Rev. Ngo Suan Thang Guite tangthu tomno!

Rev. Ngo Suan Thang Guite tangthu tomno!

Kei ka min Ngo Suan Thang Guite hi. Ka Pa Thual Za Langh (Guite) hi a, ka Nu Vum Cing ( Buansing) hi. November 01, 1975 in Heilei Khua, Tedim Township, Chin State ah ka suak hi. Unau laizom sawm leh thum(13 )lak ah (giat )ka dam lai uh a kei nautum nihna ka hi hi.

Teci Panna

Lawki sung pan khangkhia in zu le sa tawh, tep le muam zatna sung pan ka khang khia hi. Ka Ute in hong pantah in Tuiphum ah Sunday School kahin ka tangsuah uh hi. Ka tan thum kum in ka U nu in Zeisu thu hong gen pih a tua pan Zeisu umin a sang ka hi hi. Ahizong in innsung ah ka Nu le ka pa tapidaw hilo a hih manin taina, kona, zahpihna, ka ute in thuak den uh hi.

1991-1993- Tedim ah Tan Kua tan sawm kakah sungin Pasian nasem dingin Ama tungah ka thunget ciang ka ki-apap hi. Tansawm ong a Nang ma nasep deih maw, kia a nangma nasep koi deih zaw ci-in Pasian ka to den hi. Ahizong innkuan sung vai tuamtuam leh ze-etna hangin bang mahmah ka kalsuan zo kei hi. Pasian hong hehpihna hangin April, 1995 kumin Heilei Tuiphum Pawlpi  Camping tungtawn in ka Nu le ka Pa in Zeisu gumpa le honpa in sangin tui kiphum pah uh a, innphiatna zong ka nei thei uh hi. Pasian min thang semsem ta hen. Amen. 

1996 ciangin Pawlpi in Camp hong bawl kikin piangthaksa piangthak nailo mi zathum bang kakah khawm uh hi. Thu ka nget laitakin Zeisu Singlamteh tungah liamma lah si le nai tawh ka mu hi. A nuai ka et leh leite kikhan kham gawpin sisan mal tak zihziah ka mu hi. Tua laitak in aw khat ka bil ah hong ging in” ka ta aw na ki-apna na thunget na bang a hiam? Na phawk lai hiam!” cihna aw tel takin ka za hi. Tua leh Topa hong hopihna cih ka telciang lei ah bawksuk in kakap mai hi. Tua aw thak in Pasian nasep ding khentatna leh laisiangtho sang kah ding ong khentat sak hi.

Pianpih laizom teng tawh

1. Pa Suan Khan Do( Brisbane, Australia)

2. Nu Ngin Do Cing( Leisan zo, India)

3. Pa Lian Khan Kap( Tulsa, USA)

4. Nu Zam Sian Ning( Heilei, Myanmar)

5. Pa Ngo Khan Suan( Heilei, Myanmar)

6. Pa Langh Deih Ngin( Heilei, Myanmar)

7. Pa Pa Ngo Suan Thang( Tulsa, USA)

8. Pa Kap Sawm Sing( Tulsa, USA)

Pasian in Unau hong behlap.

Ka nu hong nusiat kum tampi khit ciang in Pasian in Nu Hoih mahmah khat hongpia hi. Ka nu min in Nu Ning Ngaih Don hi a, Pasian in unau numei thum hong pia hi.

1. Man Khawl Cing

2. Cing Tawi Len

3. Cing Huai Ngai

Zi leh Tate

April 29, 2000 kumin Pa Zam Khan Cin( Genzo) leh Nu Cing Khan Nuam( Thatmun) te tanu Nu Ngin Lawh Nem tawh siangtho kitenna nei in Rev. Zen Khen Kap in letthatna hong nei hi. Pasian in tanu nih leh tapa nih suan le khak hong pia hi.

1. Cing UapKim Guite( 1 yr, Oklahoma university)

2. Langh LamLian Guite(Grade 11 , Jenks High School)

3. Cin MuanKhai Guite( Grade 9, Jenks High School)

4. Nuam ZuunSang Guite( Grade 6, Jenks West Intermediate)

Pilna Sinna/Sangkahna

1.1980- 1991-Basic Education High School, Helei pan Tan giat (8th Grade)zo

2. 1991-1993- No. 1. Basic Education High School- Tedim pan Tan Sawm( High School)zo

3. 1996-2000- Zomi Theological College, Falam pan Bachelor of Theology buaih/ degree ngah

4. 2002-2003- Bharat Bible College, Seconderabad, India ah B. D sin

5. 2003-2004- Grace Bible College, New Lamka, India pan M. Div. zo

Pahtawina leh Ordination ngahna

1.1983-1984-3rd Grade Heilei pan laihuanpi ah a khatna pahtawina ngah

2.1989-1990- 7th Grade Heilei pan lai huanpi ah a khatna pahtawina ngah

3.1991-1992- 9th Grade Tedim pan laihuanpi ah a thumna pahtawina ngah

4.1984-1985- 4th Grade; 1990-1991- 8th Grade; 1992-1993- 10th Grade Kumpi laihuanna ah gualzawh pahtawina ngah.

5. April 10, 2005 ZBCM Tin Jubilee pawipi ah Pasian nasep theihna Siampi za Ordination hong kipia hi. 

Pasian Nasepna

1. 2000-2006- Teizang Baptist Church ah Assistant Pastor sem

2. 2004-2006- Heilei Baptist Association ah Youth Director sem

3. 2009- MZBC, Tulsa ah Mission Director sem

4. 2009-2012- ZBMC, Tulsa ah Assistant Pastor sem

5. 2012-2020- ZBCM of Tulsa ah Assistant Pastor sem

6. 2012-2016-ZBCA,USA ah Tresurer sem

7. 2016-2020- ZBCA, USA ah Project Tresurer sem

Hih ciang dong hong tonpih Topa Pasian in minthanna ngah tawntung ta hen. Amen.

By: Rev. Ngo Suanthang Guite. 

 

NUMEITE OM HITHIAT LEH AHOIH ZAWKNA

Numei te om hithiat le ahoihzawkna

+Nungak te nitak vakvak se kei henla,inn ah om hithiat le hoihzaw hi.

   Hong it hongngai tangval aom le na inn ah honghawh lel ding hi.

+Numei te makai lam ah ut se kei le hoihzaw hi.

  Numei makaihna pen lawhcing ngeilo aa,numei makai le mipi in numei zahtaak lo hi.

+Numei te pasal lak ah aom ciang in dai dide lel le hoih zaw hi.

   Numei te hong kihel luat ciang in buaina om thei zaw hi.

+Numei pasal neisa te a nualam ah ciahciah kei le hoihzaw hi.

  Pasal neisa te a nualam ah aciahciah ciang in innkuansung buaina tam thei zaw hi.

