BIAKINN SUNGAH MUHZIA TUAMTUAM

Biakinn sungah muhzia tuamtuam: mimal lungngaih na

1. A lawp te: lawpna bulphuh, hi te in lamna, dianna, cih te om kei leh tha ngah zolo uh

2. Makai, la, music tungah kingak na_ hi te in a mau deih late ki sa kei leh, amau ngaihsut zia in ki makaih kei leh tha dah uh.

3. Mipi tungah kinga te: mi tam zui in tha ngah, kiim leh paam ah a lawp om kei leh thangah thei lo. mi tawm leh zong thangah thei lo 

4. Pasian' mi, khami: hi te in a lungtang uh Pasian pia in, mi thanem na, siamlohna te maisak zo in, Pasian maitang en den a hih manin nisim in muhtheih, lawntheih te tung kinga lo in thangah den uh hi. Pasian lawnna ngah den mai uh hi.

Mihing te'n khami i cih leh LST sunga Khami te a kilamdan na ciang khat mu ing.

LST sungah Khami, Pasian mi te in  itna nei uh, thuak zo uh, mitungah kinga kei uh, khasia, nuak ci ki mu lo. Pasian mah mitsuan den uh. (LST lui ah, LST thak ah etteh om)

Eimi a tam zaw in khami ih cih te: a lam zo te, kha la, kha lam, kamsan na, vision cih a mu thei te dan in ki ciam teh a, a hi zongin a mau te lawp zaw uh tak pi uh hi mah leh, kha lam tawh kisai lamna, lasak na om kei leh lawp lo pahpah thei uh hi. pawl khat te khasia baih, hehbaih,nuakbaih, mawhna maisak zolo teng,mawhna ciamteh cih bang om thei zaw sop hi. tua bang mite khami hilo in a lawpmi, a kipia zo mi cih ding hoih ka sa zaw hi.

Tua a hih manin tu hun ciangin kha mi cih kammal panin PASIAN MI cih zawk ding cih ka ngaihsutna ah om hi.

Sia NKKhup Tulsa

LUNGDAM BAWL CHRISTMAS By. Pa Khupsang

LUNGDAM BAWL

Leitung kiuli aom Zomi u leh naute damtek dingin hong lam en ing. Kum 2019 beiding pen kalnih taangbek kisam lai in tukha zong pen lungdam huai diak kha leh maitai huaidiak kha ahihi. Ei mihing te ithuai na leh hoihna khatbeek omlo i hih laitak in Pasian takpi eite hongit luat man leh i manthan ding hongphalloh manin leitungah hongpai in suahna ding nangawn munngah lo in a niam penpen bawng annek na kuang sungah hongsuak ta zen honggum leh hong tankhia honpa Zeisu hongsuah na tawm kikum sukdih ni.

CHRISTMAS:

C=Christmas 

H=Herod

R=Redemption 

I=Imanuel 

S=Savior 

T=Three Wise men

M=Manger

A=Anger

S=Shepherd  cih bangin kikhia hi.

A SUAK JUDAH KUMPIPA KOILAI OM HIAM?

    Laisiangtho siamte in Thuciamlui ah Pasian in  mihing zong a, (pian 3:9). Thuciamthak ah mihing in Pasian zonghi(Matt 2:2) na ci uhhi. Khristian biakna pen biakna dangte tawh ki banghet lo a, biakna dangte amau pasian zongin bia uh aa, Khristian biakna ah Pasian in mihing zongin biasak hi. Tua manin Khristian biakna pen a tuampian biakna khat ahihi.

(1). Pasian in mihing zong masa hi.(Pian 3:9) 

       Pasian pen kha hi a, John4:24 muh theihloh lawn theihloh Pasian ahihi. biakna dangdang te bang hilo in a kipat cil in om khinzo Pasian ahihi. Tua Pasian ama minthangsak ding leh ama thupiak amang dingin mihing bawl aa, Pian 1:26 , Thuhilhna 12:13 mawhna neilo in Eden huan sungah koihhi.

  

    Dawimangpa khemna hangin deihtelna pan mi masa Adam leh Eve hongpuk ciangin mawh neite hongsuak uh aa, tua mawhna in Pasian tawh ki gamla sak in Pasian maidal in liahhi. Isai 59:2, Late 66:18. A hi zongin Pasian in a khutma tawh a bawlsa leitung mite itlua ahih manin Pasian in tua mawhna pan kisik a, amah zuan in i siantho theihna dingin Adam aw koi ah omna hiam? Pian 3:9 ci in hongsam hi. Hih kammal pen a lamdang mahmah kammal khat ahihi. 

