USA OM ZOMI NUNTAKDAN THEIH HUAITE

USA OM ZOMI NUNTAKDAN THEIH HUAITE
~~~~~~~~~~~~$$$~~~~~~~~~~~~
USA ah Zomite tul10 bangzah hiam khat ki-omta in Pasian huhna tawh zong nuam kisa tek in lam en ding, USA om cihtak ciangin khualzin pak, sum thalawh a Mizo ram zin a kizin pak hi nawnlo in atamzaw lungsim pen tengsuak omsuak ding a kipai, ki-om cileng kikhial lo kha dingin lam en ing.

Tua bangin nuntakna sung ah akibing phut pilna, siamna nei kitawm mahmah in nisim nuntakna ding company leh An neksai tuamtuam ah haksa pipi mahin Akpi leiphiat danin sum kizong ciat hi. Tu zawh kum 10-20 sungin tate hong khangto in nuntakna hong kilam dang ding ahih kei buang leh tulaitak nuntak dan pen asen niampen a kinungta hiphot lai hi. Khuapi nuntak ih cihpen AK dan lian in tuni ading tuni a lei kiphiat a muh tawm kine ahi hi.

Tua bangin ih nuntak kawmkal ah Kawlgam or Zogam lam a om tanau, Nulepa Ulenaute in hong na lamen mahmah in ih nitha or naitha hong natuat saksak in ih panpih zawh lohteh nakha sia thei lian uh cihpen kizamun mahmah ta hi. Bangbang hita leh hih laitung tawnin middle alaihawl pawlin USA a om Zomite nuntakzia, sum muhzia leh apusuahna athei nuamte adingin a detail or tiseih, anengtawng pian in hong gelh ing, thu kizakna tuamtuam ah na suaksak le uh teh hoih mahmah veve dingin zong lamen hang!

USA naitha atawmpen pek 8 hi in, tulaitak in Zomite in alaihawl normal in 10-14 naitha in atamzaw in kisem hi. Alai hawl dingin $12 in tuat ni.

Inn lamte hong tuatsak dan:
--------------------------------------
Nai tha $12
Nikhat nai sepzah nai 8 sung, Nikhat $96 ngah.
Kha khatteh ni 30 tawh khangsak leng =2880 khakhat khasum cihdan in hong tuatsak uh hi. Sum lutteng pen ei zekvek danin hong tuatsak uh a, Inn lam ate akikhak or kholh zawh lohteh lawmlawm cithei uh hi. Azekna ding hong ngaihsut sak lo uh a, ei khutsung hong tunma a Kumpi in bang zahla cih hong theih pih loh lai uh hi.

USA a omte Sum lutna leh Sum zekdan:
--------------------------------------------------------
Ataktak in USA a omte Pilna leh siamna tawh na kisem zolo phot tadih ahih manin khasum niampen tawh na akisem hi phot hi. Naitha pen $12 bang alai hawl hi leh nikhat in nai 8 kisem in Kalkhat in nai 40 bek kisem thei hi.

Company atamzaw leh Sai tuam2 atamzaw te in nai 40 valpen hong semsak nuam lo hi. Bang hang? Nai 40 acin khitteh overtime ci-in Naitha azahnih in pianuam lo hi. Tua ahih manin naitha atam phial zongin nai 40 kalkhat in aval ding haksa mahmah hi. Tua manin Kal khatin ni 6 na kisem lo a, ni 5 bek kisem hi. Kha khat ah Kal 4 kisem hi.
Naitha $12 x 8=96.
Nikhat tha $96 x 5=$480 kalkhat sum thalawh
Kalkhat sum $480 x 4=1920$ khakhat in kingah hi.
1920 pen alaihawlte sum muhzah hi a, tua teng koidan in kizek a, ei khut hong tunma in bang zah KUMPI in la hiam cih teng anuai ah gelh suk ni.

KHA SUM IH SANMA-IN KUMPI TE TUNG AH SIAH (TAXES) KIPIA
A TUATE IN:
============================================
1. Kumpi siah(Federal tax).
2. Pyney(State) siah (State Tax). 

3. Pension sum (social security).
4. State Medical (Pyney cidamna lam)
5. Health Insurance (Personal alak loh phamawh thu, zi neite in zi ading zong)
6. 401k. (Ei leh ei a pension ding sumkholna hi.)
-------
7. Inn man or innsap man
8. Tui man, ninpaih man, Kuangsawpna or dailenbuk tuinin paih man
9. Mei (electric)man, Gas (an huanna Gas) man
10. Internet man, ( USA ahih manin Net lo tawh vai kihawm theilo)
11. Phone zatman ( Asian dan a deih dandan a kilei lo khakhat ading pia khol)
12. Motor man, ( motor leite in Bank ah sumleitawi pia kik den)
_________________++______++___________________

Hih teng pen pello a Piak akulden thu ahih manin tuateng tawm a kicing deuhin hong pulak suk nuam ing.
=>=>
1. Kumpi siah pen khasum $1920 panin single ahih leh 40-50, family 0-30 ciang, ei kiang hong tunma akidoksa hi pah hi.
2. State tax pen, single ahih leh 20-30, family 10-30 kal hiham tang utloh hithei lo.
3. Social Security pen single 50-70, innkuan zong kibang lel, Kumpite in hong kholsak ngiat kum 62 cinteh kipension theita. Ataktak in kum 61.9 kha in amasapen kila thei ta. Kum 65 a late sangin ngah tawm zaw.
4. State medical or care pen 10-20 kal laham tang,

@Note: Hih number 4na ciang pen utin ut kei leng ih Bank ah sum hong lutma alak uh ahi hi. Hih atung ateng pen Kha khat in 2veita la uh hi.
