A KIZAMUNKHOLLO THUHILHNA HOIH NAM 15

A kiza mun khollo thuhilhna hoih nam (15)

1. Mi mai na pai ciang na veih sang ken, na san khak leh ginngaih sak ken! Na nungah mi zahtak om thei hi.

2. Ek kuang tung ah na tut ciangin a nung lam neh in, tua hi kei leh na nik na puan kawt thei hi. Zun kipek kha thei hi. 

3. Restroom ah na pai khit ciang in enkik in la tuibuak in siangsak hamtang in. Na nung a paite a ding in hoih hi.

4.  Na kam uih thei ahih manin pk or soklek khat peuh peuh na paina ah keng in muam zel in. Na kihopihte a ding phatuam hi.

5.  Mi nalet na nohsiat ciangin hopih maitai in a maitang en hamtang in. Mundang midang en a kilet pen lungkim huailo hi.

6. Mi mawtaw na tuan sungin nang mawtaw hoih dan anop dan khawng gengen ken, na tuanna mawtaw hoihlo a ci tawh na ki bang hi.

8. Mi inn na hawh na len sungin na tate phatphat se ken, innteek te naupangte thumanglo kisuak sak thei hi.

9. Na khuh ciang, na hehchiai ciang, na hap ciangin na muk na kam hum hang tang in, dangtawng kimu liang a om pen muh thadah hi.

10. Mi in mi khan na lut ciangin kiu masa, hopih masa hamtang in, tua hi kei leh apia ka khawng ki mu thei hi.

11. Nasilh naten ki encian masa lopi in Lengla thupi, mi lom om nate khawng ah awnsuk awnto se ken, muhhuailo pawl khat kimu thei hi.

12. Thu lim gen mahmah leng cilphuan peuh tuan zaizai thei, muktung khawngah kang lialua thei a hih manin nul zelzel in.

13. Na vakkhiat ding ciangin puan ang kilh, na bombi zit , na maitang cih te limlang ah ki vel masa hamtang in , maizumna phatuam hi.

14. Mi tawh na khawlkhop ciangin khaksawh la lialia,nap nit luahluah cihte kidawm in, restroom ah pai in eiguak om hun hoih pen hi.

15. Mi inn na hawh ciang, a mawtaw na zuih ciangin tv, radio, cd te a ki hon leh nang thu in laihsak se ken, amau phalna ngen masa in.

By: Sia. Thangboih 

Nasim khitteh Anuai ah {HOME} namek in la nasim in

𝟏𝟗𝟎𝟎 𝐊𝐔𝐌 𝐀 𝐒𝐔𝐀𝐊𝐊𝐇𝐀𝐓 𝐇𝐈𝐇 𝐋𝐄 𝐓𝐄𝐇 𝐇𝐈𝐇 𝐀𝐍𝐔𝐀𝐈𝐀 𝐓𝐇𝐔𝐓𝐄 𝐍𝐀 𝐋𝐔𝐍𝐆𝐍𝐆𝐀𝐈 𝐃𝐈𝐇 𝐈𝐍

𝟏𝟗𝟎𝟎 𝐊𝐔𝐌 𝐀 𝐒𝐔𝐀𝐊𝐊𝐇𝐀𝐓 𝐇𝐈𝐇 𝐋𝐄 𝐓𝐄𝐇 𝐇𝐈𝐇 𝐀𝐍𝐔𝐀𝐈𝐀 𝐓𝐇𝐔𝐓𝐄 𝐍𝐀 𝐋𝐔𝐍𝐆𝐍𝐆𝐀𝐈 𝐃𝐈𝐇 𝐈𝐍

• Kum 14 naphak laitak in “Galpi Khatna” hong kipan a kum 18 naphak ciang in galpi hong vengpan hi. Mihing 22,000,000 in anuntak na uh suplawh uhhi.

• Asawt lo in, leitungbup pulnatna “Spanish Flu” hongpiang khia in, mimal 50,000,000 in a nuntakna uh hanmual hongliap sankhin uhhi. Pasian thupha tawh nangpen na nungta a kum 20 pha ta hi. 

• Kum 29 naphak ciang in leitungbup sumzonna bulpi “New York Stock Market” hongkia suk in leitung ah sumzii khiat na, nasep neihloh nale kialpi te hongtung hi. 

• Kum 39 naphak ciang in leitung “Galpi Nihna” hong kipan a, Europe gam sungteng Nazi galkap mang khutnuai ah hongtung in, Japan te’n Sen gamle nisuah nalam Asia gam sungteng hong lazo hi. Kum 45 naphak ciang in Galpi Nihna hong veng theipan hi’n mihing 60,000,000 in a nuntakna uh suplawh uhhi. 

• Kum 52 naphak ciang in “Korean Galpi” hong kipan hi. 

• Kum 64 naphak ciang in “Vietnam Galpi” hong kipan kik in, kum 75 naphak ciang galpi hong vengthei pan hi. 

• 1980-1990 kikal asuak eite in ih ngaihsut ding; hihci bangin ih Pi le Pu te in leitungbup pulnatna, kialpi le galpi tuamtuam tepan hamsa takin na nunta khuasa khia uh ahihi.

