malaysia kum-8 om ing Zo te si leh sigal in ongpaiden hi. Zomi te si leh sigal in ongpai ngeilo hi. 

2.2017 Kum in ZAM makai atamzaw thukimna tawh Zomi Nam Ni thugen ding in kisam hi. A ut anuam a hamthei cih theih kahihman in ZAM Upa te kiang ah athugending thulu pia ni ci in kagen leh ongsangsiam uh ahihman in "Bang Hang Zomi Nam Ni gamdang ah kibawl cih thulu kapia uhhi".

Thu onggen takpi a Zomi malkhat zong lokhia nuamlo in Chin cihbek lo keei ahihman in Bulpit tungpan kikaikhia dektak hi. Lengla  NLD-LA, Mualmi pan Kachin,Shan,Mon,Rakhiang cihte kisam ahihman in lengla te maizahtaakna in kikaikhia samlo hi. 

Thu onggen toto a Gamdang ah Zomi Nam Ni ibawl na ahang Burma-Kawlte hang hi ci ahihman in NLD-L-A pan ongpai kawlte lungkimlo uh ahihman in ahoih thei leh azaknop thei peending in kanagenpih a kathum bawl hi. Tualaitak Malaysia NLD ah Preaident U Kyaw Kyaw zong ongkihel hi. U Kyaw Kyaw pen keitawh kum-1 thong inn sung ah omkhawm in Pi Aung San Suu Kyi akikhumciplai asuahtaak nading Kawlgam Palai zum , China Palaizum leh Russia palai zum te kasimpih den pa ahihi. 

Tua ahihleh Kawl huapa banghang Kawl Party pan kunglui? Zo te bek asihteh agalpa banghang Zomi te lak ah kuanglui ? Gamdang ah na asepzawhnawnloh Company in adeihnawnloh teh banghang Minam vei kineih a kuanglui? 

Zomi te pilhunta mikhemsa in takei ni! Kua in Zomi dinpiha, Zomi Zogam it hiam cihpen ngaihsut hunta hi. ZCD akah a NLD akah zong ingahdingzah vaal kingahtuan loding hi. 

Iminam igam abit nading in Zomi Zogam aci tinten Party leh Mimal te mah Vote piak huai hi.

Thang Khawm Pauzomi

USA

HAKHA KHUAPI NLD # (Rulling Govt. Party ) MP CANDIDATE POSTER SUK SIATTUAK

 HAKHA KHUAPI NLD #  (Rulling  Govt. Party ) MP CANDIDATE POSTER SUK SIATTUAK COMNENT NA

***13-9-2020

Comment te pan muhdan enkik in;  Gawmkhop dawnkikna.

1. NLD DEIHLOHNA IN KUMPI LAM PAN  HUHNA NGAH UH TAWH DALTAN ZOLO DING HI.

2. NLD PARTY Sum hilo in;Myanmar Union Budget pan hi. 

  

   Ei Tedim lam in Gualzo Party Kumpi semlaite Sum tawh hong ki huhsa in; Sum zahtak bawl in;NLD bek Vote khiattak asa i om pen telloh luatna hi.   

 I Politic Party Policy nusia kei ni.

4. I KHUA LEH IGAM AH I deih  PARTY teltheihna  Hangsantak pulakngamna in;  Ei mimal leh Mipi thuneihna hi. Myanmar gammi ihihna hi.

5. CNLD # CNF Supprt ; USDP tawh kipawl  ahih man in;  hang san mah ding uh hi.

 Falam ah zong NLD leh CNLD Party nih bek hatpen in;  nasiatak kidem ding uh hi.

EIlam bel ZCD Party  ZRA Support cileng Mipi lau genloh Party makaite Lau masa zaw lai ding hi. I kilamdanna tua hi. (NCA Min thuh kha nailo i hih man in; Illegal Society tawh kizom in hong kingawh khak ding ki ut lo thei hi. )

6. HONG HUH ZO PARTY SANG IN; NA BIAKNA HONG THUPI SIMSAK PARTY THUPI ZAW HI

☆ Budist  um Party oma; 

☆Chrisian;Hindu;Musalem Biakna gum Budist tawh deidanlo Party om in;

☆ Christian Um Christian Party om hi.

   

  Bang  Party tawh Na Biakna   kituak hiam, ngaihsun in, *******

   Budist tamzaw in USDP gum uh hi. 

   USDP in zong Budist gum tinten hi.

   Na upna leh Natheihna in hong hangsan sak henla ; Na huhna sumngah kisuanbawl in; hangsan ngamlo a na om pen adah huai hi.

