Sunday, August 22, 2021

ZOMITE DINMUN KI-ETPHAT HUAI

 

ZOMITE DINMMUN NIAM LUA MAHMAH LAI.


Leitungah Zomite sa'ng ahaizaw ih theih aomna? Aom leh pulak dihni ei.


Zomite pen Mite'n (Uncivilized) in ong ciamteh mawk uh hi. Mite ciapteh phamawh kei, ei dinmun tua mah na hi mawk in dah huai mahmah sa-ingh.


 Pilna thu donlo, khantohna thu donlo, kipumkhatna thu donlo, tuate sangin thupi ihsak zawkin bang hiam cih leh Zomi leh Zomi kitot ding ahanciamte, kitotna nuam asate ih hih sese pen a lungkham dinmun Zomite ahi hi. 


Adiakdiak in gamdang om Zomite suksia zawlai zen mawk uh hi. Kawlgam om Zomite kei (observe) na tungtawnin phadawm kasa kik bilbel zaw hi.


Online, Social Media ah Zomi le Zomi mah kikap, kivuiphan tangtang, bang hun ciang ih pil zen tam, banghun ciang khua ih phawk zen tam. Zomite mailam bel lungkham huai mahmah dinmun ah ki om lai hi.


Kitot nading hizaha deih, kitot nading hizaha zong lawmlawm cih pen, NulePa te'n tate thuhilh lo liang ihiam, Pasian thutawh kituakin pantah ngeilo liang ihiam, ahih kei leh ta te'n NulePa beek zahtaak lo ihiam, ahih kei leh ih lungsim ngaihsutna mahmah dawi, Satan in ong luah hiam.


Khamtheih, guihtheih, zatui, zatang zangkawmsa peuh a lai atat ihiam, bang hiliang hiam hizaha Zomite ong hai sak, ih pianna mahmah tualniam lua hiam, ihkhua muhna mahmah tualniam lua hiam Research bawlhuai mailo loding hiam.


Online, Social Media ah LAI ginalo ong kitawngsak thei ding aki post om leh Comment pia nuam Litdawk bang, phulum phul bang hizen sam aive, thusia ih deih dan, tua ahih manin, Zomite dinmun pen koiciang ah om hiam cihleh (THUSIA) tawh Zomite kituak bek hi ci-in kamu hi.


Mailamah Zomto Laini.


Na lungsim tawh atuah kei leh na kikhel pah in.

Lungdam. Zomi itna veina takpi tawh, Kiukhat pan

Khualpu Zomi.

Saturday, August 21, 2021

PASIAN KHALIM BEL NI


 SANGPENPA’ KHALIIM NUAI ( God’s Shadow )


Rev. Khuallam Cinmang


Late 91:1-2

1. Sangpenpa’ liahna sung, ( Sangpenpa’ khaliim nuai ) Vanglianpa’ liim sungah a om mi khempeuh in

2 Topa’ tungah, “Ka bukna le ka munkip muanhuai, ka muan ka Pasian na hi hi,” ci ding uh hi.


Liim ii a manphatna pen khualum gama teeng mite bek in thei ding uh hi. Khuavotna leh vuk tamna gama teng mite in phawkkha khollo ding uh hi. Nisa nuai ah nasemin ih gim ih tawl laitakin singlim nuai kilunggulh mahmah hi. Tua bangin ih gim ih tawl laitakin singliim nuai ah om le’ng ih tawl hong dam pah hi.


Tuni-in Pasian’ liim manphatna tamlo gen ni.  Musane vasa note a pi in an zong dingin a paikhiatsan ciangin ganhing vasa lauhuaite in a note ne dingin hong pai thei uh hi. Tua bang ciangin a note lau-in ham zaizai uh hi. A pi in hong zak ciangin thakhatin a note omna a bu ah hong delhin hong leng pah vingveng hi. 


A no a neek sawm ganhingte in musane a pi hong leng a muh uh ciangin taisan pah vingveng uh hi. Tua banga a note in a pi khazap liim a muh uh ciangin a lung uh muangin ham nawn loin daipah hiau uh hi. A note in a pi khaliim a muh uh ciangin a lung uh muang mahmah hi.