~~~~~~~~~
5. Health Insurance Cidamna Zato kilahna ding tawh kisai in Zogamte danin ei leh ei a, sum kipia zolo ahih manin hih pen akima lak kholh ahi hi. Ta neute pen kumpi in pia a, agolsate pen ei leh ei in kidal kholhna danin kileimasa hi. Ih ci anat leh tua Insurance te in hong bawl ding a, anat kei leh amau asum ngah suak hi. Zato kilak man khuh or naasi kivel sak maimai pen $100-200 kal bei hamtang hi. tuadan kipia zolo ahih manin Insurance kilei hamtang hi.
Tua akilei danpen Khamtheih akici amuam atep, azang cih limlim pen, atep, amuam, adawnlote sangin azahnih in tam piazaw uh hi.

Kei bang mah zang lo pen khakhatin $83 hong la uh a, za, khaini, zu cih azangte azah 2 la hipah hi. (kumpi sawlna bel hilo a cidamden ning cih leh lakloh theih hi.) kuaman lalo in ki-om ngamlo hi.

6. 401k pen khol nop leh ei thu kholnop kei leh ei thu hi a, khasum vekpi panin 0%-25% ciang kikhol thei a, company in azah khat in hong behlapsak hi. sum cinglote in kikholzo tuanlo hi. kum 55-59.5 ah kilathei a 10% tax piak kul, 59.5 pan tax piak kullo.

7. Inn tawh kisai pen lupna khan nih sap leng 600-750 dollar hi a, Inn late in atawmpen in 700-1200 ciang pia uh hi. lupna 1te 400 -550 dollar tawh sap uh hi.(state zui in tamzaw lai hi)

8. Tui leikul, ninpaih man, tuinin paihna40-60 dollar kim bei hi. zatdan in sai.

9. Mei zatna tawh kisai in 30-100 dollar bei a zatdan in sai hi.

10. Phone pen 40-70 ciang bei hamtang hi.

11. Internet pen IT gam ahih manin inn khat ah khat lak loh phamawh a, 30-50 dollar kim hi.

12. Motor pen neihloh phamawh khe a kizang ahih manin, a thak late in $300-600 ciang kha khat in tung a Car Insurance tuahsia kha leng kibawl zolo ding ahih manin tuahsiat ding launa tawh kilei khol a, 80-130 ciang tung thei hi.

Hihdan ahih manin na tuat le uh ci, alo theilo deuh teng a kong gelh hi a, van lei nang, nek leh dawn, dailen buk a zatding laidal leina akipan tate zundalna, ekdalna cihte akipan na ngaihsut pih le uh cin abaih lo acing ngeilo hi mai a, mi atamzawte in BANK te in Card tawh Leitawi 1000-10000 Dollar hong koihsak in tuate kibatzat in, kiloh zel a amet pen 15% ahih manin kitamzat ngamlo ahih hangin mikiang leitawi sang ci-in kizang zel in kiloh khop mahmah hi.

Abat tawh nuntakna gam ahih manin bangbang hi leh USA omte haksatna athei mel lo aphun2 aciat2 mitampi om theih ahih teh hihteng na simun la, khuata khuaneu ate in zong asim theihna dingin Thukizaknate ah na suahsak lel le uh cinzong, hoih ding hi. Tua hi leh Unau, Pata, Nuta kitel khialna phatuam ding hi cih, thutampi kazak khit teh Zomi pih asanggam atate USA a om aneite theih dingin manpha ding hi cih ka lungsung ah om ahih manin hih teng sauta leh hong suak sak hing.

Note: pension tawh kisai pen kum 62 cinma USA tung a nasem lote in Pension sanding omlo hi! Kum 62-65 cingsa tungte bel kumpi in hong piaksak uh hi!

Tax return cihthu kithei nuam!
~~~~~~~~~~~~~~~~~~~~
Hihpen Kumpite tungpan kumkhat sung Tax Siah ihpiak na panin kumpite in hong piak kik ahi hi.

1. single te in kum1 sum ngah vekpi gawm tul20-30 aval leh liau zaw uh a kumpi pan mulo uh hi. 20 nuam lamahih leh kumpi pan $500-2000 ciang ngahkik thei!

2. Family Innkuan tawh kisai in naupangte kumpi pan tul 1 ta hong piaksak in, sum lut tul15-35 ciang alutte in tul5-9 ciang sang thei uh hi (naupang phazah insai), Sumlut 35-40 valte lamet tawm a liauzaw thei uh hi! Innkuan phazah leh kum1 Sum lutzahin sai mah2 hi! Tul5-9 angahte zong khasum tamlo ahih manin kicinglo a, Kum 1 sung Bankte batpiak Card kizang sa lohna in beizel thei hi.

Note: Hih tawh kisai-in ken Haksatna Ka neih manin a gelh kahi kei a mi tampite haksatna katheih manin agelh ka hi hi.

Hihbang pipi a Innkuante Nulepa sanggam a pia zo tantante thupi sa ing! Apia zote thupha Sang Ding hi a hihkan a na lianpi sep om tuan lo hi.

Innlam ate in Na Innkuanpihte gamdang ah a om zen2 leh na theihsiam Ding deihna hi a, Gamdang a omte in en kei un cihna hilo hi’.

Gamdang om Natate nupa or Sanggamte nupa zong khualzel un, no hang peuhin kitawng2 sak kei un cihkhat bang khat!!!

Lungdam
Siam Khaute
Oct 16,16

GAM VAI LEH BIAKNA VAI KHENZIA

Tuhun teh Zomi te'n Gamvai leh Biakna vai lumletkha pahpah ih hih man in ih minam sungah buaina tampi om hi. Tua ahih man in Gamvai leh Biakna vai khenzia ding tawm lungngai khawm leng hoih ding hi. Hih munah Gamvai kacih ciang in kawlpau in Naingnganyee, mikang pau in Politics akici pen hi. Biakna vai kacih ciang in Christian (tapidaw) Biakna bek ahi hi. Biakna dangte tawh kisailo hi.

- Gamvai ih cih pen leitung leinuai aa akimu thei (visible) khempeuh ahi hi. Biakna vai bel akimu theilo (invisible) khempeuh hi.