+Numei pasal neisa te online limzat kei le hoih zaw.

  Online limzat lua le nupakaal buaina omthei hi.

+Numei in a pasal zo nuam selo in,om hithiat le hoih zaw.

   Numei te in mun tampi ah thu aneih nop ciang in buaina omthei hi.

+Numei te vakvak selo in,numei dang tawh kimumu,kihoho kei le hoih zaw.

   Numei le numei omkhawm le mi teng gensia pahpah uhhi.

+Numei te milak ah a om ciang in,ciak daidai,pau sasa selo in paulo,phunlo in om le hoih zaw.

   Numei te hong kamtam luat ciang in ki khasiatna piang thei hi 

+Numei te in sum deih lua selo in,a pasal lawhsa tawh lungkim zo le hoih pen hi.

   Numei sum deih lua te bel lemlohna tam thei aa,a lawhcing zo taktak zong tamlo hi.

29. 10.2020

lungdam

like,share,follow

page

original writer....Cin Suum

 

SUPREME COURT ADING AMY BARRETT KIKIPSAKTA

 

Senate te’n Amy Coney Barrett a Kipsakna Hangin Christian thu-um mi adingin thu manpha mahmah hi.

October 26 ni Senate te’n Amy Coney Barrett kipsak ta uh hi. President Trump ading bek a zawhna hi loin Christian thu-um mi ading gualzawhna thu manpha hi.

Pasian vang liatna a kilatna zong hi lai hi.

President Donald Trump ih panpihna zong hih hang a hihi. Tutung kitelna ah ut loh penin Donald Trump in zo kei phial le zong Supreme Court ah Christian te ading kha muanhuai ta hi. Pasian ei lamah ong pan nak leh na khempeuh hi thei hi. Christian upna lam a pang viuveu President Donald Trump gualzawhna ong ngah na ding thunget saksak lai ni.

Republican senator’s 53 om uh a Maine senator Susan Collin bek in deih lo a Democrat 45+2 Independent le Susan Collin ten deih lo uh a vekpi 48 te’n deih loh a vote khia uh a, Pasian vangliatna kilang mahmah hi.White House ah President Donald Trump in gualzawh lopna pawi a Kham khit ciang Supreme Court Justice dingin kiciamna bawl pah hi. Supreme Court ah Christian upna tawh kituak thuman thutak a panpih tinten conservative thukhen mang mi 6 le thu-um lo a panpih liberal mi 3 hi ta hi. Tua manin Christian thu-um ading ih bitna lung muanna hi.tuzawh kum 30/40 bang thu-umte ading bitna hi thei ding hi.

Thu-um lo liberal Democrats ten pa le pa Nu le nu kitenna same sex marriage,naungek thah abortion Numei pan Pasal a khel transgender te adingin bel thusia zaknop het lo hi.

Credit Mungno Zahlangh 

ZCD SUNG KIVAIPUAKDAN REPORT BY: KZSIAN

 1990 : ZNC movement ding Thubulphuh dingin Pu Cin Sian Thang & Pu Thang Lian Pau-te makaihna tawh Paunak 14:34 kipsak uh.  

1. Thumanna in minam minthang sak.  

2. Mawhna in minam daisak. 

"Hih thu hangin pupite 2 zahtakna ka pia hi"

================

Oct. 23,  2020 Tedim CCJ ah ZCD CEC in mailam kalsuan dan ding thu nam 5 tangkona om. 

ZCD pan kuanglui diangte ZCD CEC Central Komiti 45 tawh Feb. 19-20 ni in kipsakna kinei ding cih pen ong zang nawn lo uh hi. 

-----------

MP ding pen Pu Gin Kam Lian, Pu Zam Za Mung, Pu Zam Khan Suan leh Pu Kumar in Tedim pan mi 5  & Tongzang mi 4 a seh khitna uh Pu GKLian & Pu ZZMung in June 8, 2020 ni in Zangkong niangtui sai ah pulakna ong nei uh hi. 

----------

June 15-30, sungin Kuanglui nuamte Tedim ZCD zum pan form Ks. 100000 tawh kilei thei cih VOZ pan tangkona hong nei uh hi. Hih a tung thute a kitel a kikhel theih khak leh ci in ticket Ks.100000 in mi 17 in kilei hi. A sehsa bangun a resultvong suak veve ciangin, "Zangkong & Mandalay khawng a saihka hawlte in ongbali hun bei khin sa ticket ong zuak uh tawh bang," kisa hi. 

-------------

July 16, 2020 ni in khua tuamtuam panin MP a tel ding hong tung uh a, kitel om in tua kitelna laidal mipi mai ah laiip sung ah guangin kilhcip uh a, July 27, 2020 dong (10 val) bilh cip uh hi. Hong hon uh ciangin vote khiate lam pan a khiat uh vote bangin result tawh kituak lo hi. Tua mipi vote-te July 27, 2020 ni mahin hal tum pah uh hi. Om lai ci a ong suak zel om veve a, tuate pen FAKE ahi hi. 

---------------------

Tg. Kham Lam Tuang in Independent kuanglui dingin ong kipat ciang Haiciin Kompani 3 va pai in KLT vote pia lo ding Vok khat leh Ak luang 10 tawh va kho uh hi. 

-----------------

August 26, 2020 ni in KLT party pan tawp sak lai CEC thukimna ci in lai ong suak ciang Pu Kam Za En lunghi mawh CEC memberte phone tawh a dot koikoi leh CEC pan a theihpih om lo cih a thei ciangin tua thu kiciak takin lai online ah ong khah hi. Tua bum lehna dingin Oct. 13, 2020 ni in Pu Gin Kam Lian, Pu Pau Lun Min Thang, Pu Kham Khan Thang, Pi Cing Ngaih Mang, Pu En Sian Mang leh kompani pawl khat tawh Pu Cin Sian Thang-te in an nekkhop pihna va nei uh a, KLT ZCD a kitawp sakna thu Pu Cin Sian Thang leh Pu Gin Kam Lian in suai kai in online ah VOZ in Video tawh ong suak sak uh hi. 

--------------------

Behlapna: 

1. Tedim Tsp. sungah mi nih leh thumin kumpi ah ZRA thu a puak thei leh i party a kigen siat a zak uh ciang ZRA paulam a to thei den om uh hi. 

2. Zomi om lo hi cih vaisai lam a kizah ciangin Pu Gin Kam Lian in Zomi kihel lo party phuat dingin kamkumna nei pih kawi kawi hi. 

3. ZCD in sawltak zattang (Inn dongta kinei) Ahih hangin ZCD in satanh a hawm ding uh ciangin tanu om sate tua satanh pia loin mithakte tua satanh lot ziau uh hi. 

Thukhupna: Tu tung i minam paty kalsuan zia pen: Pupite dinna Pasian kammal pen a KHATNA sang a NIHNA 100% kizang zaw hi, ci in ka mu hi. 