Tua mah bangin Pasian khaliim a muang miten bitna leh kha muanna ngah uh hi. 


1. PASIAN’ LIIM / LIAHNA NUAI AH BITNA OM HI: Late 57:1 .... Siatna huihpi a ven mateng na kha liimah kong bu ding hi.


Lai Siangtho sunga mi minthang tampite sung panin Pasian muangin, lunggulhin Pasian’ liim a bel den mi khat in David ahi hi. David pen kumpipa Saul in thah dingin delh thapai niloh hi. A hang pen David khial hetlo hinapi in haza lua mahmah ahih manin thah sawm den hi.  David galtai-in suanghawm sungah bu kawikawi hi. Kumpi Saul zong suanghawm sungah hong lut hi. David in thah theih nading hunlem ngah hi. Ahi zongin Pasian sathau nilh khat ahihna tawh bangmah cih loin khah hi. Nungtasak hi.


Pasian in lauhuaina leh siatna panin David kembit den hi. A kibukna suanghawm sungah ompih hi. Kem hi. 


Pasian liim nuai-ah bitna om hi. Pasian in David keem hi. David bangin lungduaitakin a hun a cin dong Pasian hotkhiat ding ngak zo le’ng hoih pen hi.


Late 17:8-9

8-9 Kei a hong sugawp migilo, kei a hong umcih

a kihtakhuai mahmah

ka galte kiang panin mitnauta bangin hong kem inla, na kha liimah hong seel in.


Hih LST mun pen David thungetna ahi hi. Pasian khaliim nuai mah belhtak sa hi. Belhtak sa ahih manin Pasian in zong sih nading panin tamveipi mah na keem pah hi. Na suaktasak hi.


Isaiah 25:4

Bang hang hiam cih leh nang pen mizawngte adingin munmuanhuai,

a cimawh mite adingin

a lungkhamna uhah munmuanhuai, huihpi panin bukna le nisa panin niliim na hi hi.


2. PASIAN’ LIIM / LIAHNA NUAI AH TAWLDAMNA OM HI: A beisa hunin Covid - 19 pulnatna hangin nuntakna haksat luat manin Malaysia ah Kawlgam mite mi bangzah hiam khat in amau-le-amau kithat SUICIDE bawl hi, cih kigen hi. India gam leh gam tuamtuam ah nuntak haksat luat manin a kigui-awk lum mi tampi om ta hi. Hih bang mite in Pasian khaliim nuai- ah na bu lo uh ahih manin tawldamna na ngah zo lo uh a, a nuntakna uh a bei lawh ahi hi.


Pasian’ liim beel ni. Pasian muang ni. Ih vangikte Ama’ khephung ah tunpih ni. Ama’n tawldamna hong pia dingin hong kamciamsa ahi hi.


Matthai 11:28

Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi.


Late 4:8

8 Nuamtakin lumin ka ihmu ta ding hi; bang hang hiam cih leh Topa aw, nangmah bek in lungmuanna munah na hong omsak hi.


Filippi 4:6 ah Paul in:

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Friday, August 13, 2021

NUPA NUAM SUAHNA 3


 #NUPA NUAM SUAHNA 3

Day 4 and 5

#KAMMAL HOIH ZANGIN

Midang khat tawh ihkiho ciangin kam hoih leh gamtat luhek in Lelhna leh gual zawhna khat zawzaw piangsak hi! Midangte in a hoih maw, a sia,, itna maw muhdahna cih nang lampang pan a paikhia tawh tel uh hi. 

#Kam  na pauma in ngaihsun masa in! Na koppih nalawm kiang ah na kampau dingpen hoih maw hoihlo cih ngaihsun masa in la pau phuatphuat kei in! Hih ka gantatdan pen ahi ding mah hiam hong ki-itsa ding hiam cih kidong masa den in! #Na kampau ding leh napau in na koppih na lawm nu/pa adingin hatlohna/hoihlohna panin a hoih lamin kikhelna apiangsak ding mah hiam ngaihsun in pau in! 

#Kagamtatna leh ka kampaunate ka koppih zi/pasal adibgin itna leh khualna kam leh gamtatna hong hisakin Topa aw ci-in thungen ni!