    Pasian in mawhnei mihing te it in sam a, mihing te in mawhna hangin dawng ngamlo kithei sak nuam paklo uhhi. Biakna dangte in a pasian uh sam in hopih uh a, ei Pasian in ei hongsam zaw mawk hi. 

  Adam koi ah omna hiam? ci hi. Pasian in mun khempeuh mu in thei napi in Adam te nupa mulo leh theilo hiding hiam? Mu lua mahmah ding leh thei lua mahmah ding hi. Koi ah omna hiam cihna in a omna mun sangin a dinmun uh (Position ) dotna hizaw hi. Khasiat leh hehpih huai sakna pampaih sakna lam hizaw hi.

    Tua ahih manin Khristian te Pasian in mihing zong a awlmawh leh a it akhual alai na masa Pasian ahihi. Eden huan sungpan hongzon kipan a, mawhna hangin gamla pi kitung khin ahih manin thukham leh siampi te akipan minam khat zangin hongzon ciangin hong mu zolo hongkaih zawhloh teh a tapa khat neihsun Zeisu tawh Calvary mual ah hongkhiang tanin singlamteh tawh daai hongkai a, tua singlamteh tung sihna hangin a kimu kik, a ciahkik thei Pasian tapa tanu te i suak hi. Hih pen Pasian hongzon masakna ahihi.

(2).Mi in Pasian zongkik hi. Matt 2:2

       Thuciamlui sungah Pasian in anam tuamtuam tawh kizopna ding vaihawm ta leh mihing lampan cin zawhna aomloh ciang a tapa Zeisu zangin mawhnei mite hongzongin hong muta hi. Tua pen Thuciamthak kipat cilna ahihi. Luke 19:10 Zeisu mihing bangin hongsuah ciangin mipil te vantung mite a kipan tuucing te in muak in na bia uhhi. 

    Mipil te in Herod kumpipa kiangah “A suak Judah kumpipa koilai ah om hiam” Matt 2:2 hongci uhhi. Thuciamlui ah Pasian in mihing a zon pen Thuciamthak ah mihing te in Pasian mah ahi Zeisu zonna hong kipan ta uhhi. Gipzong leh khuai zong a cih bangin Pasian i zonna ciang tawh mihing te in gupna ngah zolo suakta zolo hangaa, mihing lampan in lungsim ki tamzaan a i zonkik ding hongdeih hi. Pasian in hongzong hetlo hi leh mihing te zonna bek tawh Pasian kimu zolo dinghi. Tua ahih manin Pasian in hongit in hongzong a, Zeisu a mah leh amah hong ki pulak tawmna tawh mihing ten i zonkikna amu thei i suak hi. 

Thukhupna:

  Pasian in tapa neihsun Zeisu tawh hongzon zawh kum (2019) bang phata aa, nang hongmu nai hiam? Nang na zongkik nai hiam? Na thudon nai kei kha hiam? A man hongzonzon hangin na zonkik tuan kei leh namu ngei kei dinghi. Nang hongzongzong pa in piaknop leh cihnop hongnei ahihi. Tapa taimangpa in a manthan lam kiphawk in ciahkik hunding a pa’n a ngak bangin Topa in na ciahkik ding hongngak gige hi. Zeisu in nang hongit in a sang vantung pan nang hongzong ahih leh nangzong “A suak Judah kumpipa koilai ah om hiam” ci inla zongkik ta peuh in namuh dingin a nai ah amah omhi. 

* Tuni in Lungdam bawl pawi ante ne in nuamsa in kumte beiding ngak bek hilo in hongsuak ding naungek eite tawh hong Emmanuel khawm Zeisu pen i pawlpi leh i khua leh tui, i mimal mahmah in kiging sa in dawn sawm ni. “A suak Judah kumpipa koilai ah om hiam” a ci thei kimciat dingin mimal kim Topa khasiangtho in honglawng tek tahen. Genkhelh om leh ngaihdam bawm ah maw.

Pa Khup Sang

TA NUMEI LEH TA PASAL KUA THUPI SAZAW ...

#TA NUMEI LEH TA PASAL NEITE KUA HAMPHA ZAW

Ta numei leh ta pasal nang koi thupi sa zaw? Na muhna kikum ni!

Nidang lai in Leitung Mi khempeuhte in tapa deihciat uh hi.
Zomite bang zong tapa neilote lungleng tangial suanbei dan in kingaihsun liang uh hi!

