NUPA KAL NOPSAKNA DING (4)

NUPAKAL NOPSAKNA DING (4)

Lupkhawpna(sex) pen ta neihnang leh lungkim/nopsak nang

            A nuai a laikhak ah Sam in a zi kiangah Christiante in sex panin nawp sakna ngah cih a gen ciatna hi.

            Ka zi-in ka lupkhawp uh ciangin nuamsa takin kimawl/omkhawm utlo hi. Hih danin hong cia, sex pen ta neihnang bek hi, Christiante sex ah nuamsa in gamtat loh ding hi hong cih san hi. Nupa lup khawp ukluat ding hi kei ta neihnang bek ci hi.

            Ih kihihdan anuam thei pen dingin atuamtuam in hih ni ka cih ciangin, tua dan pen numei kizuakte hihdan hi hong cihsan ziau hi.

            Satan in ka lungsim ah hong ho siausiau a, amah khenin la sex ah na kipawlpih/lungkim pih theih dingte zi nei-in hong ci hi. Ahih hanga kalungsim sungah kiten laia ka kiciamna uh sih dong a kazi ding ka cih sa hi a…ci-in ka ngaihsun zel hi.

            Ka office ah nungak mel hoihnono ka muh ciangin ka lungsim hongla mahmah in, ahih hangin khatvei zong mawhna lam tawh kisai gen/kasem ngei kei hi. Banghang hiam cihleh Pasian in thu hongkhen ding lam phawkden ka hih man ahi hi. (2pet.3: 7-11)

            Kazi pen lungsim hoihin nunnem ahih manin, ka it mahmah hi. Ka lawmnu sex ah hong lunglut a nuam hong sak theihna dingin, hehpihna tawh lai hongkhak un ka nupa un ka sim khawp theihding uh kong ngen hi.

                                                                        Yrs.SAM

           

SAMte nupa kong laikhakna sung uh ah Christiante pen thupha tampi sang hi hang. Sex lupkhopna pen ta neihna ding bek ngimna a kibawl hi lo hi. Damsung Nupa kal nuamsa-in khuasak nang ahi hi.

            Ataktak-in ah Christian nupa kikal ah 100% in suakta tak a lupkhawp (sex) zatkhawp ding ahi hi. Aphei lam, akhuplam, asiklam cih om lo-in nupate-in nuam asak dandanin zat theih ahi hi. Nupa kal aa sex tawh kisai mawhna cih omlo a, mi dang zi/numei tawh ahih leh Pasian in thu hongkhen ding hi.

            Mi kizuakte bek sex ah nuamsa (enjoy) ding cih hi tuan lo hi. Nupa kal kilem ding na ut leh zanthu ah anuam thei pena na kipiak tuah ding uh ahi hi.

Kuate in sex ah nuamsa pen uh hiam?

Midang tawh mawh/sex zang khawmte hiam?

Hilo hi!

Pasian it nupa te’n khat leh khat kikhualna tawh

SEX ah a kihuh tuah, kipiatuahte ahi hi.

Ka lawmnu pen midangte-in zong hoih a sak mahmah huan, asung aa singgah khum mahmah a kidim tawh kibang hi.

Solamon la 4: 12-13

Ka pasal aw na huansung ah hong lutin la a khum mahmah singgahte hong ne-in. (Sola 4:16)

Na lungtang sungah kei hong koihin. Midang tawh mawhna vabawl kei in, bang hanghiam cih leh mawhna-in mei bangin hong kangtum ding hi.

(Solamon la 8:6)

Note:

Hih laibu tawh pen adeihten kilei thei kikta hi, kiprint kik hi bu 1000 tang ding, Aman pen ih omna mun2 zui in kizuak khading hi cih kitheihsakna zong hipah hi. Kawlpi ah kingah hi. ZCLS leh Sia Ngaihthang.

Lungdam

Siam Khaute

June29,17

Nu ngak, tangval lai hi-in nupi papi hita le cin nasim le cin kisik ding om lo hi.

