CANADA GAM AH NA TENSUAK NOP LEH!

Canada thu zaksak na ( share sawn theih hi)

1. Canada ah Visit tawh hawh in na om suak nop leh na vaiding hong ki hawmsak, gelsak dinghi.
2. Canada ah sang kah kawm in na ki sem thei a, sangkah man ciang ciah lo in na ki sem suak thei hi. Sangkah te in zong a gam matpongten ngah uhhi. Permanent residence card.
3. Canada ah matpongten ngah, PR ngah ciang zato kah man sum bei lo hi.
4. Canada ah PR ngah ciang sangkah man sum ki pia lo, College / University kah ciang sum bei. Kumpi in pilna lam hanthawn mah2 hi
5. Nau pang te in khasum a mau kum tawh ki tuak in sum sang uhhi.
6. Canada gam mi kum 3 cin ciang in ki ten thei hi.  Citizenship.
7. Canada ah na om suaknop le vai khempeuh hong ki buaipih ding hi. Sum tawh bel hong ki huh zo lo ding hi.
8. A diak in Zangkong pan visa siau ding te leh kawlgam passport tawi te hi ding hi.

A lunglut ten kei ma personal ah lai hong khak un. Comment ah thu hong dong kei un.
Lungdam
Joseph Pau Ngaihte

Behlapna: CANADA pen Kum tampi paisa pek panin Indiate Work Visa tawh na pai or visitors in na pai a omsuak den uh hi! Lawmte zong pawlkhat India pan om suak uh hi. Canada Citizen na hih khitnak leh USA bel utdan2 in kilut thei kiteng suak thei baih mah2 hi! Kawlgam pan ate hong Api ing, India ate zong e! Canada omsuak ih ut leh Visa ngah na ding lam khat peuh2 na zong un USA tungsa mah tawh kibang hi lel hi!

Na sim khitteh lim orman nuai ah HOME na mek in! Tampi om!

LEITUNG AH LAISIANGTHO GOLPEN DUBAI AH OM!

THU LAMDANG LEH AHANCIAM INNKUANTE

LEITUNG ah Laisiangtho lian pen Kg 180 gikin Tulai tak Dubai ah om hi. 

Tua Laisiangtho hong pian na dingin Innkuan khat Mi 4 aphate hanciamna tawh hong piang ahi hi.

Ah Innkuan un khut tawh Laisiangtho tei uh a Kha 5 sung sawt hi!

Tua Laisiangtho pen Biakinn ah koih dingin piakhia uh hi.

Alim a ih muhdan hipah hi! 

A hanciamna uh thupi sa ing!

Eite zong ih hih zawh zah ciatin Pasian adingin hamciam tek ni.

Credit:- Vanglaini Thlalak 

ZOGAM TEDIM KHUA ADING THU HOIH MAHMAH

ZBCA IN TEDIM KHUAPI A CCJ HALL SUALPHAHNA DING
 KS. 10,000,000( TEIN 100) TAWH HUH:
---------------------------------------
Zogam Tedim khuapi a Zomi te mitam pen kikaihkhopna ah akizangden ahi CCJ  Hall sualphahna dingin ZBCA gambup mintawh Ks. 10,000,000 ( tein 100 tawh kihuh thei hi.

Zomi te adingin amangngeilo ding nahoih sepna khat ahihi.

CCJ Hall icihpen Sangmang Cope in Tedim khua hongsik zawh kum 100 cin phawkna Hall pi ahihi.

Abeisa in Zomi tampi te kihelna ahih ban ah adiakin tutungin ZBCA mintawh leivui omhetllo sa a, Pasian minphat khop theihna dingin hibangin thupha ibawl khak pen ilungdam mahmah hi.

Thu tangko:
ZBCA Office:
USA.
Nov 21,2019.

Nasim khit ciangin a nuai a HOME namek in!

LUNGSIM HONG SUKHA SIAMAHNU NU LEH NUNGAKNO

“Nu aw (Nu Man) ka pa’n na tanu (siamah nu) ong thah sak ci hi, kei koi ci gamtat ding ka hi hiam. Nang kiangah om ngam nawn ding ka hi hiam. Ka Khua ah lah ciah kik kei ning. Ka mai zum lua, kisuang lua ing. Ka mai ngatna zong thei nawn keng”

Hih kihona pen Nu Man (17, Nov ni kikap lum siamahnu’nu) le khutkhialpa tanu kihona ahi hi. Siamah Lunpi a inn sungah thau tawh kikaplum hi cih thu a kizak ni le siamahnu kivui ni ding zingsanga amau gel kiho na ahi hi.

