ZOMITE AKSIPI PU THANGKHANGIN NGAIHTE

 DAHNA PULAKNA (Condolence Message)

Dated : The 29th July, 2024.

 Pu Thangkhangin Ngaihte,

Master of Philosophy(M.Phil)

Former General Secretary and founding member of Zomi National Congress(ZNC)

The first General Secretary, Zo Re-unification Organisation(ZORO)

1.    Zomi re-unification movement i kalsuanna-ah citaktakin a husan tawpdong a mapang ahi, Pu Thangkhangin Ngaihte in July 27, 2024 ni-in New Delhi khuapi, India panin leitung a khualzinna hong tawlngaksan ahih manin Zomibup ii supna lianpi hi ci-in, Zomi Political Coordination Committee/Zomi Revolutionary Army(Eastern Command) in a nusiat a innkuanpihte tawh a kibangin i dah mahmahna i pulak hi.

2.   Pu Thangkhangin Ngaihte in a nuntak sungin Zomi le Zogam adinga a mapannate, a kipiakkhiatnate thupi-in zahtak-huai mahmah hi. A diakdiakin Nisim 19-21 May 1988 sunga Champhai, Mizoram state, India gama a kibawl a 1-veina Leitungbup Zomi Convention(the first World Zomi Convention) a tangtun theih nadinga organizer vaipuak a lakzawhna; Zo Re-unification Organisation(ZORO) ah General Secretary masapen vaipuak a lakzawhna le February 17-19, 2019 hun-a Kuala Lumpur khuapi, Malaysia-a a kibawl Leitungbup Zomite’ Khawmpi(Zomi International Conference)/ZIC2019KL ah kihelin khawmpi thukimnate (Conference Resolutions) bawlna-ah ahih theihzahin policy guideline a hong lamlak mi khat zong ahi hi. Zogam Charter pen ZIC2019KL Khawmpi thukimnate siksanin a kigelh ahi hi.

3.   Ama’ pumpi in hong nusia mahleh, a nuntak sungin Zogam le Zomi adingin Pasal Pha ahih banah a hong vawhsak nam itna khaicite khangthakte’ tungah hong pokhia ta a, gah hoih gahpha hong gahsuah semsemna hi ta hen ci-in dah mahmahna tawh utlopipi-in “Mangpha” i khak uh hi.

      Dahna lianpi tawh Eastern Zogam aitangin,

Zomi Political Coordination Committee(ZPCC)/ZRA(Eastern Command)

Headquarters : Tedim District, Zogam.

ZRO/ZRA leh CNF ZORO Panlakna tawh Kimu thei Update Pawlkhat

ZRO/ZRA LEH CNF/CNA KIMUH VAI UPDATE TOM

ZRO/ZRA leh CNA/CNF In ZORO Panlakna PEACE om theih nading Suaikai ta..

1. Ei zotate (Chin-Kuki-Zomi/Mizo) te phung kibang, pau kibang (awkaih tuam) nuntak khuasak zia kibang, ngeina kibang, lunggulhna kikhat, sih leh si khawm, dam leh dam khawm ding a ci unau khat hi hang.

2. Gam leh minam ading nasepna ah hanciam luat na hang a unau kitelkhialhna poi  kisa in, mailam ah tua bang piang non kei leh cih i deih hi.

3. Kilemna bukim a om theih na ding in, a kul dan zuiin kihona neih zel ding hoih kisa hi.

Note

PR a suak lo, kamkupna ah thu tampi, ei lunggulh na te zong kigen hi, cih a mun a pai makaite tung pan kiza hi.

Credit……

ZOMI WOMEN POWER TE LEH MIZO MAKAITE

 H

Zomi Women Power ten CYMA, MZP te Laikhak 

July25,2024 

Mizo Makai CYMA leh MZP te tawh Zomi Women Power te kimu khawm uh in, Zomi Women Power ten LAI limci mahmah khak uh hi.

A thupi diak ah Ngongtat CNF te ong matsak Sanggampa SUT LAM KHAI pen amanlang Ngongtat CNF ten hong khah khiat nading uh cih leh Mailamah akisam bangin nasep khop toh ding thute pulak uh hi.

Credit: Zomi Women Power 

Zomi Women Power-USA 

ZOMI KHANGNOTE LEH NEW ZEALAND PALAI TE

 Zomi Khangthakte leh New Zealand Parliament (Innpi)

ZOMI TIMES 25.7.2024 Thu 

New Zealand Parliament ah Zomi khangnote va hawh thei uh hi. Hih kimuh khopna pen thupi leh manpha mahmah hi.

 New Zealand Parliament-Phil TwyFord genna ah Zomi  Community pan Zomi khangtahkte Zum-Innpi ah hong pai uh pen ki-angtang mahmah hi ci-in gen hi.

Zomi Khangnoten ahih leh New Zealand Innpi ah Zomi tawh ki sai thupi tak ka sung thei uh hi ci-in gen uh hi. 