Leitung ateng minam khempeuh in tapa aneih uh ciangin nuam mahmah hi.

India bang ah tanu neile uh dah mah2 uh hi. Nau pai Nupi Altho-sound tawh ki-en in nau apai numei a hih leh nau siasak ta ngial uh a, India ah tua hangin Nau suah ma Numei leh Pasal hihna ensak lo uh hi. Numeite’n pasal ding tampipi in lei uh hi. Tua hangin ta Numei a neih uh ciang kap ta ngialin deihlo phadiak uh hi!

Leitung bup i ngeina leh dan ah tapa pen khang kizopna ahih manin kideih ciat hi. Zomite pha diak bang tapasal nei kei leh zidang anei nuam tangial tam mahmah hi. 

#Tulai leitung luanzia tawh ih et takciangin Western, Meddle East, Asian te ah tapasal khang kisimna Laisiangtho na ngawn ah ahih hangin Tanute hong thupi semsem zaw kasa a, tanu atamzawte in nulepate hong kem in en zawta cileng kikhial nawnlo ding hi. 

Ta Numei neite lungneu huai nawnlo hi! Kuakua Innkuan sung en le hang Ta numeite mah in nutek patek en kikzaw mawk in sanggamte en kik zaw kasata hi.

Sanggam pasalte in kikumkhawm a Nulepa tekte a et uh sangin tanumeite in a nulepatekte apasal tawh kikum in khoizaw, enzaw mawkta hi! Tua bek hilo Sanggamte en zaw bahzawh pantah zaw thei mawk hi. 

Ta Numei bek na neih hangin lungkia kei in, cih zong pulak nuam hang Leitung bup Numeite in nulehpa enzaw, kemzaw tuaci hizaw sim2 ta 60% bang ci leng kikhial lo ding hi.

Pasalte in angaihsut huai mahmah thu na higige mawk hi! Upen naupen tavuan ih cihcih kal un Numeite kipanta hi! Pasal pawl bangcih ding ??

Pasal khang kizopna, leh nupa vai ah Laisiangtho in athupit sak mah2 hangin pasalte sangin Numeite in innkuan sung a leh khual suak zaw simtham kasata hi! 

Nang kua na Thupi ngaihsut zaw hiam?? Na thupit ngaihsut zawkte in hong khuallo zawta hi!

Lungdam

PASAL LE NUMEI KUA THUPI ZAW By: Job Cinpi

PASAL LE NUMEI KUA THUPI ZAW

Na hun tawm khat pia inla sim in.

Tanu sangin tapa mah manpha zaw hi, cih upna a nei mi tampi tuni dong mah om lai uh hi. Ta pasal a neite Pasian' thupha sang hi, ci-in kigen a, ta numei a neite ahih uh leh Pasian' thupha a sang pha lo bangin kigen hi. Bang hang hiam cih leh numei sangin pasal mah thupi zaw, manh nei zaw hi, cih upna in mi tampite lungsim zo ahih manin muslim biakna a zui, upna khengval pawlkhatte in ta numei a neite pen Pasian' maipha a mu lo, Pasian' hehna dan a tuak mite hi, ci-in ciamteh uh hi. Tua manin ta pasal a neite in ta pasal a neih manun lungdamkohna pawi bawl uh hi, ci uh hi.

Tanu le tapa a thupitna tua bang mahin kikhen thei takpi hiam?

Mihing khat a thupitna, a hoih a phatna cih pen amah kua hiam cih sangin aman' bang sem a, bangci gamtat hiam cih tungah kinga zaw hi, cih pen mikim in kithei ciat hi.

Pasal na hihna, numei na hihna in na manphatna a neu a lian hong seh thei peuhmah lo ding hi. Tanu tapa a nei khawmte in theitel ding uh hi. Na tanu pen numei ahih manin nang ading a manphatna kiam tuam ahiam, na tapa pasal ahih manin nang ading a thupitna khang tuam ahiam? A zenzenin na tanu sangin na tapa in khasum hoih sang zaw, sum zong siam zaw cih man ahih lel leh tua thupitna pen numei pasal hihman hi peuhmah lo hi. Pasal ahih hangin a nu a pate lungkhamna lianpi a suak ta pasal tampi om uh hi. Tua mah bangin numei ahih zenzen hangin a nu a pate ading thupha a suak numei tampi om uh hi.

