A KIZAMUNKHOLLO THUHILHNA HOIH NAM 15

A kiza mun khollo thuhilhna hoih nam (15)

1. Mi mai na pai ciang na veih sang ken, na san khak leh ginngaih sak ken! Na nungah mi zahtak om thei hi.

2. Ek kuang tung ah na tut ciangin a nung lam neh in, tua hi kei leh na nik na puan kawt thei hi. Zun kipek kha thei hi. 

3. Restroom ah na pai khit ciang in enkik in la tuibuak in siangsak hamtang in. Na nung a paite a ding in hoih hi.

4.  Na kam uih thei ahih manin pk or soklek khat peuh peuh na paina ah keng in muam zel in. Na kihopihte a ding phatuam hi.

5.  Mi nalet na nohsiat ciangin hopih maitai in a maitang en hamtang in. Mundang midang en a kilet pen lungkim huailo hi.

6. Mi mawtaw na tuan sungin nang mawtaw hoih dan anop dan khawng gengen ken, na tuanna mawtaw hoihlo a ci tawh na ki bang hi.

8. Mi inn na hawh na len sungin na tate phatphat se ken, innteek te naupangte thumanglo kisuak sak thei hi.

9. Na khuh ciang, na hehchiai ciang, na hap ciangin na muk na kam hum hang tang in, dangtawng kimu liang a om pen muh thadah hi.

10. Mi in mi khan na lut ciangin kiu masa, hopih masa hamtang in, tua hi kei leh apia ka khawng ki mu thei hi.

11. Nasilh naten ki encian masa lopi in Lengla thupi, mi lom om nate khawng ah awnsuk awnto se ken, muhhuailo pawl khat kimu thei hi.

12. Thu lim gen mahmah leng cilphuan peuh tuan zaizai thei, muktung khawngah kang lialua thei a hih manin nul zelzel in.

13. Na vakkhiat ding ciangin puan ang kilh, na bombi zit , na maitang cih te limlang ah ki vel masa hamtang in , maizumna phatuam hi.

14. Mi tawh na khawlkhop ciangin khaksawh la lialia,nap nit luahluah cihte kidawm in, restroom ah pai in eiguak om hun hoih pen hi.

15. Mi inn na hawh ciang, a mawtaw na zuih ciangin tv, radio, cd te a ki hon leh nang thu in laihsak se ken, amau phalna ngen masa in.

By: Sia. Thangboih 

Nasim khitteh Anuai ah {HOME} namek in la nasim in

𝟏𝟗𝟎𝟎 𝐊𝐔𝐌 𝐀 𝐒𝐔𝐀𝐊𝐊𝐇𝐀𝐓 𝐇𝐈𝐇 𝐋𝐄 𝐓𝐄𝐇 𝐇𝐈𝐇 𝐀𝐍𝐔𝐀𝐈𝐀 𝐓𝐇𝐔𝐓𝐄 𝐍𝐀 𝐋𝐔𝐍𝐆𝐍𝐆𝐀𝐈 𝐃𝐈𝐇 𝐈𝐍

𝟏𝟗𝟎𝟎 𝐊𝐔𝐌 𝐀 𝐒𝐔𝐀𝐊𝐊𝐇𝐀𝐓 𝐇𝐈𝐇 𝐋𝐄 𝐓𝐄𝐇 𝐇𝐈𝐇 𝐀𝐍𝐔𝐀𝐈𝐀 𝐓𝐇𝐔𝐓𝐄 𝐍𝐀 𝐋𝐔𝐍𝐆𝐍𝐆𝐀𝐈 𝐃𝐈𝐇 𝐈𝐍

• Kum 14 naphak laitak in “Galpi Khatna” hong kipan a kum 18 naphak ciang in galpi hong vengpan hi. Mihing 22,000,000 in anuntak na uh suplawh uhhi.

• Asawt lo in, leitungbup pulnatna “Spanish Flu” hongpiang khia in, mimal 50,000,000 in a nuntakna uh hanmual hongliap sankhin uhhi. Pasian thupha tawh nangpen na nungta a kum 20 pha ta hi. 

• Kum 29 naphak ciang in leitungbup sumzonna bulpi “New York Stock Market” hongkia suk in leitung ah sumzii khiat na, nasep neihloh nale kialpi te hongtung hi. 

• Kum 39 naphak ciang in leitung “Galpi Nihna” hong kipan a, Europe gam sungteng Nazi galkap mang khutnuai ah hongtung in, Japan te’n Sen gamle nisuah nalam Asia gam sungteng hong lazo hi. Kum 45 naphak ciang in Galpi Nihna hong veng theipan hi’n mihing 60,000,000 in a nuntakna uh suplawh uhhi. 

• Kum 52 naphak ciang in “Korean Galpi” hong kipan hi. 

• Kum 64 naphak ciang in “Vietnam Galpi” hong kipan kik in, kum 75 naphak ciang galpi hong vengthei pan hi. 

• 1980-1990 kikal asuak eite in ih ngaihsut ding; hihci bangin ih Pi le Pu te in leitungbup pulnatna, kialpi le galpi tuamtuam tepan hamsa takin na nunta khuasa khia uh ahihi.