-Gamvai pen gam thukhun (constitution) tungtawn in ki vaihawm aa Biakna vai zong biakna thukhun ahi Laisiangtho tungtawn in ki vaihawm hi.

- Gam thukhunte pen mihing te' bawl hi aa leitung aa gam thukhun a upa penpen USA te' thukhun ahi hi. Tu kum 2016 kum September kha in kum 229 pha ta hi. A upapen nihna 1814 kum aa kibawl Norway ta hi aa athumna pen 1831 kum aa kibawl Belgium ta hi.

- Biakna thukhun (LST) bel kum 1500 val sung phial mi tuamtuam 40 kiim bang in agelh hi aa agelh khit zawh uh kum 2000 bang phata hi.

- Gam thukhun in gam khat sung aa akimu thei teng bek huam aa biakna thukhun in leitung leh vantung aa akimuthei leh akimu theilo khempeuh avek in huam hi.

- Gam thukhun pen adiak in mihingte' zuihding aa kibawl hi aa biakna thukhun pen mihing, akimu thei akimu theilo na khempeuhte leh Pasian mahmah in azuih ding aa abawl ahi hi.

- Gam thukhun pen agam mite in adeih kei nak leh kilaih thei aa biakna thukhun pen leitung mihing khempeuh in adeih kei phial zong in kilaih thei tuanlo ding hi.

- Gam thukhun khatpeuh ih palsat hang in mi khat teiiteii in hong muh hong theihpih khak kei leh mawhna omlo in kisim hi. Biakna thukhun bel kua mah in hong theihpih khak sese loh hang in ih  palsat nak leh akimawh hipah hi.

- Gam thukhun azuite bang mah kicih lo aa biakna thukhun azuite'n hamphatna leh pahtawina tampi ngah hi.

- Gam thukhun in mawh hi hong cih nak leh thuum theih om nawnlo aa mawhna thaman thuak loh phamawh hi. Biakna thukhun in mawh hi hong cih hang mawhna thaman thuakloh theihna lampi om hi.

- Gamvai ah thukhun zui in gam-uk ding kilaih zel aa biakna vai ah bel a Ukpa kilaih ngeilo hi.

- Gamvai ah atungnung ding kituh kul aa biakna vai ah anuainung ding kituh kul hi.

- Biakna vai ah Zeisu theih bek tawh pianglo aa neih zong kul hi. Gamthu ah bel suahphet aa neihsa hizaw aa theih loh phamawh hi. Ih theih kei leh gamvai kisem theilo hi.

- Gamvai ah theihna tawh kikal suan. Biakna vai ah neihna tawh ki kalsuan.

- Gamvai ah mipite' deihna zuih kul aa biakna vai ah Pasian' deihna zuih kul hi.

- Gamvai in biakna vai tung ah thuneihna nei zolo hi. Gtn in leitungbup aa kumpi teng kikai khawm in "Tukum guah zusak lo ding; huihnung sak lo ding; misi sak lo ding" cih bang khen tat theih omlo hi. Ahih hang in biankna vai Ukpa' khentatna khempeuh gamvai in azuih loh pha mawh vetse hi. Gamvai tung ah biakna vai in khupnelh hi.

- Gamvai pen akimu thei teng bek ahih man in tuaval bangmah kantan zolo hi. Biakna vai bel akimu theilo teng ahih man in akimu thei te'n khaktan theilo hi.

- Gamvai in gamgi nei aa biakna vai pen tua gamgi te'n khaktan theilo hi.

- Gamvai tawh akilam mihingte' nuntak khuasakna sung ah biakna in na asep theihna ding in gamvai in kong hong leh hoihpen hi.

- Gamvaite gamvai zia leh tong tawh kituak in vaihawm ding hi aa biakna vai zong Ukpa' zia leh tong zuih ding ahi hi.

- Gamvai tawh kisai kipawlna khatpeuh phuat ding ciang in mihingte' gelsiamna leh ngaihsut siamna ahoih pente gawmkhawm aa phuat ding ahi hi. Biakna vai bel a Ukpa' cih bangbang manh ding hilel hi.

- Biakna pawlpi khawng gamvai dan aa mihingte' hoihsak thu tawh phuat ziauziau ding hilo aa a Ukpa dot phot ding ahi hi. Pasian' thukim pihna omlo pi aa pawlpi khawng mawk phuat ziauziau ding hilo hi.

- Gamvai pen pilna siamna tawh deihtak kidemh ding hi aa biakna vai ah bel itna masuan in kiniam khiat tak in mi khempeuh tawh kiho theih kul hi. Biakna vai ah gal omlo hi.

- Gamvai ah angal hat tata, mitam aukzo tata gualzo in ki ngaihsun aa biakna vai ah akiniam khiat tata, mitam ahuhzo tata gualzo in ki ngaihsun hi.

- Gamvai ah ei mahmah in ihsep kul aa biakna vai ah Ukpa' sepsa upna muanna tawh zuih hiathiat ding ahi hi.

- Gamvai ah gam khat luahna ding in khua-ul sisan tawh lei kul aa biakna vai ah bel tawntung gam luahtheihna ding in Zeisu in abuak khiat a khua-ul a sisan te tung ah upna muanna tawh kingak hithiat ding hilel hi.

- Gamvai ah thuneite vahuh in va panpih leng pahtawina kingah aa biakna vai ah bel Ukpa ihva huh kul sese lo hi.

- Gamvai ah uliante tawh kimuh khak ding hamsa mahmah aa biakna vai ah bel ut hunhun in Alianpen Pa kihopih thei ziauziau hi.

- Gamvai ah pilna, siamna, hauhna, cidamna leh hanciamna te thupi mahmah aa biakna vai ah bel Ukpa in akicing in aneihsa hi aa tuate khempeuh ih nuntakna ah hong luankhiat theihna ding in Ama' zia leh tongte zui in amah tawh kikholh det kul hi.