• Tuni in, eite leitung khuathak sung a ih nuntak laitak in, hihci bangin leitungbup hong liinglawngsak COVID-19 natna hongtung ciang in muuktuam ding, khutsil ding, innsung aom ding cihte peuhtawh ih phunphun kha hi. Eite in; nek le dawn, silh le ten, mei le tui, wifi, facebook le youtube....etc ih zanghthei hi. Ih Pi le Pu te hunlai in tuate bangmah omlo a nek le dawn ding aki cingmial tawh ana nungta to nahi uhhi. 

• Tuni in, nang le kei ii muhna te tawmkhat kihei kik in, ih phunphun dingsang in ahoihlam in muhsiam hi le’ng leitung ah nuntak nuam a nungta te ih hi ding hi. Tu a ih nuntak theihna hangin lungdam ding hihang a, khat le khat ki it nate bulphuh in leitungbup hong liinglawngsak COVID-19 natna te do khawm ding hihang. 

Gal mainawk masa, ih Pu le Pi te zahtakna ih pia hi. 

Hih message na it nalawm tekiang na hawmsawm in maw. 

By: Joshua Mung 

Sr : worth_sharing

ZOMI IT MAW, ZOMI LIIT? -- KHAWM PAU ZOMI

Zomi it maw? Zomi Liit? ~ Khawm Pau

#Zomi ten Politics kithei nuam mahmah kikin mahmah ta hi.

#Ahizong in sepzia leh kalsuan dan ding kitelnaai hetlo hi.

#Tua ahihman in aomsa party khat ahihkei leh Politics asemsa khat nawkkha sukha ahihkei leh ko cihciang ah ki om hi.

#Ataktak in politics a uk taktak te leh Minam a it vivel ten mimal or aom sa Party sukhalo in nalianpi kisem thei hi.

#Zomi te peen gamsung a omtenlah akiim apaam ciang nawkthei bek., gampua lam a omten lah internet ah huihthau lawnthei bek hihang.

#Tulaai facebook leh Zogam Politics cihdan group tuamtuam te kahawh zel leh Zomi mintawh party khat ineih ZCD ako nuamtawh Imakaaipi Pu Cin Sian Thang akonuam tawh Zu nung bangkheng khang in luaksuak mahmah hi.

# Minam Gam vei a Politics uk ihihleh lampi tampi tak oma kuamah koko se kuullo hi. Mi koko misusu tengpeen Minam leh Gam it kineih Zomi IS namkhat hilel hi.

#Mite nasepzia tawm i ensukding uha tua hileh isepzia ding lampi mukhathei ding in ilm en hi.

#Chin ten Chin party gensiasia selo in Chin party nih leh thum omziau lel uhhi. Ei zong ZCD igensiatsiat sang ngap ihih a Vei ihih leh Zomi mintawh party dang kipatding hipah hi.

#Isaac Khen peen koi mah party ah luutselo in MP kheng in Minister ngah lel hi. Eizong Minam vei a it ihihleh ZCD ten ongtuacih cihcih kuulselo in Minister khawng kisuakthei lel hi.

#Dr Salai Ngun Cung Lian peen Indiana University ah Law lamtawh kisai naseplianpi anei hi a Aminam aveiman in Kawlgam ciah vingveng a kumpi inn vatuh hi. Dr Lian Hmung Sakhong,Zing Chung te zong tuadan mah hi.

Zomi te zong MA.,Dr pilna nei kisa a gamsung a nuntaakna tawh thalawh liang a Gam le Minam itna tawh naseem te huihthau peuh tawh gaalkaapkaap in Uipi huuk bang in i kuutkuut sang banghang vaciahlel a vasemlello ihihiam?

#En seemthei tuanlo misepteng lah hawmtawh a mawk hawkhawk peen “Meigong lung” kici a Mi picinglo te ahi.

=>Zomi ten vok ek leh leivui lungsim paihhun ta, Icilgial suaktah cin mawk siatsiat leeng aom muang tungkhat natu leh nuamsalo uhhi.

By:-Khawm Pau
=>>> Nasim khitteh anuai ah {HOME} na mek hamtangin U Can See It More!!!

THUMP IN THUSIM NASIM IN

Evangelical Christians tampi takin President Trump pen Pasian in hih hun a President ding a a tel hi ngiat, chosen by God hi ci in a gen na uh tungtawn in CBN News correspondent in dotna dong a, "Mr President aw, Evangelical Christians ten Trump pen Pasian tel hi hong ci uh hi, na um hiam?" cih dong a, Trump in, "He thuman hi ding in ka um hi, I hope its true" ci in dawng hi. Rev Franklin Graham in zong a genna ah 2016 Election lai in apa Billy Graham in zong Trump vote hi ci in gen hi.
Secretary Ben Carson,  Mike Pompeo leh Sarah Sanders te in zong Trump pen tuhuna President ding a Pasian sathau nilh, for such a time as this, ci in gen uh hi.
Rabbi Jonathan Canh in zong a genna ah, "Trump pen Kumpi Jehu, a hu ham mah mah, kumpi ding a zong Israel mi te in a up het loh, Kumpi Ahab leh azi Jezebel te innkuan vat mai ding a Pasian in a tel bang in Trump zong Clinton dynasty vatmai ding a mite upmoh loh pen Pasian in Trump a tel hi, tua ciang in Trump pen Persia Kumpi Cyrus in Israel mi Pasian ta te a hut bang a, tu hun a Christian te leh Israel te hu ding a Pasian tel a hi hi" ci in gen hi.
https://fxn.ws/2BHfntW

