NA HIHNA LEH NA MAWHPUAKNA

NA HIHNA LEH MAWHPUAKNA

Mihing adingin eile ei hihna leh mohpuakna mangngilh ngei louh pen thil poimoh/a kitangsam mahmah khat ahi hi. Mahni/ih hihna mangngilh lou ten midangte tawh kikal ah buaina nei tawm mahmah uh a, a hinkhua uh leng na-vaak tuam in khovel/leitung manpha tak in zang uhi. Mahni/ih hihna leh mohpuakna mangngilh ten bel lawmte tawh kal ah, seppih te tawh kal ah leh sung/inn kuante tawh kal ah buaina tampi tak piang sak uhi. Huaiziakin, ‘hihna leh mohpuakna’ ichih bang hi a, I hinkhua/nuntakna a bang chitel/cidan a poimoh/kitang sam hiam chih te I suut khawm ni.

[1] NA SEPPIH TE LAK AH
Officer lianpi hiam ahih kei leh mi tampite tung a sem ihi mai thei, sepaih/galkap heutu lian mahmah hiam ahih kei leh lal/lian mahmah a khedap nawt ding nasan mi nei ihi mai thei, tua bang dinmun a ding ihih leh bel lal dan siam a heutu/makai hih dan leng siam sawm ding ahi. EiSang a upa zaw te nasan makaih tu leh pil taktak leh laisiam taktak te makai bang ihih leh amau muh a omdan siam leh vai hawm dan siam mahmah poimoh/kisam kha ding hi. Pianken a pil lualou bang leng a pil mahmah bang a om hoih zaw kha ding a, a huchih kei leh heutu/makai zoulou, heutu/makai dia chin lou, heutu theilou chia nuai a te simmoh a om khak theih ding ahi.

Huchia mite tung a vaihawm dan leh lal dan itheih bek hun lou a, ei sang a lal/lian zaw leh thu nei zaw te zahdan/zahtakdan leh pahtawi dan leng I siam kul veve ding ahi. Ih Tung a te thuman dan leh lungkim sak dan te itheih poimoh mahmah ding hi.

[2] NU-LE-PA LAK AH
Bang chituk a sepna lian nei in a-sing, a-sang tung ah lal himah le, hon suang tute mai ah bel ‘ta’ ihi chih mangngilh ngei-ngei louh ding ahi. Thupi kisa in lal kisa mah le I nu-le-pa mai ah bel pil leh lal hizaw lou in ‘ta’ ihi chih mangngilh louh a tua I lal na te koih khiat dan theih a ki thupi sak het louh ding ahi. Nu-le-pa ziak a lal leh hiai/hi tan tung ihih dan mangngilh louh a nu-le-pa zah/zahtak dan leh pahtawi dan siam ding ahi. Nu-le-pa mawl/hai mahmah nei ihih ua leh leng amau sang a ei thupi zaw ngei-ngei lou ding ihi chih phawk a, nu-le-pa I leitung Pathian ahi uh chih mangngilh ngeilouh ding ahi.

Khenkhat ten nu-le-pa bang mawl leh hai sa in zum pih mawk uhi. Mi lak ah leng a nu-le-pa te uh gen ngam lou zen in zumpih uhi. Akhen/pawlkhat ten lah sepna hon neih chiang un nu-le-pa te ziak a huchi bang dinmun tung ahih lam uh theilou in nu-le-pate simmoh in bawl genthei zaw mah uhi. Tua bang te bel mahni/ih hih na theilou, mihai ahi mai uhi.

Kam khat I gen a mi tampi te liing dup-dup leng ahi kha maithei uh, ahih ziak in nu-le-pa te mai ah bel ‘ta’ ihi chih mangngilh louh a nu-le-pate gen ngaih khiak/sak a, a thuhilh nate uh lak ding ahi. Nu-le-pate lah I leitung Pathian ahih ngal ua.

[3] KOPPIH/ZI,PASAL LAK AH
Pasal khenkhat sepna mun a lal/lian te a inn sung uah leng lal/lian om pah sek mawk uhi. Mi tamtak/pi te adia saap/pi,pu leng ihi mai thei, hileh le Ji te adia ‘saap’ hiam ahih keh ‘heutupa’/sia hiam ihi kei a, a pasal uh ihi chih mangngilh hetlouh ding ahi. Khenkhat ten a sepna mun ua anuai ua sem te a bawl bang un inn ah a Ji te uh bawl suk pah ua, suak-le-sal bang in zang suk pah mawk uhi. Hiai dan bel pil huai hetlou hi. Office ah tampi te ‘Bosspa’ I hi maithei, hileh leng inn ah ji te ‘bosspa’ ki hilou a ‘koppih’ ki hi zaw ahi.