***  

Hang Shing (ZT News)

MYANMAR THUKHUN PI LENCIP CHIN DOCTORATE 2

MYANMAR THUKHUN PI LENCIP CHIN DOCTORATE 2 ; AMAU KIDEMNA AH A WINNER KAWL MITE 

   ( DAH HUAI THU )

Myanmar Gam ah 2008 Thukhunpi Lencip kua mite ???

USDP #MA Military 

 Chin mi khat Dr.Ngun Chung Lian letcip hizawa; thulim dot uh hituak hi.

NLD Mizat pummat

Dr.Sasa 

WHO Cidamna lam CEO tanbang sepna nei  aom khat  lencip ta uh hi.

Kawlte in CHIN Vs CHIN kitaihsak ta hi.

 I muantuak hi..Thupi isak tuak hi. Chin bek hilo Myanmar gam Politician te dip kuasak zo uh hi.

  CHIN mi leh CHIN mi kilem kei leh Hakha te summaw ? Kua gual zo.?.

   KAWLTE GUAL ZO ..tua pen ZOMI NAM KA VEI ACITE KHUAK AH OMDING THU HI.

  Kachin te in Daw Aung San Su Kyi apa Kawlte mah hi acih, A khiatna tua hi.

 CHIN TE IN A HAI LEH AA YAKHINE LANGPAN DING; APIL LEH PAWL BAWL DING

  Chin khantohna ding adaltan USDP & MA te tawh  NCA Minthuh pih CNF te hi. AA mudahsak uh hi.

  Federal State ngah leng Paletwa pan Tuipi lampi  Kaladan tawh kizopna Yakhine gam pan hia ; Lam et loh in miham pha i hi hi.

 A hizong in CNF in AA

 Mudah a, na sepkhop utlo langpan uh hi. Myanmar gama Mualtung mi kilangpan a khatveina ahaivai hi.

Tuipi tawh kizopna a nei thei USA tawh kizopna hoih lampi,metna ding  zong tampi om  hi.

   Ei pawl in bel PARTY & MP gualzawhna ciang muban in; NLD thapia in; ZCD;USDP  bang na lim ko mahmah bilbel i hi hi.

Hang Shing (ZT News)

13-9-2020

CHIN STATE AH CNLD VAI KOPPIH

CHIN STATE AH CNLD 

  MP SEAT TAMZAW AH GUALZO LEH A KOPPIH UH USDP HI.

 13-9-2020

   Chin State MP 

( Tedim;Tonzang) 4 Bel amau ading in ; Mai ettak lua nawnlo hi. Military MP 6 amau a hipah hi.

  Banghang in NLD langpan uha; USDP langpanlo uh hiam? Bang hang in Vote napiak kei uh leh cin warning bang dan pau ngam uh hiam???

  Kuate sawl hiam?

  Vote na piak kei uh leh  cih kammal leh 

  Vote hongpia un cih kammal akhiatna sang in; Kuasawl cih thupi zaw hi.

Agualzo dinga Pasian siamte in hong zolel ding hi.

Hang Shing (ZT News)

A THEIHHUAI PAWLPI IH CIH IN

PAWLPI I CIH IN:

1. Thu-um mite kipawl khopna hi in, ei ut bang a tang tatna mun hilo hi.

2. Thungen khawm a Pasian maipha zonna mun hi a, mihing maipha zonna mun hilo hi.

3. Mission sepkhiatna mun hi a, mimal ai tuam phattuam zonna mun hi lo hi.

4. Pasian hong itna lahkhiatna mun hi a, hehna thangpaihna lahkhiatna mun hilo hi.

5. Siamna tuamtuam tawh Pasian a ding Kipiak khiatna mun hi a, Leitung minthanna gualnopna mun hilo hi.

6. Zeisu itna tungtawnin Pasian phuhsa hi a, innkhuat, mimal khat i neihsa hilo hi.

7. Thu- um mite Pasian a ding piakkhiatna mun hi a, mikhat innkuan khat a ding piakkhiatna mun hilo hi.

8. Ki thutuak a vaihawmna ding mun hi a, ki mawhsak ki gensiatna mun ding hilo hi.

9. Makaite vaihawmnate lawptak a sepkhopna mun hi a, leitung thuneihna tawh vaihawmna mun hilo hi.

10. A thaneem pen leh a tha hat pen omkhopna mun hi a, a zawngkhal mi cimawhte  nusiatna mun hilo hi.

11. Midikte leh mi gilo tampi kipawl khopna hi a, vantung mi abang mite bek omna hilo hi.

12. A dahte a lungkia te thuakpih in kihuh na mun hi a, a tha lawpte, a picing sate bek tawh kalsuanna mun hilo hi.

13. Pasian maipha zong in mawh kimaisakna mun hi a, gitloh tungnun a gualzo kituhna mun hilo hi.

14. I galte ong bawlsiate thungetsakna mun hi a, khasiatna, lungkimlohna gengenna mun hilo hi.

15. Pasian kammal Laisiangtho leh Khasiangtho tawh ki makaih na ding mun hi a, Leitung pilna leh siamna bek tawh makaihna mun hilo hi.

