AFGHANISTAN GAM THU ATOM KIM IN.

Afghanistan gam thu atom kim in . 

17.8.2021 Tue. 

1979 kim in Russia ten agam uh buluah ngei in tua khitteh  Afghan gam mi ahi Russia thapia Muler ဟစ်ဒင့် in kumpi sem hi .

1990 kimpawl ah Russia galkap te agam uhah ciahkik ahih man in Taliban te thahat kikpah leuleu in 1996 kumteh akhuapi uh Tabul pen  Taliban te khutsung tungkik hi .

1998 Kim ah Taliban ten a gambupi phial luahta uh aa  amau ii biakna upna te bulphuh pi in nei in upadi bawl uh aa adiakdiak numei te sangkah theilo cih tepawl leh  sport lam  leh art lam  khawngzong deihtak in khak in gammi te ukcip uh hi  .

11.9.2001 ni in Binlardin tepawl in America gam Newyork khuapi aa World Trade Center inn tausang pi 2 vanleng tawh sukham uh hi .

2001 kum October kha sung in America ten Afghanistan aa om Taliban te galphualpi teng  vanlampan in kap kipan ta hi  .

2001 Novomber 13 ni in Taliban ten akhuapi uh Tabul khuapi suplawp ta in tuapan in gam tawngtol lam ah vaki hemkhia uh in damdam in tangzo nawnlo phot uh hi.

2004 kum in America leh abel pawlpih pawl in Afghan ah thukhun thak leh makai thak hong vaikhawm khia  uh hi  .

2004 kum December ni 7 ni in U S A leh abel pawlte makaih natawh ဟာမစ်ကာဇိူင်း in kumpi hongsem hi .

2009 Febuary kha 17 ah America kumpi Obama in Afghan ah galkap hongpuak beh aa tua aki pan U S A leh abel pawl galkap 140000 bang omta hi  .

2011 kum May kha ni 2 ni in Pakistan gam အက်ဘိုတာဘက် khua ah America tuigalkap commando ten Binlardin vasual lum ta uh hi .

2014 December 28 ni in U S A leh apawl te Afghan gamsung aa Taliban te ado uh khawlbawl phot in 

Afghan gammi galkap thakte galsimdan khawng  tintan pia uh hi  .

2015 kum ah Taliban pawl hong kipan kik cipcip leuleu uh hi  .

2014 pan in Afghanistan galkap thak teleh Taliban te hong kisual mahmah uh ahih man in 2014 to  2019 January 25 dong Afghan galkap asi 45000 valbang phaman hi .

2020 Febuary 29 ni in Qatar gam ဒူဟာ khuapi ah U S A leh Taliban te kilemna suaikaih bawl uh in 2021 September 11 ah U S A leh abel pawl galkap teng Afghan gampan kikhin kik ding in thukim uh hi .

Ahi zong in Taliban pawl in hih thuciamna suaikaihna ni abei ma August 15 -2021  ni in kagam uh avek pi in ko khutsung tungta hi ci in tangko khia in Kabul khuapi kumpi huang nandaw zong buluah ta uh hi .

U S A in Afghan ah kum 20 hun alak sung in  America galkap 2000 val in sihlawh in tul 20 val in liamlawh aa Afghgan gam mi tul 60 val inzong  silawh hi .

Kum 20 sung ah U S A dollor billion 83 val Afghan ading zangkhia uh hi .

Tu in ahih leh hih billion 83 valtawh alei uh galvanleng te thauhui thautang te khempeuh Taliban te khutsung tungta hi .

Mihing te in  gel aa Pasian in tangtung sak hi cih Pasian kammal tawh thalak dingmah bek mah Afghan mipi te ading in omlai hi .

Credit : Original uploader.