Numei loh/Khasum nei tam zaw ten lah a pasal te uh simmoh pah sek uhi. Pasal numei vaak sa chih bawl in biak tuau-tuau leh mai et mahmah ut uhi. Sepna mun ah numei leh pasal tamtak te heutu/makai ihi kha maithei, I nuai ah pasal tamtak in sem leng ahi maithei, ahih ziak in inn ah I pasal te adia a ‘heutunu’/makainu hizaw lou in a ‘koppih’/pasal ki hi zaw ahi. Office ah lal/thupi mahmah ihih tak a leh leng office a I lal na innsung a puak lut louh ding ahi. Innsung ah bel I lutang (pasal) I zah tak ngei-ngei ding ahi. Sepna mun a omdan a innsung a om hetlouh ding ahi.

[4] TATE LAK AH
Nu-le-pa khenkhat tate adia houpih theihlouh hunkhop om hi. Sepna mun chouh lungsim a koih a innsung a ‘pa’ hihna ahih kei leh ‘nu’ hihna phawk lou tam mahmah hi. Tua bang a ‘nu-le-pa’ ten innsung a mohpuakna a neih uh ngainep/thupisaklo a, ahih na uh a phawk louh chiang un a tate uh khasia kisa ua lam diklou tawn khasek uhi. I sepna haksat ziak a gim kisa a inn tun chiang a tate ngaihsak/thudon peih nawn lou leng ihi maithei, ahih ziak in ei sik-le-tang leh I dinmun a ding diing hiai khovel ah midang omlou ahi chih nu-le-paten mangngilh het louh ding ahi.

Ei neu lai in I nu-le-pate I ngai mahmah a, a pawt ua leh leng hong tun di kal uh ki ngak lah mahmah hi, I nu-le-pate ki muang a, a mau kiang a I om chiang in lauh kinei lou hi. Thil I theih louh peuh mah I nu-le-pate ki dong pah sek a, lawmte lak bang ah I nu-le-pate kisuang mahmah hi. Tua ei neulai a I nu-le-pate thupi isak dan leh I poimoh dan a I taten leng thupi hon sa ua hon poimoh/kitangsam mahmah ahi uh chih hong gen kei le uh leng en theih kilkel ding ahi. Tate tawh hun zat khom a thil aneu hi in a lian hi ta leh kikup pih zel ding ahi.

Sepna lianpi nei ihih a leh leng tate adia bel pa/nu ihi a, innsung ah I hihna leh mohpuakna pen mangngilh louh ding ahi. Ki lawh tawm a genthei tak a nek zong ihih leh leng innsung ah pa/nu ihi chih mangngilh louh a Pathian in mohpuakna hong guat pen A deih dan tak a semkhia dinga kisak ding ahi. Nu-le-paten salam kikepna kia hilou a khalam kikepna leng poimoh/thupi ngaihsut ding ahi.

Israel taten Pathian kiang a athum chiang un Abraham Pathian, Isak Pathian, Jakob Pathian chi sek uhi…I taten a thum chiang un ‘ka nu Pathian’ ahih kei leh ‘ka pa Pathian’ chi in thum ding hile uh adik zou taktak diam? Nu-le-pate a ding in ki veel thak kul kha ding hi.
…………………………………………………………..

Mahni hihna leh mohpuakna I mangngilh chiang in midang te tawh kituah haksa mahmah a ei mahmah in leng I hinkhua ah buaina kituak ut mahmah hi, tua ahih man in I hihna leh mohpuakna mangngilh louh a I omna leh I ompih te dungzui a I hihna leh mohpuakna leng khen siam kizil/sin ding ahi.

Na SHARE theih leh SHARE in, kua hiam ading manpha kha ding hi.

ABRAHAM LEH SARAH KITUAHNA THUGUK

ABRAHAM LEH SARAH KITUAHNA THUGUK

Bible ah, ‘Ji te a pasal te uh mai a aki ngaihniam ua a pasal te uh a zahtak ding uh chih leh Pasal ten a ji te uh a iit ding uh’ chih Ephesate bung 5 ah chiang tak in kigelh hi. Numei in a pasal a zahtak a, pasal in aji a iit leh nupa kal ah kituahna om a, innsung leng suam hi. Hiai toh kisai ah Abraham leh Sara etton tak ahih dan uh i suut khawm ding…

SARA IN A PASAL A ZAHTAK DAN
[1] THUMANG TAK IN A PASAL ZUI DEN
Abraham in Pathian sapna hon zak tak in a omna mun a paisan ngai a, midang leh namdangte gamteng ah a teen ngai hi. A pianna gam Ur nusia in Haran tung hi, Haran ah hun bangtan hiam a om nung in Canaan hon lut suk nawn a, Canaan ah kial atun ziak in Egypt gam ah tai suk nawn hi. Tua zawh in Canaan ah hong leh luut kik nawh hi. Hiai bang a omna mun det nei lou a alanglang a apai hang un Sara in a pasal kiang ah kam khat mah leng bangmah gen lou in thumang tak in zui ngitnget hi. Hiai in a pasal zahtak a kiniam khiak mah ahi chih chiangtak in a kilang sak.

