KAMMAL HOIH PAWLKHAT BY: Rev Dr Job Thawngno

#Sia_Job_Thawngno Kammal hoih Pawlkhat 

1.Lungdamna mangngialh pah" ih hih man in kuamah in hong lamsang nuamlo hi.

2.Mohoih a thupit mahbang in

    Teek hoih zong thupi hi.

3.Zindo siam a kisap mah bang in

    Zintun siam zong kisam hi.

4.Mangkang nupate a kisap ciang in ka khuaizu(my honey) kici uh aa,

   Ei Zomi nupate ih kisap ciang ih min na ngawn tawh kisam nuamlo hi hang.

5.Thukkik ding na lamet leh kuamah huh kei in.

    Hong thukkik kei leh hamsiat khading hi teh.

6.Jacob in azi kum14 thalawh aa, itna hang in hun tomsa mahmah hi.

    Zomi-te’n nitak 1 zong thalawh lo in, sawt salai thei hi hang.

7.Pasian dongpeuh leng bangbang ih tuak zong in kithuakzo a,

   Pasian ihdot loh man in puk pahpah hi hang.

8.Sarah in a pasal Abraham Topa ci-in sam a,

    Zomi-te’n ih pasalte ka mipa, kei aa pa, na pa uh cihbang in amin nangawn tawh samnuam lo hi hang.

9.Mi 1 peuh in haksatna tuak in, sihna, kamsiatna a tuak uh ciang in

  A tua cihhang hi, a tuaci gamtat man hi ci-in a thu vabawltawm sak sedah ni.

10.Zomi-te sihkhit teh, kipahtawi in, sialpi sialtal go in, mualsuang lim bawl napi hang in

     Damlai, nuntaklai in kisimmawh, kibawlsia mahmah se hi hang.

11.Gam khangtote ah numei kithupisim a,

     Gam khangtolote ah numei kinengniam hi.

12.Gam khangtote ah damlo, mipoite kihehpih a, 

     Gam khangtolote ah kinuaisiah in, kisimmawh hi.

13.Ih kitehna niamlua leh kiliatsakna piangbaih mahmah hi.

14.Pasian in meigong, tagah khempeuh a kem hi zenzen kei, 

     Amah amuang mite bek a kem hi.

15.Na pahtawi ding leh mimai ah pahtawi in la

     Na thuhilhnop leh gamdaihna mun ah thu hilh in.

16.Sihna, natna, haksatna ih tuak pen Pasian deihna mah nahi veve thei hi.

17.An ih duh mahbang in, nasep zong duh leng puksilo ding hi hang.

18.Makai nasuah nop leh nungzui himasa in.

19.Mission semlo pawlpi asi a hi hi.

20.Na tate pen hilh ding, pattah ding a Pasian in hong piak a hi hi.

     Hilh loh aa pil kuamah om lo hi.

21.Tagah kem mi a om mah bang in

      Tagahte kep mizong om hi.

22.Pawlpi kem sia a om mahbang in

      Pawlpi kep sia zong om hi.

   

Pilna or cimna in nei in!