Mailam hun kalsuanna ding nih leh thum (Vito) tawh kasuanna tawh sanin: "By the people, For the people, To the people" cih minam bupin i neih theihna ding bulpi ahi hi. Zomi min tawh sepna khat peuh ah THUMAN THUTAK i lungtang ah vomin nuntak pih ciat ni. 

--------------

Ref. Ka sik sak laidal tuamtuamte leh MP-te Oct. 13, 2020 ni a zintunna uh Hotel marn leh address. 

*********************

Reported by: PU Khen Za Sian 

Yagoon! 

———————-

Note: Zomi minpua party athuman in a kalsuanloh sangin omkei zaw leh Pasian alungdam zaw ding hi. Zomi minpua party loin zong Kumtampi kinungta khin hi. Deihlodeihlo phitphitphit hoihoihoi mipite awt huai hi! Zomite min hong daisak ding Zomi minpua party om keita hen!!! Thukimthukim! 

ZOMITE MIPI HANG HIMASA KEI MAKAITE HIZAW

 ZOMITE KIKHENKHAPNA A HANG

ZOMITE kikhenkhapna ahang gen ding tampite lak ah kisam kasak phadiak leh reason ahipha diak Kei ngaihsutna pawlkhat hong gen nuam ing. Lungsim lam ahih kei leh kitheisiam ni!

1. Zomi sung hong khenkham pha diak pen no ngaihsutna ah tampi om kha ding hi. Kei muhna ah mipite lungsim hong kigamlasak penpen MAKAITE ahi hi.
2. Mipite hang sangin makaite kituahlohna, pan mun deihna, kei thu lutpen hen cih ngaihsutna makaite kilemlohna hangin Zomi mipi sung kikhenkham den hi! 

Zomi sung ah Leadership training kihihmun mahmah na pin leader lampan thubuai om den hi! Gentehna; pawlpi sung bang mitam in ih vanzawh kei leh thusia tawh hilo in thu hoih tawh pawl kituansak cihkhawng hoihzaw tham pekpek hi.

Anuai ah abeisa thute Pawlpi ahizongin leitung kipawlnate ahizongin hong gensuk ding hi. Tuate tung pan tulai makai leh mailam makai dingte in phawk huai leh kipuah huai in zangin zakdah ding leh ahoihlo lamin na la kei unla pumkhat suah semsemna dingin na la zaw un cih hong thum ing!

1.ZBC hong kitapna zong mipi hang hilo in Makaite thunei kituhna hang mah ahi hi. Panmun ki-awn ding pen awn nuam loh man ahi hi.

2.ZBCM hongpian ding ciang piang tungtungin kitampah hi makaite hang mah hi a mipite hang himasalo zel hi. Mipi bang kihuatlawh dek phial hi. 

3.Myanmar AG kitam a tua zong Makaite hangmah hi thuneihna mah kituh, panmun deihna hanghi mipi hilo hi.

4.ZRO kitamdek buai litlit hi, ih theihsa mah uh hia Mipi hang hilo makaite mah hizel hi.

5.Manipur a Zomite pumkhatin luangkhawm theilohna ahang Makai ding leh MP ding utna hang mah hi-in mipi khenkham uh a, mipi hang himasalo hi.

6.ZCD zong maikai hang mahin buai litlit theizel hi. mipi himasalo hi makaite mah hizel hi pilvan kei leh kitam thei hi. Democracy deih ih hih mah bangin Democracy danin kipawlna sung kimakaihna a om kei leh Federal cihpen awtpih huailo hi! Akhiatna theilo ihiam?

7.MYANMAR gam zong tudong ih buaina Makaite hang mah hi a mipi himasa lo hi!

8.Martin Luther makai hoih in Ui leh Kel abang mivom leh mikang an nekhawm motor tuangkhawm sak hi mipi hang hilo hi.

Tuabang makai hoih Zomite kisam hi hang! Mi kikhensak hilo in Kipumkhatsak makai a ki-awnthei makai, kideihsak makai, ahuai makai, Mipi deihna nangin a kilamto thei kipawlna ih kitangsam mahmah lai hi!

Zomite sung ah Discipleship training sangin Leadership training seminar cih omden hi . Banglampang kitrained ahidiam? Kikhenna ding lampang peuh ahitam cihnop huai, Alianpen, thuneipen hidet ding training peuh ahitam???

 Mipi bel thu a mangdan a cihcihna uh kizui heihei, group tuam asat uh leh kizui pah heihei!!!

Makaite gelna khat peuh2 ahoih nak leh mipite buailo hi! 

Gending tampi om hi ahi zong tampi gen nawn kei ni a khuakhua, pawlpi tuamtuam buaina neuhneuhte gending tam, na enle uh teh makaite hang, deidanna leh angsung theih hang tamzaw den hi. 

Zomite sung ah makaihzia leh dinmun ih kipuah mahmah ding uh kisam mipite kimelmasak makaite mah na higige mawk hi. #Jesu in Lian pen utte in aneupen a lawmte khe silsak ding Humble cihna hi!

Hizah tawh ci ni Lungdam 

Topa thupha

Siam

October 21, 2020

Nasep kawm lungngaihna 

ZCD A DAMSAWT NANGIN MAKAI HOIH KISAM

 https://youtu.be/IuTKuTKyyi0

ZCD HOIHLO HIKEI AMITE HOIHLO HI TUATE A OM LAISIAH DEIHSAKNA LEH THUMAN OMLO DING HI ZCD SUNG AH

Itna tawh na hong kisemding deih hang sumzonna bek tawh ZCD ah makai kisem kei ta hen! Tua ahih kei leh Zomi party dang im ta peuh hen! Thukim pih ning!!!

MAKAI PAWLKHAT LEH ZCD TAWH KISAIKHATE TUNG BUMLEHNA

 Bumh Lehkikna

     Nidang anungta Pasian Zomi pupate in abiakma-un damlo cina luna khat om leh bumh tuak hin teh ci-in dawi gilo kaugilote' min tawh dawithusiam dawithu siampute'kiangah pai-in bumh lehkiksak uhhi. Mihing khat bum ih cih tak ciangin hazatna khat peuh le muh dah etsat gitlohna khat pan kipanin midang khat tung ah asia atun nading, aliam abai, asih abei dong nading ngimna tawh hazatna lungsim pan hong phuulkhia mihing'lungsim puakzia ahihi.

  Tuhun thu-ummi piangthak tapidawte'hun ah zongh tua bang thu tampi om veve hi. Thuman thudik selcipin thuzuau, thubul le thu kician omlo aa zuaulomtang siksanin mimal khat langpanna le mimal khat thu phuaktawm aa bang mah thusiksan omlopi mipi nautang tungah thugenna zongh bumhna namkhat mah ahihi. 