[2] A PASAL GINNA/UPNA AGIN/UP PIH
Tua hun lai in Pathian hing bia ana om khollou uh a, a omna mun uleh a pai na mun peuhmah ua miten milim pathian ngen bia uhi. Abraham in bel Pathian hing ana gingta tinten kha a Pathian chih dandan in kal ana suan hi. Pathian in a nupa kal hinkhua uleh a suante uh maban ding tampi a gen te tangtung taktak mah ding hiam chih gin lelh theih ding hun tam mahmah a, a Pathian biak uh Pathian dik tak mah hiam chia gin lelh theih ding khawp dinmun ah ding mah le uh Sara in a pasal gintak Pathian pen mah ana gin pih tinten a milim pathian te a na biak san mawk lou hi. Hiai in a pasal zahtak a kiniam khiak mah ahi chih chiangtak in a kilang sak.

[3] A PASAL THU ANIAL KEI
Abraham in thupukna alak chiang in Sara in hoih sa in sakei leh leng ana nial het kei. Canaan gam a kial atun ziak in Egypt ahong luut suk uhi. Egypt ah Abraham in a sih khak ding a lauh man in aji kihum bitna in zang a, zuau gensak hi. Sara in hiai pen hoih sa in sakei taleh niallou in a pasal chih dandan in om hi. A pasal thu aman ziak a Pharo angsung a mangthang thei dinmun ahi, huchi tan ah leng a pasal thu anial kei lai. Hiai in a pasal zahtak a kiniam khiak mah ahi chih chiangtak in a kilang sak.

[4] A PASAL ‘TOUPA’ CHI IN SAM
Sara in a pasal Abraham pen a pasal chouh hilou a alu ahi chih thei mahmah in a pasal mai ah kiniam khiak petmah hi. Tuajiak tak in ‘toupa’ chi in sam hi…(1 Peter 3:6). Hiai in a pasal zahtak a kiniam khiak mah ahi chih chiangtak in a kilang sak.

ABRAHAM IN AJI A IIT DAN
[1] ZI DANG NEIH ANA SAWM NGEI KEI
Tua hunlai a mi khenkhat ten ji tampi aneih lai un Abraham in a ji Sara lou numei dang ana en mawngmawng lou hi. A nupa un ta neithei lou in a upat dong uh khosa mah le uh ji dang neih ding Abraham lungsim ah piang lou hi. Hiai in aji a iit chih chiangtak in a kilang sak.

[2] AJI A IIT LUAT ZIAK IN KHIAL KHA ZAWZEN
Abraham in aji iit lua a, tua ziak in aji thu a hoih lou lam nasan ah leng ana mangkha zawzen hi. Sara in Hagar tungtawn a ta neih a sawm pen Abraham ngaihdan ana hi kei mahleh aji a iit ziak in ana nial lou hi. Hiai in aji a iit chih chiangtak in a kilang sak.

[3] AJI THU MAH ANA ZUI
Sara in inn apat Hagar leh ata (Ismael) a hawl khiak dek in Abraham a din thupukna lak haksa mahmah diing in a gintak huai. Hagar hawlkhiak pen haksa law di bang kei mah leh Ismael a sisan a piang ata inn apat hawlkhiak ding chih pen Abraham adin haksa mahmah ding in gintak huai hi. Huchi dinmun ah leng aji tai hetlou in aji chih dandan in thupukna lak pih lai hi. Hiai in aji a iit chih chiangtak in a kilang sak.

[4] SARA SIH IN A SUUN A AKAP
Abraham in aji iit mahmah ding in igingta. A pianna gam uh nusia ua, theih ngeilouh na gam a amau tegel chouh khosa den ahih chiang un a ki iit na uh zaw ana thuk mahmah ahi ding a…Bible a imuh dan in Abraham in aji sih a suun mahmah a kap hi didan ahi. Hiai in aji a iit chih chiangtak in a kilang sak.
----------------------------------------------------------------

Abraham leh Sara nupa etton tak ahi uh. Abraham in aji a iit dan leh Sara in a pasal mai a aki niam khiak dan enton le nupa kituak lou chih vaang mahmah ding ahi. Pasal in a mawhpuak na chu ‘Ji te iit ding’ ahi a, Ji te mawhpuakna chu ‘Pasal te zahtak a thunuai lut ding’ ahi. Nupa in a mawhpuakna tuak uh hon zawh chiang un nupa kal chidam a, taten vangam ana chiam lawk uhi.

