TUNI THUTHANG TUAMTUAM TE

ZOMI TIMES 27.7.2024 Saturday 

1. ZRO/ZRA LEH CNF/CNA KIMUH VAI UPDATE TOMMO 

ZRO/ZRA leh CNA/CNF In ZORO Panlakna PEACE om theih nading Suaikai ta..

1. Ei zotate (Chin-Kuki-Zomi/Mizo) te phung kibang, pau kibang (awkaih tuam) nuntak khuasak zia kibang, ngeina kibang, lunggulhna kikhat, sih leh si khawm, dam leh dam khawm ding a ci unau khat hi hang.

2. Gam leh minam ading nasepna ah hanciam luat na hang a unau kitelkhialhna poi  kisa in, mailam ah tua bang piang non kei leh cih i deih hi.

3. Kilemna bukim a om theih na ding in, a kul dan zuiin kihona neih zel ding hoih kisa hi.

Credit……

1. ZOMITE AKSI PI KHAT MUALLIAM

Pu Thangkhangin Ngaihte, Zomi National Congress (ZNC) founder leh President in, tuni 27/07/2024 3:00pm IST hun in AIIMS hospital, Delhi pan in hong nusia hi.

Zomite ading in a vawh khaici limci tak in hong palh in, ama nungzui ding mi tampi hong piang ta hen. A dah a kap zomipih khempeuh leh a inkuan mimal ih biak a nungta Pasian in hong hehnem ciat ta hen.

1. အောင်ဇေယျ Aungzyiza kidona kikapna nasia mahmah cih thuthang om. 

Aung Zyiza ah PDF leh SAC nasia takin kikap uh a, TankCar pawlkhat susia zo uh hi.

Pawlkhatte genna ah nungkum lamin CNF Makaih CC ten TankCar asumsiat lai un NUG in teng4000 pia hiven ci-in gen uh hi…

Pawlkhatte gen leuleu na ah NUG Makaite zong CNF lamte Dr. Lian Hmung Sakhong thei-in ngah nang bekbek a lam en te hi cih gen uh hi.

Ref: People’s Spring

1. Daw Aung San Suh Kyi leh ပြည်ထဲရေးဝန်ကြီး (Ministry of Home Affairs)Kimu 

Kum 2021 a kipan SAC matcip Daw Aung San Suh Kyi thongsung aomna ah Kawlgam Ulian khat ahi (Ministry of Home Affairs) ပြည်ထဲရေးဝန်ကြီး ဒုတိယဗိုလ်ချုပ်ကြီး ရာပြည့်tawh Nihvei kimu khawm thei uh hi ci-in BBC Burmese in tuni July27,2024 in pulak hi.

Amasa kimuh hun ahih leh Arzani tunma in khatvei kimu uh hi. Anih veina ahih leh July21,2024 ni-inanih veina kimu leuleu uh hi. Aomna Naypyidaw thong sungah kimu thei uh hi.

Galkap Ulianpa ahih leh Ministry of Home Affairs hi-in Daw Aung San Suh Kyi tawh kisai aoman, a cidamna senpy maw cihte a en khia ahi hi. Tua bek loin amah ahih leh Daw Aung San Suh Kyi tawh ki sai Tavuan Vaipuak alapi pen hi ci-in genbeh hi.

Hih ဒုတိယဗိုလ်ချုပ်ကြီးရာပြည့် ahih leh NLD hun lai-in Daw Suh tawh akipawl khawm lian ahih loh hangin, ki maingap mahmah uh hi.

Ref: BBC Burmese

1. Lashio khuapi ah kidona nasia lai 

Shan gam huam ahi Lashio khuapi ah MNDAA te leh SAC galkapte nasia takin kikapna om lai hi cih 7Stars News in gen hi.

July25,2024 ni-in MNDAA in Lashio khuapi lazo danin gen mah leh tuni dong kikapna, kidona nasia mahmah lai in, lazo nailo cih kitel hi. 

Nasia to semsem lai dingin kigen 

Ref: 7Stars News 

1. Yangon khuapi SanChiang Myone sungah Huang kicim 

Yangon khuapi, Sanchian Myone, ကျွန်းတော Chuntaw lampi ah huang umna kicim in Motor 6 leh Ansai khat zancip hi.

Tuni July27,2024 in Yangon Sanchiang Myone huam sung Chuntaw lampi gei ah Huang umna taih kicimp na hangin Motor 7 leh Ansai khat kisia hi ci-in Eleven Media in gen hi.

Tulaitak Yangon khuapi ah sunlezan khawl loin guah zu ngekngek ahih manin hidan apiang hikha ding hi cih gen hi. Lei nimgawp ahih manin lauhuai hi.