    Tua tawh kizomin tulaitak Myanmar gambup kiteelna ah zongh  mipi pawlzotna ( election campaign message) te ah mipawlkhat mailam 2021 - 2025 kikal sung Zogam le Zomi makai ding aa kithawi aa kinei mi pawlkhatte in keima mimal vai zuau bebek phuak tawmin mipi taangpi taangta tungah gen niloh uhhi. 

  Kei pen ZCD kiphuat khit 2012 beikuan pan kipan active member khat in na pangin hihtheih zah tawh party le minam ading sawltak nasem hi ing. Pawlkhat gen bangin amau'pattahsa cih bang hituanlo-in gamvai ka uukna tawh Yangon ah gamvai tintan/training tuamtuam ka kahte zongh atamzaw meltheih lawm le gual leh internet online tungtawn keima kankhiatna le lawmte'kiang pan ( information) ka ngah atamzaw hi. Gamvai pilna lamah khantohna nading keimah hahkat ( self-study) in laibu tampi ka phaak zawh tantan ka sim den hi.

  Party sungah tintan kah ding le kamkupna (seminars & workshops) kah ding vaisai mihing (3) tawh bel kithuah zeelin amau'tung pan zongh amau'manloh hun, azi atate uh akah manloh hun khong ciang bel anengkai nengneng na kah in acih uh teh ka man hun tawh kituak aa ka lamsap le sumzattawm ding ka kep alem teh hong sawl zelna ( information) uh tawh kizui ka pai zeel hi. Tuate zongh mangngilhlo lungdamna ciamteh ing. 

    2015 kum gambup kiteelpi hunlai zongh Yangon pan ciahto-in keima ipsung sawk-aa, Tedim le Tonzang gamhuam aa MP meekuangluite ka hihtheih zah panpih thugenpih le laigelh laihawmkhia( adiak Tonzang gam Cikha kual teng) deihtak huh ing. 2015 aa ZCD party min tawh agualzo MP teng zongh ka hihtheih zah mipi tawh akimuhkhop hunsim uh 2016 - 2020 kikal hihtheih zah keima ipsung mah sawkin Tedim le Tonzang gamhuamte ah zui koikoi ing. Kuamah in bel hawh aw na lamsap ding ci-in MP leh party makai lam pan ong pia omngei samlo hi ( Vuangyi Paulun in bel khatvei Cikha kuam teng ah thugen ding ong zui koikoi in ci ahih manin Kalaymyo - Yangon kikal Air ticket ong leisak ngei) tua simloh adangte omlo hi. 

     Hun hong pai toto-in tutung kiteelpi mimal tangdin/independent aa meekuang ka lui teh ZCD makaite nih ahi Pu Chin Sian Thang le Pu Gin Kam Lian te in letmat/sign thuh-in 14.10.2020 nimit tawh kei ZCD member pan khawlsakna hong suahsakna vua tua lai sung ah agenna vuah kei pen MP mihing-3 te'huhsa le pattahsa cih zuaubulom tawh mipi akhimhaina le bumhainate uh thudik hetlo hi, cih ka pulaak nuam hi. ZCD thukhun ah mimal tandin/independent tawh meekuangluite party member pan khawlsak ding cih bang thukhun zongh omlo ban ah party thukhun ka palsat khat zongh ka thei kei hi. Phuahtawm thukhun ahih leh lah thutuam! Pattah cih thadah Democracy, Federalism, Political Theory/Ideologies, Political System, Political Institutions luanzia le gamsung khuahun luanziate tu aa makai MP te' tung pan asin ka hihet kei aa, ka hihtheih zah aa, amaute ahuh ka hizaw hi. 

    Amau'gen bangin gamdang khualzinna tuamtuamte Party satanh cih bang zongh hilo aa, Internet Website tungtawnin lai tampi kisim, kigelh aa kamdot tampi akizawh teh ava kikahkha hizaw hi. Party satanh tawh hileh party information alente'zi le tate le tanau teng mah kimasak den uh hizaw hi.2016 kum in bel Party President le General Secretary sawlna tawh China/Sengam pai mihing-3 lak ah kihelkha mah ing. Akik teh sum nei zawdeuh honkhat kipaisak mikimphial apai ngeingai veve hi. 2019 Kuala Lumpur, Malaysia aa kibawl Zomi Khawmpi ah ka va kihelkhakna zongh tua hun aa Party President le General Secretary te sawlna/mandate hang hizaw hi.

     2016 kum aa ZCD in 21st Century Panglong Conference, Chin State-wide Consultation kibawlin Chin State bup aa om Political Party tuamtuam le CSO te' kamkupna apian nading $ 24,000 bang United States Agency For International Development (USAID) tungtawn akingah nading kei, Sia Nang Sian Muang le Sia Kap Khan Khual te' panlakna tawh ka ngahkhia uh aa, kei le Sia Kap Khan Khual in letmat/sign ka thuh uh aa The Orchid Hotel, Yangon ah khawmpi kamkupna a om nading kha-2 sung vilvel guahnuai dainuai ah ka hanciam uh aa Zomite makaih tawh a omngei nailo tangthu khat akivai hawmkhia ahihi. Party makai pawlkhat bang in thupi kei, ci-in hong langbawl zawlai uh hinapi akilawhcin teh amau'vaihawmsa bang keekin akhualzinna teng ah na gen lualua laidep uhhi.

     Tunitan kisuanna khat zongh omlo, party neihsa sum peek-1 zongh ka zangh nai het kei hi. Zinsuk zintoh vaknate ipsung sawk aa ma kipang den hizaw hi. 2017 kum aa Zomi Innkuan USA makaite' deihsakna tawh UNO Youth Forum ka va kah theihna zongh Party satanh/ခွဲတမ်းcih bang hilo aa, khawmpi kahnopna thute le mimal kalsuannate lai tawh gelhin ZIUSA makaite tungah puak ciangin amau hoihsakna, deihsakna le thukimpihna tawh ava kahkha ka hihi. Party pan ahilo mimal tampi zongh tua bang danin sam veve uhhi.

     Tutung party sung pan Tonzang gamhuam ah ZCD pan meekuang luinuamte in form kitenthei acih teh mihing-6 in MP luinopna form kiten pah hi. Tua teng Tonzang gambup aa om akhuakhua ah party makaite' deihna la-in meetang tam angah penpen mihing-4 in meekuanglui theihna ngah ding cih thu ahihi. Tua bang akilawk takpi teh kei meetang/Vote hong pia, thu siksan kician sitset/Evidence om ka theih zah meetang ka ngah vekpi (45) pha sitset hi. Haiciin Lunglen Kawlnuai kipawlna khua-13 pan khuakhat teh meetang-2 ciat hong pia uh aa, avekpi gawm meetang-26 ka ngah a, Cikha kuallam ah khua tuamtuam pan party makai mihing-13 in zongh avek vua meetang/vote - 1 tek hong pia uh a, Tonzang khuapi sung veng -2 ( khualai le khuavung) kigawm meetang -4 ( veng -1 meetang -2 agawm meetang-4) ka ngah vek ban ah kei'tungah makaite in hong genna ciat vuah Mualpi le Tungtuang khuate in zongh meetang -1 ciat hong pia uh ahih manin, avek akigawm meetang kei'theihna tan ah hong kipia vekpi (45) pha sinsen hi. 