Pasal ka hih manin numei sangin ka thupi zaw hi, ka cih theih nadingin numeite sangin a thuipi zaw na tampi ka sem thei a, pasalte dangte sangin zong ka thupi zaw hi, ka cih theih ding kisam hi, ci-in ka ngaihsun hi. Saipi ama thu bekin lian hi, ci-in paunak kinei hi. Pasal ahih hangin nu le pate lungkhamna a suak lel mi tampi om uh hi. Mi khat a thupitna pen aman a thupi bang sem hiam, cih tungah kinga hi. A thupi cih ciangin a lamdang lua hi pah lo hi. "Kei" cih lungsim a nei lo mi peuhmah mi thupi ahi uh hi. Thupit lohna a bulpi pen, " Kei" cih lungsim neihna pan hong kipan hi. Amah sang kei lian zaw, kei thupi zaw cih lungsim neihna pen thupitlohna a bulpi ahi hi.

Tua ahih manin nu le pate in tate pen numei pasal ahihna uh tawh a thupitna uh khen khak loh ding thupi hi. Mi khat pen ama om muanin thupi mawkmawk cih om thei lo hi. Tua ahih manin nu le pate in tate lungsim sungah pasal hih manin ommuanin thupi ding, numei hih manin ommuanin thupi lo ding cih lungsim tate tungah neihsak khak loh ding thupi hi.

India gam sungah a beisa kum tawm khat lai pan a kilangpan upna khat na om hi. Tua upna pen, "Mihing khat hi napi numei khat a pian khiat sangin uital khat a pian khiat ding hoih zaw lai hi," cih upna ahi hi. Hih upna hangin a tanute uh vang a neih theih nading ci-in uital tawh kitenna bawl uh hi. Omkhawmsa ahi kei uh a, uital tung pan pa hihna thupha la cihna lim ahi hi.

Thupitna cih pen a omsa ahi kei hi. Thupit nading hanciamna a om lo thupina pen supna ahi hi. Kumpi sem sungin a kicing lo, a thupi lo mi khat in kumpi dinmun hong ngah manin kum sawm nga val sung Kawlgam kigenthei cip hi. Tua pen kumpi khat in a neih ding, kumi khat in a theih ding a kisam thu le late thei lo zui loin kumpi dinmun ah a om man ahi hi. Kumpi ahih manin a thupitna om ahiam, om lo a hiam cih pen tua kumpi in nang tungah bang hong sem hiam, cih tungah kinga ding hi.

Thupit nading bang mah sem nuam lo a thupit ding mawk utna pen a ol a baih deihna ahi hi. A baih lua a ngah nopna pen duhhopna, huaihamna ahi hi. Na thupitna pen na sep na bawlna tungah kithuap toto ding hi zaw hi. Pasian in mihing khempeuh a kibang kim dingin hong bawl hi. Pasian' hong piak sep ding tavuante na sep na bawlna tungah thaman hong kipia ding hi. Vantunga na nga ding thaman a om mah bangin leitungah na ngah theih pah ding thaman zong tampi mah na om hi.

"Paian in numei le pasal kikaal ah thupitna le thuneihna hong pia hi lo hi. sep ding tavuan hong pia na hi zaw hi. Tua tavuan pen a neu a lian kituh nading ahi kei hi; sep ding ahi hi."

Na Zomipihte' sim theih dingin na share sawn in.
Job Cinpi

Asimte in Nupa vai danin sim kei unla Pasal leh Numei vai in sim in. Na man teh anuai ah HOME na mek in

LAWHCINNA DINGIN LAWM HOIH KISAM!!

LAWHCINNA DINGIN 
LAWM HOIH KISAM 

“Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.” PAUNAK‬ ‭17:17‬ ‭TDB

LAWM HOIH TAWH KIMU‬‬
1990 kumin piangthak, inn 10 bek a pha Kansau ah teng, 1993 kum ciangin Kalaymyo Emmanuel Baptist pawlpi lian khatin cialpi bawl dingin hong sam ta hi. Pasian hehpihna hi. Emmanuel khit ciangin Tonzang Baptist (VMBC)ah cialpi kizom hi. Tualai panin Pasian nasepna sungah lawm hoih mahmah Evan. Thang Khan Khen tawh ka kimu kha hi. Necktie leh chapal (sawngkauh phanaat) thuah kahih manin ama savun khedap (shoes) bulh lai suahkhia-in hong pia hi. Biakinn pan khe guakin ciah ngel inteh.