Anuai a HOME mekle cin sihuai tampi om 

PASIAN HONG HOPIHNA KAMAL REV. LKKHAI

PASIAN HOPIHNA KAMMAL

LST - Jeremiah 12:5 

Topa in, “Jeremiah aw, mite tawh tai kidem a, nangmah hong gimsakzo uh ahihleh, sakol bangci demzawh ding na hiam? Anopna mun ah tuk lailai na hih leh Jordan gungei sing kawmlak ah bangcih ding na hi hiam?

Hih LST tungtawnin Pasian hopihna:

Dotna: 

1) Innkuanpihte leh tu laitak a mapanpihte tawh sepkhawm siam kei leng mi tampi tawh semkhawm zo ding na hiam? 

2) Convention khat nasepna ah gina zo lo, tangtun nei lo, sep mel nei kei lecin Kawlgambup, Asia leh International level tawh koici bangin na sem zo ding na hi hiam?

Dawnna:

1) Nasepna ah nuamin nuam takei leh thuak keeikaai a na mualsuah zawh leh bek alianzaw nasepna ah kisem thei pan hi. 

2) Talent meetbaalna lungngai in. Azah 10 ameetsakpa in khuapi 10 ngah a, azah 5 ameetsakpa in khuapi 5 ngah hi. Summeet genloh, sumbul pia kik a, atopa amawhsakpa neihsateng kilaksakin adangte tung ah kipiakthuah mikmek hi. 

3) Hite bangmahin mimal nuntakna haksatna ah phun loin thuak keeikaai a, Pasian tung ah a ap theite Pasian in thupha pia hi.9

4) Innkuan sung nuam losa-in aphun ahang taimang kikhen innkhen ding asawmsawmte Talent meetbawl lopa bangin supna lianpi tuak ding a, haksa takeh athuak athum aphunlote in atawpna ah THUPHA azah tampi ngah ding hi. 

5) Nasepna ah nuamsa lo, tungsiah nuaisiahte pahtak thudonna angahlote agina lo a omtei hangin kipuahpha a, cillum tawh valh a, athuak keeikaai zo, nasep anusia lo, ahanciamte in THUPHA ngahin alianzaw nasep ngah ding hi. Athuak zo lo a aphun anusiate hamsia ding hi. 

6) Leitung a’ukte mimal, innkuan, veng/khua, minam neicik oan mah a kipante hi a, damdamin thuakzawh hatna alam tohtoh ciangin atawpna ah President, Makaipi cohte ngah to hi. Tua hi lo a, midangte hihna man lo asak ciangin aheh athangpai anuak atawpsante khuasuak lo a, kinuainet taleh, kisimmawhntaleh asep ding bang asem veve, akhawllote ulian milian makai suak pan bek hi.

cihna thute ahi hi  Kei bangmahin haksatna tuak a, simmawh nawlkhinna athuak ngei kha i om leh hih LST simin THALA in. 

Gualzawhna na kiang ah hong tungkik ding hi.

Lang Khan Khai

24 June 2020

Kalaymyo

Nasim khitleh anuai ah HOME om hi na mek in nasim theih ding tampi om home khitteh hih>>

COVID-19 NA NGAHKHAK LEH EXPERIENCES BY: Zakhai Sukte

Covid-19 na ngahkhak leh

1. Ih mut cimsak in. ( a tawmpen nai 8 peuhmah ih mutsawm in )

2. Annkam limta kei leh na nekngeizah mah ne hamtang in. ( Khalpi khat leh a nenteng)

3. A thuk leh a thak nek cihtak in ne in. ( Zasan, Tampaza etc; )

4. Soup mehtui  tampipi dawn in. ( Ak, vokguh, bawngguh etc; )

5. Tui tampipi dawn in. ( Tui,Gatorade, Pedialyte etc; )

6.Tylenol nanek leh 500mg or 650mg nai 4 halta in ne in.  ( Nikhat 6 vei )

- Nau p’aai (gaai ) ten na sia vuan te uh dong masa un.

7. Ibuprofen nanek leh 400mg nai 6 halta in ne in. ( Nikhat 4 vei ) 

- Nau p’aai (gaai ) ten na sia vuan te uh dong masa un.

-  Amoxicillin a kipan outdoor/indoor allergies zatui te zongh pawlkhat ten ne uhhi. 

8. Kumpi ten zuihding in ong piakte zuihzawh sawm in. ( Thumang leng ki khiallo zawdeuh hi)

Hih natna- nangah khak leh dipkuat patauhluat ding in ngaihsun pahkei inla, mawhna bawlbang in ki ngaihsun kei in,

zum ngaihsut leh lungkia pah kei in, mi a tamzaw damkik lel hi. Na dipkuat leh na lungneu in ong thazawm sak zawpek ding hi. 

