THUCIN THUTANG

 THUCIN-THUTANG

Saturday zingsang phalvak ma deuh hun pawlin Syria gam nisuahna lam, Hasakah Provinces a om , US galphual ahi, Kharab al-Jir base Iran tawsawn singnuaimi pawlkhat in suicide drone tawh galsai a, si leh liam kician takin gen kei mah leh liam pawlkhat bel om hih tuak hi. 

Us galkap mangte in Syria gam sunga om, US base khempeuh kigingkhol sitseta om dingin theisak uh hi. (high alert)

MORNING NEWS (Ukraine lam)

Ngaih aw…Tuizum mangkang Ukraine galkapte in do lun laipi manawh, tui limnga bang kuul lam manawh cih thu leh tuni pen Ukraine leh Russia kido zoh ni 900 cingta hi cih thu kong tangko masa nuam hi. 

Russia gam a ban zialsuk a, a nawk mangsuk, Russia galkapte delhmang a, ak hawla a hawl mang gai, Ukraine galkapte pen 252nd Battalion-te hi a, Belgorod region sunga om, Poroz khua a man zaih khopna munah Uniform kibang lo vive a silh galkap 5 ding khawm uh a, Ukraine galkap ciamtehna puan dum tawh a banpuam ngak tek uh hi. (blue tape armbands) A ban pen nomau tek in na ngaihsut beh ta mai un. Ki-at man nawn lo hi. 

Bang ci danin Ukraine galkapte in lumphat in Russia gam, Kursh Region kuam teng la thei in, bang geelna leh ngaihsutna nei uh hiam cih pen leitung in lamdang sa a, Russia galkapte in koici bangin thuk kik in, phulakna koici bangin paipih ding a, Bang hong piang lai ding hiam cih thu pen upmawh thu sim loh a dawng thei kua mah om nai lo phawt hi.

Ukraine galkapte bel in gal ka do uh a, galte gam lak beh zel ding pen Ukraine galkapte tup leh gim hi a, tu ciangciang Russia gam KM 30-35 kim patle kila ta hi ci uh a, (30-35 Sq/kilometer) Putin hi thu a zak ciangin lawi nak sat bangin thal len a, ka siip kiat lua veh aw ciin a tal beng kheuhkheuh ta hi.

We are on the offensive. The aim is to stretch the positions of the enemy

Russia leitang panin Ukraine galhangte hawl mang, delh mang dingin a thuap a thuap in Russia galkapte kisawlin leipek in tuangkheng uh a, tung lam nuai lam panin khawng ngekngek uh hi. Thermobaric missile nangawn tawh khut mah leh Ukraine galkapte kiin nai lo uh hi. 

Ukraine galkapte zong Tank, air defenses leh galvan tuamtuam in a nung thuap uh a, so na lawmlawm, so na vingveng cih ding sim loh gen ding tam nai lo phawt hi.

Tuin Russia kumpite in Kursh region kuam panin nautang mipite nawnkhia ngekngek phawt uh a, bang thu bang la hong piang lai ding hiam hungaih ding hi hang.