# Jite aw, Toupa kianga na kiniamkhiak bang un, noumau pasalte kiangah kiniamkhiak un (Ephe.5:22)
# Pasalte aw, na jite uh it un, Kris in saptuamte a ita, a sik ua a kipiak bangin…(Ephe.5:25)

Ji te iit tak a kem ding leh Pasal te jahtak a thunuai luut thei din sim tute Pathian in hon vualzawl hen!

Hehpihtak in like inla ana share son in kua hiam adia phatuam kha ding ahi.
By: Rebuild and Restore

MOPUAN SILH DING LEH MOPUAN SILH ZI NEI DINGIN NA CING LAI HIAM?

MOUPUAN SILH DI LEH MOUPUAN SILH ZI DIA NEI DIN NA CHIN LAI HIA?

Tulai khovel ah na Siangthou (Virgin) lai hia chih dotna kidong ding hileng kua teng in hangsan tak in dawnna i pe ngam diam? Khenkhat ten hidan khong kidot huai kei, thupi nawn kei,ichi maimah diam...100 lak ah bang zah siangthou i om lai diam? Kum ching nailou ichih te tanpha/nangawn nupa kal sex/hinkhua ana chiam khin tamtak om ta hi. Numei moupuan silh di leh Pasal moupuan silh zi dia nei dingin iching lai hia chih kiveel kik ni...

MOUPUAN SILH DIN NA CHIN LAI HIA?
Moupuan numei tampi tak ten a silh kal uh ngak lah mahmah uhi. Pasal neih chiang a moupuan silh di pen numei te lunggulh penpen te lak a khat ahi hi. Numei te ading a kizepna etlawm pen ahi chileng genkhial kei ni. Numei in moupuan ahon silh chiang in ki zahtak in etlawm leng/zong ki sa chiat hi.

Ahi leh itheih ding khat, moupuan in bang ensak hiam chih ahi hi. Moupuan ataangpi in ngou/kang sit sek hi. Hiai pen in a etsak ahih leh numei te siangthouna (virginity) ahi hi. Numei tamtak moupuan in a etsak/atheih saknop theilou a moupuan silh tampi om hi. Adik a gen in, numei virginity man suah te bel hih mopuan silh dingin tak non lou ahi uh hi. Siangthouna man suah nung a moupuan silh chih bel mipi te mai a zuau gen leh Pathian lau lou chih na ahi hi.

Numei in a koppih pasal ading a, thil/van manpha pen apiak theih omsun chu a siangthouna (Virginity) ahi hi. Mou van tam pipi ken sawm sang in siangthouna kembit in kiteenni chiang in a pasal pethei leh huai/Tua manpha pen in Pathian deihdan leng ahi hi. Numei hoih bangzah i omlai a...(Prov.18:22) Ahih kei leh nau sukhia a tualthat kha bangzah i om a...?

Numei siangthouna (Virginity) mansuah te bel moupuan siangthou silh ding in ching nawn lou uhi...!

MOUPUAN SILH ZI DIA NEI DIN NA CHIN LAI HIA?
Pasal in a koppih ading a thil/van manpha apiak theih omsun chu a siangthouna ahi hi. A siangthouna toh teh pih theih ding thil/van dang manpha lua omlou hi. Pasal tamtak ten a siangthouna uh bangmah a ngaihsun lo in kepbit na sawm khollou uhi. Kepbit sangin numei te siangthouna lak mang sak ut a hoih lou pasal tampi tak om hi. Numei siangthou tata bang en lah uh a, a siangthouna uh laksak in kimawl pih uhi.

Pasal tamzaw ten numei teng thangtatpih ding ngen in en uh a, khat veivei numei te nau bang paisak kha uhi. Tua chi bang a numei in nau a paai khak leh hehpihna neilo in taisan lai uhi. Ut dan teng a numei tampi a tatkhelh pih nung chiang un zi nei ding in hong kisa uh a, numei siangthou (Virgin) hon zong uhi. Ei/Mahni siangthou louh dan/lam kithei lou in numei kuahiam/pasal toh takhialte bang deihlou lai uhi. Ahihziak/ahih hang in amau tawh kibangmah tuakkha thouthou/veve uhi.

Hichi bang pasal te bel numei moupuan silh zi dinga nei ding in ching nawn lou uhi...!

JOSHEP & MARY A KITEN NUNG/khit NASAN UN SIANGTHOU LAI UHI.
Pathian thupiak bang in Joshep leh Mary in Jesu Kris apian ma in a siangthouna uh ana kembit uhi. Joshep le Mary nupa hita ua, miteng in nupa in pom ta uh a, inn khat a omkhawm in sun leh zaan in naa semkhawm uh a huchia kidek di chih pen bel thil haksa mahmah hi ding in igingta/ingaih sun hi. Joshep leh Mary in le hun tamtak ah chu haksa sa mahmah ding un gintak/upmawh huai hi. Tulai khovel/leitung a kingai maimaite le kidek haksa  samahmah, hunrem teng a ut teng hih sawm...Joshep leh Mary kha tampi kidek chu baih liai lou di eive maw...amau taksa ut na neilou hi tuanlou uh hituan lo ding a maw...

