LAI GELHTE IN ZOMI OMLO CIH HONG THANG SAK DING

LAI GELHTE IN ZOMI OMLO CIH HONG THANG SAK DING

Zomite Tangthu asimtak pen ka sim ngei om te.

Capt. Sing Khaw Khai; Rev.S.T.Hau Go,  Rev.Khup Za Go; Dr.Vum Son ; Dr.James Suan Za Dong ; ZRO IPR gelh te a hi hi.

Hi atunga mipilte gelh siksanna pan "Zomi " nammin ngahna keimuhkhiat thak hihdan a hi hi.
(a)ZO leh MI (Zo +Mi) kigawm in (Not  Methamatically ) ZOMI kici hipah hilo hi.
(b) ZO ( JO surname of Joseph)  Suante  Ta tampi,Mihing tampi hong piang in ZO Nam te (ZO Races ) hongpiang hi.
(c) ZO Namte Nampi  min  (Nomenclature );zatkhop ding in;  ZOMI (ZO Peoples) kici  hi.
 Hihthu tamgen sang in Dotna leh dawnna hong bawl nuam zaw ing.Kei muhna tan leh telnoppen ding keima ngaihsut dan a hi hi. Media Journalist sem khat leh Laigelhmi ( Writer)  ka hihman in; Laigelhna tawh guptuam ; auang lua langlek ( bias support ) ka neingei kei hi.
  Zomi 100% ka poma tuahang mah in zong ZBCM Convention khat ah Vangam tunpih dingteng tawh om khawm in nuam kasa hi.

1.Qns. Zomi /Zo tangthu kigelh khempeuh simtak hiam?
 Ans. Laisimte ading in simtaklo omlo hi. Kidawm in.
 Zo Tangthu kigelh khempeuh simtsa kei in.
A hizong in na khuak in abat kei leh Historical View in gelh maw? Political View in gelh maw ? tel masa in. Tua hikei leh Zomi pan nungtawlhna ding in; Kitelhun naita in lai gelh hong tamding hi.

2.Qns. Zomi kici te bang Movenment tawh kalsuan a hia?   

Ans.Tuhuna Zomi kilim gen pen Zomite Tangthu ah Zomi om ngeilo; Zomi kizang ngeilo tangthu gelhte tung ah kingalo uh hi.
   Tuaban ah  Zomi kici ding; Zomi -914 Kumpi in atheih pih leh Zomi kici ding cih tawh kalsuan hilo hi.I nammin hihna(Identity)  Myanmar leh India Kumpi Official Recorded loh siksan in ; Zomi vai nagen a; mi lungkiasak ding lam in; Lai nagelha , na awt awt leh alauhuaithu zong om thei hi.

 Zomite Kipawlkik na (ZOMI Re-Unification  Movenment )  tawh kalsuan a hi hi. Alangpang teng abeimdong pawl in,  ngah mateng nasep pi a hihi. Tua khit ciang Political Movement taktak asang zaw seppat zom ding  a hi hi.

3.Qns. Zomi -914 vai kua khialhna bang hang lau uh hi.
   Ans. Kawl Kumpi in mipi lau zaw hi.

 4. Qns. Bang hun in Eite Zomi kici khin i hiam?
   Ans. I minam min ZOMI cihloh adangte Khuavengte leh Namdangte hong phuah sak tawm vive a hi hi. Tua ahih man in Kawl leh Vai na hih kei leh napianma pan in ZOMI na hikhin hi.

5.Qns. Kumpi ciamteh leh ciamteh loh vai ah Zomi bangcin hangsantak pom ding i hiam?
   Ans. Kumpi ciamteh peupeuh i minam min in kipsak in;lungkim leng minam min haulua ding i hi hi.
(a) Bawngpi khat agailai, apianma in Bawngno kicidinga ; Agol ciang in Bawng talpi or Bawng pi  kici veve ding hi.
   A piankhit ciang Bawng kicipan leh nang zong Kumpite  theihpihna omkhit ciang ZOMI kicipan ding na hi hi.
(b) Zato nakah ciang na Min hong gelh sak uh hi. Namin honggelh sakma uh na min leh agelh khit uh na min kibat dan in ; Zomi Kumpi in theihpih takei leh i minam min ZOMI mah a hiden hi.

6.Qns. Akuateng ZOMI kici thei i hia ?
   Ans. Kawlte ;Vaite hilo teng ZO suante hing aciteng ZOMI a hi hi. Political hang in Kuki leh Chin in ZO apom hang in minam min in Zomi pomlo uh hi.

7.Qns.  Zogam bang hang kici ahia?
   Ans. Zomite tenna minpua a hihman a hihi. Zolo; Zalak; Zopi cih kammal oma; Zogam kicilo hi.

8.Qns. Zo suan leh  Zo nam (Race) kilam danna bang a hia?
    Ans. A kilamdanna nang khensatna a hi hi. Kei muhna ah mihing khat pan minam min piang a hih leh tuateng Zonam hia;Zomi cihna ahi hi.
 (a) Mihing khat min Pu Zo acih uh ZO +MI gawm Zomi kilakna hilo hi.
 (b) Sukte ;Sihzang leh Kam Hau gama tengte amau Ukpi gampua in Sihzangte ;Sukte ;Kam Hau te kici hi. " Mi " acih uh ciang in Hausa /Ukpite mi /nungzuite gennuam a hi hi. Zo ;Thado ;Vaiphei te cih min abei hilo hi.
(c) Zo suante /Zo tate pomthei i hihman in tua ZO minneipa min(Personal)  ZO leh MI (Adjective + Noun) kinung gawm in ZOMI piang hilo hi.
 
  Kam Hau gamsunga teng mite ,Kam Hau Mi a kicih hang in;Kam Hau tate vive hilo hi. Zomi kicihna atuam khat hiin, ZO kici  Mihing khat Tate;Tute Suante tampi hong phak ciang in, Mihing nampi khat in lawhtheih ta ahihman in; ZO NAM (Zo Races ) hong piang hi. Tua Zo namte ZOMI kici a hihi.

   Zo tangthu gen khat in "Ka neulai in Zo mite Ngakkhaw hang suan hi cin Pu leh Paten hong gen cin Video file Online ah khak hi. Tua Zo tangthu amau tangthu hia; tuhuna Zomi National Movement tawh kisai khalo hi.
  Zomi pianna Pasian leh Mihing cihloh abulpi omlo hi.Zomi cihzong Laisiang tho leh Myanmar Thukhun; Immigration Dept minam kigelhna ah om lo mah ding hi. Phuahtawm zong hidihdih lo hi.
 
   I Nam bul ZO (Generic) ; I Nampi min (Nomenclature) ZOMI ahihi. Atom in mihing ahihna uh kitel in ZOMI kici hi. Pasian thupha tawh Zo dawi omnailo in;ZOMI bek mah om  hi.

ZOGAM  ah ZOMI  in  ka pianga , ZOMI in ka nungta hi. ZOMI in ka si ding hi.

Credit. By...
Hang Shing @ Kham Lam Tuang ( Zomi Times News)    2 May 2020