Mangno (Khutkhialpa tanu minsel) pen tulaitakin Khai Kam khua siamahnute inn pan tan 10 a kah laitak ahi hi. Mangno mah bangin Tuivial zang khua pan naupangno 4 zong siamahnute inn pan in sangkah uh hi.

Tuivel Zang sang pan tan 4 a zawh uh ciangin siamahnu’ deihsak luatna tawh tan 5 pan a tung siah pen Khai Kam khua amau inn pan a kah theihna dingin siamahnu gel sak ahi hi.

Mangnote innkuan le amau pata kikal thu pen tawmno khat I sut loh phamawh hi.Mangno le anaute pen a nu kik tawh a om uh ahi hi. Mangno genna ah a pa pen a lungtom thei khat hi a, a lungham ciangin nang ka tanu hi kei teh zawlta hi teh ci in ko gawp vua gawp thei a, a liam lawh hun zong tam vei mahmah hi ci hi. Khat veivei ciangin tem hei singkhuah peuh tawh sat sawm ahih manin a suahtakna peuh ah a tai hun zong om thei zel hi. Nang kong kapna ding thau vui thau tang lei ka hi maw ci zel hi.

A pa kihta lua ahih manin tai mang ding ahih kei leh amah le amah kithah ding cih ngaihsut zel a, ahih hangin ama pianpih a nau pasal ( a nu kibatpih ) lung himawh lua ahih manin koi mah pai khia ngamlo ban ah amah le amah zong kisuamlum ngamlo hi. Ahi zongin a tawntung in patau linglawng sa in nungta ahih manin a tha bei in gawng diingdiang hi.

Lungsim pumpi zawngkhal in ci na pahpah a, lungtang natna zong ngah lailai hi. A lung hi mawh mahmah anau zong tangval no hi ta ahih manin a lungmuang zaw deuh a, ahi zongin ama pumpi pen kiam tektek hi.

Apa kitom ciangin inn ah lah om ngamlo midang kiangah lah hawh ngam loin gamlak peuh ah gal tai thei zelzel hi. Inn kinai uh ahihna tawh kizui in siamahnu tawh zong kimel theih uh a, a hamsatna a dongtuahnate zong siamahnu kiang ko thei zel ban ah a gilkial a dangtak ciangin zong siamahnu kiang kihawh thei zel uhi.

Simmawh gen theih teng kawmkal ah cidam siang theilo lailai ahih manin a cidam ding bek a lunggulhpi pen hi ta hi. Anaute zong lungmuanhuai sa ta hi a, ahih hangin amah cidam thei mahmah lo ahih manin a lungkia semsem hi.

Lungsim pumpi cidamna lunggulh in lungleng khuangai lua mahmah ahih manin inn panin taikhai hi. Mel theih maingapte kiang tung ngam lo ahih manin gamlakah om cip hi. Ni nih sung bang gamlakah a om cipna thu Siamahnu in a theih ciangin gamlakah na sih liang sangin ka nu kiang na pai mai ve ci in na kiho uh hi.

Acihmawh a galtai ahih manin siamahnu le nu Man in nial ngamlo uhi. Kumpi upadi lam pan thu nawngkai thei ding a om leh om loh kan kawikawi uh a, thusia lua om samlo ding cih a theih uh ciangin inn ah om dingin khentat uhi. Mangno in cidam takin nuntak ding bek lunggulh ahih mah bangin an nek ngah theihna peuhah nasem in om lel ning acih hangin siamahnu alungnuam theilo ahih manin sang a kah theihna dingin vaihawm sak hi.

Siamahnu adingin cimawh dongtuak khat in amah a bel cih dinmun hi a, ama ut le ut loh thu hi lo ahih manin ahamsa mahmah dinmun ahi hi. Hih pen a bei sa August kha a thupiang ahi hi.

Hih bangdan teng dan tawh tawh Mangno pen khua pan paikhia in Khai Kam Khua siamahnu te inn tungin tua pan sang a kah ahi hi.

Siamahnu pen a nasepna Tuivial Zang Khua ah om in a nasep ngei teng mah semsem hi. Siamahnu in ama kam tawh bangmah a genloh hangin Tuivel Zang khuabup in Mangno pen Khai Kam khua siamahnu inn ah cidam ludam takin sang kah hi ci-in theikim tek uh hi.