KHITUI GOSPEL HONG MAKAIH
Amah B.A, LLB khat hi-in kumpi nasep kum 18 sem pension, Bawllung siam Chin state pan sui den, sum bawlin gam tuamtuam pai mikhat ahi hi.  Kei pen tualmi lel khat kahih manin hong kithusim hetlo hi. Cialpi kipat nitak masa ni ta-in ama hihna teng teci a pan khit teh “Mipil Pasian nasem lawm tampi nei ing, kuamah zui ngei keng, hih Sia Do Khup pen Pasian in zang hi, cih ka tel manin a khedap khau sutsak ding a zui ngiat hing” ci-in teci pang den hi. Tua hangin makai ten zong “Tua dan aih leh sin photphot leng aive maw” cih dan khatin hun hong zangsak zel uh a, tuni dong kizom toto hi.

KHITUI GOSPEL AH HAKSATNA
Khitui Gospel Nasepna pen pawlpi hilo ahih manin sum lutna kician omlo hi. 1990 leh 2000 kikal khawng lovegift piak cihbang kithei nai loin sagawh vive hizaw ahih manin sum ngahna tawm mahmah hi. Khitui Gospelte haksapi-in kinungta ciat a, leiba kihau thei mahmah hi. 1997 kum ciangin Kalaymyo a ka innmun neihsun ka zuak khia ta mai hi.

PASIAN THUPHA SANG
Ka lawmpa Sia Khen in khatvei “Mangpipa aw, Yangon khuapi sung lamah tengh 1200 (Ks.120,000,000) man inn khat lei hang ei” hong ci a lungpih lua-in nakngek na teitai liang hi. A tate Tuang, Siam, Sangpi, Pau Muan, Khawl Hoih-te zong Pasian in thupha pia ahih manin buaih ngah ciatin nasep hoih nei ciat uh hi. “Mangpipa aw, khatveivei Topa thupha innkuan kha khat sum lut tengh 100 pha thei aive” ci-in Topa hoihna teci hong pang zel hi. Zogam khanlawh nadingin a khua-ul, a khitui a piakte Topa in mangngilh hetlo hi.

ZATO AH NA NGAK NGIUNGEU
Tu-in ka kithuah uh kum 26 bang hong hita a, kum zong hong tam toto leh Yangon ah hong ten ciangun Zogam lamah kithuah hun hong tawm ta hi. Tukum January leh February Zogam ah tawlnga loin cialpi khua 10 a kizomin bawl ihih manin mitmial lutang na-in Kawlpi zato pan Yangon zato i zuan hi. Zan kimpi-in Grand Hunter zato ah na ngak ngiungeu hi. Lawm hoih ahi hi.

TOPA HEHPIHNA THUPHA 
Zogam khanlawhna nadingin Khitui Gospel ah kum tampi a pai teng tu-in amau omna ciatah Inn leh lo suang zo ciat dingin Topa in thupha hong pia hi. Zogam ah khanlawhna lianpi hong tun nadingin thungente, sponsorte, a kuankhiate khempeuh a kibangin i Pasian in thupha hong pia kim ciat ta hen.

By: Khuata mipa
Sia Do Khup 

AUSTRIA AH NULEHNU KITENGNA OM

THU LAMDANG PI

AUSTRIA gam ah Lesbian Eipau in Nulehnu kitengna Catholic Biakinn ah Fr. Michael Kopp in letthatna nei hi. Kei theihna ah Kopp kici min tawpna pen Germany-te ahi hi.

leitung hi mawk ven maw dah huai simsim tham ei 

A Roman Catholic priest, Michael Kopp, has conducted a wedding between two lesbian entering a so-called civil union.

Although gay marriage is not recognized by Austria, civil unions are still common. Photos have been released with two women in bride’s gowns in a Catholic church in Austria. The Diocese of Graz-Seckau has confirmed that Kopp did in fact hold a service for the women. 

The church spokesman said, “The basic question is if homosexual people can feel themselves at home in the Church. Family spiritual advisor Michael Kopp answered ‘yes’ to this question. He celebrated a liturgy of thanksgiving with two civilly married women who are both believing Christians and who had both found their way out of personal crises with the help of the Catholic Church.”

To defend his actions, the spokesman quoted Pope Francis’ controversial Amoris Laetitia, which is widely used by leftists in the Romanist church to approve of gay marriage. 

