LEITUNG BUP TUIPHUM PAWLPI LEH ZOMI TUIPHUM PAWLPITE PAIZIA

 

#LEITUNG BUP TUIPHUM PAWLPI LEH ZOMI TUIPHUM PAWLPITE PAIZIA

Thusunna zom ding hilehang...
#KIPAWLNA A THUPISAK TUIPHUMTE
Ngaattakin kipawl thupi a'sa tuiphum pawlpi et pak dingin Southern Baptist om ding hi. Kipawlna thupi bawl uh ahih zahkhat un Kipawlna panin thu vaihawmna "lian" pah hi. A phualphual ah a om pawlpite kimakaihna (local autonomy) nusia (nelhsiah) tuanlo hi; ahi zongin Kipawlna a phungpi-ah upding zuihding thukhunna neikhawm uh a, tua mah zong kipawlna sungah a om pawlpite ii dinpih ding hipah hi.

Gentehna in biakna vai ah a pangpi, thunei leh thuhilhna cihte pen numeite a'dingin ngaihsun thei ngiatlo uh hi. Tua mah zong kipawlna sungah a om pawlpi khempeuh in zui pah uh hi. Tua mah bangin neih kibang nupa suahna cih zong kipawlna panin sanglo uh ahih mah bangin kipawlna sungah a om pawlpi khempeuh in sanglo uh hipah hi.

#LOCAL AUTONOMY, LOCAL PAWLPI ATHUPISAKTE ZIA
A phualphual ah a om pawlpite bulphuhna (local autonomy) ngaattakin a nei tuiphum pawlpi et pak dingin BWA, NABF, ABCUSA cihte a kipan tampi om hi. Local Autonomy thupisa uh a, kipawlkhopna ahihleh mapan khopna dann in nei uh hi. Sepkhop theihding mapan khop theihdingte taangkona nei uh a, semkhawm uh hi. Kipawlna phungpi panin kipawlna sungah a om pawlpite (local) upding zuihding tawh kisai thukhunna cihte neilo zaw hi.

Ahi zong theihding ah, Kipawlna ii Vision, Mission, leh Upna Pulakna cihte bel nei hamtang hi. A kitelkhial den keii khat om-a, hih kipawlnate'n numeite biakna makaipi hihtheihna leh neih kibangte nupa suahna sang hi, cih ahi hi. Local Autonomy thupisa cih ahih mah bangin "Kipawlna min tawh local pawlpite hibang ding hi," cih thukhunna ahihleh neilo zaw hi. Local Autonomy thupisa ahih mah bangin local pawlpite ii dinpih tungah kinga hi. Ettheih pak dingin; ABCUSA, NABF, BWA in "kipawlna min tawh neih kibang nupa suahna sanglo hi." Ahi zongin ABCUSA sungah a om local pawlpi a'sang om hi. Local Pawlpi tungah kinga hi; ABCUSA, BWA, NABF in sang hi, cih bang hitheilo hi. Tua ahih manin a sanglo local pawlpite in pawlpi thukhun ah "nupa suahna pen pasal leh numei bek hiding hi" ci-in koih ciatciat uh hi.

Tua mah bangin numei makai san'na tawh kisai-in "hi hamtang ding" cihna hilo zaw-a Pasian' sapna ngahin Pawlpi in a'san ahih nakleh Pasian' sapna ngahna (calling and annointing) hihna thupikoih uh hi. Mihingte' nan'zawh dingin ngaihsunlo hi.

(Pulakna: thugen kizom ahih manin zopsuakloh phamawh cih dann in a ngaihsun bek ka hi-a, a neng a tawng in kuppihna hilo hi. Ahuampi in Tuiphumte dann theihpak nading cih hizaw-a, suk-hoi, tohoi Tuiphumte ahilo ding deihna ahi hi.)

November 04, 2026
Dr. GO VAN MUNG
@followers

PASALTE ZONG MAIZUM THEI HI

 #PASALTE ZONG MAIZUM THEI HI

1. Na pasal pawlpi makai ahi a, nasepna khat peu-hpeuh ah makai a hi a, khua kipawlna ah makai ahi zong, nang a zi in na zahtak kei leh na pasal kuaman zahtak lo ding hi. (Tua a ki zahtak lo pen nang'pasal hi.)

2. Na tate mai-ah na pasal nahap laklak kinken a, na utbang nasawlsuk nasawltoh leh, na tate in a pa uh PA' dinmun ah koihlo in simmawh bawl leh pa thu-pha tanlawh kha ding hi. (Na tate' thupha ding khaktan kei in)

3. Na nungsang ah na pasal gensia ngei kei in, na gen bangin nanulepa in um ding a, nang kammal hangin amakpa uh muang zo kei leh nang mah sum zaw ding hiteh. (Nang nahih leh nanu napa in hong itsa hi)

4. Na pasal nabawl bangbang in, na mo in na tapa bawl ding cih ngaihsun lecin naphal takpi diam?�(Teeknu dinmun dingin kiging khol in.)

5. Na pasal pibawl in, ki niamkhiat in,na khualna zah-zah pen nangma vang ding hizaw hi. (Na pasal itna na ngah ding hi.)

