MUHDAH NEI DINGIN NUNTAK HUN TOM LUA

 MUHDAH NEI DINGIN NUNTAK TOM LUA

Muvanlai a len ciangin vanlai ah leng ahih manin vasa dangte'n buaisak ban lo hi. Khatveivei singtungah a tuan ciangin vasa khempeuh lak panin vaak in na buaisak ngam bek hi. Vaak in muvanlai tungah tuangin tutu a, muvanlai in bangmah lawhse loin vansang lamah lentohpih vingveng hi. Tua vaak in tutu ahih manin muvanlai in vansang lam a lengtohpih na phawk lo hi. Vansang mahmah ciangin huih na tawm a, vaak in huih ngah nawn lo ahih manin luvai-in kiasuk kici hi. 

I nuntakna ah vaak bangin hong tutu om thei hi. Nang mawhna zong hi tuan loin midang khat peuh a tuk kei uh leh lungnuam thei lo mi om hi. Hong kituktuk le ki-enpha inla, na hihna ahih leh kipuahphatna in nei in. Na hih kei leh nang hihna hi lo ahih manin awlmawh se ken. 

Vaak in a tuktuk ciang muvanlai in a sanglen tohtoh bangin nang zong thalakna in zang inla, kalsang suanna in na zang in. Nuntak hun tom ahih manin mi muhdahna dingin pammaih lua hi. Mitengin zong hong pakta dingin ngaihsun kenla, zong hong it kim dingin ngaihsun ken. Nang lam panin miteng na it zawh kei leh mudah nei kei lecin na vanzang ding hi. 

South Africa a apartheid (minam deidana) hunsungin mikangte'n mivomte simmawh cihtakin na simmawh uh hi. Mivomte'n kha (soul) a nei diam, cih nangawn simmawh kammal na zang uh hi. Tua bang simmawhna a thuak uh ciangin mivomte'n thagum tawh thuk kik ding hi leh zo ngei lo ding ahih manun "nui-hiuhiau" kawmin maitaina lak uh hi. Hehna khasiatna in ngaihsun loin a zawh theihna ding uh omsun ahih leh heh lo ding "nui mai" lak ding cih hi. Cihmawhna ahih hangin amau lungsim natna in nei loin maitaina lamin na la uh ahih manin gualzawhna nam khat ahi hi. 

Mivomte'n a gualzawhna thusim, Martin Luther King in, "The Strength to love," le "The Strength to Forgive," cih kammalte na zang hi. Hong simmawhte "itna" le "maisakna" tawh thuk leteh nang a gualzo na hi hi. Tua pen "Jesu dan" (Jesus way) ahi hi. Topa thupha.

By: Rev. Dr. JM. Ngul Khan Pau

GAMDANG TUNG ZOMITE - 8

 

GAMDANG TUNG ZOMITE - 8:

Rev. Dr. J.M. Ngul Khan Pau

US President kiteelna November kha ciang om ding tawh kisai tulaitak gamsung makaite’n buaipih mahmah, kua in hong ngah ding hiam cih kithei nai lo hi. Gam khat kiteelna ciatciat ah bang hangin gamdangte’n zong US kiteelna bildawh hiam cih leh America gam in leitung sum le pai zonna huzap zo lua mahmah ahih man hi. US 2022 census ah mi 333 million om a, tua sungah Mikang pen 58.9%, Hispanic 19.1%, Mivom 12.6%, Asia 6.1%, Multi-racial 2.4%, Native American 0.7% in kiciamteh hi. Gam khangto mahmah i cihte zong Pasian khut in a dom kei leh kiasukin dingkik zo nawnlo uh hi. British kumpi gam nidangin “nitum ngeilo” kici a, tuni-in leitung gam khat bangin kingaihsun lel hi. US gam zong leitung economist’n winter season (phalbi hun) tung dingin a gen pawl om khin zo hi.

US gamsung Mikang Pawlpite bang hangin kiam hiam, ahih kei leh thanem hiam? Hih dotna a dawnna tampi omkha ding hi. Pasian thutak kigenna sangin eima’ lunglutna lam bildawh zawkna, mawhna, tatkhiatna le sianthona gen sangin “thalawpna” ding (motivation) message lamah kipaizaw hi. Tua hangin kikhopnate sunglam kilamdanna sangin zaknop ciang bek tung hi. Kikhelna ciang kitung loin noptuamna ciang bek kitung hi. Lungsim a om thute pawlkhat kikum ni. 