#NANGLENANG BUAINA KIPIA KEN!

Minih a kiten ciangin sikhat sakhat hi ci-in Laisiangtho in (Pian2:24) ah gen hi! #Na koppih na langpan ciangin nanglenang a kilangpan, a kinasak na hi hi. Na kithuahpih det na lawm pen na siatsak leh nanglenang a kisiasak na suak hi! 

#Akitawngtawng Inn sungpen kisia a Innkuan in nopsakna ding omlo in na khempeuh ah asum aguallelte uh ahi hi.

#Topa aw Keima inn keimah in ka suksiatlohba dingin hong huh in! Ka koppih ka itzawh nang hong huh in, ci-in Jesu Christ mintawh thungen in! Ka kitenpih ka lawmpen Nang kiangpan in hong huhding a nong piakin hong ngaihsunzo sak in!


Lungdam


Thudang2 nasim nop leh a nuai ah Home meklecin tampi om!

CANAAN NUPI NU UPNA


 Kanan Numei’ Upna

Matthai 15:21-28

By Rev. Khuallam Cinmang


Phawk ding thu: Hih numei in “ bangcia pha a upna “ cih Jesuh tungah a lahna tungtawnin a tanu in damna ngah hi. A ngetna kipia hi. Tua mah bangin ei Khristiante in zong thu ih nget ciangin upna lianpi tawh lungduaitakin tawpsan loin ngen teitei leng Pasian in tua ngetna hong pia ding ahi hi.


Hih a tangthu ih et ciangin Jesuh pen Tyre leh Sidon khuate ah a om laitak ahi hi. Hih khuate pen Israel mite tenna hi loin Gentail mite tenna khuate ahi hi. Tua bangin tua gam Jesuh in a nawk laitakin nupi khat nakpitakin hong kikoin, “ David suan Topa aw, kei hong hehpih in. Ka tanu dawi in nakpitakin bawlsia hi, “ ci hi.


Hih Gentile numei khat hi napi-in Jesuh pen “ TOPA” ci-in sam hi. “ TOPA aw” ci-in kikoin a sap hangin Gentile mi ahih manin Jesuh in tua nupinu na thudon khollo lel hi. Na awlmawh lo hi. Na limsak lo hi. A taktakin hih nupinu pen huhna a kisam lua ahi hi.  Dawi bawlsiatna hangin a tanu si dektak hi. Hehpihhuai mahmah hi. A huhhuai lua ahi hi. Ahi zongin Jesuh in tua nupinu huhngetna thudonsak lo hi. A kikona na kizakmawhbawl hi. 


Nang zong khatveivei hih nupinu tawh kibang na kisak hun a om hiam? Ngenngen tale cin, thumthum tale cin kilamdang lo na kisak hun a om hiam? Na lung a kiat dikdek hun a om hiam? Khatveivei na thungetna kilamdang lo lua sa nahih manin na Pasian biaktak loh na sak hun khawng a om ngei hiam?


Hih nupinu in a kikoko hangin Jesuh in a thudon mel loh ciangin nungzuite kiang lam ah kihei-in a hih thei tawpin ngen leuleu hi leh kilawm hi. Hih nupinu in nungzuite kiangah, “ Na siapa uh kiangah hong ngetsak, hong thumsak dih ve vua,” ci-in gengen kha hi ding hi. Bang hang hiam cih leh nungzuite in Jesuh kiangah, “ Hih nupi i nung zui-in kikoko ahih manin a ciah nadingin sawl in,” ci-in thum uh hi. Jesuh bek hi nawn loin nungzuite na ngawn in zong hih nupinu nawngkai sa lua ta uh hi. 


Nungzuite zong pen mi lungduai nam hi khol kei leh kilawm hi.  Khatvei nute in a tate uh Jesuh in thupha a piak nadingin hong paipih uh ciangin nungzuite in nawngkaisa-in na hang gawp ngei uh hi. Na hawlkhia ngei uh hi. Tu-in zong hih Kanan nupinu pen nungzuite in nawngkai a sa luata uh ahi hi. Tua manin Jesuh kiangah, “ Hih nupinu ih nung ah kikoko ahih manin sawlkhia in,” ci uh hi. 