By: Sia Thangboih!

Note: a nuai ah HOME mekin phattuampih ding laite nasim in

FACEBOOK NEIPA THU TOM LEH A MAN

FACEBOOK BAWLPA

Facebook pen 2004 kum in a bawlpa in Sangkah kawmin a bawl hi a Amah pen Jews Israel mite hi in, tun millioner khat asuak hi ziau hi! 

Kei bang 2008 kum a Facbook ka zat tudong akhello a azang hing! IT lam uk gamkhangto a omte in nuntakpih lawh mawk in ei pawl bel kiziakai mahmah lai mawk ei!

Topa in nikhat niciang eite zong hong lampi khat ah gualzawhna hong piaknangin lampi kician ih zuih ding thupi mahmah ding hi!

Aman ah en leng kician ei! 

Lungdam 

A nuai ah HOME na mekin lai nasim in! 

JESU SISAN BEHLAP KISAM HIAM

"JESU SISAN BEHLAP KISAM HIAM?"

Papi khat a min Peter kici khat in khatvei phone tawh hong hopih a,"Sia aw, ka lungmang mahmah ahih manin nong huhna kisam ing," hong ci hi. Amah thunget lawhcing mi khat kiangah a damlohna thungetsak lunggulh in a va pai leh, tua pa'n na cidam nop leh thu thum kisam tuate: "(i) Kel (goat) khat tawh nong pai ding, tua kel si tawh na kisiansuah ding kisam (ii) A nihna ah lungdam kohna sum "love-gift" nong tawi ding (iii) Na min "Peter" zong i khek kisam ding hi, bang hang hiam cih leh Lai Siangtho min nei peuhpeuh Dawimangpa'n khem nuam phadiak" na ci hi. 

Ke'n zong, hong dong na hih ciangin ci-in hih bangin ka dawng hi. (i) Kel, bawng sisan hi loin Jesu sisan kibua kicing khin zo (Heb. 9:26-28, 10:10, I John. 1:7) (ii) Lungdam kohna pen nong taktak leh na piak dingin kilawm ding hi, ahi zongin thungetna zong hong neisak loin sum hong tawi-in hong cih pen, hoih khin dingin ka um kei hi. Thungetna sum tawh lei ding hi loin sum tha tawh vaihawm pen "leitung vai" sum zonna vai lua kasa ka ci hi. (iii) Na min zong "Peter" kicih manin Dawi mangpa in hong khem nuam deuh hi loin "Pasian tate" khempeuh a kibangin hong khem nuam hi. 

Tuhun ciangin aksi zat ding kisam, bawngsi zat ding kisam a cite'n Jesu sisan kicing lo a ahih manin ganhing sisan kisam i cih leh sawltak Paul in tua bang mite "tawntung in mawhpaih" hi hen ci hi (Gal. 1:6-9). Rom mite kiangah sawltak Paul in amau gilpi ading Lungdamna Thu gen om na ci hi (Rom. 16:18). "Thusuak" ahih leh zong Lai Siangtho tawh kituak hiam cih etcian ding kisam hi (Sawltak 17:11, I John 4:1-3). Agentehna in mi khat in, "Pasian in na mawtaw kei nong piak ding," thusuak ngah ing hong ci leh, ke'n zong, "Tua banga kong piak ding takpi ahih leh Topa'n kei hong theisak ding hi," ka ci ding hi. 

Pasian thu tawh kihel, mi patauh nading thugen kitam mahmah hi. Kamsang khawng i kici uh a, tanglai kamsangte' zong amau kam panin thusuak a tangtung lo, kamsang zuau na tam mahmah hi. Kamsangte zong amau tua zaa kipia hi loin Pasian in ama kam a zat manin tua tawh kisam hi. Lai Siangtho ah ciah kik ni, Pasian thu Lai Siangtho sim loin eima ngaihsutna thusuak i sak ding lauhhuai mahmah hi. Topa Pasian in ama pahtak le damsung Lungdamna Thu tawh kituak nuntakna hong pia hen.

Rev. JM Paupu

Anuai ah HOME mekin=>