Siamahnu tuahsiatna tungtangah a kitheikhial mahmah thu khat pen a tuahsiat ni za ni zan zankim dong song box a gin ngaihsak mahmah pa kap dan in kigen hi. Tua songbox hong vanvan pa pen Mangno pa hi lo hi. Mangno pa’ tawh a ki-it mahmah a zawl pa hi bek hi.

17 November 2019, 9:30 pm hun in ama omna inn sungah Mangno pa in siamahnu a lupna ah thau tawh kap hi cih thu bel I theihsa tek ahi hi.

Hih thu hong om ciangin Mangno in a om na Nu Man ( siamahnu nu ) kiangah khitui luang daudau kawm in “Nu aw ( Nu Man ) ka pa’n na tanu ( siamah nu ) ong thah sak ci hi, kei koi ci gamtat ding ka hi hiam. Nang kiangah om ngam nawn ding ka hi hiam. Ka Khua ah lah ciah kik kei ning. Ka mai zum lua, kisuang lua ing. Ka mai ngatna zong thei nawn keng” ci in a tha neih zah tawh hanciam tentan in gen hi. Thaneihzah a pau ahih hangin a aw kiza mialmial bek hi. Kammal dang pau thei nawm loin a gamtat a luhekzia ding zong bangmah ngaihsun zo loin kapkap mai hi.

Nu Man in hih kammal a zak ciangin “ Bang mah lung himawh kei in. Na pa’ hangin ka tanu om nawnlo ahih manin nang pen ka tanu na hi ta hi. Ka sungsuak tanu bangin kong it ding hi. Bangmah lung himawh kei in. Kei kiang pan koi mah ah paikhia kei in. Na Nu bangin ong ngaihsut lel in.” ci in kammal malkhat malkhat in khitui tak ngelhngelh sa in gen hi.

Tua bek tham loin siamahnu kivui ni ding zingsang ciangin Tuivial Zang hausa pa le sangsiapipa in “Nu Man aw siamahnu lah om nawnlo kisuang lua mahmah ung. Ka maingatna ding uh le koi ci kampau leng kilawm ding cih nangawn zong thei zo nawn kei ung. Nang mahmah naupangte tu ni ciang nong kepsak lungdam lua mahmah khin ung. Sangnaupangte le Mangnote na ciahpih to mai le ung ci in na gelgel hi ve ung” ci leuleu a, Nu Man in a dawn kikna ah “Neih sa bangmah om ta keileh naupangte tu kum sang zo sak photphot ni. Kei nek bangbang kei om bangbangin a beisa a ka om bangin na om khawm lai lel nung. Hih hangin bangmah kisuan ngaihsut kei un” ci in dawng kik hi.

Tu ni Siamahnute inn ah Mangno le Tuivial Zang pan sangkah nauno 4 om hi.

Siamahnute unau pen numei nih le pasal nih hi a, saimahnu pen a u nihna ahi hi. A u pen pasal nei khin a, anaupen tu kum in tan 10 ahi hi. Anau nihna in tu kum buaih la ding hi ta hi. 

Lungsim khempeuh tawh, by:- Liantuang

CANCER BANG HANG PIANG NUAM PEN

#Doctor George Greekte tawh ka kihona!

1. Doctor Na Zato ah bang lam sem?
Surgery sem ing!
2. Sawt nasemta hiam?
State tuam2te tawh kigawmin Kum 7 bang hita. Tulsa ah kum khat.
3. Bang lam surgery semna hia?
Heart, lung lam hi.
4. Mi atam thei hiam?
Omden pian mah ei,
5. Lungtang leh Tuamte banghangin surgery tampen hiam?
Cancer hang hipen hi.
6. Bang hangin Lungtang leh tuam ah Cancer hithei pen hiam?
 Zatep hang hipen hi.
7.Lungdam ei Doctor Nang Zileta neita maw? Nei nailo Single hing!
8. Nang bang minam na hia?
Greek hing, gam neu mah2 tangkum khua le khua upa mah2  khat hi.
9. Nang mithupi khat hi ciai mi huh den! Thupi zo kei ing ei!

Zomite zatep kidop huai mahmah ei, Khamtheih Tuam2te zong e
Tangval hilai mawk thupi mah2 ei!

Zomite zong hidan tampipi i omding ngaklah hang ei

Lungdam
Siamkhaute
Nov 15,2019

Ama man lian hi.