Joshep leh Mary in Pathian alauh ziak ua kidek zou ahi uh. Amau taksa ut na sang a Pathian thupiak zuih pen ahoih zawk dan thei uh a, Pathian in amau adia hun abawl sak pen haksa leh le ngak hamham/tantan uhi. Tulai in mi tampi/tamtak ten kidek zou mahmah lou chimawk...Pathian in ‘Kei lou Pathian dang nei ken’ chi hi. Kidek zoulou ichih leh bel Sex pen Pathian sang in i poimoh ngaihzaw a Sex Pathian a nei chihna suak ahi.

Pathian in angkawm na zadah mahmah in Thukhunlui hunlai bang in tualthat tawh kikim in koih a, angkawm te chu asih ding uh ana chi hial hi. Thukhun lui hunlai a Tualthat te leh Angkawm te bel capital punishment piak ahi uhi. Huchi tel a Pathian in a zakdah ahi...Kumpi David leng Pathian lau tak himah leh ang a kawm khak ziak in Pathian in nasia tak in gawt hi...unau nang leh kei bang dinmun ah iding a? Pathian gawtna hongtung ding ngak te lak ah tel kha ihi hia?

Minute tamlou sung, nawpsakna i zon ziak in maw Pathian zak dah pen ina hih sek maimah uh...! Nungak leh tangval lai a ana thangtat te zi leh pasal aneih ni un amau ading in bangmah athak chih ding om nonlou ahih man in kipahna, lungkimna taktak neilou hi. Bangkim ana chiam lawk/kha ta ahih man un lungsim leh taksa ah lunggulh ding neilou uh a, amau ading in zi leh pasal neih ni pen bangmah lou suak hi. A koppih ua lungkim haksa sa uh a, zi leh pasal neih nung in thangtat na tawpsan thei nawn lou uhi. Kisik a bawldik theih di lah hi nawn lou a, damsung a nawpsak na taktak tel lou a hinkhua/nuntakna zang maimah te asuak uhi.

I siangthouna mansuah kha ta ihih leh leng/zong Pathian lam zuan in amah kiangah kik nawn ni. Aman a sisan in hon silsiang ding a huchi in numei moupuan silh dia chin leh moupuan silh numei zi dia nei tak in hon bawl nawn ding hi...!

Siangthouna tuni tan ana kembit lai na hih leh Toupa min phat in om hen! Amah muang kawm in kikem siangthou tou zel in, huchi in koppih tung ah kipahna taktak nanei ding a, na suante leng/zong nang bang in hong hoih ding uh hi. Nupa kituak leh innsung nuamsa chih te kua a hilou in nang a ahong hiding...Toupa khut len lai/den hamham in Unau!



Agelh tu Counsellor ahi, contact ut na naneih leh chik lai peuh in contact theih ding.

ZI LEH PASAL BANG CIZON DING BY: REBUID & RESTORE

KOPPIH BANG CI ZON DING?

Hih leitung a om mi khempeuh buaina hi cileng igen khial kei ding hi. I khangdong ma, Zi/Pasal nei thei ding dinmun a i om ma pek a kipan in i buaina ahi hi. Hih dotna “KOPPIH BANG CI ZON DING” cih pen a dawng thei tawm mahmah a, a dawng thei ten bel zi/pasal nei khial hetlo uhi.

I nu leh pate kiang ah hih dotna dong leng  hong dawng dingdan uh theih sa ahi hi. “Hoih tak in om in la ka thu mang peuh le cin ken nang ading ahoih thei lua ing” hong ci pah ding uh hi. I lawmte dong leng, “it pen tawh kiteen ding himai,” “Mi hau ahih keh sepna hoih nei tawh kitengle hampha ding himai hi hong ci ding uh hi.” “Pau kibatpih mah tawh kiteen ding ahi hi.” “Kristian mah tawh kiteen ding hi,” “Hong it leh hehpihna tak tawh a hong kem ding pen tawh kiteen ding hi,” “Innkuanpihte deih sak penpen tawh kiteng ding,” “I thuzawh ding penpen tawh kiteng ding,” “Lungsim hoih tawh kiteng ding,” “Pasian lau tawh kiteng ding hi,” cih leh adangdang tampi hong gen ding uh hi. Hihdan thuhilhna teng hoih mahmah bang ta leh, hoih hi, hoih kei ihci tuan kei hi.

MI PAWLKHATTE ZI LEH PASAL ZONDAN A TANGPI IN EN MASA NI.

