UKRAINE LAM
The Wall Street Journal in a gendan in, US khutsuak a gamla kapna meithalpi, ATACMS missle honkhat, Ukraine galkapte khut sung a tun ciangin Russia galkapte in galdona tembaw 90% pen thautang tuk phak lohna ding munah zongeu ta nei bangin tuah kawikawi uh a, tembaw gen thadah a galvan nam tuamtuamte nangawn (electronic warfare equipments) thautang tuk phak lohna ding munah nawnsuk nawnto ta uh hi ci hi.
Tua bang kawmkal in Amerikan kumpi in hih thautangte tawh Russia gam laigil leh gam thuk lam kapna dingin zat phalna pia nai lo uh hi.
Hi bang hun sungin Ukraine galkapte in van kuam van mong kap theih ding meithalpi (ballistic missile) bawl theita uh a, etkaina masa zong (first test) nei khinta uh hi. Sawt loin bawlkhiat (production) kipanta ding hi ci uh hi.
F-16 KHAT SIASAK PAH MALAM
Ukraine galkapte in NATOte banzaal ahi, Amerikante khutsuak F-16 galvanlengte nipi kal khat zang panin khat baakkiatsak pah malam uh a, a hawl pan sihlawh zawsop hi.
Report masa in a gen danin galte khutlum thuaka sia hi lo a, Ukraine vanlenghawl mimawl khat in vankim laiah a len laitak in linglawng kawm in lopthop hawl gawp kha ahih manin a engine/gearbox kawmkal teng nuaizaan gawp kha hi ci uh hi.
ISREAL LEH HAMAS-TE KIKAP TAWLNGA DING
World Health Organization (WHO) officials lam pan thu kizakdan in, Gaza gama om naupang 640,000 kim in zeng kidalna/pum zaw kidalna (polio vaccination) a lak theihna dingin Isreal galkapte leh Hamas singnuaimite in ni 9 sung kikap tawlngak ding kithukim uh hi.
Kikap tawlngak hun ding pen Central Gaza-ah ni 3 sung hi ding a, Northern Gaza leh Southern Gaza-ah ni 3 sung tuaktuak cih bang danin khen 3 suah uh hi.
Kikap tawlngak hun ding pen hong tung ding Sunday ni pan kipan ding a, nisim zingsang nai 6:00am pan nitak lam nai 3:00pm dong hi ding hi ci uh hi.
No comments:
Post a Comment