• Tuni in, eite leitung khuathak sung a ih nuntak laitak in, hihci bangin leitungbup hong liinglawngsak COVID-19 natna hongtung ciang in muuktuam ding, khutsil ding, innsung aom ding cihte peuhtawh ih phunphun kha hi. Eite in; nek le dawn, silh le ten, mei le tui, wifi, facebook le youtube....etc ih zanghthei hi. Ih Pi le Pu te hunlai in tuate bangmah omlo a nek le dawn ding aki cingmial tawh ana nungta to nahi uhhi. 

• Tuni in, nang le kei ii muhna te tawmkhat kihei kik in, ih phunphun dingsang in ahoihlam in muhsiam hi le’ng leitung ah nuntak nuam a nungta te ih hi ding hi. Tu a ih nuntak theihna hangin lungdam ding hihang a, khat le khat ki it nate bulphuh in leitungbup hong liinglawngsak COVID-19 natna te do khawm ding hihang. 

Gal mainawk masa, ih Pu le Pi te zahtakna ih pia hi. 

Hih message na it nalawm tekiang na hawmsawm in maw. 

By: Joshua Mung 

Sr : worth_sharing

ZOMI IT MAW, ZOMI LIIT? -- KHAWM PAU ZOMI

Zomi it maw? Zomi Liit? ~ Khawm Pau

#Zomi ten Politics kithei nuam mahmah kikin mahmah ta hi.

#Ahizong in sepzia leh kalsuan dan ding kitelnaai hetlo hi.

#Tua ahihman in aomsa party khat ahihkei leh Politics asemsa khat nawkkha sukha ahihkei leh ko cihciang ah ki om hi.

#Ataktak in politics a uk taktak te leh Minam a it vivel ten mimal or aom sa Party sukhalo in nalianpi kisem thei hi.

#Zomi te peen gamsung a omtenlah akiim apaam ciang nawkthei bek., gampua lam a omten lah internet ah huihthau lawnthei bek hihang.

#Tulaai facebook leh Zogam Politics cihdan group tuamtuam te kahawh zel leh Zomi mintawh party khat ineih ZCD ako nuamtawh Imakaaipi Pu Cin Sian Thang akonuam tawh Zu nung bangkheng khang in luaksuak mahmah hi.

# Minam Gam vei a Politics uk ihihleh lampi tampi tak oma kuamah koko se kuullo hi. Mi koko misusu tengpeen Minam leh Gam it kineih Zomi IS namkhat hilel hi.

#Mite nasepzia tawm i ensukding uha tua hileh isepzia ding lampi mukhathei ding in ilm en hi.

#Chin ten Chin party gensiasia selo in Chin party nih leh thum omziau lel uhhi. Ei zong ZCD igensiatsiat sang ngap ihih a Vei ihih leh Zomi mintawh party dang kipatding hipah hi.

#Isaac Khen peen koi mah party ah luutselo in MP kheng in Minister ngah lel hi. Eizong Minam vei a it ihihleh ZCD ten ongtuacih cihcih kuulselo in Minister khawng kisuakthei lel hi.

#Dr Salai Ngun Cung Lian peen Indiana University ah Law lamtawh kisai naseplianpi anei hi a Aminam aveiman in Kawlgam ciah vingveng a kumpi inn vatuh hi. Dr Lian Hmung Sakhong,Zing Chung te zong tuadan mah hi.

Zomi te zong MA.,Dr pilna nei kisa a gamsung a nuntaakna tawh thalawh liang a Gam le Minam itna tawh naseem te huihthau peuh tawh gaalkaapkaap in Uipi huuk bang in i kuutkuut sang banghang vaciahlel a vasemlello ihihiam?

#En seemthei tuanlo misepteng lah hawmtawh a mawk hawkhawk peen “Meigong lung” kici a Mi picinglo te ahi.

=>Zomi ten vok ek leh leivui lungsim paihhun ta, Icilgial suaktah cin mawk siatsiat leeng aom muang tungkhat natu leh nuamsalo uhhi.

By:-Khawm Pau
=>>> Nasim khitteh anuai ah {HOME} na mek hamtangin U Can See It More!!!

THUMP IN THUSIM NASIM IN

Evangelical Christians tampi takin President Trump pen Pasian in hih hun a President ding a a tel hi ngiat, chosen by God hi ci in a gen na uh tungtawn in CBN News correspondent in dotna dong a, "Mr President aw, Evangelical Christians ten Trump pen Pasian tel hi hong ci uh hi, na um hiam?" cih dong a, Trump in, "He thuman hi ding in ka um hi, I hope its true" ci in dawng hi. Rev Franklin Graham in zong a genna ah 2016 Election lai in apa Billy Graham in zong Trump vote hi ci in gen hi.
Secretary Ben Carson,  Mike Pompeo leh Sarah Sanders te in zong Trump pen tuhuna President ding a Pasian sathau nilh, for such a time as this, ci in gen uh hi.
Rabbi Jonathan Canh in zong a genna ah, "Trump pen Kumpi Jehu, a hu ham mah mah, kumpi ding a zong Israel mi te in a up het loh, Kumpi Ahab leh azi Jezebel te innkuan vat mai ding a Pasian in a tel bang in Trump zong Clinton dynasty vatmai ding a mite upmoh loh pen Pasian in Trump a tel hi, tua ciang in Trump pen Persia Kumpi Cyrus in Israel mi Pasian ta te a hut bang a, tu hun a Christian te leh Israel te hu ding a Pasian tel a hi hi" ci in gen hi.
https://fxn.ws/2BHfntW