Mihingte in ih zaknop loh, ih deih loh kammal lianpenpente lakah khat in ‘ ki-aituambawlna ( favouritism ), kikhentuamna ( groupism ), kiguptuamna kammalte’ ahi hi. No pawl, ko pawl cih kammal ahi hi. Jesuh in hih nupi tungah, “ Tuu bangin a mangthang Israel mite lak bekah kei hong kisawl hi. Tate’ annek ding laksakin ui khawite piak ding kilawm lo hi,” ci-in na gen hi. Hih kammalte pen khauh mahmah mawk hi. Kikhen tuamna leh ki-aituambawlna ( favouritism ) kammal ahi hi. Jesuh in mun khat ah hih ki-aituambawlna tawh kisai-in a genna khat om lai hi. Matthai 10:5-6 ah 5 Jesuh in hih mi sawm le nihte sawl a, “Gentail mite gam sung ahi a, Samaria mite khua sungah ahi zongin lut kei un. 6 Tuu bangin a mangthang Israel mite lakah va paizaw un, ci-in na gen hi.


Hih nupinu in lungkia loin kikoin a nget tantanna pan dawnna a ngah masak kammal in “ Tuu bangin a mangthang Israel mite lak bekah kei hong kisawl hi,” cih ahi hi. Ahi zongin tua nupi hong pai-in Jesuh’ mai-ah khukdin a, “Topa aw, kei hong huh in,” ci-in ngenkik leuleu hi. A nihveina dawnna a ngah in, “ Tate’ annek ding laksakin ui khawite piak ding kilawm lo hi, cih hi leuleu a, Jesuh dawnkikna kammalte khauh semsem hi. Lungkiathuai mahmah semsem hi. Lawp-huai lo semsem hi. Ahi zongin hih nupinu lungkia vet nai loin, “ Hi mah hi, Topa aw; a topa sabuai tung panin a kia annengte, ui khawite in zong ne buang hi lo ahi hiam?” ci-in a thumveina dingin ngen leuleu hi. Hih a thumveina a nget kammal in Jesuh lungtang sukha hi. Dengkha hi. Bunsuk hi. Jesuh in lamdangsa hi. Hih a thumvei ngetna kammal in a tanu tungah damna piangsak hi. Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin dampah hi.


Hih nupi tung panin sin ding thu tampitak om hi. Hih nupi pen:

1. Lungkia lo

2. Lungduai

3. Kiniamkhiat

4. A upna khiam lo ( lungkiatna ding gensiatna leh kampaunate a om hangin a upna khiam lo hi. 

5. Citak hi.

Jesuh in a cillam / a bullamin hih Kanan nupi’ kikona / a huhngetna kizakmawhbawlin a thudon loh hangin a tawpna ah “ NUMEI AW NA UPNA LIAN TAKTAK HI” ci hi. Jesuh in “ UPNA LIANPI A NEI NUPI “ in mipi mai ah ciaptehna na pia hi. Amen.

Thursday, August 12, 2021

NUPA NUAM SUAHNA 1


#NUPA NUAM SUAHNA, BETTER MARRIAGE 1

Day 1: Ka Zi Ka Pasal pen kicinglo mihing keimah a bang hi cih phawkin, Complaint siamlohna, Hoihlohna hawmthawhna kigensangin ikisawl gaga sangin, Kihuhding, kitheihsiam ding leh itna neih ding (kihuhding) thupi ngaihsut ding hizaw hi!


Thu tuamtuam leh Kawlgam News Simnuamte in a nuai ah khinsuk lecin Home om tuak mek in sim nopnop kisim thei hi. 



 

NUPA NUAM SUAHNA 2



  #NUPA NUAM SUAHNA DING

Day2 an 3

Day2: Ih hehtakcianin or theihkhial khat peuh ih kineih ciangin thuneihna tawh kihawl kisawllo in Itna leh deihsakna tawh kigen kimakaih ding hizaw hi! 

#Na lawm a kikhelna dingin thagum, sawlna sangin itna leh khualna tawh gen hilh lecin hong kikhelzaw ding hi! Na lawm akikhelna ding hoihna dingin itna tawh sepsak bawlsak panpih lecin kikhelbaih zaw ding hi! 


