Tuni Isreal galkapte leh Shin Bet pangkhawmte in Rafah khuapi kuahawm sung panin October 7 ni a, Hamas singnuaimite in a mat, Isreal saltang Qaid Farhan Alkadi 53 hotkhia uh hi.
Manlang takin Isreal gam, Be'er Sheva khuapi, Soroka Hospital lam zuan in lenpih pah vingveng uh a, siavuan-siamahte in a cidamna sittel ding uh a, tua khit ciang a innkuanpihte tungah aap ding uh hi.
Isreal kumpipa Benjamin Netanyahu in IDF leh Shin Bet-te tungah lungdam ko kawm in ka lungdam mahmah hi ci hi.
Isreal galkapte in Isreal saltangte honkhiatna dingin lampi nih kitawn a, kiholemna leh thagui thatang sanin (negotiation & rescue operations) Isreal saltang khempeuh a kihonkhiat gaih masiah kikhawl lo ding a, khat zong kinusia lo ding a, kimanggilh lo ding hi ciin tuni hong tangko kikkik hi.
RUSSIA LEH UKRAINE
Russia leh Ukraine lam pen US leh NATO lamin long range missile zat khuan pia peuh leh a zial phei ziau ding dan hi a, ahih hang pia nuam lian nai lo hi veh aw. Russia zong upmawh bang nawn khol lo, zawm lam manawh pian ta hih tuak hi. Tu laitak bel zat khuan piak ding vai tawh kisai a sim a tham in Ukraine lam tawh a kiho laitak uh hi.
Nampi cing zaw deuh mah in om a, galpi 3na a pian khak ding pilvang mahmah uh a, gemgem, geigei lai phawt uh hi veh aw.
ZONUPA
No comments:
Post a Comment