GUPKHIATNA SUNG AH A OM NUNTAKNA

 1.Gupkhiatna sungah a om nuntakna koidan hiam.

2.Jesuh nungzui nuntakna koidan hiam.

3.Jesuh deihna bangin nungta koidan hiam.

Topa Jesuh Kammal†.

Ahi zongin tu-in ahihleh Khrih Jesuh tawh kipawlin a nungta mite pen mawhna thukhenna tawh kipelh hi. Bang hang hiam cih leh Khrih Jesuh tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.ROM 8:1‭-‬2

Kha Siangtho in eite hong nungtasak khinta ahih manin ama hong sawlna bangin eite a nungta ding ihi hi.GALATI 5:25

Note kiangah ka hong gen thu in: Kha Siangtho’ hong sawlna bangin gamta unla, na pumpi uh utna bangin gamta kei un.GALATI 5:16

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.JOHAN MASA 2:27

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna, dikna le pumpi ki-ukzawhna hi a, hih bangin a gamta mite, Thukham in bangmah cih thei lo hi. Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi. Kha Siangtho in eite hong nungtasak khinta ahih manin ama hong sawlna bangin eite a nungta ding ihi hi. Kuamah kiphasak loin, khatlekhat kiphin loin, kuamah i kihaza kei ding hi.GALATI 5:22‭-‬26

By: Joshua Khai Piang!