ZOMI TIMES 26.7.2024 Friday
=====================
1. ZORO Makaihna tawh ZRO/ZRA leh Ngongtat CNA/CNF te kimu ding.
Mizogam bulphuh aom Zo-Reunification Organization (ZORO) Makaih na tawh ZRO/ZRA leh Ngongtat CNF te kimu khawm ding ci-in News in gen hi.
Apaisa May kha 2024 sungin thagum, thatang leh thautawi thutang suangin Zomite teenna Areas ah honglut in Zomite gal ong taisak Zomite neihsa agu, Vok, ak agu Ngongtat CNF te ahi uh hi.
Tulaitak Zomi galkapte thasan in kipatsan sawm mahmah in aki om laitak in ZORO tungah CNF Makai ten Thu muam hi kha dingin ki um mawh hi. Zomi Galkap ZRO/ZRA te tawh kilemna deuh ung ci-in ZORO Makai sem sak hiding in ki um mawh hi..
Zingciang July27,2024 ni-in Aizawl khuapi ah ZRO/ZRA leh Ngongtat CNF te ZORO Makaihna tawh kimu khawm dingin Khonumthung Burmese in gen hi.
Ref: Khonumthung Burmese
2. Kumpi thak liklek MAL in Kumpi nasemte leh Kumpi nasem luite khangsum khangsak
Kumpi nasem khempeuh te leh kumpi nasem Pension lasa khempeuh khangsum 30,000 khangsak ding ci-in Kumpi thak liklek Min Aung Hlaing in pulak hi.
Hih khasum khan tawh kisai in August kha pan kipan piakhiatna ki nei ding hi ci-in pulak beh hi.
Credit: Voice of Myanmar
3. Phyu Phyu Kyaw Thein Minta, Lasiam khat tawh Pre-Wedding kiziah khawm khin mah leh tunitan kiteenna om nailo ci-in News khatin gen hi..
4. Myinmu မြင်းမူမြိုနယ် sunga om khuate kaikhawm in Dum to sak
Myinmu Myone sunga om khua tuamtuam te kiangah Bomb lauhuai ahih manin dum to sa in om un, kidalna hoih pen hi ci-in NUG galkap ten gen uh hi.
Hih tawh kisai Galdo makai asem te leh Myinmu Myone sunga om khangnote kiho khawm uh in no mau leh no mau kidalna dingin dum to un ci-in hanthawn uh hi.
Credit: Khit Thit
5. Matupi galdo lai-in AA Makaih CB te
AA Makaih CB te’n a pasian uh Phungzyi te tungah kadawhna nei uh hi cih The Chinland Information in tuni July26,2024 ni-in pulak khia hi.
Matupi khawng bel Pasian umlo tampi aom na hi-in, AA te lah Pasian theilo te mah hi. Tua hangin hidan in amau Biak Pasian tek tungah thungen or kadawh uh hi lel ding hi.
CNF Makaih CC lam ten bel lim gensiat mahmah uh hi.
Credit: The Chinland Information
6. USA 🇺🇸 California Pyine sung Meikang in Mi1000 Val Mei galtai
America gam California huam sungah Gamsung meikang hangin Mipite tul3 val mei galtai uh hi.
Hih gamsung mei ahih leh apaisa July24,2024 nitaklam in kipan in nasia lua mahmah ahih manin manlang takin kilawh mang hi. Hih meikang hangin California Pyine sung pan Mipite 3500 val mei lau in galtai uh hi ci-in News in gen hi.
Hih California gamsung meikang ahih leh July25,2024 ni-in meiphelh ten phelh mit zo ta uh hi. Hih mei ahih leh The Park Fire 🔥 ci-in amin vawh uh hi.
Hih gamsung meikang akhawl nading in Mitat te 1150 bang kizang hi ci-in California gam sunga Tittaw lamte leh Calfire ten pulak uh hi.
Credit: Eleven Media
7. GOOD NEWS
Zogam, Tedim khuapi ah Mei leh Internet ngah kik ta
Zogam Tedim DC ah tuni July 26,2024 sun 11:00 am hun pawl panin Hyper line internet 🛜 leh WiFi Cable kizang thei ta hi ci-in khuasung Mite’n gen uh hi.
Tuni mah sun 12:00 hun pawlin Zalui pan khuaphellep mei zong kingah theita hi ci-in genbeh uh hi.
City Net Wifi ahih leh kingah nailo, ahizongin amanlang in kibawl kik ding hi cih gen uh hi.
Credit: Chin World
8. SAC Galkap 50 kim Zato kipuak ci-in CNF Makaih CC in gen
Apaisa July24,2024 ni-in khalkha leh Thantlang kikal ah CNF Makaih CC leh SAC galkap te kikapna hangin khalkha pan gal huh ding a paite lam kal ah ambush tuak uh ahih manin 50 kim khalkha zatopi kipuak hici-in CC ten gen uh hi.
Pawlkhatte genna ah CC te bel zuau bekbek gente hi-in uphuai kei cihsan uh hi. Thuman bel om sam in cin tua zahzah bel uphuai lo mah hi.
Credit: Zalen
9. Tg Thang Lian Pau (Kum 73) ki vui bawlding
Tedim UPC pawlpimi Pu Thang Lian Pau pen Tedim ah PDF-Zoland leh SAC kido in mipi gal kitai mah leh amah pen aomna UPC Tedim biakinn pan pawlpi mite'n himah leh Biakinn mah ah om tinten in tuni tan aomna kitheilo ahih man in kivui bawl ding cih thu kiza hi.
Tedim Myoma UPC in anuai-a bangin suah hi.
Hong tung ding 27.7.2024 (Saturday) ni, 12:00PM hun in Tedim UPC, Myoma Biakinn ah hun khenna ki nei ding hi.
PASIAN in adah, akap khempeuh tungah hehnepna kicing hong piak sak ta hen!
Pu Thang Lian Pau pen pau theilo a, abeh aphung kiangah utlo in apawlpu UPC Tedim Biakinn bek ah om nuam a, alamdang pi khat hi ci-in gen uh hi.
10. Zomi galkap te zong tintan thak kipan ziahziah ta uh in, Pawlkhatte ahih leh tun beh ziahziah lai uh hi. Topa’n a sawt loin Zomi galkap ZRA-EC siamsin thakte zong hong gualzawh pih ding hi.
Note:Tuni thuthang tuamtuam nong simsak lungdam. ZOMI TIMES ah hong hawh zel in, Nisim in Thuthang tuamtuam hong ki suaksak zel ding hi.
No comments:
Post a Comment