NUPATE THEIH HUAI

NUPATE THEIH HUAI

1. Nupa ki-itna pen Innkuan kilam nadinga Pasian’ hong piak ahi hi. Thudangte i kivuknelh sakleh Innkuan kiling ding hi.

2. Nupa i cih pen Innkuan kingakna zawlpi a pua khuam tegel hi-a, a kithutuak mahmah ding kisam hi. Tua hi keileh zawlpi tunga tuang i tate kiakhia ding uh hi. Nupa ki-itna khit-a tate itna pen nupa ki-itna tungtawn-a hong kipia hizaw lai hi. Pawlkhatte tate tawh kopin a nu a lang bawl’ om thei in, tate tawh kopin a pa a lang bawl’ ki-om thei hi.

3. Khangluite in, “Suk-tum tungah zong nupakhat lumkhawm thei hi” a ci uh hi. Nupa kipumkhatna thu tel mahmah uhhi.

4. Mite’ thugen’ khat peuh tawh i nupa kal kiling sak ngam mawk ding hiam? I zi maw, i pasal maw, sangin a uphuai zaw khat i muhleh pen a lampial, et loh dingpi khat a en kha i hi ding hi.

5. ‘Nupa’ cih pen pumkhat a kici ahi hi. Khat in taklam sii’ in, khat in veilam a sii’ ahi hi.Tua pen pumkhat ahihna ahi hi. Veilam leh taklam kithutuak lo cih bang om lo hi. Nu zaw maw, Pa zaw maw khatpeuh in a pulak masak khat peuh, “He he” cih pah theih ahi hi.

6. Pasal in a maitang mu thei lo-in, a zi’ maitang a mu hi. Tua mah bangin a zi tawh kisai teng a en ding hi. Numei in zong a maitang mu thei lo-in a pasal’ maitang a mu hi. Tua mah bangin a pasal tawh kisai teng a en ding hi. A kikhai kimin a om’ keileh nupa cidam lo, innkuan cidam lo ahi ding hi.

7. Pasal in a ma’ lam bek en in, a thuneihna a zi’ tungah a zat lailaileh, zi-hai a neihleh, sila in zangzang thei dinga, zi laihawl a neihleh om khawmkhawm thei lo-in, zipil a neihleh a zi in sila lungsim tawh a pasal a om pihpih lel ding hi.

8. Nupa pawlkhat a kithutuak mahmah ding banga, ahizongin angaihsutna uh a kituah sung bek ahi hi. Bazarte ah vakkhawm hialhial uh a, aduh adeih uh a kibat loh ciangin a buai uh hi. Duhdan deihdan a kibatloh laitak pen nupa hihna i zat ding laitak hi zaw hi. Pawlkhatte bang pen a lawm ii’ mitlimlang lei dinga pai hi napi, a et sakleh a lu-vai keei ahih cianga, “Bulh thei kei niteh, piang kei,” ci-in lei’sak lo ziau hi.

9. Pasal cih pen i khanglui ngeina-ah, a zong ding, a van’ ding, a puapial dinga ngaihsut ahi hi. U sung nau sung khua sung vaite ah a pilvang ding ahi hi. Tua mah bangin khangluite in, “Pasal vakvak saliang pet” a ci uh hi. Tua ahihmanin zite in pasalte’ vahna peuh lung himawhin kankan se lo-in, “A neipa hiven, a neihsa behlap ding hilo dia” cilelin, “Humpisul leh pasal’ vahna kikan ngei lo” cihte thei-leh! Tua mah bangin pasalte zong zi leh tate’ a’dingin muanhuai pah-leh!

Numeite leuleu pen i pu i pate’ ngeina ah, vakvak lo zaw in, innsung vai, zin leh leeng vai, anhuan mehbawl vai, huangsung vai teng a sual dinga ngaihsut ahi hi. Thamlo-in numeite puapialleh ze-etna nanglah zaw deuh kici in, i pu i pate in, “Nupi vakvak thusia zong” a ci uh hi.