#Day3: Nanglenang na kitheih taktak ahih leh Na lawm in ahih khialhnate huhsangsik in na mawhsaksak lam na kimu ding hi! Ih Innkuanpihte sang midangte na huhzawk lam hun tamzaw hi cih, khat veivei na kimuthei ding hi. 

#Ei_innkuanpihte mah hunlakpih zaw in ih itpen koppih lawmmah tawh huntamla in ikihuhtuak ding kisam zaw hi!

#Pastor tampite zong hih thang ah awk tam hi. Midangte na buaipih bangin, a Innkuanpihte abuaipih mah hiam lungngaih huai hi! #Mi pawlkhatte in kazi in Laisiangtho theilo ci-in hawmthawhna pauthei, atuamtuam! Atheihna dingin Hunla in na hilh hiam cih dong nuam ing?

#Topa aw kakoppih ka hawmthawh sangin hilhin panpih zaw ning ci in thungen ni!


Lai tuamtuam a simnuamte in a nuai ah khinsuk lecin Home om tua mek in


Thursday, August 5, 2021

ZBCA PANMUN THAKTE LEH THUKHENSATTE

  A(8)VEINA ZBCA KHAWMPI PAN THUTHAK TANGKONA:

THU KHATNA:
-------------
Panmun Thak te pulaakna:
2021-2023. - Kum 2 sung .
OB ding teng :
1- President- Rev. Dr. Tun Cin Kap ( Pensacola)
2 - Vice President- Rev. Dr. Pau Khan Khai( Louisville)
3- General Secretary- Rev. Pau Khan Lian ( Nashville)
4- Associate General Secretary- Rev. Ngo Suan Thang (Tulsa)
5- Treasurer 1 - Rev. Lian Za Huam(Dallas)
6- Treasurer 2 - Rev. Tual Khaw Mang (Denver)
7- Accountant - Rev. Muana Khuptong (Portland)
8-Member - Rev. Dongh Suan Pau (Seatttle)
9- Member - Rev. Zam Suan Mung (Bowling Green)
——
ZCTS Incharge Director- Rev. Dr. Go Van Mung (Pensacola)
——
Women Department:
1- President- Rev. Niang Go Man (Louisville)
2- Vice President- Rev . Niang Lun Cing (San Antonio)
3- Secretary- Rev. Man Deih Cing (Nashville)
4- Assistant Secy - Rev. Nian Khaw Dim(Austin)
5- Treasurer - Pastor Cing Lun Ciin (Lancester)
—
Youth Department:
1-President-Rev. Kaang Pau (Grand Rapids)
2- Vice President- Rev. Pau Sian Lal(Owensboro)
3- Secretary- Rev. Thang Khan Sang (Columbus)
4- Assistant Secy - Rev. Thang Van Lian (Atlanta)
5- Treasurer - Rev. Thiam Lian Sang (Tulsa)
—
Music Committee:
1-Rev. Lian Deih Mung - Leader(Battle Creek)
2 - Rev. Langh Sian Mung (Houston)
3-Sia Thawng Khat Suan (Tulsa)
4- Pa Khen Sian Khual (Seattle)
5- Pa Gin Sawm Lian (Pensacola)
6- Lia . Don San Nuam (Indianapolis)
—-
Media Committee:
1-Tg. David Kham - Leader(Tulsa)
2- Tg. Kham Zai (Pensacola)
3- Tg. Tuangbawi.(Louisville)
—-
THUNIHNA:
------------
1. Pawlpi Thak 4 kisang hi.
2. Pastor Thak mi 16 kisang hi.
3. Ordination mi 12 tungah kipia Thak hi.
THUTHUMNA:
--------------
Biakinn lamkhopna nikhat tha ciat kuanna danin kikaikhawm a, tutungin $81,000 pen ZLCC Atlanta-te tungah kipiÄ… hi.
THU LINA:
----------
ZBCA in ZCLS tawh kizopna neihdingin khentat hi. Pasian leh Zomi-te adingin Pasian Kammal tawh nasepna phualpi ahihi.
THU NGANA:
-------------
Zogam leh Zomi bup ah Siampiza angah masa pen Rev. Vialnang phawkna Jubilee Building adingin $10,000 piakdingin kikhentat hi.