A hih hang- hih natna maingap leh nopneh bawl leng ki khial ding hi, na ngahkhak leh na pumpi tha omlo bang in na zawm ngeungeu ding hi. Khauh mahmah hi( Sen te bawllak ah 100%  asitpen hi ding hi). Natna gil neikhin leh u hamlam ten a lelhphatdiak uh lamdang lo hi. khangno tha hoih dam sinsen ten zongh lel mahmah uh hi. 

Limtak ki dop ki kep val omlo hi. Zomi ten ih nawks’aan laitak a hih man in khat leh khat tha ki piaksiam ding zongh zatui hoih mahmah khat  ahih lam mangngilh kei ni. 

Note: Hihpen Positive in inn ah a ki omsak ziau te zatding hi. ER leh ICU tungte zato ten a tuam in bawl uh hi. 

Hih info teng pen Experience based tungtawn pan hi aa Sia Vuan sinna  pan hilo hi, A sin nuam ih omkhak leh cih na bek hi.

By Zaa Khai Sukte 

MILIM GOLPI KHAT HAKHA A BAWLDING VAI by: Khen Za Sian

"ZOMI BRAODCASTING HUHNA NGETNA"

ZB in Pu Mang Hen Dal zak sakna om bangin, "Khalkhal ah Aung San Park kibawl ding hi. Tua park sung ah Pinlong thukimna ah Aung San lim leh Zogam pan tua thumkimna suai a kai mi 3-te limte zong kikoih nuam ahih manin milim bawlna ding mi khat ciangin MMK Mak 150 bei ding a, Zomite in Pu Thawng Za Khup lim bawlna ding MKK Mak 150 taangpi taangta tungah dawnna nei dingin hong taangkona pen kul kasa het kei hi, ci in online panin kong taangko hi.

Bang hang?

1. Kawlte in suahtakna i ngah pen BIA hang bek hi a cih uh ong phiat ngei lo ding uh hi.

2. State tuam ah Aung San lim a kisuan kawikawina hang la khia dingin a hanciam lai tak uh ah hi.

3. NLD makaihna tawh Pinlong thukimna zong a nuntak sak ding uh sangin a melh cip nuam uh hi ta hi.

4. A lim uh sum tampi bei i bawl in mualphuh sak ding hun nai kiuhkeuh lo hi. 

4. A tang thei lo milim sangin Pinlong thukimna a thu mhmh nuntak sakna ding leh active takin ong practical theih zawk ding pen a khatna ding hi zaw hi.

5. Ki politician sak a politics peuh sa hi lel uh hi veh aw. Vote zonna dingin lobby in hong zat sawm lai zong hi kha thei.

6. NLD party-te Nu (အမေ) a cih uh Aung San Su Kyi in 2015 kumin 2008 upadi laih ding cih tawh lobby ong nei uh. 58% tawh kumpi ong form khit uh ciangin 2008 upadi puah phat ding a langpang ahi galkapte tawh ong ki-uitui ziau. Behte in ASSK le bama ve cih kammal nei uh. Kawlmangpa thu akpi in phiat nelh cih en paunak kinei. 

7. Milim sang a thu thupi zaw hi cih tawh ka ngaihsutna kong hial bawl phot ding.

By: Khen Za Sian 

Thukim ing!!  

=> Na Sim Khit leh Anuai ah (HOME) Namekin Simhuai tampi om Next >

ZOMI VIVE MAH HI CIHTAWH KISAI By: Pu Thangboi

“Zomi vive mah hi” cih vai tawh kisai ~ Pu Thangboi

“ZCD pan lui tektek takei leh Zomi vive mah hi” cih pen tulai hong kilimgen simtham in apuatham en leng hi mahmah hi. Atuicik (its essence အနှစ်သာရ) en leng: Party khatpeuh ah ih lut nak leh tua party i thukhunte ih zuih akul hi. Tua thukhunte kantan in bangmah kisem theilo hi. Ih sep teitei leh ong kihawl khia ding hi.

“Kawlgam tualmi lak ah “Zomi” official in akiguan zawhna ding; Matpongtin tungah “Zomi” ngiat tawh minam min gelh zawhna ding; Zomi Self-administered Zone pan Zomi State dong ngahzawhna ding” cih thute koi party in paipih thei ding hiam cih etkul kasa hi.

Tua goal zuan a ong paipih ding ahih nak leh kuakua aizong thupi kasa hi. Aki gengen CM panmun ih ngahphial zong in kawl bulphuh party liante in tua ih mungtupte hong thapia mawk tam lah cizel ing. Amau’ sung ah ih lut nak leh a party policy uh akawi amam a ihzuih kulding cileng maw.

Bangbang aizong Party liante ah khat leh nih ih thuklut zawh a ih inntek zawh ding bel thupi veve sa ing. Aung San in Japante abelh laitak in Thein Phe Myint in mikangte nabel khinkhian in akisap teh kawm kawikawi theiziau uh in minam movement ah mazang tuam mahmah uh hi.

Athupipen ah; Koikoi ah ih om zong in minam movement mitsuan gige a ih om ding athupipen hi. Kawlgam kumpi nangawn ngahphial in minam movement ih mitsuan kei leh amawkna hilel hi. Ih omnatek ah ih gam ih lei leh ih minam ih khaitoh zawhna ding in deihtak ih pan tek kul incei guai. God Bless You All. 