6. Numeite ki niamkhiatzo leh innkuan sung hong

7. nuam hipan hi. (Na pasal itna na tel semsem ding

Note: mi' pasalte sang kei pasal hamphasak zaw ding cih hanciamtek ni.

KEI ZONG NU KHAT HI NUAM ING

 KEI ZONG NU KHAT HI ING! 

1. Mi khempeuh adingin ka gina zo kei zongin, ka tate' ading Nu
   hoih hi nuam ing.
2. Mihaute bangin adeihdeih uh ka leisak zawhloh hangin a kisapna khempeuh uh a kicing sak den
   Nu hi nuam ing. 
3. Guahzuk ciangin vasate in singkung lian a muh teh lungnuam in a khawl mah bangin, ka tate' ading a lungmuanna Nu hi nuam ing.
4. Khuaite in paak amuh uhteh akiimah bawmin azu adawn mahbangin, ka tate ading gilvahna "Nu' hi nuam ing.
5. Tuivot kilkel in i tawl hong damsak mahbangin ka tate' ading tawldamna Nu hi nuam ing.
6. Leitungah lingpak bangin (Nu) numei melhoih atam hangin, ka tate' adingin, alungkimna uh Nu hi nuam ing.
7. Ka paina khatpeuhah hun ka lapzo kei zong, ka tate' ading avai khempeuh uh hun mansak den Nu hi nuam ing.
8. Pilna nei-in ka minthang zo kei zongin, ka tate pilna sangpen atunpih Nu hi nuam ing.
9. Pasian nasemte bangin thunget ka hat zo kei zong, ka tate' ading ka thungetna a ngah den Nu hi nuam ing. 

NUPITE THEIH DING KILAWM

 #NUPITE THEIH DING

Pasalte Lunggulhna

1. Inn ah lengla i neih laitak nasem ding hong sawi kei in! hong huh nuamlo hikeng, mi-in a zi thadah hong cih ding kongphal loh man hi.

2. I tate mai-ah kakam hong nial lala kei in, taten pate zahtak dan ding atheihloh khak ding ka dah man hi.

3. I tate hoihtak hong makaih sawm in, tapil tathumang neite, a Nu uh thupi lua hong kicih ding vang kong piaknop man hi.

4. Zawngsalua in hong hawmthawh lua kei in, i kiten mapek in zong kei azawngsa mah hi ing. 

5. I Nute adam mah hiam, sum khak ni ci-in hong lung himawhden lecin ut ing, nanglam a en nuamlo hikeng, i thupha ding hi.

6. Gamdang i om hang innsung nasepteng hong zawh sawm in, kong simmawhnop man hikei, zomi i hihna, na mangngilh ding kadah man hi. 

7. Na khutcinte asaulua in koih kei in, a zi in puan zong sawp ngeilo hin teh ci-a hong kigensiat ding kong hehpih man hi. 

8. Na bombi sungten leh ka puante na diahkhawm kei in, sawp veve ding ahizongin min hong muleh hong kihding kong khual man hi.

9. Milakah i tate hong bawhsak luailuai kei in, tate a it lo hikeng, mi'n a zi kician kei tak ei hong cihding kong phalloh man hi.

10. Ka tawl deuh nite ah hong meek zel lecin ut ing, kong simmawh nopman hikei, hongit semsem nuam hizaw ing.

11. Na natna neucik khat tawh na ci hong nalua kei in, hong ngekbawl nuamlo hikeng, hong itlua in ka lunggimlua kha pahpah hi.

12. Ka theihlohin sum bangmah zangsim kei in, ka zon khempeuh nang ading mah hi, mi in apasal theihlohin sum zang cih hong theileh hong neumuh dinguh kong khualluat man hi.

13. Ulenau, pasal, thu kikupna ah hong tampau kei in, hong thusim lo hikeng akullo na pau khak ding kong awiloh man hi.

14. Vai kong tunciang, maitaitak in hong dawn den in, ka van agik hikei, nang kong muhteh ka tawl adam man hi.

15. Na hoihlohnate kong tot khak ciang hong ngailo hikeng, numei hoih tampi aom hang kei zi mah ahoihpen a gamtat hoihpen ahih ding ka utluat man hi.

NUPA THU NGAIHSUN KHAWM NI

 #NUPA THU NGIAHSUN KHAWM NI

1.Zomite Pasian a um ding vive in hong lamen ing! 

2.Pasian um ihihleh Pasian umte nupa zia ding leh leitung mite muhzia sanziate koi thupizaw cih ngiahsun ni! 

3.Kawlgam, India leh USA ah nupa vai tawh kisai thukhun a neihna uh a gamzui in kibang lo ding ahihmanin No nupa vai-ah a gami thukhun zui zaw ding maw, Laisiangtho cih zui zaw ding? 

4.Human rights leh Women Rights a kici agam gamin akoih tawm thukhun zuizaw, sangsak zaw ding maw, Laisiangtho cihdan zuizaw ding? 