    Ahizongin July 27,2020 ZCD Party CEC meeting teh keima ngahzah meetang (28) bek hong kiphasak hi. Ka meetang/vote (17) na kibulluh/kigu hi. Tua teng bang khit teh Tonzang gungal ah meetang tawh kei hong lel/mipi deih nawn ngiatloh Tonzang gam utnawnlo anusiakhin MP semlui khat meekuang lui dingin thumanlo zangh in party makai honkhat in hong kausiphu teitei zen uhhi.

    Ka meetang ngah teng vai thuman takpi mah maw cih Tedim ZCD party zum ah Pa Mung Khen Tuang in va kanin meetang zum ah kikem teng copy valakhia-in avasittel tak teh Haiciin Lunglen Kawl kiim kipawlna khua -13 ii meetang/vote kigawm (26) lak pan kei hong piak a meetang lak vuah meetang -2 bek na om mawkin adang meetang -24 teng na kiphialmang/kigumang ahih lamtak kitheikhia hi. Tua hi a, atatak ah ka meetang ngahzah buppi kigawm pen amangthang meetang (24) tawh gawmkik leeng avekpi meetang (52) angah ka hihlam tak hong kilangkhia kik hi ( 28 + 24 = 52). 

   October 14,2020 nimit tawh ZCD letterhead zangh-in party president le general secretary te'sign thuhna tawh keimah ZCD member pan tawpsakna thu hong suahkhia uhhi ( tuama in zongh president pa' sign kibawl tawm/fake tawh member pan tawpsakna lai hong kikhah) hi. Tua sung ah kei pen MP mihing (3) te'pattahsa hi, ci-in zuau bulomtang hong suahkhia lai uhhi. Amau'pattah cih thadah hih mihing teng in Democracy ii zia-le-tong kician gina athei zongh uh hilo, leitung aa gam ki-ukzia tuamtuamte' paizia/luanzia le kimakaihzia cihte ban ah Myanmar gamthu nangawn mumangpau bangin agen mualmualte uhhi. 2015 gambup kiteelpi hun bangin tu aa Tonzang gam aa MP semteng bang gamvai thugenna/siizone agenthei omlo pai luakluak geuh bekin Cikha kuam teng bang zanhak liang aa kigenpih kizawhpih hizawlai hi. Amaute'tung pan gamthu ah pilna sin ngei hetlo hi ing. 2016 -2020 kikal sung Tedim le Tonzang gamteng ah azin uh teh ka vazuihkhakte agen uh ahih lah kei bek hilo sumbawl teng le asang asuai teng uh zongh amau' hih mihing (3) teng ii pattahsa hi, cih kul ve ( Pu Chin Sian Thang in zongh Pu Paulun zui ngei zel hiven amah zongh Pu Paulun le adang mi (2) te'pattahsa himai ve maw!)

    Gambup kiteelpi lut nading lampi (2) zui-in kilutthei hi. Khatna ah party tuamtuam siksan bulphuhna tawh meekuang lui kiteel kilutthei hi. Nihna ah party cih himhim tawh kisohkhalo bulphuh kullo aa gambup kiteel kilutthei hi ( 2008 thukhun, Union Election Commission Law). Tua ahih manin ZCD party ah thuman tawh mipi deihna bang kipai hileh party pan Tonzang gam ah MP meekuanglui thei ding mihing (4) ah akihel pelmawh ding ka hihi. Tua bang kimlai ka meetang ngah mipite'hong piak teng hong kibulluh/kiguuksak ( Damiah hong kitaih) hinapi'n kei pen party langpang danin hong lelgenkik bilbel uhhi. Gutapa khat in van gu-in aguuk khit teh mi'theih ding alau man/akisungsiat manin guta guta ci-in tai tautau hi ( သူခိုးကလူကိုပြန်ဟစ်) cih Kawlte'paunak dan tatak hi. Zuau phuakphuakte atungtham akineih hang'n sawtpi aki ipzawh loh mah bangun zawhngeu zongh tuisung ah sawtpi omzolo hi ( ကြောင်ကြာကြာရေမငုတ်နိုင်ဘူး) akicih danlian mah bang ahihi. 

     Tutung Tedim le Tonzang gam ah ZCD party MP meekuanglui mihing (9) lak ah minam vai ( Zomi National Politics le Zomi Movement athei leh ZCD thumeilette apom ding omkhollo) lai hi. Khasiathuai hi. Minam party pen kiteellut theih nading ciang le MP cin nading ciang bek kizanghta-in Zomite' minam maban cihte kuamah in sunmang aa zongh mannawnlo uh cih abeisa kum (5) sung ih etkik teh kimukhia ahih manin tutung party pan meekuanglui ding thumanlo tawh hong kihepkhiat tak teh lampi dang ahi mimal tangdin ( independent MP candidate) kidem hizaw hi.

    Ahhang in pawlkhatte danin MP ut lel ngel kihilo-aa mailam Zomi le Zogam mabante gambup innpi ( Union Parliament) ah va phukhia-in Zomi momno khat va tuzo leeng kikhelna le kilamhthakna tampi minam maban phuulzo ding hihang cih muh sinsenna tawh meekuanglui/MP tutna adem hizaw ing.

     Tuakimlai party langpan danin mimalvai zuau bulomtang vive phuakin tan-10 zongh agalphi ngeilo neektawn zon nadia MP honkhat maibiakna tawh thuzuaugen honkhat hong laang mahmah bilbel hi. Kisuan nading cinvomcia zongh lah nei het kei vengh aw! Zolai tawmtawm gelhthei social media facebook aa thuthang nengneng sim aa gamvai kitheisakte ciang hangin maban kikhawl deksuailo ding aa kimanawt ding hi. 

     ZCD party itlua kisa, 2015 kiteelpi khit teh MP suakte maibiak lutlut te bang kihi hetlo hi. ZCD party asukham le asusia nuam tampitak ka hihtheih zah khaktanin dal thapai ing. Nov 3,2018 Party CEC meeting khensatna tawh tualaitak le tulaitak General Secretary asempa in General Secretary angah nawn loh teh party pan taikhiat sawmin amah le apawlte honkhat in Zomi party dang khat phuankhia dingin hong zawn thapai uhhi. Party sungah huapa khual pawl le tuapa khual pawl (အုပ်စုဖွဲ့/ဂုဏ်းဖွဲ့) na om denin tuate hihtheih zah panla-in akisumit den hizawlai hi. Panmun ngahloh teh party dang dinsawmte khong in tubang ahilo dan aa pauphuauphuau dep sam uhhi.