INN NA LAK DING LEH PILVANGIN Deihsakna tawh

#INN NA LAK DING LEH PILVANGIN

USA a om Zomite in Inn deih mahmah ih hihmanin Inn ih lak zawh dingciangin a ngaihsut huai thu nih gen ding hi hang!

Inn ka lak 2015 kum hi-in ka lak zawh kum 2 ciangin katheih kik thu pawl khat hi-in Ka deihsak tanau leh vengleh pam Homecellte ah kagen zel thu hi. Tu-in lai tawh hong gelh kik ing! USA om Zomite ading deihsakna tawh kong gelh hi!

Zomite Mangkangte mah bangin Company ah semin tua kawmin Zomite in Inn leh lo thupi sak ih hih manin Namdangte a vom leh a kangte in zong ei sepna ah a semte in a lak ngamloh Inn Zomite in $150000-250000 ciang2 la hi hang!

Alasate thukhat cipak ni in a la dingte PILVANG na dingin gen ni!

LOAN TAWH KISAI!
Loan pen Nam 2 om hi.
1) FHA (Federal Housing Administration) loan (Kumpi loan)leh
2) Conventional Loan (Civil loan)Kumpi pan hilo, cileng telsiam ni.

FHA pen PMI (Mortgage insurance) ahih kei leh ih telnop dingin Loan insurance hong piasak uh hi. A hangpen ei sum leitawite hutna ding hilo in hong leitawite hutna ding hizen hi.

FHA ah bel Down payment pen Sum leitawi zah i $3.5% hong piasakin PMI Mortgage Insurance atuam in hong piasakin Home insurance atuam hilai hi!

Pawlkhatte in 20% ih piakkhit takciangin kilakhia thei ci a, kei leh Sum hong leitawite ka kihona ah a vekin na piakkhit mateng kilakhia theilo ci hi.

Na lakkhiat nop leh refinances bawlin la Conventional Loan ah khelin FHA ah na omlai siah PMI piading hong ciziau lel mawk hi, theih huai mahmah ei Zomi pihte aw!

2. CONVENTIONAL LOAN ah hih leh bel Sum ih leitawi ciangin, FHA loan sangin Azah nih % Down payment kipia kha-in, PMI Mortgage Insurance kipia lo hi! Down payment tamzaw bek hi.

Hihteng pen kei experience kong gen hi! Ka deihsakte leh Inn la dingte in thei un ci-in ka gen tang2 a, PMI Mortgaged Insurance kilakhiathei Mi’n ci hilo maw hongci tam simsim hi! Ih lakkhiat nop leh Refinances a FHA lopen ah lak leh bek Kiremove the hong ci ngeu uh hi!

Inn na lak ding uh leh pilvangin Down payment ding kiging in! Teng 1 ah khasim 60-70 kipia a, teng 1.5 te in 70-90 ciang , teng 2 valte in 90-100 val khasim in kimawk piak mikmek hi! Pilvang tek ni!

Deihsakna tawh
Facebook: Siampu Khaute
Tulsa,

NAUPANG NO TANGTHU: Lungdamna Mangngilh ngeilo

#PASAL NO KHAT TANGTHU
Pasal no khat sang kahkawm in asang kahna dingin Inn khat khit Inn khat van zuakin asangsum pia zel hi.

Nikhat sum neilo-in a gil kiallua ahih manin inn khat ah pai-in Nekding va ngen ning ci-in pai a kong a kiuh leh  Nungak mel Hoih mah2 khatin na hopih a, bang deih na hiam a cih ciangin nau pangpa in An a ngetding zum ahih manin, Tui haikhat nong suah thei diam? Acih leh nungaknu in Bawngnawi hai 1 suah in, naupang gilkial pa in damdam in dawn hi.

Naupang pa in bangzah ding hiam aman ding acih ciangin Numei nu in citna tawh mina ih piakpen a man kingen ngeilo cih a nu gen phawk den ahih manin aman omlo ci hi!

Kum tampi khit tua nu Zato a cina in lum a, anatna nasia lua in, Siavuan Specialist Pa sam uh hi!

Tua pa in cina nu a ettak ciangin a mel a muh phetin aneu lai gilkial mah2 laitak a Bawngnawi suahnu ahih lam phawk pah hi! Tua nutawh kisai limtakin kinin sempah hi.