#HIH_Atunga THU 4 teng na kidot kawmin Laisiangtho umte in Laisiangtho zia in Nupa inuntak theih ding thupi ding hi! Koi mun koi gamah na om a, a gam zui in thukhun kikhel a, ahizongin Laisiangtho kikhel ngei lo hi, mangngilh ngei kei in! 

#LAISIANGTHO_IN NUMEITE PEN; 

1. Numei/zi pen thu khempeuh ah Pasal khut nuai hi ding. (Eph 5:24.) 

2. Numei in Pasal thumang ding hi. (Col 3:18)

3. Numei in Topa thu aman bangin Pasal thumang ding. (Eph 5:22)

4. Numei or Zi in ama pumpi zahin Pasal it ding (respect) means thumang. (Eph 5:33)

5. Zi in a pasal a luppih ding zah in lupih ding hi. (1Cor 7:3

6. Zi pumpi Pasal zat ding hi. (1Cor 7:4)

7. Innkuan sungah nu pen ahuh or apasal apanpih hi ding hi. (Piancil 2:18,)

8. Zi in pasal ciahsan keita hen. A ciahsan leh Pasal neilo in om suak hen. (1Cor 7:10)

9.Numei in pasalte tungah aana nei in thuhilh ding ka phal kei hi. (1Tim2:12)

10.Numei in a pasal tungah citak ding thangtat lo ding, a thangtatte Pasian in thukhen ding. (Heb 13:4)

11. Zite in ahoihna dingin pualam kizepnate thupisak lo-in lungsim hoih ding thupisak ding. (1Pet 3:3-4; 1Tim 2:9-10)

12. Zite pen thungaihsun thei, a gamtat siangtho, inn nasep akizen, a migi, Pasalte thumang hi ding. (Titu 2:5)

#NOTE: Hih Laisiangtho deihna tawh i kitehdet ding numeite nupite in theita un! Leitung KUMPITE LEH LEITUNG MITE deihna leh PASIAN deihna koi na liansakzaw ding hiam?? 

PASIAN ZIA LEH TONG tawh na nuntak nak leh bawlsiatna na thuak kei dinga na nuntakna na lawhcing mahmah zaw ding hi! Leitung mite deihna leh kumpite deihna in NUPA KAL hong kilemsak lo-in hong kitawmgsak zaw ding hi! 

Pilvang in thungiahsun ni! Pasian in Nupi hoih a cihte pen Pasian a itte nupi hoih ci a, taksa mel hoihna agen hilo hi! Nupi hoih ahidingin nungak na hihpanin Pasian zuan tangtang in! 

Numei in a pasal thu aman nakleh pasal in it mahmah hi! Buaina zong tawmpah hi! Thu aman kei leh buaina kipan thei den hi! 

Lungdam

Siam 5/27/26

Manpen nulepa 1995-6 kim hiding hi!

NUPA KOPTE THEIH DING

 #NUPA_KOPTE THEIH DING"

Hehsa maigumsa in lum lo ding.

Heh hun kituaksak ngeilo ding.

Lungkim lohna im mawk lo ding.

Kimaitang kawk ngeilo ding.

Awsang awtol zang ngeilo ding.

Van leh na thupisak lualo ding.

Nunglam thute lakik kik lo ding.

Tate ittuam ngaihtuam neilo ding.

Sepkhialhnate im mawk lo ding.

Innkuan vai mi' tung genlo ding.

Thudang buaipih lualo ding.

A pualam thu um pahpah lo ding.

Upmawh thu tawh kimawhsak lo ding.

Nuak leh maigum zang lo ding.

Sum leh van tuam neih lo ding.

Heh laitak thu kihilh lo ding.

Puah theihlohte gengen lo ding.

Hehna ah khut leh khe zang lo ding.

Damlo cih loh, an tuamnek lo ding.

Kikup kholhloh thulian vaihawm lo ding.

Nunglam tuaktuak kikhualsak ding.

Laigelh - Job Thawngno

@Friends

NUPA NUAM I CIH IN

 "#NUPA_NUAM I CIH IN"

A kitawng ngei mahmah lote hi sam kei e, A kimaisak theite hi buang.

A kicing khinte hi sam kei e, Kicinlohna a kihuh theite hi buang.

A hoih khin keeite hi sam kei e, Hoih lohna kimangngilhbawlte hi buang.

A thei khin keeite hi sam kei e, A kihilh a kimang theite hi buang.

A telkhin keeite hi sam kei e, Tellohnate a kidong theite hi buang.

A hau khin keeite hi sam kei e, A neih bang uh a nekhawmte hi buang.

A mel hoih tuaktuak hi sam kei e, A hoih lohna uh itna a la theite hi buang.

A kamsiam tuaktuak hi sam kei e, Awnel awkhum zangte hi buang.

A vanglian a minthang tuak hi sam kei e, Kizahtakbawl theite hi buang.

A nung leh a ma hau tuak hi sam kei e, nung leh ma ki-etsak tuakte hi buang.

Biakna makai tuak hi sam kei e, Upna leh zuihna kibangte hi buang.

Anlim tuilim ne dente hi sam kei e, Pasian hehpihna phat-a a nete hi buang.

Laigelh- Job Thawngno

#Nupa #Itna #deihsakna #friends #follower