Anuai a HOME mekle cin sihuai tampi om 

INDIA LEH CHINA BUAINA

Zomi

 INDIA LEH CHINA BUAINA. 

India leh China kal a border issue kum tampi paita (i pianma) a ana om ta pen, hun khat ciang in hong sousang jel hi. Tutung in hing puak zak dek hi. Hibang a buaina hong sousan ciang in, India jn China zou lo ding chi a na lau gu, na buai khawng tam mah mah hi. 1962 kidou a India in a lel gop pen mi tampi lungsim ah suak hi. 1962 in India independent ngah kum 15 cing pan in, galdou ding in zong na kithawi lo, na kiging man mah lo uhi. India in Kuamah toh galvan kidem lo ding, Kuamah kap lo ding, gam khat leh khat a kikap leh zong huh tuam nei lo ding (NON ALLIGEMENT POLICY ) pen pai pih den a Gandhi deih na bang in lungduai ding cih ahi. Tun India PM Modi in Non Alligement policy pen khawlsan ta hi. 

I theih masak ding vua hoih pen, India leh China kidou leh China buai jo ding chi uhi. A galvan neih teng leh a galkap teng gam buai na ah a deih dan dan in sawl thei lo ding hi. China in Russia toh gamgi thubuai nei den a, tuamun a pot san leh Russia lut ding ahih man in taisan ngam lo ding, galkap hon khop a koihdet kul hi. Xinjiang province a Uyghurs minam te force aa detantion camp a a khum te a cing ding galkap hon khat a koih kul ding. Hong buai leh Tibet mi te Independent ngen a hing kiphin pahding, tuate cing ding zong a koih kul ding. China gam a Communist vaihawm na deih lo te zong ong kipanpah ding. Hong Kong buaina zong Hong sousang ding. Tum lam ngalkhaat America leh a pawl te gamtat leh a thuk ding zong galkap leh galvan a koih kul ding. Japan, Vietnam, malaysia te pen kidou ding a mansa ahih man in, galkap leh galvan tuate dal ding zong a koih kul ding. India dou ding in ong kuan ta leh, China in a thuneih khum, Tibet gama tot lo phamawh ta ding. India toh China gamgi pen a tak tak in India-Tibet gamgi hijo hi, Tibet mi te ngen ahi hi. Tibet miten na huh lo ding, India leh China kal a Mualsang pen Mount Everest leh Himalaya mual te ong kan uh kul ding. Hih mun te ah China pen supply line sia pah ding hi. 

1962 lai dan a India om ding ana sak leh na hi non dek lo hi. 1962 lai leh 2020 pen ki lam dang mah mahta kahi uh chi uhi. India zong nung tolh dek lo hi. Jan hal mam mah in gamgi thubuai gen khawm te zong a kithukim uh hang in, a thukim na uh zui om non lo in, gam buaina ah kigem khia non lo uhi. China in a kizop pih ding leha pawl ding om sun North Korea leh Pakistanahi hi. Pakistan in zong hun lem a la in buaina bol som den hi. 

Covid 19 hang in China economic kia niam mah mah hi. China in niam kiat lam manawh hi in kilang ta hi. China vanzuak tam kei pen India in Tun khak ta a USD 74 Billion India kiang pan a muh ding mu non lo hi. Russia kiang pan a sum muh kiam hiai hiai a, Tumlam gam German, France, UK, US etc te kiang pan a sum muh teng mu non lo hi. Japan leh South Korea in China gam a a company lian te uh lakhia ta uhi. Gamdang in zong a hun thoveng ciang in lakhia pah ding uh ahih dan gen uhi. China economic kiat niam na hang in China mi a Million a sim in a sepna vua pan kikhawl sak ta hi. 

India in China lau non dek lo hi. Na neih bang bang ka nei uhi chi mai ta uhi. Ahih hang UN dan ah galvan khah masa peuhmah a mawh a kikoih ahih man in a gamtang masa ding ut lo tuak uhi. Khatvei ciang ong kiang zak ve ve ding in upmawh huai hi. Kuamah a kiniam kiat om non lo hi. 

Modi in a thugen te India galkap te lungtang ah mang lo hi. Modi thugen hang in galkap te zong sih ding lau non lo, kap masak zong phanawh sa lo uhi.India pen nidang a meidawi meidawi a kicih na hang pen, Non alligemeng policy a pai poh hang ahi hi. Tun Non alligemeng policy pen Modi in nawl khin ta hi. 

