ZATUI, ZAHA MAN NIKHAN TA HI

 VAN MAN NIKHAN TA HI. 18.7.2021 Sun.

ZATUI,ZAHA MAN NIKHAN TA HI.

Everything is high Price in Myanmar.

Upainai, Upai leitere.

Kawlgam mun tuamtuamah ani,ani-in, Vanman, zatui,zaha man nikhan ziahziah hi.

Tuni hih anuai ateng, natdawn dinga ka lei hi-in, aman khang mangkhinta hi.

1. Misakip (Mixagrip) hua kala mi, atuang pen, nunglamin (350) manin,tu-in ahih leh (700) ci mawkin ahih manin, ka kilat vat liang hi.

2. Amokcili (Amoxcilin) pen nung lamin (500) manin, denin ka lei leh (600) ci leuleu hi.

3. Pala (Paracetamol) pen nunglam (100) hi-in, tuni-in (200) manto ta hi.

4. Ko dana nektawm zong, mizawng, nektawm zongte bangcih nuntak mawk ding ihia, mihau,sumhau te'n bel tampipi lei neinai, gaih zawhloh ding zahin amau lei-in koih uha, tua hangin vanman, zatui, zaha man nikhan kei mawk hi.

5. Mi khemepuh asihkhit hang, ko innkuan dampeuh le ungh cih tawh sumhaute gamta mawk uh hi. Tapidaw, Christiante tua danin na om uhiam, tampi mah tua danin gamta ding hihang. Lungkham huai lua hi.

6. Angsung pil, angsung bek kikhualte, midang a lunghimawh pih lote pen, Galkap Misok Bupa tawh kilam dangna khat zong om loin, kibang sitset uh hi.

7. Zomi, mihau, sumhaute beekin, nakhua, natui, naveng, napamte huhin panpih in, huhhuai lua, panpih huai lua uh hi. Pawlkhatte'n sum aneih sam hang, aneilo tam zaw thamtham hi.

8. Tulai dinmun kihuh pen,  athubek piang theilo hi. Asum mahmah, avan mahmah ki sam hi. Huihthau, kampi bek pen zat nading om vetlo hi. Tulaitak in, nakhua, natui, ahaksa mikhat na huhkhak leh mi hampha na hizaw ding hi. Na kisik ngei kei ding hi. Mi na huhna hangin na lawhsam beek kei dinga, thupha lompi na sanlawh zaw ding hi.

9. Piakkhiatna ah thupha om hi cih pen ih theihsa ahih manin, athu bekin theih sawm nawn kei ni, piakkhiatna tawh lak zawni. Athupen ametna tamlo hi.

Tuni thusuak tuazah ciphot ni.

Note: Na lungsim tawh akituah kei leh akhial hipah loin, nang ngaihsutna tawh akituak lo bek ahi hi.

Mixagrip, Para, Amoxcicilin.