- Gamvai khempeuh mihingte' khutsung ah Pasian in a apsa hi aa biakna vai khempeuh Pasian in atawntung in len gige hi. Gamvai ah thuneihna Pasian in mihing' tungah apiaksa ahi hi.

- Biakna vai pen vantung pan kivaihawm aa gamvai pen leitung pan kivaihawm hi.

- Gamvai ah gualzawhna leh lawhcinna pen akimutheite tawh kiteh aa biakna vai ah bel akimu theilote tawh kiteh zaw hi.

- Pasian a umte in "Vantung ah na deihna akicin mah bangin leitungah kicingta hen" a cih theih ding kisamh hi.

Gamvai leh biakna vai pen kibangh hetlo napi kizom gige hi. Kawlgam bang ah gamvai hong kihon teh biakna vai nasepna zong nakpi in mazang pah hi. Zomi te'n biakna leh gamvai helzau nawnlo in ama' zia leh tong tek tawh kalsuan thei hile hang ih minam hong cidam mahmah pah ding hi. Gamvai nasem te'n gam thukhunte hoihtak theih kul aa pilna siamna tawh kop akul mah bang in biakna nasem te'n zong biakna thukhun ahi Lai Siangtho sung ah nakpi tak in kibual in Pasian tawh hoihtak kilawm tatna nei in Pasian' zia leh tong zui in a kalsuan theih ding uh kisamh mahmah hi.
   

Tua ahih manin, tu aa kipan gamvai leh biakna vai te ama' zia leh tong tawh kituak in sem setset leng Zomite ih nahlawh hong pek ding aa mite' mai leh Pasian' maipha ngah ding ih hih man in minam lian khat manlang tak in ih suak ding hi. Hih lai nasim kawmkawm in Pasian' Khasiangtho in hong lawng in athuthuukte hong hilh ngiatna ding in thu ka ngen hi. Amen !

By: Mung Laan Thang
Tawmvei USA

Posted:  Tongsan Media Group

ICELAND KUMPI $5000 PIA DING HEEEEE

Due To Insufficient Men, Iceland Will Pay $5,000 Per Month To Immigrants Who Marry Icelandic Women!

http://www.snopes.com/iceland-pays-immigrants-to-marry-icelandic-women/#

Pasal Akicin loh manin Icelandic Nungak aten pih peuh mah Iceland Gamin Kha1 in $5,000 ta pia ding hi.

from: 15 . 09 . 16

Iceland gam ngeina leh tatdan tawh angaihsut huai thu in, miphazah Kumpi in a ettakciangin Pasal sangin numei tamzaw thamtham ahih manin Iceland Kumpite in athu khensatna vuah Icelandic or Iceland Numei aten pihte Khakhat in $5000 ta pia in amaute pen North Africa’s mipi in kikoih ding hi ci hi.

ZOmi tangte ih lunglut hiam heee,

Breaking news about Iceland country incredible but true if you are interested read the full story Iceland team was able to achieve an unprecedented achievement in the European after sending England packing Iceland will hope to spring an even more dramatic surprise on one of Europe’s footballing superpowers in the quarter finals as they take on hosts France.

Thanks to this win, Iceland became a place of world attention and deliberated some news sites a number of amusing news related to this
As the number of population of the country and its customs and traditions Perhaps the most prominent of our attention the story that it’s because of the high proportion of females than males have resorted government of that country to the solution is to grant $5,000 per month per immigrant marries Icelandic, and that the priority in this resolution will go to North Africa’s population.

http://sundayadelajablog.com/due-insufficient-men-iceland-will-pay-5000-per-month-immigrants-marry-icelandic-women/

CIDAM NA DING ZUIHHUAI PAWLKHAT

CIDAM NADING ZUIHHUAI PAWLKHAT

By: Niang Hen Cing

1.      Gilmek ahoihna

Huih tamin sung apuak leh gil mek lehang pumpi sunga ahoihlo, asiangtho lo khempeuh tawmsak hi.

2.      Bang hunah singgah ne ding?

Zingsang nathawh ciangin tui haikhat dawn inla, singgah ne-in. Tua hun pen singgah nek hun dinga ahoih pen hun hi. Annek kik cianga singgah nek pen gilpi in gawikhin zolo ahih manin asunga thazate hupkhin zolo hi.

3.      Siktha (Iron) sitzel ding kisam

Khuak nasep hoih tak asepzawhna dingin Siktha(Iron) kisam hi. Pumpi ah siktha tawm leh thu ciaptehtheina kiamsak hi.

4.      Ha hengin anat ciang

Lung nekin Ha hengin Hani bawkin anat leh Sing(ginger) phokeu in gawivui in tua nuh leng hoih hi. Tua Sing in alungnote sisakin Hani bawk zong kiamsak hi.

5.      Cisa kahin khua adam leh

Pumpi sungah tui tawm hen la tuitha kicing kei leh cisa kahin khuadam thei hi. Tuilum dawnin la cisa107’F val akah leh siavuan lak in.

6.      Kum 60 gualte nek huaite

Khuak thu ciapteh kiamna leh lungkiat theihna tam ahih manin Omega 3leh 6 tampi kihel singgahte nek ding hoih hi. Tuipi ngasa(sea food) zong hoih hi. Tuate in cancer leh alzeima dal hi. Gilpi Gilzang cidamna dingin Bawngnawi thuk leh a zang atam antehte nek ding hoih hi.

7.      Mai nango nop leh

Cilesa hoihna ding leh Mai ngona dingin Vitamin A nek ding kisam hi. Bawngnawi, Aktui, Ngasa tampipi ne in.

8.      Numeite pheibul na, kilawi dalna ding

Numeite pheibul kilawi thei ahih manin tuabang ahih lohna dingin: Kimawl ding, Lamsiau ding, Cycle sikzel ding, Tai cihte nikhat minute 30 bang hih lecin guh hatsak hi.