Yours, Mung Laan Thang, Tonzang, Zogam

#MP vai

Gamsung gampua pan mipih tampi te’n MP dem ding in nong hanthotna hang un lungdam in angtang mahmah ing.

Kei’ Dinpih Thu

1. ZCD pen thupi asalua a adinpih kahi kei a, minam minpua party khat ahih man a adinpih tentan kahi hi

2. ZCD makai te’n “Lut in” ong cih leh ka lut ding a, “Lut kei in” ong cih leh kalut hetkei ding hi.

MP suahnopman a nasem kahi hetkei hi. MP demkhak kei leh khasia ding in pawltai ding cih khawng kei’ dan hilo hi.

3. ZCD hoihtak khuahun tawh kituak in hong kipuahpha a hong thahat ding bel deih mahmah ing.

4. Tutung MP kuanglui dingte vote piadingte’n kua deih uh hiam cih makai te’n bilngat huai sa ing.

5. Ahih theih liai leh MP term khat val kuamah in semdah lel leh hoihzaw in um ing. Mipi in alunggulh ngaungau lai leh lah thukhat hi. (Kei mahmah zong MP asem hileng term 1 val sepsawm het keng). Mual Ah Ih Suakkhawm Liailiai Ding Hi. God Bless Zogam !!! 

Mung Laan Thang, Tonzang, Zogam

Kigin Kholh Huai

Dr. Thet Thet Khaing’ makaih PPP party sungah Zomi khat na thuktum gawp in ka lungdam khinkhian ei.

Tu sansan a NLD khawng ah valut pat hang ki thuktumzo nawn hetlo ding hi. NLD ah ih inntek nop leh kawl galkap kumpi’ hunlai pek a ih thuklut ding hi. Tu’n bel ong ngai nawnkei lua unteh. Ih vekpi khuazang in ihlut zong in EC mun 1 zong ngahzo kei ni.

Gam leh lei khual takpi ih hih leh NLD khit teh kawlsung ah athahat ding lam-et om mahmah ahi PPP party sung khawng People’s Party sung khawng ah tubang thuklut kholh ding hi. Thalawh zek kul hiveh aw.

An kilui hun teh sikkeu vamat phei nop ziau tawh pianglo hiveh aw. Lozuat lokhawh hunlai pek pan napang leng ki inntek hiveh aw. Genkhialh a om leh ngaidam, 

Mung Laan Thang, Tonzang, Zogam

Zogam NLD News

Kawlpi ah NLD pan kuanglui nuam mi 28 phakhin ci. Tutung bel Zomite kihel kha nawnlo ding hih tuak. Zomi gimnam Siami nangawn zong kihel kha nawnlo aci om phial. Ei’ belhnop thei khang in lawmte’n hong ngai hetlo dan uh hi.

Tedim ah State MP mun ding bekbek a ut mi 7 phata ci. Tonzang ah bel tuni ciangciang a ut mi 12 phata ci.

Kazak khialh kei leh Tedim ah MP candidate siauhna form 1 ciang Ks. 100,000/ in zuak uh ci. Candidate angah leh Ks. 5,000,000/ piakbeh kullai ding ci. Tua bel NLD lam pan kazak hikei in aman leh amanloh bel confirm thei keng.

Tedim pan NLD tawh ngah leng CM (or) vuanzi ngahding a lam-en mahmah dan uh hi. Hehe Bless The Lord Oh My Land !!! 

Mung Laan Thang, Tonzang, Zogam

ZOGAM MP UTTE VAI ~ Gin Kam Lian

Zogam MP ut te vai ~ Gin Kam Lian

Zomi it teng; Tu lai tak a diakdiak in, Tedim/ Tonzang gam ah Party 7 bang kidem ding hita hi. A lam dang khat ah ZCD, NUP, USDP kuanglui ding teng bel a mau din mun party tawh a kip teng dan uhi. Tua lo Party tuamtuam te bel 2010 kum lai Party tuamtuam tawh kuanglui ngei hon khat tam zaw hi, (a tai kawikawi ) Thu khat leuleu ah Party a tam hang in ZCD bekbek mah ong gensia bilbel uhi, a policy uh zong gen manlo dan uhi. 914-Zomi Kuanglui theilo ding, Zomi kici saklo, ci in MP ut kuanglui ding te na ngawn in gen khia mawk uhi, ZCD in form ah Zomi kici min mai ah zong PU/PI mah kici lua in Commmission ah lai ki suang zawzen hi.

A lamdang mahmah thu ah Party tuamtuam ten Policy genlo ei peuh gensiat na tam kisa hi. Party khempeuh thukim sign thuna COC a om lam theilo uh ahi tam. (COC thukimna palsat te Candidate pan ki khawl sak thei) ZCD in pen ZNC hun laim pek pan a kinei Policy ngimna bulpi 4, bek ki gen in nainih bang sawt mite vai ki gen man lo hi. Party lian pipi te zong Zomi Party bang in a kician Policy khung zolo uhi. ZCD in kum 26 val tase leh Policy kip tawh ki ding lai tangtung nailo cih bek ding hi.