10. Pa in thupha a bawlna khat peuhah, “Ka zi ka tate in gengen uh-a” ci sese lel ding hi. Kipahtawi siam ding hi.

11. Nu in zong thupha a bawlna khat peuhah, “Ka pa un gengen ahi cianga” ci sese lel ding hi. Kipahtawi siam ding hi.

12. Tate in zong nu leh pa’ sawlna lo-a thupha a bawl ciangin, “Ka nu, ka pa deihdan ahih cianga” ci sese lel ding hi. Kipahtawi siam ding hi.

13. Pa pen khualzinin nu bek a om ahizongin, innsung khantoh nading vai khat peuh, sumgil, paaigil, vangil khat peuh neih theih nading munte ah, pate a om loh hangin vaihawm’ ngamna pen, “Nu” cing hihna ahi hi. “Nu” cing i cihte pen pate’ lungsim a telte ahi hi. Pate’ lungsim i tel keileh “Nu” cing hi zo nai lo cihna ahi hi. Tua bangte in bangmah vaihawm ngamlo ding ahihmanin, “Nu” a cing zo lo ahi hi. Pa’ om loh sunga a vaihawmnate khempeuh zong, pa mitsuana, pa hu-ngaiha a sep ahihmanin, “Pa’ hang mah hi” a cih theih ding ahi hi.

14. Pa in zong a om’ loh kal-a a innkuante’ vaihawmnate khempeuh ama’ vaihawmna mahin a thukim’ pah theih ding ahi hi. Banghanghiam cihleh innsung mimal khat in i lem’ hunhun-a na hoih i sep theih zel pen innkuan kitheih taangna hang’ hi a, pa in innkuan a suahtak sakna hang’ ahi hi.

Hih thu a telsiam lo pawlkhatte in pasalte om lo-a nalian a sem zite pen kimawhsak zawsopin, “Numei’ baangkua sung” peuh kicihsak thei mawk hi. Pa’ hangin tua zah a vaihawm ngam hizaw hi.

Pa pen a zinna panin a tun hunhunah a innsunga vaihawmna a om khempeuh pen encikin, thukimna letmat a thuh(Hoih hi cih) ding ahi hi. Tua innkuan khantohna pen, PA’ hang ahi hi.

15.

(1) Pa = Makaipi (President).
(2) Nu = Neihsa kem (Home Minister).
(3) Tate = Thu kikuppih (Committee member).
(4) Mipite = Nasepna mun (Mission Field).

Khristian Zomi Innkuan/ Tdkhen Tuuno Huang

June 2617

ZITE ADING THU VAIKHAK

ZITE ADING THU VAI KHAK
---------------------------------
Group dang pan a Zopau tawh kong tei khiat hi-in Lai siangtho mun akituah kei leh ken zong Lai siangtho tawh sit man lo a kong tei khiat hi

Laimal manlohnate na theihsiam un

Next ah pasalte theih ding kilawm post kik ni maw!

1. Na pasal sang na aw sangsak zaw ngei ken na pasal zahtaklohna etsakna hi. paunak15:1

2. Midangte kiang ah na pasal gensia ken, na nupa aa akisimgup den ding hi uh teh. Efesa 5:2

3. Na pasal nuaksan bul2 ngei ken, na pasal in ong bangci ngaihsut ding hiam cih na thei kei a innkuan noplohna bulpi hi. Pau15:20