Tua nu hong dam ciangin a sumbei zah ding dotsak a teng $28,350 bang ahih manin adam sungin piakhop ding cih Siavuan pa in thei a, Siavuanpa in tua laidal i anung lam ah, na Zato kibawlna beiteng pen Bawngnawi haikhatin piakhin hi, ci-in a nung ah lai gelh hi!

A haksat hun a ahuhnu nop asak ciangin mang ngilh ngeilo hi!

Midangte na piak leng nang zong hong kipia ding hi!

Let: Siampu Khaute

CIKHA VANGKHUA

*CIKHA KHUA TANGTHU*
Nov.6.2019(Akai khawm Rev.Pu.Tuan Khaw Kham)

Cikha pen Tuivai lui leh Cikha lui kituntuahna mun zang teng hi-a, Tuivai lui gal ah Khuadam zang leh Kansau zang omin Cikha lui khanglam Tuivai lui tawh kikalah Mauvom zang om hi. Mauvom zang lamah Mikangte in Vanlengtual khat to uh aa galpi nihna hun sungin vanleng tu zelzel hi. Cikha zang lam teng ah kumpi te camp (giah phual) tuamtuam sat uh aa, Khuaivum gam sunga taaksing haam teng phukin set singatna tawh at ziahziah uh hi. Singatsate India gam lamah zuak to hi. Set singatsate zan ciangin meivakin zang uha amau omna teng mei tang zihziah hi.

1943 kum Japan ten hong sim toh uh ciangin Cikha camp a om khempeuh zong a mawtaw te uh nusia in India gam ah tai to uh hi. 1945 kum galpi nihna hong ven ciangin, Cikha zang lam hong paipai uh ciang in zang lo khawh ding hong lung lutin Pu Cin Za Thawng makai in a maakte Pu Gin Suan leh Pu Gin Zam te tawh zang lo khawh ding hong kipan uh hi. Mauvom khua pan tai 5 tai 6 bang gamla a vaikuanna haksa lua ahih manin buk lamin hong teeng uh hi.

Tua banga a ten hun sungun Khuaivum khua hausaten nawngkai sak den a hih manin, Cikha pen khua kip khat a suah theih nadingin 1956 kum ciangin Tedim a om a naupa Pu Tuan Khaw Kham (assistant public relation officer - APRO) panpihna tawh Tedim vuandok zum ah ngetna lai khia uh hi.

Khua kip suah nading ngetna lai khia cih thu a ki zak ciangin a gam nei Khuaivum khua hausate in kankuatna lai 1957 kum ciangin Tedim Vuandok zum mah ah na khia uh hi. 1958 kum ciangin khua kip piak tham maw piak tham lo cih thukan mi pawl khat hong pai uh hi.

Tua kum mahin palik hong kikoih ding cih thu om a hih manin, palikte hong om theih nading inn lam dingin hong kisawla, Cikha, Kansau, Khuaivum khua te pan kihuan hi.

Khua kip suah theih nading inn phazah zong kicinga, palikte om nading innte zong kizo ta hi. Tua hi a 1959 kum kipat lamin khuakip ngahna laipi tawh Pu Cin Za Thawng Tedim pan Cikha hong ciah hi. Tua hunin Cikha khua pen Khuaivum khua pai tohna taak mual dung nuai ah kitenga inn 20 khawng tawh a dim hi pah hi.

Kumpi in khua khantoh nading a tuamtuam hong vaihawmsak a, khuata zato, kumpi tan 7 sang, ATO-Myo-UK, kumpi vanzuakna, lo kho zum cihte zong hong koih sak pah hi. Ahi zong in Pu Cin Za Thawng pen khua kip a ngah nading gimna tawlna tampi a thuak khit zawh 1964 kum November ni 4 ni-in a it a ngaih a zi a ta, a u a nau, a khua a tui nusia-in hong sihsan ta hi.

*Cikha khua tuahna:* ATO Kham Khan Pau a om lai in Mauvom gam taangpi a kici kuama teen lohna ngalbulo hompi lakah ATO zum, a inn, laiat pa inn leh peon pa inn kilam hi. 1969 kum ciangin ATO Kham Khan Pau te Kaptel transfer in ATO Thawng Cin Suan hong tung to hi.

Cikha ATO zum leh innte, Pa Cin Khaw Zam, Pa Thang Khan Dal, Sia Langh Sawm Mang te kikumin Cikha khua lui teng Cikha sanginn leh tualpi gei Tedim leh Imphal lam dung ah tuah dingin ni khat, ATO Thawng Cin Suan leh police station officer Kham Khan Dal te ki hopiha, hong thukimpih uh a hih manin 1970 kim sungin inn 10 kituah pah in, a kumkum in inn tampi kituahtuah hi.