The official teaching of the Roman Catholic Church has been that homosexual practice is a sin, and homosexuals are not to receive ordinances or observe liturgy in the church. It is unlikely that Kopp will be censured or disciplined by the Vatican or any church officials for officiating the lesbian ceremony.

https://pulpitandpen.org/2019/11/14/breaking-roman-catholic-priest-conducts-lesbian-wedding/

A HEHPIHHUAI NAUPANG

HEHPIH HUAI NAUPANG

Tulai Kawlgam Burman Myanmar ah Naupang kigu thang mah2 in, Zomite Pilvang huai mah2 hi.
Hih a nuai a Sia CK Khai hong khak kong khah sawn hi!

Naupang kigu naupang mang cih pen tulaitak I gam ah a tam mahmah laitak in

a nuai naupang pen Mandaly kiim a kimu hi in ta neite in hong contact hen na kepsak ing ci e.

Innkuanpihte le naupang hehpih huai mahmah hi share sak sawn ni e.

ကလေးမိဘဆွေမျိုးတွေသိရင်လည်း ဒီဖုန်းနံပါ

တ်လေးကို ဆက်သွယ်စုံစမ်းနိုင်ပါတယ်နော်…

ဖုန်းနံပါတ်လေးကတော့ 09-691766642

NA KHANGNO LAI KUM 25 MA-IN HITE PHAWK IN

KUM 25 NA PHAKMA IN HIH LAI SIM HAMTANG IN

1. Nangbang nasem cihsangin na nasep bangci sep nahiam cih thupi zaw hi.

2. Haksatna pen nangbek in a phukha na hikei a mikhempeuhin haksatna tuakngei uh hi cih phawk lel in.

3. Na khialhna te hong encik den khop dingin kua mah'n hun ngahlo uh hi. Suakta tak in om lel in.

4. Na lawm it te tawh na kigamlat khakleh lawmthak ngahbeh ding cihna hipah hi.

5. Limsim kituahpih mi bekbek tawh na ki mu den kei ding hi. Mi tuampian te tawh zong na na sepkhop hun hong om ding hi.

6. Na tupna khat ah tangtak na paina pen angsung theihna hilo hi. Hanciamsuak in.

7. Hehpihna na neihhangin kua mah'n hong phat khollo ding hi. Phamawh kei hehpihna khahsuah kei in.

8. Ki tapzanna na tuahleh leitung ngeina khat a tuakkha ka hita hi ci in theisiam ziau in.

9. Na lawmngaihcil tawh na kikhen kha thei mah ding hi. Na kihehnep nading ah lawm ki ngaihna pen ngaihsutna sangin buakthakzaw hi cih thei in.

10. Hun in liamna te damsak thei lel hi cih ciamteh in.

11. Leitungah huhna a kisam ngeilo mi omlo hiven huhna ngetpak ding haksa sa kei lel ve.

12. Tuni haksa tak aa neuno khat (sum) na khol ciauciau te nikhat ni ciangin tampi hong pha ding ai ve.

13. Puanhoih silhna in hong lamto lo ding hi. Na sunga siamna le pilna in hong lamto zaw ding hi.

14. Ki ngaihna leh itna pen umzo keng a ki mi pen a tuahkhakna sa sungah liamna ngahkhin a hihman a hihi.

15. Lungdamna pen sum tawh kilei theilo hi. Vanbawl mipil te in zong bawltheilo uh hi.

16. Nasep a tam mahmah hun in zong exercise bawl ding hun kipia veve in.

17. Na lungkham hunciangin lungkhamna khempeuh takpian pahpah lo hi cih na theih ding thupi hi.

18. Kicingta, hoihta cih omtheilo aa leitungah kisaphun bei theilo hi.

19. Zongciang a dingin thuni tangthuhoih a gelhgelh na hi hi. Zingciang lampi ding tuni sialkhol in.

20. Sep ding a kilawm hunpen 'semleng hoih ding hi' cih na phawkhun lian hipah hi.

21. Zahtakna leh muanna pen sum tawh kilei theilo hi. Kemsiam in.

22. Na sepnoploh na seppan paikhiat ding leh na sepnopkhat na kipat hun dingpen zingcianghilo aa tu'n a hihi.

23. Na kum hong tamsemsem in tuahkhak na hauhsemsem ciangin nu le pa te' itna deihsakna na tel thei semsem ding hi.

24. Lawhcinna leh matutna pen midangte hongpiak ding hilo aa nang mahmah in na lak ding a hihi.

25. Na omna peuhna mithupi khat, mi manpha khat, a siangtho khat ka hihi cih na lungsim sungah pulak den in.

Zomi Laisim Nuamte

Anuai ah Home mek in adang tuamtuam tampi om hi.