4. Na thupitsak mi ahi kei phial zongin na pasal lawmte tung ah lungsim sia pua ken. Paunak 11:2
5. Na pasalin sila dinga ong tenpih ahih loh zen2 hang na numei tuvuan mangilh ken. Pian 2:24
6.Mi dangten na pasal thugente ong thupit sim sak lo thei a, nang na pasal thu gen thupi sim sak pen in la agen nop khempeuh ngaihsak hithiat in. Ephesa 5:33
7. Khut beng liangin na pasal ong ciah hunin mawhsak pah ken la, hehnem siam hih sawm zaw in. Deut 3:28
8.Alu zang or anung tu’m hih sawm ken la, na pasal nasep gim zia leh athupit zia ngaihsut sak den in. 
9.Sex thu ah kihawng/phal takin om in la alungkimna thei ngei2 sawm in, tua hi leh numei dang mit hem2 na pan na kidalna lum hi ding hi
10. Na pasal na zawllui tawh teh kak ngei ken. solomonla 5:9
11. Na pasal ahoih pen2 leh akilawm pen2 in puahden zuunden in. paunak 31:31
12.Ta gina lo deih kei teh mataw? Natate muhna ah na pasal thu ah kamkhat zawng dawng lala ngei ken, numei pil ten ahih loh ding thu masa pen hi. paunak12:4
13. Numei dangte tawh akituh den in kingaihsun inla napumpi siangtho in la a uang lua lo-in kizem den in. late25:3
14. Na pasal nalawm nagualte leh na inn kuanpihte sang in lawmhoih pen hi cih mangilh ngei ken. Matt 19:6
15. Na pasal in ama thu gen limtak a ngaihsak ding leh athupi simsak kisam dena na dang khempeuh sang in athugen thupisim masa in, tua in nupa nopna mualsuang phut na hi ding hi. Galati 6:9
16. Nupi phunciak kua man thupi sim lo a, na pasal thu khensatna ah kitulmawh sak dai2 se ken. Efesa 4:19
17. Nupi thadah in kidop ding kisama, siangtho ding atheih hang in ut ngei lo hi. paunak 24:27;20:13
18. Na anhuan meh bawlte na pasal in lim asak kei leh kisin in. paunak 31:14
19. Na pasal kiang ah phut2 lua kenla, hong tung ding khempeuh ah lungdam ding kisin zaw in. luka11:13
20. Na pasal gamsung pai, sumzong, Nasem, khualzin ong ciah ciangin nadangte nusian in dawnin na pasal na ngaihsak/thupi bawlna in khuaizu sang khum zaw a nasem hong tun ding ngak lah mah2 ding a, nupa lim nupa nuam innkuan nopna bulpi hi. paunak 1:11
21. Kitenna leh Nupa thu theilote tawh kam kumden kei in. paunak 22:14

Lianpu

Lungdam

AMERICA AH ZBCA DINMUN LEH MABAN

AMERICA GAM A ZOMITE BIAKNA KIPAWLNA-ZBCA DINMUN LEH MABAN TE ATOMKIM:

Zomi te gamdang kitung kawikawi a, Pasian lamhon sakna peuhpeuh ah kikalsuan ciat hi. Tu laitak Kawlgam leh India gam simloh Zomi te tam itenna penpen gam pen America gam ahihi. Malaysia ah itam hangin khawlmun dan hi in singkung vasa tuang ibang hi.

USA ah kum 1948 in Rev. Hau Go na tunga, Zomi te lai hongbawlsak Sangmang Cope Topa khua Philadelphia na tung masa hi. Tua panin kizom toto in tulaitakin Zomi te khua tampi takah ki om ta hi. America gam itun ciangin ngaihsutna dang omnawnlo in omsuakna ding leh Topa Zeisu hongpai kik dong idawnna ding gam in Ingaihsun ciat hi. Pasian nasem Rev. Hau Go zahtakna ipia hi.

ZBCA in Kawlgam biakna background kuamah deidan omlo in kizoppih thei leh sangthei hi. America gamsunga om Zomi Biakna kipawlna ahih nakleh ZBCA in sangthei hi. ZBCA kalsuan dan leh tup leh ngimte azui zoding peuhpeuh tawh akizom ahihi.