Ni khat, Pu Cin Za Thawng tawh khua sat khawm Pu Gin Suan in, nang, Langh Sawm Mang ka khuasatna ah bang hong zong na hiam, na khua Kaptel ah ciah suk mengmeng in ci’n ong tawng ngei hi.

Tua hun pan kipan Cikha khua zong khang to mahmah a, tan sawm sang zong om ta, lupna 16 zato, sikkhau zum, phone, khuaphia mei cihte zong om ta hi.

Khuasatpa khangthu a tom; Mauvom khua Pu Hau Tuan in tapa 4 a neih sung pan a nautum pen Pu Lal Khan Thang hi a, Pi Dim Khaw Niang tawh tapa 7 a neihsa sung pan Pu Cin Za Thawng a u pen a hihi. Amau unau sung pan a neu pen nihna Pu Tuan Khaw Kham bek mah nungta lai-a kum 85 pha ta hi.

*Pu Cin Za Thawng te unau teng:*
1. Cin Za Thawng – si
2. Thawn Khaw Pau – si
3. Kam Cin Dal – si
4. min mangngilh -si
5. a Ni Niang min pi tel lo – si
6. Tuan Khaw Kham
7. min mangngilh – si

*Pi Don Khaw Niang te unau:*
1. Don Khaw Niang – si
2. Zel Za Vung (tel lo)
3. Cin Khan Kap (tel lo)

Kum 1964 October in Khuasaatpa or Hausapa Pu Cin Za Thawng in ong sihsan aa, India leh Kawlgam galkap te in Zongei na tawh thau lot ziahziah in zahtaakna lianpi pia in sivui uh hi.

Pu Cin Za Thawng pen San Thum ngah hi aa, Mangkang kumpi te khuasung ah a om lai tak in sikkhau to, limlang let leh kamphen cih te seem hi. A nu leh pa in zi guan nuam uh ahih man in sam uh aa, Suangphuh khua hausapa tanu neu pen Pi Don Khaw Niang tawh ki teengsak uh hi. Tapa 3 leh tanu 2 nei uh aa, tu laitak in a tanu 2 te bek mah nungta lai hi.

*Pu Cin Za Thawng leh Pi Don Khaw Niang te tate teng:*
Nu Vung Ngaih Lian (w/o Pastor Langh Sawm Mang) – Yangon
Pa Thang Za Dong (si) – Cikha
Pa Kham Khan Thang (si) – Cikha
Pa Zam Khen Pau (si) – Tamu
Nu Niang Khaw Lun (w/o Pa Do Kang) – Cikha

Taangthu a kicing in ciaptehna bangmah om lo aa, a nuai aa a kaikhawm te ii theihsun leh telsun teng ki at ahih manin kicin lohnate hong mai sak un.

*A kaikhawm:*
Rev. Pu Tuan Khaw Kham
Nu Vung Ngaih Lian
Pastor Langh Sawm Mang

Akicing khitloh hang kemni ei! Akisap leh et kik ding!

NUMEI MANPHA By: JOB CINPI

Numei manpha ~ Job Cinpi

Numei khat i manphatna pen a pumtung na te le, a pilna tawh thu kikhen thei lo hi. pilna sang pipi nei na pi’n a lungsim a hoih lo mi pawlkhat om a, pilna nei khollo napin a panpih lungsim a hoih mahmah numei pawlkhat om hi. tua a hih man in, bang cih numei te numei manpha ahi hiam cih leh…..

Pasal khempeh tung pan itna a ngahzawh na hi lo in, pasal te in a ma tung pan itna a ngah zawh loh numei te pen numei manpha hi zaw hi. numei pawlkhat te bang pen pasal khempeuh kamsiam pia ziahziah, pasal te ki-lamen sak kaikai thei uhhi. tuabang numei te pen numei manpha ki ci ngeilo hi. Tuabang numei te kampau pen pasal te in up pahpah ding hi lo hi.

Pasal te hehpih theih na ding in a innkuansung haksatna a gengen te hi lo hi. sumlepai deih man in pasal te a naih te hi lo hi. A haksatna pauhlap in sumlepai tawh a zuan pasal te a encik a, sumlepai deih na tawh maizumna a khek nuamlo numei te pen numei manpha ahihi.

