INNKUAN_KILAMZIA LEH PATE THEIH HUAI THUTE

 #INNKUAN_KILAMZIA LEH PATE THEIH HUAI THUTE

1. Innkuan sungah Numei lutang leh innkuan lutang pen Pa hi ding hi. (1 Cor 11:3) Pa na hihna na zo hiam? 

2. Pa in zi or innkuante it ding, ngongtat lo ding. (Col 3:19)

3. Pa in zi tungah ukna thunei hi. (Eph 5:23) ahizongin Pasian zia tawh uk ding! 

4. Pasalte in Christ in pawlpi a pumpi a piak bangin zite it ding. (Eph 5:25, 33)

5. Pasalte in a mau pumpi-zahin a zite uh it ding. A zi a itte amah a ki-it hi. (Eph 5:28,)

6. Pasal in a zi hoihtakin vak ding, kem ding. (Eph 5:30)

7. Pasal in a zi a lupih ding zah in luppih ding hi. (1Cor 7:3)

8. Pasal pumpi zi zat ding. (1Cor 7:4)

9. Pasal in a zi ma kei hen. (1Cor7:10)

10. Pasalte in ih thungetna hong kidawn ding I ut leh zite zahtak ding (1Pet 3:7)

11. Thungen pasal hih ding Pasian in hong deih. (1Tim 2:8)

12. Pasal a zi tungah citak ding thangtat lo ding, a thangtatte Pasian in thuken ding. (Heb 13:4) 

Zaknop nasak a om bangin zaknop lo nasak zong om ding Pasian umte, Piangthakte, Jesu nungzuite pen Akhum bekbek hilo in akhate nangawn ih nek kul ahihna thei ding! OK!

Lungdam

Siama Khaute

2/3/2o26