    Tutung vai zongh party ka itna tawh party dang tampi in hong zol hinapi'n party ka taisan kei aa, Hluttaw sungah muibunzaw-in minam maban gam maban septheih nading ngimna le tupna lian bek tawh tutung mimal tangdin ( independent) tawh meekuang kilui hizaw bek hi cih kong theisak nuam hi. Democracy gimna tawh Kawlgam akikalsuan zawh tu-in term-2 kum-10 sung kipaikhinta aa Tedim le Tonzang gam pen Chin State ah khuapi dangte tawh tehna in kituantual khia mahmah mawk hi. Pilna sang sinna lam ( higher education), cidamna lam ( healthcare) le gambup sumzeekna satanh ngahna ( union budget) ngahnate ah khuapi huam adang -7 te'nuai ah ki om den hi. 

    Tutung ZCD party pan Tonzang gam ah MP meekuangluite le apanpihte in agenbulpi le asep uh in Bob Tuang mee pia kei un cih ciang peuh, Bob Tuang mee pia kei un ci-in mipi bang mah theilo teng vokgawh, akgawh, bawng gawh le sialgawh cih ciang peuh hi-in Tonzang gamhuan ah kiteelpi adem party (7) bang lak ah kei bebek thuzuau tawh gensia-in mipi na vau koikoi laizen uhhi. Khua pawlkhat bang ah Bob Tuang na lutsak kei un cih nangawn na gen uh a, ka thugen nading inn/hall aphalsate nangawn na khem-in aphalloh nading thu tuamtuam tawh na vau, na holhthawh thapai uhhi. Minam le gam taangmi aa kithawi mipawlkhat gamvai muhna le dinmun tua ciang zah dong aa na niam zensam hi.

      Ahizongin anungta Pasian kepna le ompihna tawh akhuakhua ah mipite in hong lunggulh mahmah ban ah thuman genteel leng thuman thei-in thangah thei mahmah uhhi. Mipi thapiakna anasiat akhauhpai teh hazatna le elna a omngeina leitung hilel hi, cih mikim in thei lua hi.

    Tuhun teh nasep tampipi asem nasep hahkat ( hard work) cih sangin hun tomno sungin nasep tampi/na tampi asemzo ( smart work) cih tawh kuate in nasem aa kuate in nasemlo cih kitehzaw ta hi. Nasem cici napi'n asepna khutma (result/workdone) omlo gawltungsiah tawh asem makai kicite'hangin ih gam ih minam kituantual mahmah ahihna abeisa kum-10 ih etkik teh kilangh mahmah lel hi.

    Tua ahih manin, kong it le zahtak Zomi pi le pu, nu le pa, u le nau, lia le taang teng aw...tutung gambup kiteelpi tak teh Zomi le Zogam maban panmun ala ding le apuah sawmin hong kithawi kei hong tawsawnin na meetang khat ciat uh tawh hong laamto unla gambup innpi ( Union Parliament) ah Zomi khangthak momno khat hong tusak leucin kisiiklo-in na mai uh kong zumsak het kei ding hi. Mihing gammi khat ciat Tonzang gamhuam ah ateeng kum-18 cingkhin peuhmah in meetang -3 ciat ih neihna lak ah na meetang-1 tek uh Tonzang gamhuam Amyotha Hluttaw mun ah hong khen tek unla Zogam le Zomi maban ah akikham/kikhung dingin hong sawl ta peuh un! cih kong thuum nuam hi. 

   Leitung muntuamtuam le Kawlgam sung om mailam saupi akhual ageelkhol party te le minam tuamtuamte in zongh khangnote laamto/masak-in gam le minam zingvai hawmsak ziahziah ta uhhi. 

Tutung Nov 8,2020 gambup kiteelpi ni teh zongh ei zong kipumkhat in dinkhawm tek ni maw! Zomi le Zogam in Zomi momno khangthakte hong ngaklah lua ta hi!

     Thumanlo le zuaubulomtang tawh mipi amit humsak abil na ngawngsak thapai ih kiim ih paam ah tamlua-in aman asa peuh na om zeel ahih manin mipi bumhaina zuaubulom teng bumh lehkikna in hih lai kong suaksakkik hi.

Theih ding : Hih anuai ah Video Clip tomno ah thugen Pa Mung Khen Tuang hi a, meetangvai thumanlohna ahilhcianna tomno le Meetang laidal copy ana kigulosun teng kong suaksak hi.

Agelh : Bob Tuangpi

KHANGNO LEH PILNA BY: Sia Thawngno

https://youtu.be/u63fjpoHJYs

 KHANGNOTE IN PILNA ZONG TANGTANG NI

PILNA ih cihciangin Laitawh sinna gentam zaw deuh a lai tawh kisaiin degree tampipi ih ngah zawhna ding hanciam kul hi!

Pilna tawh kisai ah lai ih hat zawh kei leh Siamna lam zong in kin ding hi hang! Skill khutsiamna tawh kisai na tam mahmah a tuabang Siamna neite in nuntak nuamsa mahmah uh hi. Ih utloh pikhat ih sepsep sangin khutsiamna nei in tua tawh ih ukkhat sem leng sum zong tamzaw in nuntakna nuam zaw ding hi. 

INDIA MANIPUR AH FEBRUARY 20 ZOMI NAM NI KUMPI HOLIDAY IN KIKOIHTA

India ah Zomi Namni Holiday in Kizangta  

Zomi Namni - 20th February(Every Year) the biggest festival/important day for nine tribes under Zomi umbrella. 

Tuni Cabinet Thupukna ahi.

2010 ZNN lawpna, PT Complex a neihlai a ZC leh Zomi CSOs teng in CM kianga Memo i piak uh tuni a cabinet in bohzui a a passed uh ahi. Kipahhuai petmah

NB : 2010 Kum a New Lamka PT Sports Complex a Zomi Namni zatna hun ah, Zomi Council, India leh Zomi CSO te in Memorandum Manipur CM kianga apiak uh bawhzui in, tuni Manipur Innpi thupukna ah ZOMI NAMNI 20th FEBRUARY , KUMSIM a omding pen Manipur State a diing in HOLIDAY a puan hita....  Hih ni in Manipur sunga Zum (office) khempeuh KUMPI ZUM tel in kikhak ta diing... 

Pa Gin @ Vungzagin Valte, Minister in tuni'n hong pholhsuah a, kipahhuai peetmah ahi. Pathian in makaih zel hen 

Cabinet Meeting a tel masak Ni a pass pih ahi. Nuam sawnsawn.