9.      Maisa hoih ding nadeih leh

Besan vui leh Aisan gawmin tuitawm helin namai nuh in. Akeu dong koih inla, tui alm milmial tawh maiphiat in. Mai tunga cell a site hemkhia ahihmanin Maisa hoihsak hi.

10.  Na samte aham lua hiam?

Nidang sang nasam aham zawk leh na Shampoo hi thei hi. Shampoo laih in la hih bangin hih in: Lu nasawpma, Zan in na sam leh na luvun Olive oil nuh in. Shampoo tawh nalu nasawp khit ciangin conditioner zangin, na sawpsiang khitteh keusak in.(Sam keusakna zang kei in).

Zonu Tongluan lom 49

Lungdam

Sept 516

NUMEITE CIDAM THAHATNA DING THU PAWLKHAT

NUMEITE CIDAM THAHATNA DING THU PAWLKHAT

By: Zonu

1.      Kisildan

1.      Koikoi ah na om zongin ahih theih laiteng tuilum zangin.

2.      Annek khit phetin kisil ngei kei in. Kisil loh aphamawh leh tuivot tampi dawn masa in.

3.      Na kisil ciangin taklam ban tui buak masa in la, veilam ban tawh zomin. Tuakhit ciangin taklam khe buakin la, veilam pheipan buaksuk suakin. Tua panin na anglam buak inla, na nunglam dong nabuah khit ciangin na lu sawppan in.

4.      Ahih theih leh nitak lam peuh mah in na lusawp ngei kei in. Thagui kitatin pumzaw cih bang piang thei hi.

5.      Annek khitsim leh lupding simin ha nawtsiang in.

6.      Na lup din ciangin namai phiatsiang den in. Tua hi leh na make-up zutte hangin maivun kangdeu lo ding hi.

7.      Lupding leh thawh cingin na mittang sawpsiang tangtang in. tua hi leh mitmang cih om lo pah ding hi.

8.      Zun leh awng na pai khit simin sawp tangtang in. Tua hi leh kadul cih bang m lo pah ding hi.

2.      Meh sawpdan

1.      Sa na sawp ding ciangin ci tawh tawmvei diah phot in. Tua khitteh sawpsiang in la at in. Na at khit ciangin sawp nawn kei in.

2.      Anteh peuh mah citawh atawmpen minute 15 bang diah phitphet masa inla, tua khit ciangin at pan in. Tua hi leh lungno aomkha ahih leh zong beisiang ding hi.

3.      Kuang leh keu sawpdan

1.      Satpiang tawh sawpsiang den in.

2.      Na sawp khit ciangin tui kai liangin thuap kei inla, puan siangtho tawh nulkeu sitset in.

3.      A kinulsa kuang leh keu peuhmah akhup lamin koih dimdiam in.

Zonu Tongluan hawm 50 na

sept 5,16

KA NOTE DING A KOIHPAK

SAWM-AH-KHAT omzia

 MALAKHI 3: 8-12

8-Keimah in note kong dotnop thu pen, mi khatpeuh in Pasian' na guksak ding kilawm ahi hiam? Kilawmlo hinapi-in note in nong guksak uh hi. Ahi zongin note in, 'Bang hong guksak ka hi uh hiam?' na ci uh hi. Sawmah khat piakna leh biakpiaknate-ah nong guksak uh hi.

9-Na minam bupun keima neihsa hong guksak na hih manun note khempeuh tungah samsiatna hong tung hi.

10-Ka biakinn-ah an a om theihna dingin sawmah khat a kimin hong paipih un. Kei hong ze-et un; vantung kongkhakte hongin, note-a' dingin na hoih tampi kong piakna na mu ding uh hi.

11-Lo panin a piang na ante uh, kauphe ka nesak nawn kei ding a, na leenggui uh gahpha mahmah ding hi.

12-Tua ciangin na gam uh, ten'na dingin a hoih mahmah leitang hong suak ding ahih manin, minam dang khempeuh in note pen a nuamsa minam, hong ci ding uh hi," a ci hi.

1.      SAWM AKHAT BANG HUN IN HONG KIPAN A KUATE TUNG KIPIA? When it started.

Sawm akhat pen hunsawt lai pekin hong kipan hikha in cin, adang sut man kei ni in, Abraham in Melkhizadek siampi tungah pia hi. Mi khempeuh Pa ahi Abraham tungpanin hong kipan hi. (Piancil 14:20).  

Anih na ah, Moses hunlai in Moses Isreal makai hi na pi-in Sawm-ah-khat Moses tungah Pasian in na pia lo a, Asanggam pa Aaron siampi tungah napia hi. (Gamlak vakna 18: 21-32 sungah)

2.      SAWM A KHAT KUA A HIAM?

            Sawm a khat pen Pasian a hi. Cih phawk ni in, Pasian deihna ah ih zeksak ding thupi ding hi. Malakhi 3:8,9

3.      SAWM AKHAT KUATE GAMH, OR LUAH DING AKIPIA HIAM?

            Gamlakvakna 18:20-32 ciang ah ih sim suk ciangin kitel mahmah hi. Kuate go, tan ding akipia cih kitel sitset hi. Azatna ding gen kul lo-in kitel pah hilo maw, maw?

Tang 21"Kikhopna buk sungah amaute' nasepna thaman dingin Israel sunga sawmah khat khempeuh, Levi mite' tungah gamh-in ka pia hi.

Tang 24Bang hang hiam cih leh amaute in biakna-in Topa' tungah a piak uh Israel mite' sawmah khat pen Levi mite tungah luah dingin ka pia khin hi. Tua ahih ciangin Israel mite lakah amaute in luah a neihloh ding uh ka gensa ahi hi," a ci hi.