Ref: Eleven Media 

1. Matupi Ukna tawh kisai ICNCC tawh kizom in Matupi ukna kipan ding 

Chin Pyine, Matupi Myone Mipite ki-ukna tawh kisai in  Chin Brotherhood i lutangpi ahi ICNCC tawh kizomin ki ukna paiding hi ci-in Matupi ki ukna Makai ten gen uh hi.

Hih Matupi mipi ki ukna tawh kisai kum 2022 Oct kha in kiphuan himah leh 2023 October 6, ni-in tettan bei ta hi.

Matupi ki ukna tawh kisai sepzom theih nading in July20,2024 ni-in Mipite tawh Meeting nei khawmin athak liklek in kiphuan pha kik hi ci-in Khonumthung Burmese in gen hi..

Matupi khuapi ahih leh June29,2024 ni-in AA Makaih CB te leh CDF-Matupi B-1 in alaksa uh ahi hi. Hih tawh kisai CB tawh kizom in ICNCC vaihawmna tawh kikal suan ding hi cih pulak beh hi.

Credit: Khonumthung Burmese 

1. Tuibem Phulet 

Tulaitak kawlgam mun tuamtuam ah guahtui tamlua ahih manin Zakhai gam leh Kawlgam laizang kim teng adiak in kihep khiat ding thu kiza hi.

Tulaitak Zakhai gam AA te huam sungah Tuibem phulet zahdong dingin Tui tam ahih manin Zakhai galkap AA in Mipite tungah tuni July27,2024 in theih sak na pia hi.

Guahtui or Tui kholna pen Azah tampi in khangto ahih manin lauhuai dinmun ah om hi. Tua hangin Mipite kidawm unla, Pilvang takin om un cih za sak uh hi..

Credit: AK-Media Live

1. MDY PDF te Kawlgam sungah Thahat pen NUG in gen 

Kum2021 MAL ukna-Arna lak akipan Tawlanzyi nasem, MAL do khia dinga kipan khia NUG galkapte lakah MDL PDF te thahat pen leh thupi pen uh hi ci-in NUG lam pan PAHTAWINA pia uh hi.

MDY PDF ahih leh a hanciamna uh thupi in picing takin kalsuan thei uh hi. Tawlanzyi paulap in nasem maimai te hilo uh hi. Tawlanzyi nasem takpi te hi uh hi ci-in gen beh hi.

Pawlkhatte ahih leh Tawlanzyi paulap in nasem uha NUG ukna nangawn anial om hi. Tawlanzyi lampi pan lampial mang khinta Thauatwi Tawlanzyi nasem tampi ôm hi cihzong gen hi.

Tulaitak bang pen State-Pyine pawlkhat ah Tawlanzyi paulap in Minam khat leh Minam khat kikal ah Ukna, Arna deih Tawlanzyi nasem om ahih manin poi kasa mahmah uh hi ci-in pulak hi. 

MDY PDF Makaipi pa ahih leh Zato Siavuan ahihi. Amah pen Doctor Soe Thu Zaw စိုးသူရဇော် hi. 

MDY PDF ရဲ့ ဦးဆောင်သူ တစ်ဦးဖြစ်တဲ့ ဒေါက်တာ စိုးသူရဇော်။

Credit:: MDY-PDF

1. CNF Makaih CC te’n Matupi leh Paletwa kizopna LEI’ Bridge တံတား susia 

Ngongtat CNF Makaih CC te’n Matupi leh Paletwa kizopna lei susia mikmek mawk uh ahihmanin Mipite’n haksatna lianpi ka tuak uh hi ci-in Mipite’n gen uh hi.

Hih LEI tawh kisai pen Matupi Operation lai-in Ngongtat CNF Makaih CC te suksiat danin Chin Media te ah kigen hi.

Mipite gen theihna apia pen Midangte hilo zawin ko pen Mipi galkap hi ungh aci teng mah in Mipite haksatna pia mawk uh hi. Mipite bitna piak sawm loin haksatna pia cih pen amin bek in Mipite galkap hi lel uh hi ci-in Khumi khangno khatin Khonumthung Burmese News tungah gen hi.

Credit: Khonumthung Burmese

1. WELCOME CORPS tawh Malaysia pan USA ah Mi tung ziahziah

Welcome-corps tawh Malaysia pan USA tung masa pen dingin kigen hi.

         Mailamah Zomi tampi tak Welcome Corps tawh USA gam ongtunglai ding in ki lam en mahmah hi….

           Hih Welcome Corps pen mi bangzah hiam kipawl khawmin kisam thei hi cih zong a ki thei sak ih hi hi.

Credit: Burmese American Community inst

1. SAC te thusitna hangin YOMA Bank Makaipipa U Thein Wai ဦး သိန်းဝေ khawl vingveng ziau hi ci-in Zalen in gen hi.

Tuni thuthang nong simsak manin lungdam.

Akisam aom leh Comments ah hong gelhsak in maw, a hoih pen in hanciam ding hihang.

ZRO leh CNF leh ZORO MAKAITEW