Kawlgam galkap te pen gilou i sak mah mah hang, Kala te gilou jo tham lai ahi. Democracy gam lian pen ahih man in, galkap thuneih na kipia lo bek ahi. Ahih hang Kasmir pen gal tam in, Democracy kilakhia in galkap thuneih na in kikoih hi. Kasmir a India galkap te gitlou dan leh, a tatsiat dan uh a thei ten, Myanmar army sang in zong nasia jo tham in teh chi uhi. Tun zong gal a om leh Democracy kilakhia ding galkap thuneih na kipia ding hi. 

Kasmir ah Galkap thuneih na a kipiak pen, Muslim gamnuaimi Ngong tat ten zong thuak lah mah mah uhi. Nisim in gamnuaimi 2 leh 3 si kichi den hi. Muslim gam phamawh sak na nei lo Pakistan in zong, kasmir a India galkap te gamtat dan thuaklah mah mah in UN khawng ah hek den hi. Ei lak nai ah bek galkap thuneih na kipia lo in, galkap tatsiat na zong om lo hi.

 Meitei te Naga te bang singtang mi lak a gal hang kisa lian kisa mah mah uhi. Ahih hang India galkap te maitang kituah in kal ngam nai lo uhi.Kawl gam sung pan ong galkap ngam bek uh ahi. Kawlgam in om sak lo hileh, hing mat khit ding a cih uh ahi hi. Mislim ngong tat ten bek in maituah a kasmir lam ah na kap ngam uhi, ahih hang amau leh sih jo uhi. 

INDIA CHINA BUAINA PEN, ISRAEL PALESTINIAN BUAINA TOH KIBANG SIM AHIH MAN IN MOK VENG LO DING BANG HI.

By: Lalboi Zomi

PASIAN HONG HOPIHNA KAMAL REV. LKKHAI

PASIAN HOPIHNA KAMMAL

LST - Jeremiah 12:5 

Topa in, “Jeremiah aw, mite tawh tai kidem a, nangmah hong gimsakzo uh ahihleh, sakol bangci demzawh ding na hiam? Anopna mun ah tuk lailai na hih leh Jordan gungei sing kawmlak ah bangcih ding na hi hiam?

Hih LST tungtawnin Pasian hopihna:

Dotna: 

1) Innkuanpihte leh tu laitak a mapanpihte tawh sepkhawm siam kei leng mi tampi tawh semkhawm zo ding na hiam? 

2) Convention khat nasepna ah gina zo lo, tangtun nei lo, sep mel nei kei lecin Kawlgambup, Asia leh International level tawh koici bangin na sem zo ding na hi hiam?

Dawnna:

1) Nasepna ah nuamin nuam takei leh thuak keeikaai a na mualsuah zawh leh bek alianzaw nasepna ah kisem thei pan hi. 

2) Talent meetbaalna lungngai in. Azah 10 ameetsakpa in khuapi 10 ngah a, azah 5 ameetsakpa in khuapi 5 ngah hi. Summeet genloh, sumbul pia kik a, atopa amawhsakpa neihsateng kilaksakin adangte tung ah kipiakthuah mikmek hi. 

3) Hite bangmahin mimal nuntakna haksatna ah phun loin thuak keeikaai a, Pasian tung ah a ap theite Pasian in thupha pia hi.9

4) Innkuan sung nuam losa-in aphun ahang taimang kikhen innkhen ding asawmsawmte Talent meetbawl lopa bangin supna lianpi tuak ding a, haksa takeh athuak athum aphunlote in atawpna ah THUPHA azah tampi ngah ding hi. 

5) Nasepna ah nuamsa lo, tungsiah nuaisiahte pahtak thudonna angahlote agina lo a omtei hangin kipuahpha a, cillum tawh valh a, athuak keeikaai zo, nasep anusia lo, ahanciamte in THUPHA ngahin alianzaw nasep ngah ding hi. Athuak zo lo a aphun anusiate hamsia ding hi. 

6) Leitung a’ukte mimal, innkuan, veng/khua, minam neicik oan mah a kipante hi a, damdamin thuakzawh hatna alam tohtoh ciangin atawpna ah President, Makaipi cohte ngah to hi. Tua hi lo a, midangte hihna man lo asak ciangin aheh athangpai anuak atawpsante khuasuak lo a, kinuainet taleh, kisimmawhntaleh asep ding bang asem veve, akhawllote ulian milian makai suak pan bek hi.

cihna thute ahi hi  Kei bangmahin haksatna tuak a, simmawh nawlkhinna athuak ngei kha i om leh hih LST simin THALA in. 

Gualzawhna na kiang ah hong tungkik ding hi.

Lang Khan Khai

24 June 2020

Kalaymyo

Nasim khitleh anuai ah HOME om hi na mek in nasim theih ding tampi om home khitteh hih>>

NEW YORK PAN LAIKHAK THEIHHUAI THU

New York pan laikhak

Atomy member khat civid 19 pan aa adamkik nathu honghawmsawn kikning.