Kawlgam ah Kawl Party ten Democracy bek deih, Taizinta ten Democracy leh Federal vai tha khat thu in piang leh ki deih hi. Democracy hun lai (U NU) in zong Mualmi ta ding bang mah ki sem theilo,thau tawi zong ki beh laplap cih hi.Mimal upna,muanna tawh ding lo ding, kam gen te um nawnlo Federal ih cih leh Constituition pen Federal tawh kilam gelh ni cih hi.

A hang in 1947- Aung San tawh thukimna zong Pinlong thukimna laipi zong ki im cip cih hi, tutung khemna ih up lai leh a beisa kum 67, lai mah bang kik ni cih Taizinta te dinmun hi. Ei vai ciat mah ih minam Party ciat pan genni cih hun hi ta hi. Kawlmi te zong ki um nawn lo in Kawl Party zong 30 val om hi.

Ei kiang ah Party pawl khat a bulpi pan huhna ngah in ong kipan om uhi,ngaihsut hamsa hi banghang hiam cih leh siang gen leng zawhna ding zahdong ngah lo ding thei gige napi bang hang in asum pia huhna pia om hiam? Kumpi lam pan maw? Zomite kiphelkhap hen cihna maw?

A piaten zong Zogam ah mun 30 val bang ci leng Teng zathum bang bei ding ci leng tua a pia khiate mihau hilo, (a mau din mun kitel hi hang) sum nei mah leng zong ngahlopi ding thei gegu sum tua zahzah piak nang thu omlo hi. ngaih sut huai hi. MP ding khat a piak uh zong Tengsawm kimkim bek hi, MP dingte zong a mau ip sung sawk ding hi leh a kipanlo zong om ding hi.

HAKA pan ZCD Candidate Pu Khup San Thang in, Pa Lian aw,a mau kiang ah a mau gammite ZCD min tawh MP kuang onglui in ci-in Teng sawmnga ih piak hang kingahlo ding hi,bang hang in ei kiang ah Tengsawm piak ciangciang tawh kuang kilui a hitam cihte khasiathuai mah hang ei guai. TOPA in Zomite ong ompih nasa ong nusialo ding upna lianpi tawh, 

Pu Kamlian
Lai nasim khitteh anuai a home na mekle cin simnop huai thutampi om hi!

SUM TULSAWM A GU PASTOR

SUM TULSAWM A-GU PASTOR

Ni khatni in,innkuan khat in, a Pastor pa anne dingin sam a, a Pastor uh piakding a sabuai tunga akoih uh sum tulsawm na  om nawnlo mawk hi,

Inntek te  hehlua mahmah uh a,bangmah gen lopi a,i neihsa a la ziau  guta  Pastor pa tawh ki zom nawn loin pawlpi dangah kikhawm zaw ni,ci-in a ngaihsun uh hi.

Tua zawh kha nih khit ciangin inntek nu leh Pastor pa khuasung a vakna uh ah kimu  uh a, Sia  aw,nadam hiam? Kong  kikhop loh zawh uh kha nih bang cing khinta ahih lam nang zong na thei ding hi.Tua pen a hang na thei kha hiam? Anne dinga kong sapni un, nang piakding a sabuai tungah sum tulsawm ka koih uh na mang hi.Tua ni  nang sim loh hong pai midang kuamah omlo hi,a ci hi.

Pastor in, aw ...hi mah ei,la mah ing,sabuai tungah tuibua a,a kawt ding leh a siat ding ka lau manin na Laisiangtho busung uhah ka koih hiven ,a ci hi.Tua ciangin nupi nu, kisuang kik in, a Sia pa tungah mawh maisakna ngen hi.

Nupi nu,inn a tun ciangin a Laisiangtho busung a-et leh  kha nih sung a kikoih sum tulsawm a mu hi.

Kha nih sung Pasian kammal Laisiangtho khatvei zong sim lo uh hi.Kha nih sung a nupa un,Pastor pa mawhsak uh a,kha nih sung tawntung buai in,lungnuam lo in om den uh hi.

Sanggam aw

Na nuntakna sungah lungnop lohna leh lung kim lohna na nei den ngei hiam?.

Lung nopna taktak na neih ngei kei leh sawt veipi Laisiangtho simlo a,na om man zong hi kha thei hi.
Laisiangtho simden in.

Behlap: I Kha ading an ahi Pasian kammal Lai Siangtho bek in nopna taktak hong piazo ahihman in Lai Siangtho ah ciahkik ni.

Credit: Dalsen Buansing

CHRISTIAN INNKUAN NUAM By: Rev. Lian Nang

uhhi.

 CHRISTIAN INNKUAN NUAM

By: Rev. Lian Nang

##Thu Masa

Laphuak siampa khat-in," Bangzah takin zawng mahmah tase lehang, leitung ah ei innsang aa , a nuamzaw inn khatbeek omlo hi " cihi.Banghanghiam cihleh innthu ihgen tak ciangin, ihmit kha-ah ihNu temah hong kilang masa penpah hi.Tua hi-a, ei Zomi te in zong," Inn Lum, Lo Lum" ihcih theihna ahang pen , ih Nute hangmah hi cileeng ki khial loding hi.NU omlohna innpen bulum mahmah cih omthei nawnlo hi.

