ZOMI TIMES 30.7.2024 Tuesday
1. Mandalay Khuapi Dong Galdona zom suak ding Mipite Kiging khol un.
Mandalay khuapi dong gal kidona kizom suak ding ahih manin Mipite kiging khol un ci-in NUG Vuanzi Man Win Khaing Tan in pulak hi.
July21,2024 ni-in NUG Meeting nei uh in tua Meeting pan in a pulak ahi hi ci-in khit Thit Media in gen kik hi.
BEHLAP:: Mipite lauthawng sak zel sa-ingh
Tuma kum2022 lai pek in NUG Vuanzi mah ahi Dr. Zaw Wai Soe in Mipite kiging khol un, Na Van manpha te uh kiging khol un ci-in agen zawh kum2-3 bang paita hi..
Mipite mawk khem loh ding leh Mipite lauthawng sak loh ding pen thupi hi. NUG Vuanzi te’n hih gal vai pen a kizo pah ding sa mawk uh hi. Zankhat thu in akizo ziau ding khawng sa mawk uh hi.
Gamva-Nainganzi asiam loh dan uh. Nainganzi a theih loh dan uh zawzen Sam, tuni dong mah a um thapai om lai dinguh maw. UN galkalte koi ah om aa.
2. Australia ah Chin Pawlpi Biakinn Khat Kikhak Cip
Australia gam, Melbourne khuapi sunga om Chin Christian Church-Melbourne (CCCM)Biakinn khat kikhap cip hi.
Hih Biakinn kikhak cip tawh kisai pen July28,2024 ni akipan in Pawlpi mi khat zong om nawnlo ahih manin akikhakcip ahi hi.
Hih Biakna-Pawlpi CCC-M pen April22,2007 a kiphuan ahi hi. July28,2024 ni-in akikhak cip kik ahihi. Hih Pawlpi ah Pawlpi 300 kim pha in nuamsa mahmah uh himah leh Pawlpi Mite pawldang ah taimang uh ahih manin hih CCC-M Pawlpi abei siang sitset kiuhkeuh hong suak hi.
Ref: Zalen
3. Vanleng Sang Nuam Zaw EV Bus Kawlgam ah kizang ta
Kawlgam khuapite kizopna dingin Vanleng sang anuam zaw EV Bus nuam mahmah Kawlgam khuapite ah kizang ta hi.
Amasa pen dingin EV Bus Kawlgam ah kizang ta hi.
Mandalay to Yangon
Yangon to Naypyidaw
Naypyidaw to Yangon -Cih bangin khuapi liante kikawmna in kizang hi.
Hih EV Bus te ahih leh Vanleng sang nuam zaw hi. Tutnate Special vive hi-in nop cihtak in nuam hi. Siangtho mahmah hi.
Mipi khualzin te ading in EV Bus kizui theita hi.
Credit: Myanmar Update News
4. CDF-Khalkha Thautawiten Khalkha khuapi sungah kuaman Ui- Dog khawi theilo ding cih a apulakna hangun Khalkha Mite lungkim lo uh hi..
Credit: Zalen
5. Falam khuapi sungah Motor Accident mi1 si
Falam khuapi pan galtai dinga apai Motor khuasung ah accident tuak in mi1 amun ah sipah in adang tampi liam cih The Chin Land Vision in gen hi.
Crd: Chin Land Vision
6. V-President Henry Van Thio te Innkuan.
President 2, Henry Van Thio te Innkuan kawlgam bangzah takin abuai zongun amau Innkuan lungmuang takin om hithiat thei lel uh hi.
MAL in ukna alak teh lehdo sese lo lel ahih manin kawlgam sungah suakta mahmah lel hi. NLD hunin zong NLD pom lel in ahih manin V-P bang ngah lawh lel hi.
Nang leh Na Innkuan bitna pen thupi pen hi, kumpi kuakua akah zongin om dan, sandan na siam nak leh nang ading in lampi om kawikawi lel hi.
