GAMDANG THUTHANG

ZOMI TIMES 4.3.2022 Fri. 

=========================

RUSSIA LEH UKRAINE KIKAL BUAINA. 

1. UNSC in hihte vai etna nei uh a, Russia in a khensatna pen vito tawh a khaktan uh hangin kuamah a huh ding nei lo. 

2. Russia in vanlam pan in lim suk mhmah hi. 

3. Ukraine President Zelenkyi in, "Kuama mai ah khukdin  ngei lo ding hi ung," A cih khit ciangin i gam humbit dingin a kipia nuamte galvan hong laun a cihna tawh kizui in gambup numei pasal in galvan la pah ziahziah uh a, kum 18 tung siah numei pasal khempeuh gamhu dingin kithawi pah uh hi. 

4. Russia in tung lam pan  a suksiat nop uh mun thupi zaw deuh a suk siat khit ciangin Russiate leilam galkapte lut uh a, leilam galkap 2500 val si ta uh a, Ukrainete ahih leh 150 bang si ta uh a, Russia galvanleng 11. Ukraine in ka khiat sak uh + Theinka bang zah hiam kap siat sak uh hi. 

5. Feb. 24-27 (ni 3 sung) a kikap khit ciang Russia leh Ukraine March kha sungah kiho nei thei kha ding. 

6. Ni 3 sungin gamdang pan galkap tawh kihuh keimah leh a zat ding khuaveng gamte in a kisam galvante puak ziahziah uh hi. 

7. A khua vengte in nek leh dawnte khak cip pah uh a, gamdang bankte a koih uh sumte khaktan sak pah uh a, namgimtui a kipan sumbawlna lamsang zong khaktan pah ziahziah uh hi. 

8. Russia gam ah galvan leh Namgimtui cihte bek piangin a dang a piang om pha lo hi. 

9. Russia in Ukraine gam sung a suksiat sakuh na khempeuh lohkik ding uh hi. 

10. Trump zong hih buaina vai ah thu pulakna tomno khat nei hi. 

(a) President ka sep sungin Russia lau in dai khipkhep. 

(b) Bush hun sungin Russia in Georgia luak. 

(c) Obama hun lai in Russia in Crimea gam luak. 

(d) Biden hun cingin Russia in Ukraine luak sawm aih hang ni thum khit ciang mainawt thei nawn lo hi ci-in pulak hi. 

Thuthang nong simsak manin Lungdam mahmah hi. 

RUSSIA LEH UKRAINE KIDONA AZOM

ZOMI TIMES 3.3.2022 Thu. 

========================

1. Russia te in US ii Galkap munpi Pentagon in surveillance drones zangin Ukrainian navy te huh in panpih hi ci in genkhia uh aa, ahi zongin Pentagon press secretary John Kirby in tua bang ka huh kei uh hi ci in nial hi. 

2. Pope Francis in Ukrainian President Volodymyr Zelensky tawh phone tungah kiho in a dahna thu, apatauhna thu genkhia aa, Ukraine gam mi te aading thu ka ngetsak hi ci hi. Ukraine gam ah 10% kiim pen Catholic Biakna ahi hi.

3. Facebook (Meta) company in Russia gam in Ukraine gam abuluhna hangin Russia Kumpi tawh kisai Facebook pages leh account khempeuh ii advertisements khempeuh khak tan hi ci in taangko khia uh hi.

4. Ukraine in Russia leh Belarus gami (borders) khempeuh kikhak ta hi ci in Ukrainian Prime Minister Denys Shmyhal in taangko khia hi. Ukraine tawh gamgi Belarus gam in zong Russia te panpih in Ukraine do pih ahih manin Leitung gambup in Belarus gam tung kilungkim lo hi.

5. Russia ten Ukraine abuluh na pen a upmawh zah uh sang haksa zaw aa, Ukraine nakpi tak in do kik, nang kik ahih manin tudong ciang agam uh la zo nailo uh hi. US aa kipan NATO gam ten huh uh ahih manin Russia ii tupna tangtung zo pak nai lo ding dan ahi hi.