#FAMILY....Innkuan

                  F.....Father

                  A....And

                  M....Mother

                   I......I

                   L.....Love

                   Y......You

A sauzaw in at leeng -

     Father And Mother I Love You.

Nu leh Pa-aw hong it mahmah ing, hong ngai mahmah ing cihna hi.

##INNKUAN KIPAT HUN

Mi atamzaw in Zi leh Pasal ihneih hun ciang , innkuan akipan kisakha thei uh hi.A taktak , Zi / Pasal neihding nakhensat ni akipan innkuan a kipan na hihi.Innkuan nuam ihcih pen amah leh amah a hongpiang tawm hilo hi.Aki muthei hih ih teenna inn ihlam mah bangin, akimu theilo nuntakna anei-innkuan

( Home , not House)  alam ih hihi.

Innkuan khatpen Pawlpi neukhat hipah hi.

No KhaThu.                   No. LeitungThu

1) Pa.  Pastor                     1) Pa. President                           

2) Nu. Sunday School Sm 2) Nu. Secretary       

3) Tate. SS naupangte        3) Tate. Mipite

I. (A.) PASAL - HOIH

  1) A Zi pen amah zah aa, a it mi.

  2) A Zi tungah cihtakna, thumaan na anei mi.

  3) A Zi lamte ama lammah bang aa, a it mi.

  4) Thupiang khatpeuhpeuh tungah a hoih lampan a-en thei mi.

  5) Khasiangtho ki makaih sakthei mi.

   (B.) PA - HOIH  

 #Gentehna:   Pa William Jackson Smart.

      A zi - in a nusiat tak ciangin, ta pasal (5)  leh ta numei ( 1) ahi Mrs. John Bruce Dodd-te unau (6)  te , Pa' dinmun, Nu' dinmun, U' dinmun nam 3 ahi  dinmun nam 3 la-in, limtakin khoi-in,

keem in, vaak hi.

1910 kum - in amah hong si leuleu hi.A tanu pen John Bruce Dodd tawh hongki teeng hi.Ni khat Mrs.John Bruce Dodd pen Biakinn khat ah Nute ni - in ki khawm hi.Tua ni- in a Pa phawk lua mahmah aa, Nute ni- a kibawl mahbang in , Pate ni zongbawl ding hoih hicih khensatna hongnei hi.A khensatna ommah bangin Pate Ni hongbawl aa, tua tungtawn in kumsim June kha Nipi 3 na Ni, hongtun simin Pate Ni ( FATHER'S DAY) a kibawl , a hihi.

Nu leh Pa ten tate it hi-ih cih teei hangin, itna ki kimlo hi.A itna uhpen aki muthei hileh...

          100 ah 100%  a - it

           100 ah.   90% a - it

            100 ah.   75% a - it

cih bangin, itna alahna uh asep abawlna, akep adonna, asup abaai lawhna te-uh pan ki mu theiding hi.

Mr.Wiiliam Jackson Smart pen azi-in sihsan baih mahmah aa, pawlkhat te hileh atate donlo-in zi neihsan khading uhhi.A tate a itna, a khualna hangin zi neikik hetlo hi.Ama tangthu-ih etna tungtawn-in, Pa Hoih taktak ahihna, a ettehhuai taktak Pa ahihna ihmu thei hi.

II.(A.)ZI - HOIH
 1) A Pasal uk'na sungah om hi.

 2) A Pasal in muang mahmah hi.
 3) A Pasal thu dotbawl-in, thu kikuppih hi.

 4) A Pasal lamte ama u leh naute mah bangin, it hi.

 5) Pasian thu sungah ki ngazo hi.

    (B.) NU - HOIH

Nuhoih ci-ih hihman' Nu hoihlo zongom cihna hi.NaNu bangzah tak-in hoih keiphial mah ta lehzong mihing khat a, hongkhan suahna cikmah hun-in na thukthei kei dinga, nathukzo ngeikei dinghi.Nupi meigong atamzaw pasal neikik lo uhhi.A tate uh khansuah in, meigon' pihngam lua mahmah uhhi.Tua ahihman' tagah veve Pa tawh tagah tesang in, Nutawh tagah te hampha zaw uhhi.

#Gentehna- NUPI KHAT

Khatvei Nupi khat si-in, vantung  kongkhak pi a tunlian leh Pitazuh tawh kimu hi.Pitazuh in," Leitung na nuntaksung na sephoih , nasep a om hiam?" ci'n dong hi.Nupi nu-in dawngkik aa, " Tua bangin ka gen luatdingbel theikei mai-ing.Ahi zongin amailam nuntak khuasak zia ding hilh khol ing." ci hi.Pitazuh in," Bangthu khawng hilh na hia?" ci'n dongkik leuleu hi.Nupi nu-in," A nuai a bang hi." ci - in dawng hi.

1) Huihpi nun'na ,thuhilh.

 -Huihpi bang aa hamsatna KHA' - in, Na nuntakna hong KHUM _ sak ding hi.

2) Aksi , thuhilh.

-Aksi te ih ettoh mahbang in, Tunglam nate bek en-in.

3) Lasak' theihding , hilh.

 -Lungkham in thumthum, tautau sang-in, A piangna khempeuh tungah Pasian hehpihna phat den in.