Tu laitak ZBCA tawh akizom pawlpi 33 pha hi:

1. Agape Mission Church- Nashville.
2. ZBCM of Tulsa, 
3. Zomi American Community Church- Pensacola.
4. Zomi Community Church- Denver.
5. Agape Zomi Baptist Church- Fort Worth.
6. Zomi Community Mission Church- Portland.
7. Agape Zomi Mission Church- Houston.
8. Zomi Christian Church- Louisville.
9. Zomi Baptist Church- Seattle.
10. Grace Zomi Baptist Church- Indianapolis.
11. Zomi Christian Church- Twin falls.
12. Zomi Christian Church- St. Louis
13. Grand Rapids Zomi Baptist Church- Grand Rapids.
14. Zomi Christian Church- Bowling Green 
15. Zomi Christian Canaan Church- Battle Creek 
16. Zomi Baptist Church- Owensboro
17. Zomi Emmanuel Church- Houston
18. Zomi First Baptist Church- San Antonio
19. Zomi Christian Church- Austin
20. Zomi Christian Church- Des Moines
21. Zomi Baptist Church- Marshalltown
22. Zomi Christian Church- Salt Lake City
23. Zomi Bethel Church- Portland
24. Zomi Agape Christian Church- Seattle
25. Zomi Agape Church- Dallas
26. Zomi Emmanuel Mission Church- Chicago
27. Zomi Community Church- Fort Lauderdale
28. Zomi Christian Fellowship Church- Newbern
29. Emmanuel Myanmar Church- San Antonio
30. Zomi Mission Church- Columbus
31. Indianapolis Zomi Baptist Church- Indianapolis
32. Lincoln Zomi Church- Lincoln,
33. Phoenix Zomi Christian Church- Phoenix( Asawtlo in kisangding)

A (5)veina ZBCA Khawmpi ding:
Ani: July 28-30,2017
Amun: ZBCM of Tulsa.
Kawlgam leh India pan Pasian nasem mi 30 val kihel thei ding.
Lasiam te zong kihel ding.

1-ZBCA in Donghu nasep khopna nei hi.
2-ZBCA in Biakinn lamkhopna nei hi.
3-Pastor neilo te adingin geelna nei hi.
4-Mulkimhuai takin hongnusia Zomite tungah itna lahna nei hi.
5-Kawlgam Zomi te sungah tan 10 All D ngahte ks. 1,000,000 tatawh pahtawina neiden hi.
6- ZBCA pen Kumpi Registration 501 (c) 3 angah kipawlna kip ahihi.
7- ZBCA gamsunga sangnaupang te tungah All A ngah te leh pahtawina lamdang deuh ngahte tungah lungdampihna nei hi.
8- Khawmpi ciangin Choir kidemna/ Solo kidemna/ Duet kidemna/ Quatet kidemna / Laisiangtho kidemna leh Drama kidemna cihbangin nei ziahziah a innlam lunglenna teng veng hi.

9- Praise and Worship seminar kinei in khangno te kilawm tatna khang mahmah hi.
10- ZBCA tawh kizopna pen sawm ah khat ngahna pan 7 % ahihi.

ZBCA in nahoih seppih ding lawm hoih nei:
1- America gamsungah nahoih sep pihding lawmhoih ahi NABF( North American Baptist Fellowship) te kinei in March 9,2017 akipanin Topa gam adingin kizopna kinei a, NABF sungah members 30 Millions om hi. 
2- Leitungbup ah Biakna kipawlna ah alianpen khat ahi BWA( Baptist World Alliance) tawh Pasian nasepna dingin lawmhoih in kiman hi. Zomi mintawh leitungbup Biakna kipawlna ah kizopna ineih masak pen hiidngin kilam enhi. 
3- Kawlgam ah akisam bangbangin naseppih ding innteekpi dingin Zomi minpua kipawlna ahi ZBCM tawh kizopna kinei hi.

