KHA 2 BEKBEK TAWLNGA NI

 KHA 2 bekbek,

Kha 2 bekbek,

Kha 2 bekbek maw,

Kha 2 bekbek ..

Mipite aw,

Tu laitak Galdo hun hilo hi. Kawlpi kim galdona hangin Oxygen bung hong tunloh kal 2 pha ta a, Oxygen diik ding om lo a asi tampi om ta hi. 

Bangbang hitaleh,

Tusung kha 1, kha 2 sung khawl phot peuhmah ve ni e, Galkap hitaleh mipi hitaleh Oxygen diik ding omloin asi tampi om leng ilungnuam tuan ding hiam? 

Oxygen bung kileite, 

tu-in gal kidona hangin hong tun loh kal 2 val ta a, Oxygen 40 L bung 1 teng 5 tawh lei ding zong kimu lo hi. 

Hih galdona in 

imipih tampi in asihlawh, athat isuak kha ding hiam? Nasep khempeuh ahoih om a, hoih taleh mipi suplawh sihlawh tampi om hi.

Kha 2 sung bekbek,

Khawl hithiat dih ve ni e, tua hileh Oxygen Setpi 4 leh 5 hong tung ding a, hong tun ma sungin Yangon Mandalay Monywa pan ipuak Oxygen bungte ahunlapin asi dekdek, anak leklekte nuntakna KIHU thei ding hi.

Ei ut bek, 

thupisak loin mipi ikhual ding thupi hi. Mipi khualna in POLITICS hi a, ei deih bek sepna hangin mipi tampi in asuplawh asihlawh leh Dictatorship kici hi. Galkapte bek dictator hilo a, mipi khual lo peuhpeuh dictator hi. 

Guai aw, 

KHA 2 bekbek khawl hithiat tapeuh ve ni e, sisi leng phamawh kei icih leh eithu hi. Tu-in galdona sangin Oxygen kisam a asi tamzaw ta hi. Oxygen kitat kitasam a asite min gen nuam khang, galdo a asi sangin tamzaw ta ding hi. 

Galkap zong mawhsak pah loin mipi zong mawhsak kei ni. 

KHA 2 bekbek

KHA 2 bekbek

Kha 2 bekbek maw 

Kha 2 bekbek …. 

Oxygen kisam a nak leklekte mu leng idipngek na hi. Ei vekpi-in dipngek na ciat sam lo ding ihiam? 

NATNA GAL DO KHAWM PHOT NI

Credit: Sia Langh Khai