TUNI THUTHANG TUAMTUAM TE

ZOMI TIMES July24,2024 Wed 

1. Mogok khuapi TNLA leh Mandalay PDF in Lazo.

Mandalay gamhuam, Mogok khuapi Ta-ang galkap TNLA leh Mandalay PDF kipawlin Tuni July 24,2024 ni-in ka lazo uh hi ci-in TNLA lampan tunitak nai 8:00pm Taden News ah pulak uh hi.

Credit: Khit Thit Media 

1. Pakokku (ပခုက္ကူ) KTV pan ong ciah Bukyi (ဗိုလ်ကြီး) Southern YSO-PDF te’n man.

Magway (မကွေး) gamhuam, Pakokku khuapi sung aom KTV pan ong ciah kik SAC galkap Bu Bukyi Ko Aung Maung pen Southern YSO PDF in na man Kha uh hi.

Tuni July24,2024 nitaklam nai 3:00pm hun pawlin Pakokku စက်မှုဇုန် KTV pan hong ciah lam in southern YSO PDF ten na man uh hi.

Amah pen ahih leh Naypyidaw ah asem hi-in Khuanla in hong ciah pak hi ci-in genbeh uh hi.

Ref: Khit Thit Media 

1. ASEAN Meeting ah SAC Pan PALAI Pai.

Laos gam, Vientiane khuapi a kibawl ding ASEAN gam Gamdang PALAI te kimuh khopna Meeting ah SAC pan PALAI SAC te gamdang Vuanzipa U Aung Kyaw Moe pai hi ci-in Japan gam aom Kyodo News in gen hi ci-in RFA Burmese in pulak kik hi..

Kawlgam Palai U Aung Kyaw Moe ahih leh tukha July 25,2024 a kibawl ding ASEAN gamdang Vuanzi te Meeting leh July27,2024 a kibawl ding USA Gamdang Vuanzi Antony J. Blinken tawh zong Meeting nei khawm ding uh hi.

Apaisa January kha, March kha a kibawl ASEAN gamdnag Vuanzi Meeting ah zong SAC in gamvai Nainganzi tawh akinah vawh lo Galkap ULian paisak in tutung a tawh a thum Veina hita hi.

Kawlgam Galkap Lubawk ULian teng bel kua gam, kua gam in asuzo hetlo himawk ei…

Kawlgam Galkap LuBawk Galkap Mangpi teng bel Pilna sangpi leh Hauhna lamah gamdang Mihau ten zong azah tak uh himawk in baih pak O taw…

Ref: RFA 

1. MAL In Kumpi Tokhom a Ngah pen 2008 thukhun tawh kituak Ci 

Kawlgam khumpi U Myint Swe pen khuaklam tawh kisai dam lohna hangin zato kibawl himah leh hoih lam manawh lo ahih manin kumpi sepna sem zom zolo hi.

Kawlgam Kumpi U Myint Swe taksa damloh na hang in kumpi sem zom zolo ahih manin Senior General Min Aung Hlaing in Kumpi semto phot hi. 

Hih Min Aung Hlaing kumpi sep tawh kisai Buchoh Zaw Min Tun in 2008 thukhun tawh kituak mah hi ci-in Khit Thit Media ah pulak hi..

2008 thukhun pohma-417 leh 412 tawh kituakin azipaw Emergency အရေးပေါ် danin kisem thei hi ci-in kician takin gen uh hi.

Ref: Khit Thit Media 

1. Laukkai (လောက်ကိုင်) Khuapi SAC leh MNDAA te kidona hangin SAC in Bomb khiatin Hotel nasem 2 sipah in khat limliam.

Shan gam saklam, Laukkai khuapi ah SAC leh MNDAA te nasia takin kikap uh a tua hangin SAC in Vanlam tawh Bomb  khiat uh in, Hotels khat kha ahih manin Hotel  nasem mi2 amun ah sipah in khat limliam mahmah hi.

July23,2024 zingsang lam nai 10:18 am hun pawlin SAC BOMB  khiat uh in khuasung mun pawlkhat leh Lucky Hotel  kha ahih manin mi2 sipah hi ci-in Khit Thit Media in gen hi.

Kukan-kokang galkal MNDAA te zong honkhat si in kigen hi.

Ref: Khit Thit Media 

1. Khalkha Thukhen Zum meikang 

Tuzan July24,2024 zan kim laitak in Ngongtat CNF te Makaih CC ten Khalkha thukhen zum hal uh hi cih thuthang kimu hi..

Hih tawh kisai pawlkhatte genna ah 

Khuasung innte kang lo, thukhenzum bek kang cih bel, Thong pan akhahkhiat teng uh Name-list leh case stories teng asuksiat nop man uh hizaw lodia maw. Atei uh cih ding ahizaw dia? Or a lee uh hizaw?

Hidan Mipil khatin na gen hi.

Thuthangte nong simsak manin lungdam..

Admins Team

Kawlgam Kumpi thak liklek MAL.