NUMEINOTE TAWH KISAI PILVANG HUAI MAHMAH

Pilvang Huai Mahmah

Numeinote tawh kisai thu

Zingsang khat laisim dingin thului gelhna website khat sung ka lut hi. Tua website sung ka lut ciangin hong dawk masa pen thului khat a thulu kha sim kha pah a, a tawp dong ka sim suak kha pah hi.

Tua thului sunga kigelh thu pen Thailand gam ah nai nih hal sim ta-in kum 15 nuai a pha pan numeino nih ta in naupai-in ta nei uh hi cih thu kigelh hi. Hih thu pen Thailand gam a om, nungakno naupaite le ta deih lo napi nau a pai kha nungaknote a huh a panpih a cing a kem kipawlna khat a thunei ahi Mr. Pakanan Krekaew in Oct. ni li ni-in gen khia hi ci hi. Hih thu pen kumpi thuneite tunga a kigen le a kizasak thu ahih manin thuman khat hi ci-in kiciamteh thei hi.

Thai gam pen a beisa kum sawm lai a kipan kum cing nai lo numeino naupai khang mahmah hi ci-in kiciamteh hi. Minute 4 hal ta bangin nungak kum sawm le kum sawmnih kikaal numei naupai om uh a, tua naupaite lak ah kum 15 a pha nau lo numeino khat ta kihel hi ci hi. Numei nau suak mi guk lak ah khat pen kum 15 cing nai lo numeino khat kihel den cihna ahi hi.

Thai UNICEF in a ciaptehna ah numei kum 15 pan kum 19 kikaal numei 1,000 lak ah 65 in naupai-in ta nei uh hi ci-in ciamteh uh hi ci hi. Tua banga kum sawm val deuh numaino naupai pen kum khat khit kum khat khang semsem hi ci-in gen uh hi.
Mr. Pakanan in a genna ah tua banga kum cing lo a nau a pai numeinote pen a zawng a tagahte le nu le pate tawh om khawm lo, nu le pa nei lo, nu le pate tawh om khawm lo, nu le pate ukna le makaihna nuai ah a khanghia lo a om lote le a nu a pate uh kikhen cihte tam pen hi ci hi.

Hih bang thute pen a bei sa sim tampi lai-in zong laibu sung hi ta leh muhna zakna mun tuamtuam pan theih dingin ging kawikawi mah hi. Ahi zongin ei Zomite omna Kawlgam tawh a kinai mahmah gam ahi thai gam ah hih bang siatna thute khang semsem ahih manin hih thusia in Kawlgam kongbiang hong sik taktak ta hi ci-in ka ngaihsun kha hi. Kawlgam kongbiang ding hong tung ta ahih manin Kawlgam laitangh tunga teeng ei Zomite adingin zong kongbiang dong mah hong tung hi ta hi.

Kum cing nai lo nungakno naupai a tam zawte pen bang hangin tua ci thei uh hiam cih leh hih bangin gamta leng bang siatna tuak thei ding, hih bang gamta leng mailam hun ah bang haksatna tuak thei ding, bang thu bang late in mailam hun ah hong muak ding cih theihna nei lo uh hi.

Laigelhpa keimah in hih thute ka gen ciangin siatna a gamtate tungah mawhsak nopna tawh thu a khen nuam ka hi kei hi. Amaute tungah thu a khen ding le a mawhsak dingin thuneihna zong ka nei kei hi. Ahi zongin siatna khatpeuh pen a gamta mite nuntakna sungah a hoihna le a hoih lohna in thukhen ding ahih manin ka Zomipih numainote in tua siatna a thuak ding uh ka deih kei hi. Tua hangin mailam hun ding thu sau ngaihsut lo a hun tomno sung nopsakna pen mawhna khialhna hi cih sangin tua nopsakna nung ah thuak ding le tuah khak ding dahna le lungkhamna thu theihtel dingin ka gen nuam zaw hi.

Tua banga kum cing nai lo a naupai numeite nuntakzia ih et tak ciangin kum cing nai lo a ta nei mi tampite lak ah mi tawmno khatte lo buang a dangte khempeuh a nuntak sung uh hun sawtpi mah dahna le lungkhamna in tuamcip uh hi cih kimu thei hi. Mi tawmno khatte bek mah in tua dahna le lungkhamna nawk suakin lampi thak khat sial zo uh hi. Ahi zongin tua bang ding mi pen ka gensa mah bangin a tampite lak ah tawmno khat bek mah om uh hi. Kum cing nai loin nau nei uh ahih manin nungak hun nuam cihte nei nawn lo uh hi. Kim le pam in zong tua bang mite kipom siam zo nai lo ahih manin kim le pamte nehpik le cilphih thuak ding uh hi.

