NUPA NUAM SUAHNA DING 4

 #NUPA NUAM SUAHNA DING 4

DAY 6 and 7 Mite laigelh simkhawm ni

#MAISAK INLA MANGNGILH in 1 Pet4:8

Nupa kal a nopna dingin abeisa thu hoihlote leh sepkhiatte maisak leh mangngilh ding kisin in!

#Hihthupen kisinding hihding thuhaksa mahmah hithei kha ding hi! Kiselna or tungnun kituh nopna khat om leh abeisa hihkhialna leh sepkhialhte tawh kikap kitawngin tungnun kituhna in kizang thei hi! 

#Nupa nuam suahna dingin Christ in ei mawhna hong masak bangtek in ih nupa in mawh maisakna kisinloh a phamawh hi! Jesu in hong maisak in mangngilh ngiat hi! Itna pen guallel cih om ngei lo a, gualzawhna ding in vanzat ahoih pen in itna mah ahi hi. Itna in hong gualzo sak ding, nupa kal hong nopsak ding hi!

#PASIAN ITNA BEK 

Nupa kal ah kinasak kihehsak khitcuangin khat veivei kimaisak or hici koih lel ding pen haksa kisathei hi. Tua bang hun ciangin Laisiangtho sungah Christ in nang hong maisaknate ngaihsut pha kik in Isaiah 53:5 na a agente na lungngai kik in. 

#Bangzah takin mawh in khialta le cin Pasian in na mawhna a maina dingin Jesu Christ hong paisak a nang a mawhpi mah na mawhnate hong maisak lam phawk den le cin Na zi,pasal na maisak zawhloh na theihsiam zawhlona ding om hetlo hi. Jesu in ihcinlohpi mah hong sanbangin na koppih na lawm acinglo kah sangthei in maisak zo dingin kisinden in. Tuahileh nupa kal anuampen leh Innkuan nasuak ding uh hi! 

Lungdam