III. (A.) NU leh PA TAVUAN
 1) Thu hilh in.

 - Mite mai hilo, inn sung pan.

 2) Na sat leh ciang a zol, pidan cih bang  zang in.

 - Nakhut tawh beengke'nla, tuum ken, Khutpen itna lahna, thupha piakna hi.

 3) Kap sak lel-in.    

  - Akah leh suakta tak kapsak lel-in, Tuasung, kitel nathak khat neiding hi. 

 4) Dan napiak khitciang in.

   - Kawi,  etc...Itna lak kik - in.

 5) It kheng val kei-in.

   - A it lua ten thu hilhlo hi.

6) A val lua-in thuhilh ke'n.

   - A lungsim kisia thei hi.

 7) Akum tawh kizui-in thuhilh in.

   - Akum cin'teh na kamtawh hilh in. Nang vai senpy lohna tawh, Na tate tung heh in, thu zongken'.

 9) Deidan tuam nei ken' .

  - Tate tungah itna , aki kim-in lak in.

10) A thugen te thupi san in.

  - Hong dot khempeuh , lung duai tak in dawngin.

11) Mun khempeuh ah khaktan den ken.

   - Khah tuak na munah suak ta tak in muangtakin, Khah in, pai sak in.

   (B) TA TE' TAVUAN.
 1) Pasian kihta in, Nu leh Pa zahtak ding.

 2) Nu leh Pa itna tel'- in Thusim ding.

 3) Nu leh Pa hong gen thute Laisiangtho zah-in mangding, zuiding.

 4) Nu leh Pate mihing mah hi.Hong hilh khial mah leh zong, Mudah loding,kobawl loding, langdo lo ding.

 5) Nu leh Pa a kici khempeuh mah in, Tate siatna ding adeih omlo hi.

          

IV. A ETTEH HUAI TAPIL..(2)

 (A) TAA FUNG...Jew Rabbi Sia.
  - A Pa pen kum 90 val pha in teek mahmah ta hi.Lupna tungah akah leh atuah amah kia-in hithei lo hi.Tua a hihman zingsang athawh sim-in atapa Taa Fung , alupna pangah bokin anungzaang siksuk sakin tuaksuk sak hi.Tua mahbangin nitak alupding sim, anungzaang sikin lupna tung ah kahto sak hi.

 #RONALDO...TukPeng SuihSiam.

  - Brazil mi Ronaldo pen leitungah bawlung siuhsiam a, a minthang mahmah khat a hihi.Aneu lai-in zawngmahmah aa, anu in atapa annekding a ngaihsutna-in, mi hau te ii  puansawpsak in sumtha lawh hi.Ronaldo pen aneu a kipan bawlung uuk mahmah ahihman, bawlung khat hanciam

takin anu-in leisak hi. Ronaldo in a Nu....

1) It mahmah in,

2) Zahtak mahmah aa,

3) Athu mangmahmah hi.

A honggol takciangin leitungah bawlung siamin hong minthang mahmah hi.Ama thu tawh kisai Media tuamtuam pan thudot na kinei hi.

Dotna .....Banghang hizah a hong min thangthei na hiam?

Dawnna...Kanu hongpattah siamna hang hi.

A Nu pen lungnuam takin koih hi. A nu tungah thukan te'n dotna hongnei leuleu uh hi.         

Dotna.......Natapa Ronaldo in banghun in lungdam kohna hong nei?
Bang kum....cih bang....etc.

Dawnna....Anu-in thukante kiangah, Nong thudotna uh khial mahmah uhteh! Ronaldo in," aneupan akipan lungdam hongko hi." ci hi.

Athu honggen pha nuam- ing.Taih inn, mawtaw tawh nuamtak in hongomsak ciang lungdam hongko hipanlo hi.    

  Nu leh Pa zahtak

   Nu leh Pa thumang

   Nu leh Pa deihbang nungta

   Nu leh Pa hehsak ngeilo

Aneu a kipan tuabang a, a nuntakna tawh A Nu leh a Pa tung ah lungdam hongko den a hihi. ci hi.

#THU KHUP NA 

Leitungah sum ompeuh leh ahi theilo omlo hi ,  ih cih teei hangin,

# Sii kilei thei a......... Nuntakna ki lei theilo hi.

# Zatui kilei thei a.....Cidamna kilei thei lo hi.

# Innhoih kilei thei a....Innkuan nuam kilei theilo hi.

Pate,Nute in amau tavuan zo in, tate inzong tate' tavuan thei a, innkuan in maa ihpan khopding kisam pha mahmah hi.Tua hi a, bangbang ihgeel zongin Jesu lotawh innkuan nuam piangthei peuhmahlo hi.

Tua a hihman, Jesu bulphuh innkuan ( Christ Centre) , Jesu lutang a, akoih innkuan leh Jesu aki makaihsak innkuan ahi dingin Topan' hih article asimkha innkuan khat kimciat thupha hongpia tahen! 

Upna Tawh Laak Ding.

 *Jesu sungah........A cidam Innkuan  kahi uh hi.

* Jesu sungah........A thupha ngah innkuan kahi uhhi.  

* Jesu sungah.........A nuamsa innkua kahi uhhi.