Tua bek tham loin tua bang mite pen ama pumpi le lungkim a kikem zo lo mah suak uh ahih manin a lawm a gual pha zo khol lo uh hi. Amau le amau mahmah zong kimuanna nei zo nawn lo uh a, kimuanna nei zo mah uh le zong kim le pam muhna ah a kimuanna uh pen zum huai dai huai ci-in kinehpik lel ahih manin tua lunggimna thuak zo nawk zo a mainawk suak thei ding mi tawmno khat bek om uh hi. Pawlkhatte kim le pam midangte gen loh ama innkuanpihte le meltheih u le naute mahmah in zong pom zo lo sang zo lo ahih manin a it a ngai a pom a sang dinga kilawmte mah in nawlkhin masa zaw thei lai hi. Pawlkhatte in tua lunggimna le dahna thuak zo lo ahih manin sih ding lunggulh zaw zah dongin lungsim khensatna nei thei hi.

Tua ahih manin hih bang thute Zogam le Zomite sungah a om loh nadingin kipawlna tuamtuamte le biakna sungte ah pilna thu hilhcianna neih dingin hoih ka sa hi. Bang hang hiam cih leh hih bang thute pen mipilte in a genna ah a khangto cil gamte le minamte sungah hih bang siatna pung mahmah hi ci uh hi. Thailand gam pen a khantoh zawh uh a sawt nai lo a khangto thak gam khat ahih mah bangin Kawlgam le a sunga om ei Zomite zong a khangto dingin a kipan gam khat i hi hi.

Siatna a kipat zawh ciangin thuhilhna kipipat gawp sangin siatna a tun ma-in kiliah kidal zawh ding pen siatna nawk ding zia lampi man khat hi zaw hi ci-in ka mu hi. Pilna le thumuhna tawh a kithuah suahtakna pen a lungkim huai suahtakna ahi hi. Ahi zongin pilna le thutheihna om lo a suakta nuam mite pen ama gal lian pen a suahtakna hi kik zaw thei hi. Pilna le thutheihna thusim lo a suakta nuam mite pen a sawt loin suahtakna sungah amah le amah kol kibulh kik kha thei uh hi.

Job Cinpi
Zomi Laisiam Nuamte
Midangte sim theih dingin na share sawm in.
Lungdam.

Man or Lim nuai ah HOME link na mekin adangte zong nasim zel in!

NICK VUJICIC NUNTAKNA PAN THALAK TEK NI

Nick Vujicic nuntakna pan thala ni.

Khut leh khe kim neilo Nick lungkim takin nungta thei ahih leh ei khut leh khe a kim a neite banghang lungkim takin nungta theilo ding.

Khut leh khe kim neilo Nick tupna leh giimna neingam ahih leh  ei khut leh khe a kim a neite banghang tum ngamlo giimna nei ngamlo a om ding.

Khut leh khe kim neilo Nick innkuan picing lamzo ahih leh ei khut leh khe a kim a neite banghang innkuan picing lam zo lo ding.

Khut leh khe kim neilo Nick mite thapia zo ahih leh ei khut leh khe a kim a nei te banghang mite thapia zolo ding.

Khut leh khe kim neilo Nick mite ading limhoih limpha etteh cing hizo ahih leh ei khut leh khe a kim a neite banghang  in mite ading limhoih limpha etteh cing hi zolo ding.

Khut leh khe kim neilo Nick a painop na mun tuamtuam ah khualzin zo ahih leh ei khut leh khe a kim a neite banghang i painopna muntuamtuam ah khualzin zo lo ding.

Khut leh khe kim neilo Nick mite ading thupha suakzo ahih leh ei khut leh khe akim a neite banghang mite ading thupha suakzo lo ding.

Pasian muangin nungta ahih leh ei khutlekhe kimte Pasian muangin nungta ngamlo ding i hiam?

Ahi zo lo dinga i ngaihsutte zong hizo hi.Eite zong hizo zaw kanlai ding hihang.

Lungkia kei-ni thasan ni.

Lungdam 

Hih man nuai ah HOME na mek inla lai kigelh dangte zong masim zel in nalutsak zel inni khat ping man 1 vei bek