[1] LAI SIAM, SEPNA NEI, SUM-LE-PAI HAU
Laisiam, government sepna nei, mi hau icihte tulai nungak/ tangvalte thupitsak leh deih mahmah ahi hi. Hidan lungsim tawh mikhat peuh zi/pasal dinga vaneih ziau ding cih peh khial thei lua ding hi hang. A mi pen kiteen pih hizaw lo a, a siamna, aneih-alam kiteenpih kisuak lel kha thei ding hi. I Lawm-le-gualte tung ah ileng kha maithei ding a, ahih hang a simtham a khitui i nulna ding tampi omkha maithei ding hi. Tuaban ah mi haute ong nikhat zankhat thu a zang mang thei ahih lam zong theih huai hi. I simmawhte zong i theih loh kal in mithupi, mihau suak thei cih i mangngilh loh ding thupi hi.

[2] MEL HOIH, ETLAH HUAI
Mihing mel hoih deihlo bek kitawm mahmah ding hi. Zi/pasal melhoih deihlo kuamah ki-om khollo kha ding hi. Mi pawlkhatte in lungsim bel  kibawl thei, mel bel kibawl thei nawnlo ci-in melhoih bek zong uh hi. Hih bang mite'n zi/pasal ding a mit uh tawh zong uh hi cihpen kician mahmah hi. Melhoih leh taksa etlawm sak mana mi khatpeuh ih kitenpih leh kikhial mahmah lua ding hi. Damlohna hangin mel-le-puamte i etlah huainate hong sepah thei ahi hi. Accident hangin i hoihna teng hong bei thei hi cih phawk ni.

[3] MI MINTHANG, LASIAM, TALENT HAU
Pawlkhatte'n a mi deihdante uh kiteen pih mawk uh hi. ‘Lasiam sakte leh mi minthangte khawng kiteenpih kha leng miten hampha hongsa ding uh hi cia, mi minthangte a delhdelh mi pawlkhat om uh hi. Tua banga thupi a sak mite uh a kiteenpih khak ciang un a ngaihsutdan uh nabang khollo in a lungkham na ding uh hong leh tam thei hi. Hih bang a  mi minthangte a tamzaw in muanhuai khawllo uh ahih man in kiteng tul cih ding haksa mahmah hi.

[4] EI CI-LE-SA, PAU KIBATPIH, TAWNDAN KIBATPIH
Pawlkhat ten namdang, pau dang cihte koppih ding in en thei mawngmawng lo uhi. Nek-le-dawn kibatpih, gam-tat, khosak dan kibatpihte mah ci a, kitengte zong anung ciang in neifuh/ neih hoih kisa tuan khollo zel uh hi. Namdang tuak hong kigawm ciang un buaina neuhneuh ding tampi hong piang a, haksa mahmah zel sa uh hi.

[5] PASIAN PHAWK, KHA MI, BIAKNA A KIZANG, PASIAN NASEM
Mi Pawlkhat in koppih ding bel Pasian phawk mah kinei leh lungsim nuam pen ding, kivuak, kisat, lunggimna cihte omlo ding ci-in Biakna or pawlpi a kizangte khawng ahih keh, Pasian nasemte khawng nei uh hi. Tawlkhat sung bel nuamsa in, lunggimna ding bel tawm deuh kha ding uh hi. Ahizongin Pasian nasem neikhate zong a kisik hun uh zong om law tham zel hi. Khami mahmah, Pasian na nasiatak a sem na pin, pasalte zahtak dingdan theilo, zite it in kep dingdan theilo mi tampi om veve zel hi.

[6] NGAIH THEIH MI, MI THEISIAM, LUNGSIM PICING
Hih dan a zong tampi mah om hi. Kiteen ma a mi theisiam leh lungsim picing bang mahmahte zong zi/pasal hong neih khit uh ciangin thuakzawh loh a zong hong omthei mawk zel uh hi. Mihing bel lungsim leh omdan kikhekkhek ahih man in maban ding gen kholh haksa mahmah hi.

[7] A VIRGIN LAI MAH
Nungak/Tangval pawlkhat ut le dah a takhin sa mite in virgin mah ci-in zongse uh hi. Amau lah mi tampi tawh gamta khin ta, ahihhangin a koppih ding bel a virgin mah neih sawm veve. Nisim a limlang a i ki-et bang a eilehei ih nuntakzia ki-et zelzel ding ahi hi. Ei virgin lo in virgin vazon ding cih pen na haksapi khat ahi hi. Tua ciangin virgin cih tinten in virgin vanei kha ta mah leng a lungsim leh omdan a hoih tuan kei leh koppih hoih nei kha kihi tuanlo ding hi.