Amahpen New York aa teng hi in New York ah Covid 19 anasiat mahmah sung in adamkik hi aa ih it ihngaih te covid 19 tawh abuailai a omleh tampi phattuam na om theiding aihman in hawmsawn ciat ni.

April khasung in buk khuh tawh kipan  masa aa 

nithum khit khawngteh kacizong sa luyangzong na  in Tylenol kanek hang in ka cisa kahkik pahpah hi.

Ahoihziauding kasak leh hongnasia tektek mawk in kaalkhat khitteh kakhak sawh vomta aihman in Zato paiding kakhensat hi. Kahuihdiik kicing zo nawnlo aihman in kanasiat lam kakithei ta aa ambulance zato mawtaw kasam hi. 

Kazi kata tekiang ah hoihtak thuka vaikhak aa kazi kiang aa 

" Ihta te hoihtak nakem in.." ci in khitui luang sa in zato mawtaw tung ah hongki koih to hi.

A kisap khakleh ci in 

Hemohim thoh neu 6 Vitamin C 6 tek ka ip sung ah ka pua hi.

Zato katunciang in kacisa bukkhuk kacih leh hongtuam omsak pah in

 hong et dan uh tuampian pah  aa 

honglipkhap dan uh nahimawk in 

laupipi in kasite la in datman azaih uhleh 

Covid 19 positive ban ah natuap tungta in Pneumonia piangta cimawk hi.

Tylenol hongpia ziau in keikia bek khankhat sung ah nai 3 tang ding hongkoih uhhi.

Hihdan hileh piangkencie ci in 

thu ngenkawm in Viber aa Pakham lai at te kasimsim hi.

Ka (Hemohim Probiotic Vitamin C)te kanek sawmleh tui nangawn omlo in ekbuk aa khutsil na tui alumpaisak in kane hi.

Khandang khat ah hongpuak in 

Tylenol hong pia kik in thawlpi thabeiloh nang hong khai aa oxygen nakisap leh hicih in hong ci ziau in 

zankhua in keikia bek hongkoih uh aa samsam ta leeng kuamah hongpai ngam lo uhhi.

Keizong hi ci omleeng akisi dingdan himawk aihteh ci in 

"Siavuante ngakleeng piang kei ei"

Ka Hemohim te nai 3 hal in ka ne aa 

zankhat thu in kapuakteng hong beisiang hi.

Zankhua ihmu thei vetlo in zingsang teh ka innkuan pihte kiang ah phone 

setpah in

" Zato ten asiding dan aa hongkoih dan hi in kapheituam sungten sung ah Hemohim Probiotic VitaminC te koih in hoihtak gaksitset in ni nga aikhawng hongpia un / Zato tenzong bangmah cihtheituan kei uh" ci in innkuanpih te kavai khak kik hi.

Zato ten kongpan nasang nuam hetlo in 

"Puankisam kei / kingahlo" na ci uh hi.

"Hitheilo hi.Zatopuante nopsakei / pello napiak sak uh kulding hi" ci in Zato emergency kongpan innkuan pihten athumthum leh atawpna ah plastic tawh tuam in hongpia suak sam uh hi.

Hemohim te nai 3 hal in kanesuak aa 

nitaklam teh katha hong om kik in kacisa zong kia theita aa asinawnlo ding kahilam keilehkei kakitheiziau hi.

Ka cisa akiat khitciang in siavuanpa honglut ngampan aa 

natuap pen zani aa Pneumonia hi in tuni teh tampi nasiang ziau hi.Bangmah konghih ma aa nathahat aihman in adam hiteh " hongci in zato ah kaalkhat lum in cidam in innkaciah kik thei aa 

ka innkuan pihtetawh sileh hing kimu bang in lungdam na khitui tawh khut 

kakilen uhhi.

Tu in Atomy hoihna kathei tektek aa Hemohim Probiotic Vitamin C.. te akitatloding in  ka inn ah tampi kakoih khol den hi" ci hi.

COVID-19 NA NGAHKHAK LEH EXPERIENCES BY: Zakhai Sukte

Covid-19 na ngahkhak leh

1. Ih mut cimsak in. ( a tawmpen nai 8 peuhmah ih mutsawm in )

2. Annkam limta kei leh na nekngeizah mah ne hamtang in. ( Khalpi khat leh a nenteng)

3. A thuk leh a thak nek cihtak in ne in. ( Zasan, Tampaza etc; )

4. Soup mehtui  tampipi dawn in. ( Ak, vokguh, bawngguh etc; )

5. Tui tampipi dawn in. ( Tui,Gatorade, Pedialyte etc; )

6.Tylenol nanek leh 500mg or 650mg nai 4 halta in ne in.  ( Nikhat 6 vei )

- Nau p’aai (gaai ) ten na sia vuan te uh dong masa un.

7. Ibuprofen nanek leh 400mg nai 6 halta in ne in. ( Nikhat 4 vei ) 

- Nau p’aai (gaai ) ten na sia vuan te uh dong masa un.

-  Amoxicillin a kipan outdoor/indoor allergies zatui te zongh pawlkhat ten ne uhhi. 