ZBCA in kizoppih ineih hangin inasepna gah pen Zomi bup leh Kawlgam bup akipan leitungbup Zomi te tungah itna tawh kizang khia den hi.

4- ZBCA sunga om Local pawlpi tek in amunmun ah SBC tawh ahizongin alem dandan in Biakinn te akipan mapan khopna tuamtuam kinei ciat hi.

5- ZBCA pen Biakna kipawlna ahih hangin gam leh minam adingin akisam munmun ah mapang den leh ahanciam nuam den ahihi. GZA , LZI,ZIUSA , ZYA leh Siamsin te akipan Pasian min athangsak nuam leh gam leh minam adingin mapang nuam peuhpeuh tawh akisam bangin nasem khawm hi.

6- Kawlgam bup Bible Society zumpi ah sumpi kipuak a, kizopna lawmhoih in kinei in, tukum in ks. tein 43 kipuak hi. Apuak khempeuh lak ah akhatna maw anihna maw ngahdingin lametna kinei hi. Sia Khoilam in asawtlo in hongzasak ding hi.

ZBCA in imipihte ading ngaihsutna tawh innkuan khat leh mimal khat mangkang te kawmkal a tang om kha i om leh itna tawh kizopna bawl a, panpih dingin kingaihsun hi.

ZBCA kizopna anei nuam te adingin ahunzui in ki thuza thei hi.

USA gamsung khuapi 29 ah omta a asawtlo in khuapi 50 ah omdingin lametna inei hi.

Lungdamna leh thungetsakna tawh,

Rev. Pau Khan Khai.
General Secretary
ZBCA.
June 14.
Phone: 502-291-1948 .

OBAMA IN ATANUTE THUHILHNA

Obama in a tanu ta ding a thuhilhna
******************************
Nang ading hisakin--->>
1. Nang leh nang ki muanngam loh na paisan in:  A taktak in nang leh nang na ki muanngam kei leh mi dang te in hong muang thei ngeilo ding. Tua ahih manin na ngaihsut na limlim picing sak inla nang leh nang ki muang masa in.

2. Nang leh nang ki neusek ken:  Nang leh nang ki neusek kei in la mi dang te zong neusek , neumuh kha kei in. Tua a na vangik teng na lungsim sung ah gual inLa khat khit khat ngaih sun in gualzawh sawm in.

3. Hun sot toto nawn kei in: Sep ding khat na neih leh a hun sot toto kei in. A hun na khin khin na hang in, Nasep ding te hong man tuanlo ding hi.

4. Thanem kisa kei in: mi dang te in hong gensia, hong phunsan ta zong in, hehna tawh dawng kiKkha het kei in, na dawn kik leh nang zong amau mah tawh a ki bang na hihi.

5. A pua lam ah annnek ki dawm in: A pua lam a, annnek pen sum phengzat tawh ki bang a ,zong cidam na tawh ki tuak het lo hi. nang naduh meh khat pen na huantheih ding ki sin in.

6. Ki thanuam sak in: Thadah na pen ei leh ei ki bawl ahihi. Na thadah na pen kua mah in hong lawp sak zo tuanlo ding a, kua mah in hong phawng zo tuan lo ding hi.

7. Angsung theihna paisan in: Nang pen angsung thei mi maw a hih kei leh midang adeih sak mi maw cih kisit pha in.  Mite ading thupha na hiam cih ki en cian in. Hih leitung pen hawmsiam na tawh ki nung ta hi aa, tua hi leh leitung hong nuam ding hi.

8. Kamciam pia ziauziau kei in:  Na kamciam tangtung sak zo kei leh midang te lungsim na sak na suak ding hi. Ka khantawntung hong ngai ning cih kamciam na piak sang in a matung ah hoih in, theih siam na lak in .

9. Nial ngam in: Mite in amau hoih na ding bek hong gen ding uh ahih man in tua hun ciang in nial ngam in.

10. Nang hong itlo mite thugen ngai khakei in: Mite in na thugen nate pen hong thupi sim lo hong neu bawl ding uh hi. Tuate tung ah ki nga kha kei in. Banghang hiam cih leh amau nang hong itlo a, hong haza uh ahihi.