            Hih tangnih te gel ih et takciangin Sawm-ah-khat pen Siampite or Tulaipau-in Siate adingin gam leh luah ding akipia ahih lam kitel  mahmah hi. Ahih hangin tulai sawm-ah-khat agen uh ciangin mite in na duh man, ci-in kawlgam vaigam leh western gam dong ah Zomi or Chin mite in naduhman ci ih hih manin sawm-ah-khat hoihtakin zong hong genngamlo uh a, Malakhi 3: 11 leh 12 hong hahtang gen uh a, kuamah in tua hamphatnate kinei tuan lo mawk hi.

Zomite, Christiante in tang 11 leh 12 ih ngahzawh lohna ahang in, tang 8 na leh 9 nate ah kinungta lai ahih man ahi hi. Siate kikhasia sakin kizah ko a, kong vaksa peuh uh kici zanzan hi. Siate pen ei vaksa hi lo a, Pasian vak hi. Sawm-ah-khat ei-a ahih loh lam kiphawk lo-in, ei a mah kisasa a, Siate bang tona-in kizang ta zen hi. Pasian a ahih lam phawk ni. Pasian in amau gamh leh tanh a apiak ahih lam phawk leng thu tampi gengen kullo ding hi.

4.      KUATENG NEK DINGIN PHAL HIAM!

Thuhilh kikna 14:22-28,29

28"Kum thum simin tua kuma note' anpiang sawmah khat khempeuh hong paikhiatpihin na khuasung uhah na khol ding uh hi.

29Topa na Pasian un na sepnate khempeuh uhah thupha hong piak theihna dingin, note tawh kibangin amaute in tanh ahi a, luah ahi zongin neilo uh ahih manin note' khua sunga om Levi mite, peemtate, pa neilote, leh meigong numeite hong pai-in tua ante ne-in a gilvah ding uh hi.

Pawlpi sung ah ih zekdan ding hong hilhna zong hipah ding in lam en ing. Tua nung ah akicin leh Mission leh Buildingte ah khenpen sia lo khading hi.Mission leh Building ngiahsun lian a Pasian in gam a ahpiakte leh neding a asehte tagahte pa acipa in neding agente mang ngilh liangin adang ah ih zekloh ding thupi ding hi.

Hiteng atom in ih theih pak ding un Lai siangtho mun tawh ih et theihdingin asuak sak kik hi ni.

Lungdam

Siam Khaute

August 4,2016

SAWMAH KHAT THU THEIH HUAI

ZOMI-TE TUNGAH THUPHA HONG KIP THEIHNA DINGIN SAWM AKHAT.

 Malakhi 3: 8-12

SAWM Ah KHAT tawh kisai ih gending ciangin na lungsung ah bang hong lut hiam? Sawm akhat ih theihsa hi  lomaw bang gengen kul hiam na cikha thei ding hi. Tuni in Zomite tungah bang hangin hauhna khang khat khom ding haksa mahmah mawk hiam? Zomite, Chinte sumzon pen kum 100 lom bang sawt ta hi. Bang hangin Budish-te leh Hindu-te hau thei zaw, Christiante sang cih dotna omthei zel mawk ahi hiam?

Sawmah khat thupen tulai pau in Pastor or siate, tanglai pau in siampite in, gen taktak ngam lo-in thuphasan nading bekin gen in kuamah lah thuphasangin Hidu or Budist or muslimte bang in atu, ata khang ah khom cih pen kigen vangvang lo mawk hi. 

Tuni in sawmah khat thu pen LST lam a Doctor late na ngawnin agen mengmeng ngam loh, siate in gen leh na duhman hi, ci a ih mawhsak uh, Kong vaksa uh hi ih cih uh, atal ih kawk ngam uh, tuni in kiciantak in Zomi khempeuh in ih theih dingin genkhia nuam ing. Sawmah khat kuate adingin kipia hi mawk hiam?

 

SAWMAH KHAT BANG HUN IN HONG KIPAN A KUATE TUNG KIPIA? When it's started.

Sawmah khat pen hunsawt lai pekin hong kipan hikha in cin, adang sut man kei ni in, Abraham in Melchizadek siampi tungah pia hi. Mi khempeuh Pa ahi Abraham tungpanin hong kipan hi. (Piancil 14:20).  

Anih na ah, Moses hunlai in Moses Isreal makai hi na pi-in 10/1 Moses tungah Pasian in na pialo a, Asanggam pa Aaron siampi tungah napia hi. (Gamlak vak na 18: 21-32 sungah)

 

TUN MALAKHI 3: 8-12 ENSUK NI.

8 Keimah in note kong dotnop thu pen, mi khatpeuh in Pasian na guksak ding kilawm ahi hiam? Kilawmlo hinapi-in note in nong guksak uh hi. Ahi zongin note in, 'Bang hong guksak ka hi uh hiam?' na ci uh hi. Sawmah khat piakna leh biakpiaknate-ah nong guksak uh hi.

9 Na minam bupun keima neihsa hong guksak na hih manun note khempeuh tungah samsiatna hong tung hi.

10 Ka biakinn-ah an a om theihna dingin sawmah khat a kimin hong paipih un. Kei hong ze-et un; vantung kongkhakte hongin, note-a' dingin na hoih tampi kong piakna na mu ding uh hi.

11 Lo panin a piang na ante uh, kauphe ka nesak nawn kei ding a, na leenggui uh gahpha mahmah ding hi.

12 Tua ciangin na gam uh, ten'na dingin a hoih mahmah leitang hong suak ding ahih manin, minam dang khempeuh in note pen a nuamsa minam, hong ci ding uh hi," a ci hi.

 

SAWM AH KHAT KUA A HIAM?

            Sawm ah khat pen Pasian a hi. Cih phawk ni in, Pasian deihna ah ih zeksak ding thupi ding hi. Malakhi 3:8,9

Tu-in aneu 10 na en suk ni. KA BIAKINN-AH an a om theihna dingin sawmah khat a kimin hong paipih un.

 

BIAKINN AH CIH KAMMAL EN NI.

