31 July 2020 ,Hakha
Press Conferrence
Govt. of Chin State #Zogam Kumpite tawh Zogam Sung leh apualam Kalaymyo pan Media Journalist te meeting 30 July 30 , 2020 ( Pm 2:00-Pm 5:30) in man hi. Aman khit ciang in Zomi Post CEO Tuangpu ( Do Khan Tuang) tawh Minister te khut len in ; Amailam ka pai phei uh hi.
Pu Pau Lun in "Sia Tuang aw Zingciang Pm 7 :00 kim in ka inn uah hong hawh un; cia Lawmte kazasak pah hi.
Pm 6 :00 pawl in Chin State Kumpi inn pi nusia in, Ka Zintunna uh RUNG HOTEL lam zuan in ann ne in ; Nai 9 in ka lumthei uh hi.
Zing thobaih
31 July 2020 Am 6:45 in ki thawi in Pu Pau Lun te omna lam Zomi Post CEO Mawtaw amah mah in ; hawl in ,loptak in ka kikhin phei uh hi.
Ko Rung Hotel pan in a nuaia teng kapai thei uh hi.
1. Zomi Post -2
2. Zomi Times News -1
3. Tedim Times -2
Thacin leh khat
4. Zoleng The & ZIUS News Letter Reporter Pu Thangta Ngaihte
5. Tongsan News Editor Mungpi Kalay
6. RFA Reporter Salai K T Lian ka kihel thei uh hi.
Zingsang Kialap
( Breakfast) Moh leh Niangtui tawh Hongvak
Am 7:30 pawl in Pu Pau Lunte Annnek na lam ah Moh leh Niangtui hong vak uha, Ptr. Kham Lam Tuang in Topa tung lungdam ko na leh inntekte ading thu ngetsak hi.
Pu Pau Lun Dept Director ten Vangpia
A ompihte in kisawl kullo in, akisam bang in hong veng uh in; Neh leh dawn kom in thu ka kikum uh hi. Vangpiak siam mahmah uh hi. Minister Pa Chin State IPRD Director Pu Kham Lian Suum leh Dy.Director Pi Pum Sian Nuam in vangpia in, hong tutpih uh ahih man in; nuamtuam mahmah hi. (Office Off day hi)..
Thucin Thutang leh Media Khantoh Dingvai Deihsak Pulakna Neitek
Pu Pau Lun in Press Conferrence kapai uh alungdamna hong pulak masa hi.
1.Zomi Media Lam hatna ding tup leh ngim in ; hong nei un cin hong hanthawn
2. Media tawh kisai Gamdang bang ah khangnote Master of Journalist sinsak zawh ding kisam sa hi.
3. Media te in thumantak in gelh ding kankhia ding, Kei ka khialh leh hong gen un; Mipi zak leh muh mah in ka dawngkik ding ci hi.
4. Val ( Lumbang) lei nih kidawh pen Budget alamdang pi ahih na leh akisamzaw eilam kidawhlo ahih thu gen hi.
5.Tedim District vai abeisa State Cabinet Minister meeting in kipsak khin hi. A hizong in CM Pu Lian Luai khut ah oma, Nay Paye Taw Union President Pu Win Myant a khak mateng Tedim DC kingahlo ding in gen hi.
6.Zomite Thuman leh Thutang gen in,Mi hong khial leh amawhte Lauman in ; midik in kigen in Zum kitut kihek i lau hi.Mawh na maisak i hikeizawa; Meidawi leh sumbei leh gim kihta in Thuman imcip lam hizaw hi. I khantohna dal hi ci hi.
7. Mailai ah zong Zomi Media te thudong in Chin State Kumpi tawh hong kizom un ci hi.
8. Pu Pau Lun in ama Facebook Page Master ding; Mikhat siamna nei adeih thu pulak hi. Thu leh la na guansak zel ding mi kisam hi. ( A lunggulhte in na hopih un)..
IPRD Lampan
Pu Kham Lian Sum in
1. Pu Thein Sein huna National News Paper a Page 1 kihel ding, Ethnic News Paper Vai Hakha, Falam; Tedim etc lam kituh ding ahih ciang buaihuai cin ko kadin kholpih uh hicin gen hi.
2. Media Ethic / Rule zui in hong hanciam un ci hi.
Pi Nuam in
1. NRC MRTV nuai a Radio Announcer ding Zomi Link tawh kingahta hi. Tedim /Zokam kizang dinga ; Kumpi nasem mi 6 kisam ding Announcer mi na zong khawl un ci hi.
2.No Asinna neisa Zomi Journalist te in Online Social Media ah Amau Phone pan lai gelhgelhte daltan in; khaktan in Mi hoih suahsak ding na hanciam ding uh thupi hi ci hi. Media Ethic & Law thupi sim ding gen hi. (Photo & Laimal te)
Ko Media lam in zong Zomi Media thanem na leh hatna kagen uh hi.
Pu Pau Lun in ko apaiteng Diary bu khat tek leh Ks.10000/- tek hong pia in; ka lung uh dam hi.
Kikhia lah gending tam in; Dingzel ;tu zel in Am 11:30 in ka ciahsanta uh hi.
Hang Shing (Zomi Times)
No comments:
Post a Comment