8. Kumpi ten zuihding in ong piakte zuihzawh sawm in. ( Thumang leng ki khiallo zawdeuh hi)

Hih natna- nangah khak leh dipkuat patauhluat ding in ngaihsun pahkei inla, mawhna bawlbang in ki ngaihsun kei in,

zum ngaihsut leh lungkia pah kei in, mi a tamzaw damkik lel hi. Na dipkuat leh na lungneu in ong thazawm sak zawpek ding hi. 

A hih hang- hih natna maingap leh nopneh bawl leng ki khial ding hi, na ngahkhak leh na pumpi tha omlo bang in na zawm ngeungeu ding hi. Khauh mahmah hi( Sen te bawllak ah 100%  asitpen hi ding hi). Natna gil neikhin leh u hamlam ten a lelhphatdiak uh lamdang lo hi. khangno tha hoih dam sinsen ten zongh lel mahmah uh hi. 

Limtak ki dop ki kep val omlo hi. Zomi ten ih nawks’aan laitak a hih man in khat leh khat tha ki piaksiam ding zongh zatui hoih mahmah khat  ahih lam mangngilh kei ni. 

Note: Hihpen Positive in inn ah a ki omsak ziau te zatding hi. ER leh ICU tungte zato ten a tuam in bawl uh hi. 

Hih info teng pen Experience based tungtawn pan hi aa Sia Vuan sinna  pan hilo hi, A sin nuam ih omkhak leh cih na bek hi.

By Zaa Khai Sukte 

MILIM GOLPI KHAT HAKHA A BAWLDING VAI by: Khen Za Sian

"ZOMI BRAODCASTING HUHNA NGETNA"

ZB in Pu Mang Hen Dal zak sakna om bangin, "Khalkhal ah Aung San Park kibawl ding hi. Tua park sung ah Pinlong thukimna ah Aung San lim leh Zogam pan tua thumkimna suai a kai mi 3-te limte zong kikoih nuam ahih manin milim bawlna ding mi khat ciangin MMK Mak 150 bei ding a, Zomite in Pu Thawng Za Khup lim bawlna ding MKK Mak 150 taangpi taangta tungah dawnna nei dingin hong taangkona pen kul kasa het kei hi, ci in online panin kong taangko hi.

Bang hang?

1. Kawlte in suahtakna i ngah pen BIA hang bek hi a cih uh ong phiat ngei lo ding uh hi.

2. State tuam ah Aung San lim a kisuan kawikawina hang la khia dingin a hanciam lai tak uh ah hi.

3. NLD makaihna tawh Pinlong thukimna zong a nuntak sak ding uh sangin a melh cip nuam uh hi ta hi.

4. A lim uh sum tampi bei i bawl in mualphuh sak ding hun nai kiuhkeuh lo hi. 

4. A tang thei lo milim sangin Pinlong thukimna a thu mhmh nuntak sakna ding leh active takin ong practical theih zawk ding pen a khatna ding hi zaw hi.

5. Ki politician sak a politics peuh sa hi lel uh hi veh aw. Vote zonna dingin lobby in hong zat sawm lai zong hi kha thei.

6. NLD party-te Nu (အမေ) a cih uh Aung San Su Kyi in 2015 kumin 2008 upadi laih ding cih tawh lobby ong nei uh. 58% tawh kumpi ong form khit uh ciangin 2008 upadi puah phat ding a langpang ahi galkapte tawh ong ki-uitui ziau. Behte in ASSK le bama ve cih kammal nei uh. Kawlmangpa thu akpi in phiat nelh cih en paunak kinei. 

7. Milim sang a thu thupi zaw hi cih tawh ka ngaihsutna kong hial bawl phot ding.

By: Khen Za Sian 

Thukim ing!!  

=> Na Sim Khit leh Anuai ah (HOME) Namekin Simhuai tampi om Next >

ZOMI VIVE MAH HI CIHTAWH KISAI By: Pu Thangboi

“Zomi vive mah hi” cih vai tawh kisai ~ Pu Thangboi

“ZCD pan lui tektek takei leh Zomi vive mah hi” cih pen tulai hong kilimgen simtham in apuatham en leng hi mahmah hi. Atuicik (its essence အနှစ်သာရ) en leng: Party khatpeuh ah ih lut nak leh tua party i thukhunte ih zuih akul hi. Tua thukhunte kantan in bangmah kisem theilo hi. Ih sep teitei leh ong kihawl khia ding hi.

“Kawlgam tualmi lak ah “Zomi” official in akiguan zawhna ding; Matpongtin tungah “Zomi” ngiat tawh minam min gelh zawhna ding; Zomi Self-administered Zone pan Zomi State dong ngahzawhna ding” cih thute koi party in paipih thei ding hiam cih etkul kasa hi.

Tua goal zuan a ong paipih ding ahih nak leh kuakua aizong thupi kasa hi. Aki gengen CM panmun ih ngahphial zong in kawl bulphuh party liante in tua ih mungtupte hong thapia mawk tam lah cizel ing. Amau’ sung ah ih lut nak leh a party policy uh akawi amam a ihzuih kulding cileng maw.

