TUNI THUTHANG TUAMTUAM

ZOMI TIMES 28.7.2024 Sunday 

1. Matupi khuapi lakna pan ataikhia SAC galkap 120 te Man kik 

Chin Pyine, Matupi khuapi lakna pan ataikhia SAC galkap 120 te leh Galvan tampi AA Makaih CB in man kik zo uh hi. 

Hih Matupi khuapi lakna pan ataikhia SAC galkapte 120 leh galvan honpi khat kingah kik, kiman kik zo himah leh pawlkhat kiman kik zo nailo hi ci-in gen lai uh hi.

Credit: Khit Thit Media 

2. Motor Lampi Tuikhang-Gangaw leh Halkha kikal 

Yangon, Mandalay pan Kalaymyo apai Vanpua Motor te lampi ah Luineute tuikhang ahihmanin haksatna tuak uh hi.

Tuikiam ngak ding ci leh sawt lua ding ahih manin Setli kawmin tua tawh Motor vante luigal lamah nawn thei uh hi.

Tulaitak khualzin Motor te gen thei mahmah uh hi. Lampi kisia, lampi kicim, tuikhang cih bang a tuamtuam tampi haksatna kituak hi.

Credit: Shwe Lwin Pyin

3. UWSA (O) galkapte Lashio Khuapi sunglut 

Shan gam saklam, Lashio khuapi ah SAC leh kukan-kokang MNDAA galkapte nasia takin akikap laitak un UWSA-O galkapte Tul1000 val Lashio khuapi lut uh in Lashio khuapi sung mun pawlkhat ah mun la zihziah uh hi.

Apaisa July27,2024 ni-in UWSA (O) galkapte nitaklam in Lashio khuapi lut uh in, mun thupi deuh teng ah mun la pah zihziah uh hi. Hih thu pen နစက leh O lam tawh kinai te mi3 bangin hong gen hi ci-in CNI Burmese News in pulak hi.

Hih UWSA (O) galkapte Lashio khuapi sung lutna tawh kisai Naypyidaw pan phalna tawh alut uh hi ci-in CBI Burmese News in genbeh hi.

News genbeh na ah tulaitak kukan galkap MNDAA leh SAC galkapte nasia takin kikap kido laitak hi-in, Hih Minam thautawi pawl2 kikal ah bang thu hong piang ding hiam cih pulak beh hi..

Credit: CBI Burmese 

Lashio khuapi pan O te ciah kik nailo uh hi..

Photo Credit…