Biakinn cih tawh kisai-in na lungsung ah bang hong lut hiam? Biakinn a cihtak ciangin Mipawl khatte in Muhtheih biakinn mahin ngaihsun pah a, aman mahmah bel hi pah hi. Khat ih ngaihsut dingin ah, Biakinn a cihna ah Nidangin Biakinn ah kuate teng or om cih ngaihsut ding thupi mahmah hi. Gentehna: USA Biakinn pawlkhatte ah Inn tawh kizo pah a, tua teng ah Siate ki-om sak, kitengsak pah in, tanglai hun tawh kibang ka sa hi.

Tanglai in ah Biakinn ah kuate teng or om hiam cih ngaihsut kul hi. Siampite/siate om hi cih ih kiphawksak nuam hi. Akithoihding or biakpiakna, mawhsutna ah neih ding uh ciangin Biakinn ah pai uh a, tuateng ah siampi-te in biakpiakna piaksak hi. Gamlakvakna 18:12 pan in sim leng mi maimai kikhopni lo-in Biakinn nai ah apai ding Pasian in deih lo hi. v22

“Ka biakinn-ah an a om theihna dingin sawm ah khat a kimin hong paipih un. Kei hong ze-et un; vantung kongkhakte hongin, note adingin na hoih tampi kong piakna na mu ding uh hi.”

Hih laisiangtho in Biakinn agen nopna pen muhtheih Biakinn a gen hinapi a gen nop khat ah mawhpuak(tavuan) aneihsak siampite or siate agen nuam zong ahi hi. Cih kithei sak hang. Anuai ah en suk lai ni.

 

SAWMAH KHAT KUATE GAMH, OR LUAH DING AKIPIA HIAM?

            Gamlakvakna 18:20-32 ciang ah ih sim suk ciangin kitel mahmah hi. Kuate go, tan ding akipia cih kitel sitset hi. Azatna ding gen kul lo-in kitel pah lai hi.

Aneu 21"Kikhopna buk sungah amaute nasepna thaman dingin Israel sunga sawmah khat khempeuh, Levi mite tungah gamh-in ka pia hi.

Aneu 24Bang hang hiam cih leh amaute in biakna-in Topa tungah a piak uh Israel mite sawmah khat pen Levi mite tungah luah dingin ka pia khin hi. Tua ahih ciangin Israel mite lakah amaute in luah a neihloh ding uh ka gensa ahi hi," a ci hi.

            Hih tangnihte gel ih et takciangin Sawmah khat pen Siampi te or Tulaipau in Siate adingin gam leh luah ding akipia ahih lam kitel  mahmah hi. Tulai Siate in sawmah khat thu agen uh ciangin kawlgam, vaigam leh western gam dong ah om Zomi or Chin mite in a duhman uh hi, ci ihih manin sawm akhat hoihtak inzong hong gen ngam lo uh a, Malakhi 3: 11 leh 12 hong hahtang gen uh a, kuamah in tua hamphatna te kinei tuan lo mawk hi.

Zomite, Christiante in aneu 11 leh 12 ih ngahzawh lohna ahang in, aneu 8 na leh 9 nate ah kinungta lai ahih man ahi hi. Siate kikhasia sakin kizah ko a, kong vaksa peuh uh kici zanzan hi. Siate pen ei vaksa hi lo a, Pasian vak hi. Sawmah khat ei a ahih loh lam kiphawk lo in, ei a mah kisasa a, Siate bang tona in kizang ta zen hi. Pasian a ahih lam ih phawktek ding uh kideihsak hi hang.

 

SAWMAH KHAT PEN MISSION SUM HI DEKTAK LO HI.

            Sawmah khat pen Pasian in kei ahi Biakinn ah hong puak un, siate luahding hi. Siampi/siate gamh hi, pia un acihcih lai tak in eite in, Kha an hong vak Siate kham ding hoihtakin ih piak masak sangin haksa khat peuh huhna leh Building peuh ah kizang masa a, aman mahmah dingin kingaihsun thei hi. Pasian in gamh leh luah ding in siampi or siate apiakhit nungsangin, Pasian a ahih lam leh a ngah ding akilawmte in a ngah masak ding thupi hi, malakhi 3: 8,9 ah hoih takin hong gen khinzo hi. Mundangte ah huhna leh budget in ih neih nop leh zong siate kham ding gel photin akicin lai leh gel ding hi pan hi. Ih hih dan uh leh ngaihsutdan man lo ahih manin Pasian lungtang kinasak hi. Tang lai Moses hun hi leh suanga den lup ding pawl kihi kha ding hi. Hehpihna hun ah ih om manin hong kithukpah lo a, ahizongin mite or namdangte thupha ngah bangin ih ngah thei kei hi. Abraham in Melchizadek Siampipa apiak bangin, Pasian na sem siampi or sia khat  sangin mundangte ah na thupit sak zawk leh a paina ding mun ah a pailo suak ahih manin Pasian sum a zekkhial suak ih hih manin Pasian lungkimna kingah lo ding a lei thupha kisailo thei ding hi.

 

MISSION SUM KISA KHA THEI

Sawmah khat pen mission sum himasa lo a Pasian in apiaksa om hi in, Siampi te an, gamh, luah hi cih phawk ni. Mission na sepna dan in, Mission huhna ah nazat nop leh sawmah khat na lak khiat khitteh 9 pan in pia in. Sawm ah khat leh Mission kisailo hiphot hi. Sawmah khat tawh mission kisai masa hi leh bang hangin Pawlpi  kim ah Mission box ci-in kituam hawm/dong mawk ding ahiam? Ngaihsut huai mahmah thu ahi hi.

