ASSAM LEH MIZOGAM BUAINA SOSANG TEKTEK.

 TUNI THUTHANG TUAMTUAMTE. 

28.7.2021 nilaini. 

1. India gam, Assam leh Mizogam, gamgi buaina pen sosang tetek in, nasia to tektek thei ding dinmun ah om hi. 

Mizogam MP khat ahi, K.Vanlalvena in interview agenna ah Assam Palik te Mizogam ongsikkhak vua leh ka that lumkhin ding uh hi ci-in gen hi. Hih Assam leh Mizote ki buaina hangin, Assam palikte 6 si-in, 80 val Liam uh hi ci-in, Assam Minister Parimal Suklabaidya in gen hi. 

2. Assam  leh Mizogam ,gamgi vai buaina hangin, Zomite pilvang takin omin, kiging kholh hunding ong etsakna namkhat hi ci-in ka ngaihsut hi. Mailamah ih tuah ding thute kimu kholta hi. 

3. Zomi Guitarist Kimpu Seven ong nutsiatna hangin, Leitung a athei Guitarist Sya Chit San Maung in pammaih asakna leh a itna pulak hi. Laphuak Siam, lasak Siam, Pastor Sangpi in zong a itna a ngaihna leh pammaih asakna pulak ahih manin, mipite' kikha muang tuam mahmah hi. 

4. Zomi Oxygen Plant vai pen Dollars sumin teng 250,000 val ki ngah khinta in, tua Zomi Oxygen pen Kalaymyo ah khat kikoih dinga, nikhat in bung 120 a ki thoh zote hiding hi ci-in ki gen hi. Center nihna pen Tonzang ah hiding a, nikhat bung 40 ki thoh zo ding hi ci-in ZBCA GS in pulak hi. Zomite adingin damna leh thupha ong hingiatta ta hen Amen .

5. 2020 Olympic pen Tyoko ,Japan ah tukum 2021 in ki bawl a, tua laiah India, Manipur nungak khatin, Siktumpi 49kg likna ah a khatna ngah ahih manin Medal 🏅 ngah in,  India gambup in pahtawi uh hi. Manipur aciah kik ciangin, Manipur CM in Ceremony nasia takin bawlsak a letsong piakna zong nei in,  Tualiatak India sum (Teng 2000) val letsong ngah khinta hi. Kawlgam sumin (teng 40,000) val ngah khin hi. India sumin teng 10 cih banga angah te akisim nailo hi lai hi. 

6. Kawlgam sung mun tuamtuam ah UNpan huhna (WFP.)antang ki hawm kawikawi ta hi. 

7. US Defense Secratry Singapore pai in,  tua laiah Kawlgam vai zong gen hi ci-in US news in gen hi. 

8. Kawlgam galkap lut nuamte pen pilna laitan, tan4 zo ahih leh kila or kingah hi ci-in Ayeyarwaddy Times in gen hi. 

Kawl galkap utte, tan4 zosa na Hih leh lut thei...

9. Galkapte zapiak UEC in 2020,Nov8 kitelna pen kimanna om kei, huih bung vive hi lel ci-in phiat na lai suaksak hi. 

10. Yangon khua sunga annek ding neilo te huhna pia in apai khangnote galkapte'n man uhin, thau tawh a kap dingin ngim veva zen uh hi. 

11. Tuni Yangon khuapi Tamwe ah antang pikhat, Kawlgam sum 100 in zuak uh in, Mizawngte huh uh hi. 

12. Sia Do Khup in Mawtaw pi dim antang peuh tawh kileh kik latlat hang e, khua hausate phalna lai bek tawh vai ki hawm thei nawnlo ci-in cmt ah at ahih manin, lungsim bel nuam kei tetek mawk ei, Zogam lam zong buaina taumtaum phuzo zel leng kilawm ei. 

13. Germany gamah daduh setzung mei kang ahih manin, mi 1 si-in, 16in liamna ngah uh hi ci-in Mizzima in gen hi. 

14. Sen gam saklamah, Sehnel huihpi nasia takin nung kik leuleu in,  lei pan asanna pi 300 bang pha hi ci-in BBC in gen hi. 

15. Kawlgam saklam, tantuai khua ah guah tamluatna hangin, khuasung mite gen thei mahmah uh hi, tui in tummang uha, meilakna electric munte nangawn tui in tum mang hi ci-in Eleven Media in gen hi. 

16. Kum1 val vilvel akiho nawnlo dildel, N. Korea leh S Korea kumpi zani 27.7.2021 ni in kimu kik in kiho thei kik uh hi ci-in BBC in gen hi. 

17. Thai gam,  Bangkok khuapi ah, mi lampai Limlah,  meh lei kimlai, tuk ziauziau uh in, lamdang kisa mahmah hi, natna lamdang om leuleu hi ci-in mite patua thei mahmah uh hi. 

18. Min Aung Hlaing in, Kawlgam van man khan pen lamdang lo hi, ei gambek hilo hi, gamdang zong van man khang hi, lunghimawh kei un ci-in DVB in gen hi.

Thudang nisim ate na simnop leh a nuai a HOME na mekin na simnopte nasim in!