11. Cil sawm in: Ann nek ciang in avek in ne in, bua kha kei in. Tui muk hon sa in nusia kei in. Khe tawh pai theih na ahih leh khe tawh pai in, Motor cycle tui bei in tua in cil theih loh na ahihi.

12. Nin thangpaih kei in: Laidal khat, Pk nek bang te  lampi tung ah paikha kei in , migina lo na ut leh bel paih theih luat hi.  Mi khat in nin khat tek pai mawk leng ngaih sun in leitung bel nin buak na leitung suaklo ding maw.

13. Kam paupau nop na ki dawm in: Innkuan sung , lawm ki ngaih na ah, a mun tawh ki zui in pau kidawm in. Napau khak kammal khat in buaina tampi piangsak thei hi. Kampau hoih a, kid dop theih hoihzaw hi.

14. Tawl ngak hun lak siam in: Lunggim sintawl haksa na tam pi na tuak zong in them vei huih dik in lungnuam tawldam sak in. Hih dan sepna in cidam na hong piang sak a, lungsim hong pilvang sak hi.  Nuntakna pen nopsa thei hi hang , mong neilo lampi a tawn bang in kingaihsun hi hang.  Mi hing te pen si nuam ta kei leng akisi ding te I hihi. Tua ahih man in up mawh loh pi in asi thei hing e cih ngaih sun kawm in gamta tek ni.

Obama in atanu te ading a thu hilh na
Zopau tawh...

lungdam

NUIHZAKHUAI NASA HIAM?

NUIHZAKHUAI NA SA HIAM?
~Rev Dr JM Ngul Khan Pau~
-Sum Ks.1000(tulkhat) lai biakinnah na tawi ciangin lian mahmah a, sumbukah na tawi ciangin neu mahmah hi.

-Lai Siangtho laimai khat sung sim ding gimhuai mahmah a, thukizakna dalpi nihta sim loin na lum ngei kei hi.

-Biak kikhop hun nainih sung bangzah takin sawt a, gualnopna Cinema leh bawlung kimawl ciang lah tom mahmah hi.

-Bawlung kimawlna a hun kibehlap cih i zak ciangin kilungdam mahmah a, biak kikhopna a hun kibehlap ciang i phunphun hi.

-Khalam thangah nading laibute i sim ciangin i cim pahpah a, lawm kingaih thu kigelhna laimai 400 khawng zan khatin i sim zo pahpah hi.

-Lungdamna Thu mi kiangah gen ding i cih ciangin ka siam kei i ci uh a, midang gensiat ding ciang lah ka siam kei, i ci ngei kei uh hi.

-Limlahna lasiamte lasakna, mel leh puam hoih kidemna-ah tutna a masa gual i kituh uh a, biakinn ah a nunung/minung lam i tuh zaw hi.

-Tate laisiam ding i lim ngaihsut mahmah uh a, Nipi Sangkah ding i genpih ngei kei hi. Vangam i tung nuam ciat uh a, Jesuh nungzuih man a supna i thuak nuam kei hi.

-Pasian cihna banga suahkikna i zui nuam kei uh a, eima deihna bangin suahkik i sawm uh hi. Kumpi nasemte'n khasum tawm a sak ciangun "Nuakna" bawl thei uh a, tua pen lamdang i sa kei uh hi. Pasian nasemte'n khasum tawmthu a gen uh ciangin tangtel sihtan mah i bang uh hi.

-Zu dawn loh ding i gengen uh a, i vok vakte uh zu-huan om kei leh anngawl ding uh hi, i ci hi.

-Papi nungak hel, lawmngai om ciangin lamdang i sa kei uh a, Pastor zi nei loin nungak hel ciangin i gen kheukho uh hi.

Lungdam