Tua ahih manin USA, India, Burma mun tuamtuam a ah omhih lai sim kha khempeuh in Na siate uh akham dingin sawm akhat hoihtak in na pia un tua hi leh thupha kisang pan ding hi. Siate in khasum hongkham zawh loh tak ciangin sumhong zong a, ih gensia lailai uh hi. Na gensiat sangin na sawmah khatte uh akhamding uh napia un. 10/1 tawh siate innkuan kham ding ih piak khit ciangin a kicin lai leh Pawlpi sung kivanna, Mission, Buildingte ah khenzawh zah khen ding hia, Siate a masaklo liangin mudangte ah budget gel ding hilo hi. Tua pen 10/1 tawh kisai pai zia leh zek zia ding ahi hi. Tua hi leh thupha Malakhi3:11-12 sunga ah gente ih tang thei pan ding uh a, Hindu, Buddhist-te bangin tu leh ta khang dong ah ih hauhnate uh ih zek thei ding uh hi.

 

Christian ahilote gentehna a ihgen det kei zong ngaihsun thei leng a namah hi. Christiante ahoih lamin Christian ahilote in hong gen leh ih ut kal ah, a hoihlo-in hong gen det uh pen ngaihsut huai hi.

Sawmah khat pen kawlte nuntakzia atheite in thei ding hi hang, amau zong a phungzi-te tung uh ah nak piak mahmah hi. Zingsang tho baih in, an huan uh a, amau nek ma in a phungzite adingin kuang khat ah thukma sa in pia masa uh hi. Hindute ahih leh an huan uh a amin ciangin innsung innpua a pasian nonote uh pia masa in tua ciangin amau ne pan hi. Bang hangin thupha ngahlohna ding hiam a nungta Pasian bialote in zong a siampu-te leh a pasiante uh zahtak mahmah hi ven. Ei a nungta Pasian biate in ih Pasian ih kihtak mahmah ding hizaw hi. Budishte in a pasian uh sum apiak dinguh ciangin ahoih penpen mah na pia uh hi. Christiante e leh bang ih ci vua, siate gensiat leh cilphih peuh sawmte hi zaw hang ahi na? Sawmah khat pen siate tung ah nang piak bangin na ngaihsut cingin na iplah a Pasian a, Pasian piak ahih lam phawk lecin na hamtam ngam kei ding hi. Tua bek hilo an Pal pen siate ading hi cih na kigen lai hi.

Chin or Zomite Pasian in thupha hong pia nuam napi in eite in ih guk saksak manin thupha kingah theilo a Pasian kikhasia sak zaw hi mawk hi. Tang laidan in hong nitun hi leh suangtawh den lup ding vive hi hang.

 

TANGLAI

Tanglai in sawm akhat leh anpal, gan pal napia tangtang uh a, tuate pen siampite ading hi a, siampite in tuatung panin sawmah khat apiak sawn ding uh pen Moses tung ah na hilh hi. Sawmah khat thupen OT sungah hoihtakin na gen a NT ciangin sawmah khat thu telgen ding in nei nawn lo in, cit piakna na gen hi. OT sungah 10/1 khat vai kiciantak in na gen khin ahih manin NT ah na genthuah nawnlo-in 9 pan piak khiat ding na gen hi. 

Gupna thu tawh kisai in OT a pen NT ah kizang theinawnlo ahih manin kician tak in Jesu thu up ding hong gen hi a, OT ah Sawmah khat thu kiciantak in genkhin ahih manin NT ah hong  genthuah nawnlo in a mite in apiaknate hong genbek hi.

 

SIA TAWH KISAI LEH UKNA ZA,

            Hih tawh kisai in LST sungah hong uk kumpite thu na mang un hong ci a, tua ma in bang gen hiam cih leh kei ma theih loh in Ukna za angah om lo ahih manin hong uk kumpite thu na mang un ci hi. Pasian thu tawh kituaklote man ding cih hituan lo hi.

Tua mah bangin siate pen Pasian theih pih loh in sia za ngah om tuan lo hi. Tua hih manin athu uh ih man ding kisam hi. Tucing pa nung zuih sawm in la, NA nung/mipi nung tuucing pa zui sak kei zaw ni. Upa Tansawm zong onglo khat in Siate pen Eideihdan a ih kaih sawm mawk pen ngaihsun thei hileng kilawm hetlo lua hi. Pasian in ana semte siate kisuan pih, gum mahmah a tua pen Mihau pa leh Mizawngpa(razarus) tung tawn in ih mu thei hi.

            Mizawng pa Abraham ang sungah a om lai-in mihau pa HELL ah om in, tui tak khat anget leh Abraham in phal lo hi. Mihau pa in tua ahih leh Ka sanggam u leh naute kei tunna ah hong tun lohna dingin vagen sakin ci-in athum tak cianin, Abraham in adawn na ah, Leitungah ka na sem Pastorte kamsangte tam mahmah hi. Tuate thugen a up kei leh hih pa hing kik in a vagen hangin um tuan lo ding uh hi cih san hi. Pasian in a nasemte kisuan pih mahmah in, hu hi, cih phawk in. Siampi itten siampi thupha sang ding, kamsang itten kamsang thu pha sang ding hi.

 

Thukhupna

Ka lungsim ah om lua mahmah ahih manin kizom leh lo ngaihsun lo in Pasian hong theihsak bangbangin ka at hi a, atel siam dingin Topa’n thupha hong pia hen. Hih thutawh kisai in nuntak pih leh azui zo dingin Topa in asim mimal khat ciat thupha hong pia hen. Kei tha tang tawh hong pai in gen thei lo ka hih manin hih lai tungtawn in na sim un la, ih Zomi sungah thupha ih ngahna leh Pasian gamtang zaina, ih Pasian nasemte ih itna leh Pasian a a hihna ih telsemsemna dingin Pasian in hong suak sak hen la, tu a kipan in hih lei tungah zong ih hauhnate uh akhangkhang in akip pai suakna leh sawtpi akikhom hong hisak hen la, vangtungah zong thupha tampi ih san na uh, leh Pasian lungtang akhoihkha, Pasian alungkimsak mimal khat ciat asuak ding in hih teng pan in thukong ngetsak hi.

Asimkha mimal khat ciat Topa thupha in akhangkhang in na inn kuan sung ah hong kipna hi ta hen. Amen.

 

Siam Khaute

USA post masa march 2013 nihna edit may, 10, 2014