Pasal khat a ding a mah bangzah tak in manpha ci a ngaihsut na tawh pasal a zong te hi lo hi. Hih pasal pen kei ading bang zah in manpha ding hiam cih ngaihsutna tawh pasal a nei te hi zaw hi. Gennopna ah, pasal te tungah thuneih na deih masa lo hi. a hih hang a mah a thupisimlo / a simmawh ding pasal te khentel in pasal zong thei uh hi.

Pasal te a muan na tawh na a sem hilo in, a kimuan na tawh pasal te na a sepsak te hizaw hi. Pasal te muanglo cih na hilo in, naseptheih hau a, mun khempeuh ah, pasal te buaisak sese lo hi.

A pasal in a lauh man in thu a kikuppih hilo in, a pasal a ding thuhoih thuman pha, a cianhoih, ngaihsutna hoih pia thei a hih man in a pasal in a thupit bawl numei te hi zaw hi. Lawmnu tawh na kikum phot ning ei, hong phal kei mawk leh, kei ma thu in bang mah khensat ngam keng, a ci te gennopna hilo hi.

Pasal te deih bekbek a semnuam te hilo in, a sepkhempeuh pasal te deih ding in a bawlthei te. pasal te mai-etet selo pasal te lungsim tellua,  pasal te zothawh cihna hilo in pasal te thupisak a, a lungsim a zawt siam cih nopna hi.} a pasal nasem hong ciah ciang in luidawnding maw, a dang dawn-nuam zaw cih dot kullo in a thei tawm te. lawm kingai a hih leh, a lawmpa in bangteng duhthei, banghun in bang nethei cih zah dong a thei te a hihi.

A kitenpih a pasal angsung a tunma in a nungak siantho na a kemcing zo te. hih pen nungak te a ding a thupi masa penpen kong vaikhak nop thu a hihi. nang hong tenpih na lawmpa a ding tehpih om lo, letsong khat a pia na hihi. nidang in lawmngaih 10 bang na nei khin zong in, na pumpi sianthona na pasal kiang ah na tunpih peuh le teh, tua na hunlui te hang in na pasal in muanmawhna kammal khat zong hong genkik lo ding cih, tangtak in hong gen ngam ing.

Hih tawh kisai gentehna hoih mahmah khat hong hawmsawn nuam ing.

Sang naupang khat in a sangsiapa kiang ah thukhat dong hi. Sya aw, banghang in pasal te pen numei tampi tawh kingai in kikhawl leh hih mipa hampha ei, enhuai sam ei kici napi’n numei te a hih leh, pasal nih le thum tawh kikhawl leh, hih numeinu a gamtat hoih kei numei ginalo hi kici a hiam? ci in sang naupangpa in a sangsiapa kiang ah thu hong dong hi. tua ciang in sangsiapa hi nuikawm sa in hih bangdan in hong dawngkik hi.

Tawhtang khat tawh tawhbu khempeuh kihong thei leh, tua tawhtang pen (master key) tawhtang hoih mahmah, a sensang mahmah tawhtang kici hi. a hih hang in tawhbu khat pen tawhtang tampi tawh kihong thei mawk leh, tua tawhbu bang in kimang nawn mawk ding hiam?. tua tawhbu pen a kimanglo khat hong suak ding a, kua in deih nawn ding a hiam, ci in sangsiapa in hong dawngkik hi. tua ciang in sang naupangpa in tawhbu hoih i manphatna hong thei pah hi.

Tua a hih man in numei te in tawhbu manphat na a theikim ding in hong lamen ing. tawhbu pen tawhtang khat bektawh a kihong thei ding in a kibawl a hih man in, master key tawh na kituaksak kei un cih hong vaikhak nuam ing. 

Lungdam, Job Cinpi

CIDAMNA DING THEIH HUAI PAWLKHAT

CIDAMNA DING THU PAWLKHAT

By: Niang Hen Cing

1.       Lungtang natna (Ngasa Protein)

Ngasa thau-in lutang natna hong dalsak ahih manin ngasa tampipi ne in. Siing (ginger) in zong cibawk leh cilesa natna kiamsak thei ahih manin nezel in.

2.       Khuahun kikhelna hang a cisa natna ( Bawngnawi thuk Yogurt or Sour Cream)

Khuahun kikhelma in bawng nawi thuk (Yogurt or Sour Cream) tampi dawn in.