Gelh ding tampi om lai, zom kik ni.
Zomite a it den
Sian Khual
New Zealand
July30,2024
7. Falam Defense Force (MDF) te Kidawn Ziahziah
Chin Pyine, Matupi khuapi lakna ah kihel Mara thautawi MDF te ciahta uh in a khuapihte un dawn uh hi.
AA Makaih Chin Brotherhood, CB in Matupi SAC Sakhan alak khit uh ciangin MDF ( Mara) te inn lam panin thupi tak vaidawnna ki nei hi.
Lailenpi zong CNF Makaih CC khutsung pan lakik zo khin uh in, Mara thautawi MDF te khutsung ah tung khinta hi.
Zogam e……..Kawlgam leh Zogam suahtak nading acici ten khat zong ngah kei leng kilawm…
Credit…
8. A Lemlawh Omlo
Zomite sungah ZRA_EC leh PDF Zoland ki koko kalin Zomite khuapi khat ahi Tonzang CC in nala ziau hi.
Minam sung ki koko na, ki galneihna amet na mahmah omlo hi. Zogam kembit tuak sawmin akem man omlo dan hi.
Hibang thute na ngaihsun ngei beek uh na, thautawi pawl..???
9. SAC te kapna hangin Falam khuami khat liam inn nih kisia
Zani July29,2024 nitak nai 10 :00pm kim pawlin SAC 268 tazian phualpi panin thaupi tawh CNDF te omna hiding a upmawh natenguh na pheng kap gawp na pan Inn 2 kisia in, Numei khat in liamna ngah ci-in CBN Daily News in gen hi.
Tulaitak in Falam khuapi pen CNO/CNDF leh AA Makaih CB in lakding sawm in mun a luah laitak uh hi ci-in CBN in gen beh hi.
Credit: CBN Daily News
10. Zomi-Minam Galkap ZRA-EC Te Topa’n Ompih
Zogam galkap ZRA-EC te Topa’n om pih in aomna apaina vuah Topa’n lamlak in kalsuan pih den hi. Amaute gimin,tawlin aom teh Topa’n thaguan in thahat sak den hi.
Zogamah a sawt loin Mission kipan kik tading hi. Zogam Galkap ZRA-EC te Zogam ah a sawt loin Mission kipan kik ding ahih manun, leitung mun tuamtuam aom Zomi khempeuh in na sum, na pai, na neih sa. Na lamsa te tawh Zogam leh Zomi ading nasem Zogam galkap ZRA-EC te thapia in, huhin panpih ciat ding hi hang..
Amaute ahih leh azu aham thuakin singnuai ah Zogam leh Zomi bitna dingin nasem kipumpiak te ahiuh hi. Topa’n amaute makaih ngiat hi. Topa’n amaute ompih ngiat hi.
Thatang tawh asem theite thatang kuan ni. Thatang akuan thei lote sumlehpai tawh kuan ni. Na neih bangbang Zogam leh Zomi ading in hong zang khia in. Tulaitak hun pen nasep hun ahihi. Zogam leh Zomi ading sepkhiat hun ahihi.
Zomi galkap, Zogam Galkapte Topa’n hong makaih ngiatta hen, Amen..
Zomite Itna Veina takpi tawh
Sian khual
New Zealand
11. N.Korea Kumpipa Kim Jong Won Buai
Tulai khuahun tui tamluatna hangin akoikoi ah Tuicin tung ahih manin Mipite buai thei mahmah uh hi.
North Korea zong tui tamlua ahih manin a kumpipa uh Kim Jong Won buai mahmah hi.
Kua hanga hizah in guahtui tam hiam, Tuikhang hiam ci-in hang gawp ci hi. Huihpi, guahpi pen Mipil misiam ten dal zol, nang zolo uh hi.
Hih Huihpi, Guahpi te pen Pasian bek in daisak thei bek hi…
Pu Kim Jong Won aw na om hithiat lel in maw…
NUG Vuanzi Man Won Khainh Tan
No comments:
Post a Comment