[8] NU-LE-PA DEIH SAK
Nu-le-pa thumangte'n nulehpa thu mang leng thupha kingah ci in, a it mahmah khat na ngawn kitui luang liang in nusia in nulepate deihsak mah tawh kiteng ning kiteng uh hi. Hih bangin nulepate deihsak tawh kitengte zong hunkhop khat mah kikhen om koikoi zel hi. Nu-le-pa deihsak a kitengte sang a phalloh pipi a a kiteng teiteite kuitung zawsop cih bang om zel hi. Nu-le-pa thumang hoih kei icih na hilo hi, ahihhangin zi/pasal neihna ah nu-le-pate in amau mawhpuakna tan thei uh hen la, ahilo ciang ah thu neih sawm zaw dah le uh tate ading hoih zaw kha ding hi.

[9] DAMTHEI, TAKSA HOIH
Pawlkhat ten koppih cidam mahmah zong uh hi. Cidam mahmah mihing kideihtek ding hi. Ahihhangin i theih ding a hoih in a cidamte koppih aneih khit nung ah ci damtheilo cih zong om tham zel uh a, nungak/tangval lai a cidam hetlo icihte zong koppih aneih uh ciang a dam mahmah cih zong hong om zel hi.

[10] PASIAN KIANG A THUNGEN IN AMAN ZONG
Hihdan pen mi tampi takte hih dan ahi hi. Zi/pasal ding pen Pasian kiang a ngen den in, ahih hang in Pasian in a piak ding pen ngak zolo, Pasian aw lah ngai tuan lo, Ei deihdan hoih ihsak dan, deih dan mah zong veve, Ei mit a hoih leh lungsim ngaihsut dan leh ei lungsim dan mah zong leh en veve...Pasian kiang ah ngen om ahihhang lah Pasian zong sak tuan lo. Hih bang mite'n koppih hoih nei kha tuan lo uh hi.
--------------------------
Hih atung a mi pawlkhatte zon dante pen ahoih kei ici kei a, hibang qualityte nei numei/pasal bel ahoihlua mahmah hi. Ahihhangin hihte koppih zon dingdan man leh ahoih na hilo hi.

Zi/pasal hampha ihih ut a, zi/pasal hoih ineih ut elh, Pasian hong piak pen mah ineih ut leh tua in zi hoih pasal hoih hong hi ding hi.

ZI/PASAL BEL MITSI KAWM A ZON DING HI

Pawlkhat ten mit hak kawm in zong kimu zolo a, mitsi kawm in i mu zo mahmah ding hiam ci uh hi.

Mitsi kawm a zon ding cih bel ‘Pasian kiang a nget ding’ cihna ahi hi. Zi/Pasal ding bel Pasian kiang a nget cihtak a nget ding ahi hi. Thumthum mai ding hi a, Neu tung a kipan ngetnget, thumthum ding mah ahi hi. Ei mit a hah sung teng Pasian hak theilo a, Pasian in zong theilo hi. En i mitsi leng Aman hong zonsak ding hi.

Pasian kiang ah i deihdan bel geen theih mah hi, ahizongin Pasian khut ah avek in ap khiat a, i mi deihdan, i hoih sak dan, leh ei ma lungsim…teng gen khiat a ‘Topa nang kei sang in na thei zaw hi, nang kei ading hoih nacih penpen tawh hong kiteng sak in cia, ih ap ngam a thu ih nget ding thupi hi. Pasian kiang ah ‘hong zonsak in’ cia i nget nungsang ei kitaklah a zonzon nawnloh ding thupi ding hi. Ahun cinciang in aman hong pia ding hi. Pasian hong piak ngak zawhloh man in neihloh ding pi kineikha thei hi cih phawk in.

Pawlkhat in ‘Bang cidan in Pasian hong piak pen ka theithei diam, ci uh hi. I nget Pasian khut sung ah ih ap taktak leh Pasian in hong piak hun a tun ciang in ahong piak pen theih theihna zong hong pia khawm hi. zi/pasal hoih ideih leh thu nget hahkat ding cihna hi mai hi. Zi/pasal ding Pasian kiang ana ngenngen a, Pasian piak pen mah tawh kitengte a kisik omlo uh hi. ‘Hua pen nei kha leng maw’ cia kisikna ding omlo ding hi. ‘Pasian in zaw ka zi/pasal kei ading hong koih sak pen mah aive maw’ cih lungsim ah kingaihsun in lungdamna in kidim zaw hi. Hi bang a Pasian gawmte innsung cidam a taten zong nuam sa uh hi.

KOPPIH NEI NAILO A SIMTE PASIAN KIANG AH KOPPIH DING TUNI A KIPAN NGET CIHTAK IN NGEN NI!

A SIM MIMAL KIM TOPA IN HONG GUALZAWH PIH TA HEN!

KIPUMKHATNA

UNITY KIPUMKHATNA
Khuasung, pawlpi sung, minam sung ah kipum khatna dingin amasa pen in Bang kisam hiam cih leh ki-itna kisam masa penpen hi.