India gam, Manipur state ah Zomite pen Awkaih based in Namke (Tribe) in Hong ki ciamteh a, Hong kikhen mahleh, tua tribe te Zomi Council nuai ah kigawm in, Zomi policy khauhtak in kipaipih hi. 

By: B Muang Ngaihte 

bmuanngaihte@gmail.com

 

ZOMI MINPUA KIPAWLNA KHAT A OM CIANGIN...

 ZOMI MINPUA KIPAWLNA KHAT PEUHPEUH 

Ken kazak theihloh thupaizia khat om no bangci nasa uh diam? Zomi sung ah kipawlna khat a om ciang Zomi min kipuasak kipasak sese in tua sung a a lutlote Zomi hilo Zomi langpang cih lungtang pen dah huaisa mahmah ing! 

Members ciang a en kipawlna pen Metna ding a en business kipawlna suak lel ahih man Zomi cih min pase dah leh tuapen ahoih hi. Apa leh zong member ciang a en a hih leh Benefits metna ngahna ding kipawlna hi cih phawk leng hoih ding hi.

Minam kipawlna taktak in tuadan a member’s tawh thu vaihawm ding hilo zaw in mite koici leng hong lunglut ding cih hizaw ding hi. Minam vaitaktak ahih leh maw! Tunbel ih Organization ah members lutte bek kithusim Zomi bek dan a tuat Zomi hihna pen a piantungpek a Zomi kihi in hua Organizations khat ih lut ciang Zomi kihipan lo hi cihte phawk huai mahmah communist vai lua tuadante pen!

Biakna pawlpi ah hong lutte members hi in metna lah pia don nang a om leh kidong hi. Tua biakinn ah kipawllote ei mi ei biakna mi hilo in metna donnate kidong lo pah hi. Biakna vai hi.

Zomite minam vai dan a kipawlnate zong Zomi min pua lenlanin Biakna paipai dan in mu ing! Nak kikhel huai mahmah hi ven!

Zomi sung kizangawpna pian semsem na ding pen Kipawlna khat ah member lutlote Zomi hilo acicite hang hong hipel mawh ding hi. Pilvang tak a kampau kisam hi! 

Zomi minpua kipawlna ah Zomite alunglut kei leh kiukzia kivaipuakzia deihlo cihna hi

Zomi pen organization khat ih lut ciang Zomi kihipan lo a ih pianpan Zomi ih hi hi. 

Lungdam

Siam 

ZBCA THU THEIHHUAI TOMNO OCT 2020

 ZBCA THU THEIHHUAI TOMNO:2020

-------------------------------------

ZBCA pen minam bulphuh hilo in, Pasian abulphuh Zomi te ait leh apuahnuam Biakna kipawlna ahihi.

1. Kum 2012 Oct 21 ni-in Nashville pan piang hi, amasa pawlpi 4 teng:

i. Agape Mission Church, Nashville

ii.  ZBCM of Tulsa, Tulsa

iii. Zomi American Community Church, Pensacola

iv. Zomi Community Church of Denver, Denver.

2. Tulaitak Oct 18,2020 ciang Pawlpi 43 leh Kizoppih anuaia bang ahihi

3. ZBCA thubulphuhte:

-------------------------

1) Zomi khempeuh in anungta Pasian biakhawm ding

2) Zomi te in ingeina, ipau ilai te kemkhawm ding

3) Zomi te in nopna dahna ah mapang khawm ding

4) Zomi te kipawlkhawm in mission na sem khawm ding.

4. ZBCA in khuahun luanzia zui a akizang ahi nulehnu palehpa kitenna sanglo hi.

5. ZBCA in Laisiangtho pen Pasian humop taktak hi ci-in kisang hi.

6. ZBCA in Zeisu hongit Lungdamna Gospel thu tangko naseppen nasep lianpen dingin kingaihsun hi.

7. ZBCA in Pasian hongbawl Zomi hihna limtakin len in, minam dangte tungah zong itna lahding lunggulhna nei hi.

8. Tu laitakin ZBCA tawh akizom Local pawlpi teng anuaia bang ahihi. 

ZBCA LOCAL LISTS(2020)

--------------------------

1. Agape Mission Church - Nashville ,TN -

2. ZBCM of Tulsa -Tulsa, OK -

3. Zomi American Community Church -Pensacola, FL -

4. Zomi Community Church -Denver, CO -

5. Agape Zomi Baptist Church -Forthworth, TX -

6. Zomi Community Mission Church -Portland, OR -

7. Agape Zomi Mission Church -Houston, TX -

8. Bethel Zomi Christian Church -Louisville, KY -

9. Zomi Baptist Church -Seattle, WA -

10. Grace Zomi Baptist Church -Indianapolis, IN -

11. Zomi Christian Church -Twinfalls, ID -

12. Zomi Christian Church -St. Louis, MO -

13. Grand Rapids Zomi Baptist Church -Grand Rapids, MI -

14. Zomi Christian Church -Bowling Green, KY -

15. Zomi Christian Canaan Church -Battle Creek, MI -

16. Zomi Baptist Church -Owensboro, KY -

17. Zomi Emmanuel Church -Houston, TX -

18. Zomi First Baptist Church -San Antonio,TX -

19. Zomi Christian Church -Austin,TX -

20. Zomi Christian Church -Des Moines,IA -

21. Zomi Baptist Church -Marshalltown,IA -

22. Zomi Christian Church -Salt Lake City, UT -

23. Zomi Bethel Church -Portland ,OR -

24. Zomi Agape Christian Church -Seattle, WA -

25. Zomi Agape Church -Dallas, TX -

26. Zomi Community Church -Fort Lauderdale,FL -

27. Zomi Christian Fellowship Church -Newbern, NC -

28. Emmanuel Mission Church -San Antonio,TX -

29. Zomi Mission Church -Columbus, OH -

30. Indiana Zomi Baptist Church -Indianapolis, IN -

31. Lincoln Zomi Church -Lincoln, NE -

32. Arizona Zomi Christian Church -Phoenix, AZ -

33. Zomi Christian Church -Lancing, MI -

34. Hosanna Zomi Christian Church -Buffalo,NY -

35. Immanuel Christian Church -Sheboygan, WI -

36. Zomi Baptist Church -Chicago, IL -

37. Philadelphia Zomi Church -Philadelphia, PA -

38. Zomi Christian Church -Lancester, PA -

39. Zomi Trinity Baptist Church -Fond Du Lac, WI -

40. Canaan Mission Church -Melbourne, FL -

41. Pittsburgh Zomi Church -Pittsburgh, PA -

42. Baltimore Zomi Church -Baltimore, MD -

43. Zomi Laizom Christian Church -Atlanta, GA -

ZBCA tawh akizom kipawlna teng:

---------------------------------

1. Baptist World Alliance-2017

2. North American Baptist Fellowship-2017

3. Christian Churches Together -USA

4. Zomi Baptist Convention of Myanmar-2012

5. Zomi Baptist Church – Mizoram-2017

6. Zomi Baptist Church of Brisbane- Australia-2018

7. Zomi Baptist Church of Malaysia-2018

8. Christa Baptist Fellowship- Manipur-2018

9. Bethel Zomi Church, Bangalore, India-2018

10. Baptist Church of Mission, Manipur-2018

11. Kalay Valley Baptist Convention-2019

12. Tedim Baptist Convention-2019

13. Zion Zomi Baptist Church, Delhi.-2019 

9. Nasep hoih pawlkhat:

------------------------

a. All D pahtawina Kawlgam Zomi sungah mi 23 neita. ( Ks. 1,000,000) ta pia.

b. Tui dongtuak Zomi te huhna puak.

c. Gamsungah donghu kipawlna tawh sihna tuakte luangphamna kinei .

d. Missionary Kawlgam leh muntuamtuam ah khah.

e. Pasian nasem te USA ah sam, Lasiamte sam

f. Intership Pastor te sam.

g. Biakinn lamkhopna nei

h. Cimawh dongtuak te ahun zui in panpih.

i. Zomi Christian Theological Seminary kipan khia-2019

j. Bible Sunday sumpi te ZCLS zumpi ah puak

k. ZBCA gamsungah pahtawina tuamtuam pia

l. Ordination mi 30 kim  kipia ta

m. Tu laitak Pasian nasem 49 pha

n. Kumsim in Khawmpi kinei in, Conference tuamtuam zong department zui in kinei.

o. ZBCA pen USA leh Canada gamsung kipawlna NABF ah akhangto pen Top 1  ngah hi.

p. ZBCA pen Leitungbup kipawlna BWA ah akhangto pen Top 7 na ngah hi. 

q. Pasian hong makaihna hangin ZBCA pen tuipi galkaai Zomi te adingin Biakna kipawlna lianpen hongsuak ta hi.

r. Khaici atuh masa te tungah ilungdam a, tuibuak te tungah zong ilungdam a, hong khangsak  Pasian tungah ilungdam mahmah hi.

10. Rev. Kap Khan Mang phawkna:

OB sungah Rev. Kap Khan Mang in tukum sungin hongnusiatna hangin gambup adingin dahna lianpi ineihna thu zong ipulaak nuam hi. 

Hi bangin minam dangte kawmkal ah Zomi te in Pasian mintawh ikipawlna hangin hongpai ding khangsawn te hunsungah Zomi te pen mite lak ah mangthang hetlo in anungta Pasian tawh limtakin kizom in, Zomi ihihna ingeina , ilai leh ipaute akhang akhang in izaksuak theihna dingin Pasian geelna lianpi ahihi.

General Secretary.

ZBCA Sunday

Oct 18,2020

NUPA ZANVAI TAWH KISAI IN KHANGNOTE IN THEIH HUAI

NUPA VAI THEIH HUAI THU

Tulai Numeite in gol,neu deih maw, bangzah vei nikhat in kipawl leng hoih cihtam ven NUPAKAL GROUP sung ah !Khangnote in agol man a numeite in nuamsa ding bangin a ngaihsun tam tuak mawk in Nupipapite theih ding thugen leng Khangnote in zong atheikhol hipah ding hi!

Internet zangzang buang thu ih theih nopte google ah zongin sim ding hi. Ahihkeileh laibu tuadante zongin sim ding ahi hi.

Nupite in pasal a agol manin nuamsa hilo hi. Agol in gen leng nau ngek pusuakzo ahih manin khuttalcia apha na zang a nopna omlo salua ding uh hi. 

Ahizongin thutheihna kisam ih hi hi.

Gamkhangtote ah Sex Education pen sang ah zong kisin hi ei lam ah bel kisinlo in uiphuk ukeng peuh in kisin hi. Tua ahih man laibu NUPA KAL NOPSAKNA DING “ cih simle cin tampi mah naphat tuamna om ding hi. Google panin zong ih theihnopte zongin sim ding thupi ding hi. Khangnote in thu thei in nupipapi hihma zanglo in Pasian zahtakin ahun cinciang bek zat ding thupi ding a nupa kal a anopthei pen in zat ding hi.

Numei huk or ziasak or feeling a neih masak ma in Pasalin na thunpah buatbuat leh nasa in nupi gilokhat nei le cin lupna taw ah hong tuankhia ding hi,haaaa, kua mawhna pasal nang mawhna hi. Numei in a ziatsakna ding nop asakna dingin huh panpih phot in, nang a na thunma in!!!

Gamkhangto human right kizatnate ah nupa thongkia or thukisitna a om theihna pen sex hang zong om hi. Gamdang numeite in kei mihing hong salo maw cithei uh hi a utma na thun leh pasalte aw police ah tai thei mawk uh hi. Hih pen human right asanna mun gamte ah piang hi.

Pasal in na zi nopsakna dingin thawhphul masa hamtangin hunlak pih in! Tualo in nuamsa theilo in akik ding ngaklah lo uh hi. Naphul sak kei leh nazang golleh nasa semding a utlo semsem ding hi. Midang ngai dan leh midang tawh zangkhawm khin danin ngaihsun ken! Nang kiciatlohna hi. Ukna ding panpih masa hamtang in nang a khauhgega na thun ma in na zi utna nopsakna ding huhphot in. Numei in nuamsa leh na ngetsim mahin hong pia ding a tuasim mah in nuamasakna ding panpih in! Na natsak leh a kik ding ngah haksa ve teh, na zi ahih hang! Sun in zong nasep a kipan atuamtuam ah lungkimsak den panpih den lecin zanvai ah zong uk baih uh hi. Atiseih detail in genman kei ni (Nupakal nopsakna ) laibu na sim in. 

Numei in theih ding ah Pasal pen luthum a neih dong ut a nikhat khatvei bang peuh mah ut hi cih pasal zia thei in kithawi in! Pasalin Numeite zia leh tong nakpitakin na theihkan ding nakan ding kisam hi, zia/nopsa sanailopi in thun bambam ken! Na zi hehpihna nei in!

Tua hileh Gol maw, neu maw, sau maw, nikhat bang zah vei, bang hunteng hoih deuh, gol leh sau leh nuamsa deuh ding a na upmawhte leh na ut hunhun uh a sex zat ahoih ahihlam na thei ding hi. An nek laitak na ut uh leh zong an ne samsam a lupna zuat hilel ding hi.

Numei in pasal hileh nasep gimlua leh zanvai uklo hatlo nuam hi.

Telsiam buangta ni maw Nupate hoihtak na kipanpih un Innkuan hong nuam ding hi. Leitung ah na lawhtak uh hibek hi Laisiangtho in ci hi.

Lungdam 

Zomi Times. 

Oct14