Bangbang aizong Party liante ah khat leh nih ih thuklut zawh a ih inntek zawh ding bel thupi veve sa ing. Aung San in Japante abelh laitak in Thein Phe Myint in mikangte nabel khinkhian in akisap teh kawm kawikawi theiziau uh in minam movement ah mazang tuam mahmah uh hi.

Athupipen ah; Koikoi ah ih om zong in minam movement mitsuan gige a ih om ding athupipen hi. Kawlgam kumpi nangawn ngahphial in minam movement ih mitsuan kei leh amawkna hilel hi. Ih omnatek ah ih gam ih lei leh ih minam ih khaitoh zawhna ding in deihtak ih pan tek kul incei guai. God Bless You All. 

Yours, Mung Laan Thang, Tonzang, Zogam

#MP vai

Gamsung gampua pan mipih tampi te’n MP dem ding in nong hanthotna hang un lungdam in angtang mahmah ing.

Kei’ Dinpih Thu

1. ZCD pen thupi asalua a adinpih kahi kei a, minam minpua party khat ahih man a adinpih tentan kahi hi

2. ZCD makai te’n “Lut in” ong cih leh ka lut ding a, “Lut kei in” ong cih leh kalut hetkei ding hi.

MP suahnopman a nasem kahi hetkei hi. MP demkhak kei leh khasia ding in pawltai ding cih khawng kei’ dan hilo hi.

3. ZCD hoihtak khuahun tawh kituak in hong kipuahpha a hong thahat ding bel deih mahmah ing.

4. Tutung MP kuanglui dingte vote piadingte’n kua deih uh hiam cih makai te’n bilngat huai sa ing.

5. Ahih theih liai leh MP term khat val kuamah in semdah lel leh hoihzaw in um ing. Mipi in alunggulh ngaungau lai leh lah thukhat hi. (Kei mahmah zong MP asem hileng term 1 val sepsawm het keng). Mual Ah Ih Suakkhawm Liailiai Ding Hi. God Bless Zogam !!! 

Mung Laan Thang, Tonzang, Zogam

Kigin Kholh Huai

Dr. Thet Thet Khaing’ makaih PPP party sungah Zomi khat na thuktum gawp in ka lungdam khinkhian ei.

Tu sansan a NLD khawng ah valut pat hang ki thuktumzo nawn hetlo ding hi. NLD ah ih inntek nop leh kawl galkap kumpi’ hunlai pek a ih thuklut ding hi. Tu’n bel ong ngai nawnkei lua unteh. Ih vekpi khuazang in ihlut zong in EC mun 1 zong ngahzo kei ni.

Gam leh lei khual takpi ih hih leh NLD khit teh kawlsung ah athahat ding lam-et om mahmah ahi PPP party sung khawng People’s Party sung khawng ah tubang thuklut kholh ding hi. Thalawh zek kul hiveh aw.

An kilui hun teh sikkeu vamat phei nop ziau tawh pianglo hiveh aw. Lozuat lokhawh hunlai pek pan napang leng ki inntek hiveh aw. Genkhialh a om leh ngaidam, 

Mung Laan Thang, Tonzang, Zogam

Zogam NLD News

Kawlpi ah NLD pan kuanglui nuam mi 28 phakhin ci. Tutung bel Zomite kihel kha nawnlo ding hih tuak. Zomi gimnam Siami nangawn zong kihel kha nawnlo aci om phial. Ei’ belhnop thei khang in lawmte’n hong ngai hetlo dan uh hi.

Tedim ah State MP mun ding bekbek a ut mi 7 phata ci. Tonzang ah bel tuni ciangciang a ut mi 12 phata ci.

Kazak khialh kei leh Tedim ah MP candidate siauhna form 1 ciang Ks. 100,000/ in zuak uh ci. Candidate angah leh Ks. 5,000,000/ piakbeh kullai ding ci. Tua bel NLD lam pan kazak hikei in aman leh amanloh bel confirm thei keng.

Tedim pan NLD tawh ngah leng CM (or) vuanzi ngahding a lam-en mahmah dan uh hi. Hehe Bless The Lord Oh My Land !!! 

Mung Laan Thang, Tonzang, Zogam

CHINA IN GLOBAL TIME TUNGTON IN MI SI ZAH GEN.

CHINA IN GLOBAL TIME TUNGTON IN MI SI ZAH GEN.

 India leh China kal buaina tamvei pi a kihou khit nung un, dai deuh ta dan in ong kilat  lai in, jan hal nitak in Ladakh a Galwan valley ah buaina piang kik in India Army 20 si hi. China in zong Si leh liam zah GLOBAL TIME news tungtawn in gen khia in, mi 8 si a 5 gim mah mah chi uhi.A gen khiat ma un bel US lam leh India lam in 40 bang si dinghi chi uhi. 

Hih buaina ah galkap si te thau a kap hilo a, thagum a kinawk na ah, suang leh Sing tum ban ah Sing khuah a sik kilh (siktukilh) kilh in ki sat gop uh chi hi. Gam nih a pan Major General te kihou na nei uh a thulak khawm tan in bangmah kigen thei nai lo chi uhi. 