Kipumkhatna hong piangsak ding pen Itna ahi hi.

ITNA nam nih om a itna Man le Itna zuau om hi. English in cileng Feeling of love leh Care of Love cih ding hi.

Ngahding le Kei cih lam pang tawh itna in kipumkhatna sang kikhenna piasak a,
Sepna, huhna leh khualna in kipumkhatna piang sak hi.

BANGTE IN KIPUMKHATNA PIANGSAK!
1. Itna man sepna tawh akizui itna in kipumkhatna pia sak.
2. Hun piak zawhna in kipum khatna piang sak hi.
3. Piakkhiatna in kipum khatna piangsak hi.
4. Eideih bangin midangte in deih ding cih tawh nuntakna..
5. Midangte khualna...
6. Midangte huaina...
7. Midangte kinna...
8.

BANGTE IN HONG KIPUM KHATSAK LO
1. Ei cihsang Kei, nang cih na mun ah...
2. Angsung ding bek khualna in...
3. Itna man neitein hunpia zo a, hun neita leh mipi a ding a hun apia zo lote pen itna man hilo in tua in...(makai pawlkhat)
4. Itna ih cihcih hang khat leh khat kihuh tuah noplohna in...
5. Makai nuam pongin mipite khuallo hun piakzawh lohna leh huh zawh lohna in mipi lungtang sat kham a tua in...
6. Khat leh khat kihuh sang kigensiatna in...
7. Huhding piak ding sang Ngahding lungtang in...
8.
9.

ITNA lo tawh kipum khat ding haksa mahmah a itna man nei peuh le hang, kigensiatna omlo, kikhualna , leh kideihsakna te in hong zui ahih man in kipum khatna hong piang sem2 hi.

NGAHDING itna ciang tawh nuntakna leh makaih nopna in mikhualna nei lo ahih manin akipumkhat sa nangawn khenkham thei hi.

aban hong zom dih vualeh!!!

Lungdam ~S. Khaute
feb 14 15

THUPIL PAWLKHAT BY: DAVID TUANG

Thucinh thutang(M)

Muhna kibang lo ahih manin i theihna zong kilamdang ding. Ki telsiam ding kisam.

Mite' hoihna tampitakte muhsak lo napi'n, ahoih lohna uh tawmkhatte lim muhsak mahmah se hi hang.

Mite in hong it thei-in hong mudah thei uh hi. Hi mah hi, ei tung panin itna i hawmkhia ding hi.

Midangte' hoihna leh midangte' siatna tungah pilna la-in, i nuntakna kilam phat ding kisam.

Mi cingtaak taktak i cihte pen kiniamkhiat in, lungsim siangtho anei mite hi gige uh.

Mite'n bel hong mawhsak sakin, hong nawlkhiinkhiin ding uh hi. Pasian in bel mawh pi mah dik hong tanghsak nuam ahih manin, "Ka ta aw hong ciah in," ci'n itna awnem tawh hong samsam lai.

Mittang a om manin khua akimu hi tuan kei. Mittang nei napi-in khua mulo mi tampitak om. I mittangte khua a musak thei khat om cih i phawk gige ding kisam.

Mong neilo itna tawh hong it i Pa Pasian khat bek om!

Mawtaw khat a pai theih nadingin a tuamtuam tampitak kigawm khawm cih i theih mah bangin, kipumkhatna om loin na lianpi i sep theihloh ding lamtak i phawk gige ding kisam den.

Mite' lakah gen ding leh gen loh ding thute i khen siam mahmah ding ki sam.

Meetna maan taktak i deih leh thuman thutak tawh gamtat kul.

Muhna bek tawh i nuntak/kalsuan ciang,lungkiat nading vive hi den, upna tawh i nuntak/kalsuan ciang, lungmuan nading vive hi den mawk.

Mi honpi' mai-ah a om bangin kingaihsun in gamtat kul a, a sem ding dang a om hetlo bangin nasep i hanciam kul hi.

Mawhna tampi i bawl kha mah ding hi, i kisikkik nak leh Topa'n hong nial tuan lo ding hi.

Mihaite kiliatsak theih zel mah ding uh hi. Mipilte zong kiniamkhiat nuam tuan lo uh hiven.

Mipil taktakte bel kiniamkhiat thei uh.

Mawhna a om mah bangin, mawhmaisakna leh mawhna panin suahtakna zong na om sam e.

Mawhna thaman in sihna hi, cih i thei hi. Jesu Khris umin sang leeng nuntak tawntungna kingah hi, cih i tel ding kisam hi.

Mawhna maisak dan i siam nai kei leh Khazih lungsim nei nailo cihna hi.

Muhna tawh nungta loin, upna tawh nungta ni.

Mikim in i neih ding a kisampen, JESU hi.

Khazih sungah, David Tuang