THU GUKNA:
-------------
Zomibup Pasian nasemte meigong khempeuh abeisa in itna lahna dingin sazian kikaikhawm a, mimal 111 pha hi, tuteng natna hangin hong nusiate zong sazian lakvet dingin geelna kindi a, Oct 1,2021 ni-in a omzahzah pen $ 100 ta piakdingin kigeel hi.
THU SAGIHNA:
--------------
ZBCA kipawlna Contribution pen 7% pan 5% ah Local pawlpi ngaihsutna tawh kikhiam hi.
THU GIATNA:
------------
1. Women Sunday ni in aki ngah sumpite Womente budget dingin kikaikhawm ding hi. Conference zong omding hi.
2. Youth Sunday ni in akingah sumpite Youthte budget dingin kikaikhawm ding hi. Conference zong omding hi.
THU KUANA:
-------------
Zomite makaipi Pu Cin Sian Thang in khawmpi hunsungin hong nusia ahih manin dahpihna in $500 piakdingin kägel hi.
THU SAWMNA:
---------------
ZOMI OXYGEN PLANT Project tawh kisai in nisim in kipia khia ziahziah a, tuciang $270,000 val kingahta hi. Kalay Center leh Tonzang Center ah kikoih ding hi.
THU SAWM LEH KHATNA:
--------------------------
Maikum ZBCA Tin Jubilee pen AMC , Nashville kibawldinga, akhatveina ZCTS Sangpi graduation service kibawldinga, tuahun ah Service tungtawn in piaktheih dingte ahi- Honorary Doctorate Degree anuaia ZBCA Makaipi te tungah kipia ding hi.
1. Rev.Dr. Tun Cin Kap.
2. Rev. Pau Khan Lian.
3. Rev. Dr. Pau Khan Khai.
4. Rev. Tual Khaw Mang.
5. Rev. Ngo Suan Thang .
LUNGDAMNA LAMDANG KHAT:
-------------------------------
Tutung khawmpi thulu pen hong khangtosak Pasian ahihi, Khawmpi sungin nausuak thak khat hong om in Amin pen : Zechariah Cing Muan Lian hihi- Atlanta khuapi pan hongpai pawisimte songpan ahihi.
Tutungin Innteek ZBC, Portland Pawlpi in puan silhkhat tek leh ballpen khat tek hongpia uh a lungdam mahmah ciat hi.
ZIN PHAZAH:
-------------
mi-700 pha hi.
ANKUANG LUIPIHNA:
--------------------
Saturday nitak an pen Rev. Dr. Kam Khaw Thang tapa Pa Khup te innkuan in apa a itna leh phawkna tungtawn in Zin khempeuh anlim mahmah $ 10000 val bei in hong vaak uh hi.
KIDEMNA :
-----------
Tutung in Laisiangtho kidemna, mi li la kidemna leh Choir kidemna om a ngahdan uh Youth lamten a detail in hong zasak ding uh hi.
MEDIA VAI :
-----------
Tutungin Media vanzat khempeuh adiakin EZBC, Tulsa pawlpi in phaltakin hongzangsak uh a, media makai Tg. Khampu tawh hong kuansak pah uh ahihmanin lungdamna lian mahmah hi.
ANKUANG UMPIHNA TUAMTUAMTE:
--------------------------------------
Spoken Khuapi pan Zomi Pawlpite ahizongin, innteek RC Pawlpi pan ahizongin Ankuang luina ah huhciat uh a lungkim huai mahmah hi.
TAWPNA THU PULAAKNA:
-------------------------
Tutungin Pasian ompihna lamdang takin kimu ciat hi. Worship night nitak bang khangnote khawl theilo dekliangin Topa minphat khawm ziahziah uha, lungkim huai mahmah hi.
Atunga thuteng pen athupi mahmah deuhteng hong tangko pak kahihi.
Lungdamna Lianpi tawh,
Rev.Dr. Pau Khan Khai
General Secretary
ZBCA
Augt 3,2021.