GAMBIA ICJ VAI LEH THU TUAMTUAM.

 Tuni thuthang tuamtuamte. 

23.7.2021 Fri

1. Tuni Yangon insein thongah sandahpiahna, zingsang nai 7:30am pawlin, nasia takin ki nei ziahziaha, tua laiah thong cingte zong kihel ahih manin, galkapte tampi paipah uha, letnet vanzat teng avekin la uh hi ci-in DVB in gen hi. 

2. Galkap misokte ading,gal Vanleng jet fighter su-30te khat leh kisinna a zatding, Yak-130te khat pen Russia in geelnasa om mah bangin puak veve ding ci-in VOA burmese in gen hi. 

3. Moses Pau in nungzui hau tektek ta hi. USA ah Nupi khat, Malaysia ah Numei khat, Singapore ah Numei khat cih bangin, Moses Pau pawlding kibehlap hi. 

4. Tuni Yangon insein thongah sandahpiahna hangin, Mipite'n zong umlebel tum ngeingai uh hi. 

5. Tuni a kipan nitak nai 8:00pm simin umlebel kisat kik ding hi ci-in kigen hi. 

6. Tuni, Yangon, Yuzana a teeng, NuZam in Yuzana aom Zomi inn bangzah hiam tungah Ngasa huansa, a mawkna in amau inn ciatah puak kawikawi hi.

7. Sendawite bawl Covid -19 Zatui pen gam 100 val in theihpih khin uha, gam30 val ah zatui kipuak in kisun khinta uh hi ci-in Sendawi khatin gen hi ci-in DVB in gen hi. 

8. Sengamah nasia takin guahzu ahih manin tuikhang gawpa mi tampi si-in, mawtaw leh inn leh Lo tampi kisia hi ci-in CNA in gen hi. 

9. Sente Covid Zatui teng20 lakah teng7 ong tungkhinta hi ci-in DVB in gen hi. 

10. Galkap misokte Spokesperson Zaw Min Thun Gambai ICJ ah kamphen dingin pai thei kici pen kician lianlo hi ci-in kigen hi. 

11. Zogam, Tuimang khuaah theiteek kungpi khat oma, tua pen kum 130 phata hi ci-in, Tuimang khuami USA aom,  Pa Kam Ngaih in amazat fb ah pulak hi. 

12. July 22.7.2021 ni-in, Defense Minister U Ye Mon in Galkapte vatmai ni ding pen nai mahmah ta a,  NUG tawh kipawlte khempeuh zong ready sa-in omta hi ci-in Ayeyarwaddy Times in gen hi. 

13. Convid natna ngahte Huih nunna, huih lut theihna cihte ah om ding hoih mahmah hi, inn bitlua ah hoih Lo hi ci-in Daw in Mar Aung in gen hi. 

14. Tuni insein thonga Covid natna ngahte, hoihtak in kem un ci-in, Kawlgama om tanzung Embassy  18 te-in letmat thuhin laisuahna nei uh hi. 

15. Zogam, Mindat PDF te leh galkap misokte kikap kik leuleu uh hi ci-in Zalen in gen hi. 

16. Indonesia, Jakarta ah Covid natna tawh asite ading in,  lei tawhsa in kikoih zihziah hi. VOA. 

17. Kawlgam pilsinna sangte, 26July pan August 8 dong kikhak to lai ding hi ci-in Myanmar Education Guide in gen hi. 

18. Abeisa 22.7.21 nitak nai 8:00Pm pawlin, Yangon, Tamywe vengah mawtaw khatin mawtaw 10 val nawksia mang hi ci-in DVB in gen hi. Galkap misokte mizat te hiding in kium mawh hi. 

19. Abeisa 22.7.21. Ni'in Falam gam huam khuakhatah galkap Misokte'n mipite inn luhgawp uha cycle khawng lampi tungah lotkhiat sak gawp uh hi ci-in Chin World in gen hi. 

20. Abeisa 22.7.21 ni-in meihthila thong panin, mi 36 suakta sak uh hi ci-in DVB in gen hi. 

21. Tunaia thong pan asuahtaak sakte uh, Covid natna adal zawh loh man leh mipite lakah akilawh gawp ding adeih manvua asuahtaak uh hikha ding hi ci-in mipite kilau thei mahmah hi. 

22. Tuni Gambia ICJ thukhen zumah, Galkap misokte lampan palai kuamah pailo hi ci-in Min Ko Ko in gen hi. 

23. Tuni Yangon insein thongah sandahpiah na pen Numeite omna pan ong kipan masa hi ci-in BBC in gen hi.