6. Leitung gam tuamtuam banks te kipawlna khat ahi The Society for Worldwide Interbank Financial Telecommunication (SWIFT)  pan Russia Banks te lak khiat dingin avaihawm lam uh US, Canada, UK leh EU gam teng in tuni taangko khia uh hi. Hih SWIFT pan Russia Banks teng pai khia leh Russia ii economics zong susia zo ding hi ci uh hi.

7. Ukraine in Russia te Cyber internet tungah do kik theih nading in “IT Army” kiphuan khia hi ci in Ukraine Minister of Digital Transformation Mykhailo Fedorov in taangko khia hi. Tua IT Army in Russian energy firms, financial firms leh Russia Military tawh kisai teng Cyber-attacks kibawl ding hi ci uh hi. 

8. Ukraine galkap (Ukraine Military) leh Russia galkap te pen agolna uh leh sum zat khiat na pen David leh Goliath mah bangin kikhai mahmah hi ci in CNN in genkhia hi. Ukraine Military in kumkhat azat sum pen 4.7 billion hi aa, Russia Military in azat sum pen kum khat $45.8 billion pha hi ci hi. Russia in acive galkap 900,000 nei aa, Ukraine in active galkap 196,000 bek nei hi. Ahi zongin Ukraine te alungsim uh khauh mahmah uh aa, agam uh mikhut sung atun loh ding a President pa aa dal in do kik uh hi.

9. Leitung gam tuamtuam ah Russia buluh te deihlohna leh Ukraine gam panpihna lungphona kinei ziah ziah aa, Putin a ngongtatna leh atat siatna te amanlangin akhawl nading ngetna nei uh hi. US gam sung mun tuamtuam ah zong Ukraine te panpihna in lungphona nei uh hi.

10. Leitung ah Mihau pen ahi Elon Musk in Ukraine gam ahuhna in Starlink Satellite Internet honsak in Ukraine gam mipi te panpih hi. Russia te in Ukraine abuluh uh ciang Internet teng zong suksiat sak uh ahih manin mun khempueh ah internet kingah nawnlo ahi hi. Ukraine kumpi in Elon Musk tung huhna angetna tawh kizui in Musk in huh ahih manin Ukraine gam ah internet line kingah kik ta ci uh hi.

Credit Original Uploader.... 

UKRAINE KUMPI PA HI. 

RUSSIA 🇷🇺 TUNG AH THUPIANG WORLD NEWS

 World News; March01, 2022.

US in Leitung mun tuamtuam ah Russia Mihau te Yachts, Luxury Apartments leh Private Jets te leizon sawmta uh. Russia Mihau khat in a multi million dollars Yacht khat Maldive ah sel-in tuazong asawtlo in matsat sawmta uh.

EU in Russia Central Bank ii assets 50% kiim freeze sak uh.

Japan leh South Korea tenzong Russia te sanctions in Japan ten hih hangin Japan ah US ten Nuclear Warheads akoih theihnang lampi zonsawm uh.

Russia Stocks te trading kibawl thei nawnlo zahdong in Russia Sum kiata ahihman in Moscow Stock Exchange ten tuni tawh akizom in Ni Thum sung khakcip ta uh.

Russia Gam ah Sum beita in AMT te ah Sum thoh ding mi kigual zihziah den in Putin in Russia Gam pan $10000 pan atungsiah ki pukhia thei nawnlo dingin thupia aa, Russia Export Companies tezong a Gamdang Sum neih teng ii 80% zuakding in thupia ta hi.

Russia Galkap te tampitak ki surrendered uh. Aki Surrendered te Atamzaw khangno vive hi-uh in, training zong hoihtak kipiak tuaklo uh ahihman in Gal ado ngamloh man un a Diesel khawng uh buasim in a Mawtaw peite khawng uh suvang sim ziauziau uh ci. 

Australia ten Ukraine ah Galvan $50 millions man puak uh.

US Senate ah CIA te Ukraine Leitang tungah training piading in kuansak dingvai nakpitak kikupna pen Zani Tuesday Ni in nei uh hi.

US Airspace tungah Russia te Flights khempeuh ki banned ta.

International Sport Federations in Russia leh Belarus te Figure skating, tennis, track leh cycling kimawl napan khalhna bawlta uh.

Sweden in zong Ukraine te Galvan tawh huh in Portugal in Galkap 200 kiim Ukraine huhding in kuansak ta uh.