Kihou na neih masak lai in gam buaina mun a kipan, km 3 a gamla ah kihem khe tuak ding in thukim na nei uhi. Buaina veng ding dinmun a kilang bang mah leh Tu in kilem na sang in siatlam nawt ding in kilang ta hi. 

India khopi mun khenkhat te ah, China flag leh president lim mipi lungkim lo te in lampi khawng ah hal ta uhi. 

Kidou in na hoih sang in na hoih lo tun jo ahih lam gam 2 makai ten a theih sa uh hi a, Nuclear galvan nei tuak ahih ban ah, Leitung a ding a galvan lam ah 3 na leh 4 na ahi uhi. Japan a Atombomb( Little boy) kikhia pn Nuclear a ding in a kep bek hita ahih man in, buaina bet daih zoh lo a hongpian  khak ding lau huai mah mah hi. Gam tuam tuam in zong a bildoh laitak ahih ban ah kihou na tungton a gen veng ding in ngen uhi.

Hihteng na simkhitteh anuai ah #HOME mekle cin  theih ding kilawm tampi om-=>

ZOGAM MP UTTE VAI ~ Gin Kam Lian

Zogam MP ut te vai ~ Gin Kam Lian

Zomi it teng; Tu lai tak a diakdiak in, Tedim/ Tonzang gam ah Party 7 bang kidem ding hita hi. A lam dang khat ah ZCD, NUP, USDP kuanglui ding teng bel a mau din mun party tawh a kip teng dan uhi. Tua lo Party tuamtuam te bel 2010 kum lai Party tuamtuam tawh kuanglui ngei hon khat tam zaw hi, (a tai kawikawi ) Thu khat leuleu ah Party a tam hang in ZCD bekbek mah ong gensia bilbel uhi, a policy uh zong gen manlo dan uhi. 914-Zomi Kuanglui theilo ding, Zomi kici saklo, ci in MP ut kuanglui ding te na ngawn in gen khia mawk uhi, ZCD in form ah Zomi kici min mai ah zong PU/PI mah kici lua in Commmission ah lai ki suang zawzen hi.

A lamdang mahmah thu ah Party tuamtuam ten Policy genlo ei peuh gensiat na tam kisa hi. Party khempeuh thukim sign thuna COC a om lam theilo uh ahi tam. (COC thukimna palsat te Candidate pan ki khawl sak thei) ZCD in pen ZNC hun laim pek pan a kinei Policy ngimna bulpi 4, bek ki gen in nainih bang sawt mite vai ki gen man lo hi. Party lian pipi te zong Zomi Party bang in a kician Policy khung zolo uhi. ZCD in kum 26 val tase leh Policy kip tawh ki ding lai tangtung nailo cih bek ding hi.

Kawlgam ah Kawl Party ten Democracy bek deih, Taizinta ten Democracy leh Federal vai tha khat thu in piang leh ki deih hi. Democracy hun lai (U NU) in zong Mualmi ta ding bang mah ki sem theilo,thau tawi zong ki beh laplap cih hi.Mimal upna,muanna tawh ding lo ding, kam gen te um nawnlo Federal ih cih leh Constituition pen Federal tawh kilam gelh ni cih hi.

A hang in 1947- Aung San tawh thukimna zong Pinlong thukimna laipi zong ki im cip cih hi, tutung khemna ih up lai leh a beisa kum 67, lai mah bang kik ni cih Taizinta te dinmun hi. Ei vai ciat mah ih minam Party ciat pan genni cih hun hi ta hi. Kawlmi te zong ki um nawn lo in Kawl Party zong 30 val om hi.

Ei kiang ah Party pawl khat a bulpi pan huhna ngah in ong kipan om uhi,ngaihsut hamsa hi banghang hiam cih leh siang gen leng zawhna ding zahdong ngah lo ding thei gige napi bang hang in asum pia huhna pia om hiam? Kumpi lam pan maw? Zomite kiphelkhap hen cihna maw?

A piaten zong Zogam ah mun 30 val bang ci leng Teng zathum bang bei ding ci leng tua a pia khiate mihau hilo, (a mau din mun kitel hi hang) sum nei mah leng zong ngahlopi ding thei gegu sum tua zahzah piak nang thu omlo hi. ngaih sut huai hi. MP ding khat a piak uh zong Tengsawm kimkim bek hi, MP dingte zong a mau ip sung sawk ding hi leh a kipanlo zong om ding hi.

HAKA pan ZCD Candidate Pu Khup San Thang in, Pa Lian aw,a mau kiang ah a mau gammite ZCD min tawh MP kuang onglui in ci-in Teng sawmnga ih piak hang kingahlo ding hi,bang hang in ei kiang ah Tengsawm piak ciangciang tawh kuang kilui a hitam cihte khasiathuai mah hang ei guai. TOPA in Zomite ong ompih nasa ong nusialo ding upna lianpi tawh, 

Pu Kamlian
Lai nasim khitteh anuai a home na mekle cin simnop huai thutampi om hi!