3.       Pumzaw natna (Niangtui)

Niangtui ahoih bekta dawn lecin sihui ah athau tamluatna hong dalsak hi.

4.       Ihmut theihlohna (Khuaizu)

Lungsim daihna ding leh ihmut theihna dingin Khuaizu dawn in.

5.       Haihut natna(Asthma)—Lothang san/ Phulun san (Onion)

Lothang san/ Phulun san ne lecin huih guite vangsak in noptuam sak hi.

6.       Guh bawk natna (Ngasa)

Ngasa bung nam tuamtuam (salmons, Tuna, Mikkol leh Sardin)te ne le cin guhbawk natna hong dal sak hi.

7.       Gilna- nahtang, siing

Nahtang ne lecin gilna nuamtuam sak in, Siing ne lecin luaksuakna damsak hi.

8.       Zunbu natna- Cream Beri tui

Acid dat tampi kihel ahih manin zunbu natna apiangsak a lauhuai bacteria lungnote hong dalsak hi.

9.       Guh natna—Lengthei (pine apple)

Guh kitam leh guh pa natnate lengthei sunga om mecganist dat in hong dal sak hi.

10.   Numeite Khasim natna- Vaimim neel moh.

Vaimim neel moh (corn flakes) ne lecin lung kiatna, lung buaina leh thazawtnate kiamsak ahih manin numeite in meek huai hi.

11.   Thu ciapteh theihloh buaina—toktol (oyster).

Toktol (oyster) ah Zinc dat tampi kihel ahih main khuak nasepnate hoih sak hi.

12.   Khuh natna- Zasan Asan (Red chili)

Bukkhuh zatui/tang sunga, akihel date zasan asan sunga om date tawh kibang ahih manin neek huai hi.

13.   Nawi Cancer- Mangbuh, buhnel, Kawpi lum

Estrogen Hormone tampi kihel ahih manin nawi cancer hong dal hi.

14.   Tuap Cancer- Lengmaw, leh Singteh eng mel mehgah mehteh

Beta-carotene dat tampi kihel ahih manin gudalna hoih mahmah hi.

15.   Gilpi meima- Kawpi lum

Kawpi lung sungah a om datte in gilpi meimate damsak hi.

16.   Sungpai natna- Apple

Apple ahawng khehlo-in sawpsiangin ne lecin sungpai nuamtuam sak hi.

17.   Sihui kikhak natna—Thawhbat

Thawhbat sung a kihel mono thau-in si sung a, a hoihlo cholesrol kiamsak ahi.

18.   Sikhang natna

Tanluan thau/ Olive thau (sen nannan) Sikhang kiamsak hi.

19.   Sisung a khum dat akilekkim loh ciang in

Kawbi Pak eng, Mawngphal (mipe) ne leng asung akihel Chromium dat in Insulin leh sisung akhum dat kilekkim sak hi.

Zonu tongluan 2014 Pan Copy

ZOMI TAMNA OKLAHOMA STATE NEWS Thau vai(TULSA)

Lamdang saken
--------------------------
Oklahoma, US i thukhun thak ahi self defense dingin thukhun thak pen November 1, 2019 ni kipan ta ding hi. Tua pen license/ permit kisamlo in hand gun/ pistol vakna na ah kipua thei ding hi. Tua ahih man-in na vakna ah thau pua na muh leh lamdang saken.

Lauhuai veve mawk ei, mawhin mawh ta kei leng hong kikaplum ziau leh a kisi hilel mawk ding hi!
Zomite tamna Tulsa Omna Oklahoma State himawk in, kidop huai tham mawk hi. 

Kei upmawh ah mawhlopi a sihlawh tampi om thei ding hi! Khutthak honkhatte hangin!
Kidophuai mahmah ei, 

Theihhuai thu ahih manin ka bloger ah hong post ing! Ka bloger ah bel news maimai bel post nuamlo hing. Ahih hang Zomite tamna mun ahih manin theih huaisa ing!
Lungdam 

https://en.m.wikipedia.org/wiki/Gun_laws_in_Oklahoma

Carrying a handgun in public circumstances or on public land requires a valid handgun carry permit, issued by the Oklahoma State Bureau of Investigation. Individuals must pass an extensive background check, meet certain requirements, be at least 21 years of age, and pass a firearms handling and safety course to be issued a permit.^[5] Carrying on public buses was legalized on November 1, 2017.

On November 1, 2019, the state of Oklahoma will no longer require a permit to legally carry a concealed or open firearm in public. ^[6][7]