NLD IN NEIH KIBANG KITEN MYANMAR AH KA PANPIH DING CI

 Christian Upna Lai siangtho tawh kituak vet lo NLD in Nasep ding kamciam pia

Christian upna tawh kituak vet lo lai siangtho tawh ki elpuak sep sawmin lauhuai mahmah hi. 

Tukum kitelna election ah NLD Party in a policy khat a guan uh ahi LGBT hangin lamdang kisa mahmah hi. Bektham lo gualzawhna ngahin kumpi kasep uhleh LGBT te ading UPadi bittakin ka bawlsak ding uh ci a lungkham huai leh lamdang kisa mahmah hi.

LGBT pen bang hiam NLD bek hi lo SNLD in zong pompih thukim pih lailai hi.

(Lesbian/Gay/Besexual/ Transgender)

Numei le Numei Pasal le Pasal om khopna (Homosexual) Numei Pasal hihna laih/ khek theih cihna hi. Hih LGBT hangin leitung buai mahmah hi. Mihing tanvo (human right)pan en leng man mahmah na pi’n ih biak Pasian kammal lai siangtho tawh kituak vet lo san hak mahmah hi.

Tu ciangciangah bel hih pohmah 377 in LGBT pen mawhna in Koih a thong kum tampi kiat sak theih hi. Asia gam huam ah Taiwan gam khat bekin LGBT official tayavuan in kipsak pan hi. Kawlgam ah zong sawt loin official kizangh kha ding hi. LGBT pen kip sak takpi leh a poi diam  zong cikha mah ni apoi ding dan bel nasia lua. Adiak in Christian le Muslim ading poi Kan lai hi. NLD kumpi in LGBT official in thukhun a bawl leh Numei le Numei Pasal le Pasal kitenna (The same sex marriage) tazavuan ong hi ta ding. USA en pak ni.

President Obama le Democratic Party in LGBT  neih kibang kitenna pen official hi ta ahih ciang Pastor te in biakinn ah Nu le Nu  Pa le Pa    lai siangtho I deih loh pen gen ngam nawn lo gen leh zong kumpi thukhun palsat hi pah hi.

Thong kia thei dinmun hi pah hi. Tua mah bangin NLD kumpi in zong official in LGBT a Pom nini lai siangtho in Nu le Nu Pa le Pa kiten pen mawhna hi ci thei nawn lo ding ci le zong kumpi thukhun palsat suak hi. Neih kibang kiteng nuamin biakinn ah letthat kulding ih pastor te ading van Gik mahmah hi. 

Chin News Daily 

https://youtu.be/CaN3WLi5cmo