Phil Twyford genna ah Zomite pen kawlgam Chin State ah Minam khat hi uh in, Mi thupi mahmah te ahi uh hi. Innpi ah hong pai-in amaute nuntakna zia leh mailam kalsuan zia dingte leh Mailamah alam etna te a sunmang te uh hong gen uh in thupi mahmah hi ci-in Innpi pan PALAI ten gen uh hi.

Tua bek tham loin gam khat pan gamkhat ah hong pai nading un haksatna tampi tuak uh hi. Hibang in lungkia loin akalsuan ngam Mite Mailamah mi thupi vive suak to lai dinguh hi.

Mailamah gento, zomto kik ni.

Ref: Phil TwyFord 

Photo: New Zealand Innpi sung 

ZOLAI GELHZIA KISINHUAI

 #ZOMITE ZOLAI MALGAWM KIHAL DING LEH KIMAT DINGTE KISAM LUA MAHMAH

Online pan zolai kigelhte ka etet ciangin ih zolai gelhdan uh kibangthei hileh ut huaisa mahmah ing! Tua hangin tampi zong kisam masa kei in a nuai aa ka hihteng kibangleh etlawm leh picingpah ding hi! 

#ZOLAI pen Joseph Herbert Cope in zattheih dingin 1913 kumin ABC alphabet zangin na bawlsak hi. Tua ahihmanin amau aa danmah zuileng etlawm pah hi. 

1. #English One Word Zomi in One word ahih ding hanciam ni!

Gentehna:. Cross = Singlamteh 

( Sing lamteh hilo)

2. #Lai igelh ciangin a kimat ding leh kihal ding ngaihsun pha mahmah ni! 

#Gentehna:- 

1) Ka (ta numei)kiang ah tu kei in!

2) Ka (tanu mei)kiang ah tu kei in!  A ki-umte nih en leng a kihaldan kilamdanna hangin a deihna kibangvetlo hi. Pilvangtakin a kihal ding leh kimat ding khensiam ni! 

3. Englishte in #Prefix = Mathuap leh #Suffix = Nungthuap aneih mah bangun Zomite in zong ineih lam phawk ni. Zuipah leng i laite uh etlawm mahmah ding hi! 

#Prefix = Maithuap Zomite in 2 kinei aa Ki leh Pi ahi hi.

#Gentehna:- 

1)Ki = ki-it, kingai, kithei, kimu, kilawmta.

2) Pi= pibawl, picing, pimuh atuamtuam…

(Ki leh pi pen Amai aa tawh kimat hamtang ding hi.)

#Suffix = Nungthuap pen Zomite in tamsim kinei hi! (Gtna: na, te, pih, sa, bawl, sak, dan, kha, khia, tampi om 15 val tang om!

#Gentehna:- 

1) hoihna, laibute, theihpih, hoihsa, pawlbawl, suaksak, theihdan balkhia, 

Te leh Ki pen kikhial nuam phadiak ahihmanin gencianna: Mangte in Pural form (s) pen Zomite in (te) cihtawh a kibang hi. Books laibute, pictures Mante or limte. 

4. #Prefix Mathuap leh Suffix Nungthuap zatkhopna!

Gentehna:- ki——na, ki—sak, ki—kha

Kitheihna, kimaisak, kisatkha tampi om

Pi—na, pi—sak pimuhna, pibawlsak 

5. #Kammal kibangte kimatsak ding!

Gentehna:- kah toto, tai tautau, hoih mahmah, leng tautau, tampi om lai! 

6. #MIN gelhdan. 

Minpi ahihleh kihal ding aa, Minneu ahihleh word khat kimat ding hi. 

Gentehna:- Minpi= Kham Khan Mang 

Minneu nickname: Khanmang Or Mangpi 

7. Le leh leh zatna muhdan hopna

Le cihpen Tedimpau Zolai ah zatna om taktak lo hi, Manipur lam Zomite or paite pau or awkaih pan hi aa, Kawlgam Zomite in Tedimpau ah izat nop leh:—

#Gentehna: Nulepa, Ulenau, Ciinletuai, cihdan in kopkhatdante ah kizang thei aa Leh zatnate ah le izatloh ding kitheisak hang.

#Leh pen :- Kawlgam leh India, Zomi leh Kawlmi, Zomi leh Meitei, cihdan ding hi aa, Zomi le Meite Kawlgam le Zomgam ihcih leh manlo hi! 

Zolai siamsate in hihteng man peuh le hang Zolai pen etlawm mahmah pah ding aa standard neipah ding hi! 

AA, II, EE zat dingte tawh kisai-in kei ngaihsutna ah Min ahih kei buang leh zangdah mailehang hoih  penpen hi! Laigualzui-in a awsuah leh khiatna kibanglo lel hi! 

Apostrophe (‘) aw sansakna hihdante pawl zong zat kulse lo aa, Falam makaite khat in zong a lai na sim siam nop leh a pau siamphot in, acih bangin mikhualna tawh hihnemnum lo-in asim siam ding ideihte apau siam phot leh simsiam ziau ding hi! 

Kithudon phalo sese hi i Zolai 

Vei man bek hi! Kei zong a kisinsinlai ka hi hi! 

Lungdam veiman bek hi.

Siam Khaute 

7/12/24