Pawlpi Kikhenna: Tukum Pawlpi tuamtuam ka hawhna uhah khangno pawlkhatte’n hong gen uh ka bilkha ah gingging lai hi. Nu le pate’n Pawlpi vai buaina om ciangin ko a tate uh hong kuppih se loin Pawlpi dangah hong taipih uh hi. Tua pen ko khangnote lasa khawm, Lai Siangtho sin khawm le lawmta kingai mahmah lai Pawlpi hong kibat loh ciangin komau zong na thuak mahmah hi ung. Tangval khat in, “Pawlpi kitap ka thuakkhak a thumveina hi. Tutung pen kah cih takin ka kap hi. Nidang lai-in ahih leh ka hehna lian lua, kikhawm loin tawlkhat ka om khin a, Pawl kitap pen i puansilh lai balkek tawh kibang hi. I biakna sungah hih bangin kitapna om ahih leh Khris in hong gawmkhawm zo lo hiam, ahih kei leh ei pen a kilomkhat thei lo minam ihi hiam, ci ing,” hong ci hi. Pawlpi kikhen ciangin mittang tawh  muh loh hangin lungtang sung liamna kinei ciat hi. Tua liamna hangin “keimah ginat loh man hi,” cih sangin midangte hangin kigenzaw a, tua in ei le ei kidiksakna, midangte mawhsiatna kampau hong tam mahmah hi.

Tua ciangin Pawlpi pen “kei Pawlpi,” “kei phuhsa” cih kampau hong tam mahmah a, Pawlpi pen Khris in a sisan tawh a phuh hi a, a neipa’ deihna bangin i kem hiam cih ngaihsuthuai hi. Keima phuhsa i cih manin i Pawlpi sungah “ei a phutte” kilian lua in Jesu Khris zong ta zo nawn lo hi. Tua lungsim a sia lamin hong pai ciangin ei deihna hong thukimpih lo hong om ciangin nawtkhiat theih nading ciangkhut tawi bangin kigamta thei hi. Dr. Job Thawngno in, “Pawlpi founder i om kei a, a founder taktak i Topa Jesu Khris hi,” a cih ka phawk kik hi. Pawlpi neipa deihna bangin i makaih kei leh i thuak ding hong tam mahmah ding hi. A peuhpeuh in Pawlpi kikhen pen baih ngaihsut het loh ding deihhuai hi. A hangin i biakna in hong zo mahmah ahih manin innkuan khat nangawn Pawlpi hong kibat loh ciangin i vai kituak thei lo hi. 

Pawlpi i gen lai-in a milip tamna a nuam kisa a, mihing muhna panin zong lawhcing kici hi. Ahi zongin Pawlpi gol manin a hoih pen hi masa loin a neu manin zong a sia hi masa tuan lo hi. Pawlpi milip i tam ciangin mission ading, cimawh huh nading tamzaw kipia zo ding cih lamin i et kei leh i tam pen Pasian Gam adingin na phatuam tuan lo thei hi. Pawlpi neu ahih hangin nungta mahmah, mission ah hat mahmah zong ka muh tampi om hi. A thupipen ahih leh Pasian ompihna ngah Pawlpi hih ding ahi hi. Ka muhna ah Pawlpi nungta mahmah i cihte Pasian a buan tangtang mi tam lo mite hang ahi hi. Amau’ thungetna le Pasian’ ompih mite ahih manun amau omna Pawlpi nungta a, i kikhop ciang zong kithei hi. 

Khamitna: Kha sung nuntakna vai ah Pasian huhna tawh dangtakna kinei hi cih ka mu hi. Tua bangin a dangtak mite amau sung panin nuntakna tui phul ding Topa’n a cih bangin a phul mi zong om cih ka mu hi. I minam sungah Kha thu a kigen ciangin Pawlpi khenkhat in amau bek neih bangin ngaihsunkha thei uh hi. Kha Siangtho mi khempeuh tungah kibua a, Pawlpi tawh kisai loin mimal kihonna le thumanna tawh kisaizaw hi. Topa’ ompihna sungah kibual taktak leng, eima angsung khualna cih khawng, thupi kisakna khawng bei dingin ka um hi. Pasian kha in zang mahmah ahih hang a nuntakna mawhna tawh kidim cih bang kiza thei hi. Tua bang mite Pasian Kha hi takpi ding hiam? Khuamial le khuavak kihelkhawmin om kici thei ding hiam? Kha sung nuntakna pen thumang a gamtatna hoih tawh kizom tawntung hi. 

Ei sungah i lungdam man hiam, tuate kikhopna ah ka pai leh “Kha hong kibua,” cih bang kampau kiza thei zel hi. Kha kibua kei a ci ka hi kei a, ahi zongin ei lawpna ciang khat i ngahna munah Kha kibua a kici i hiam? A kibuak taktak leh bang hangin kimaisakna, ki-itna, kipumkhatna piang thei lo hiam? Korinth Pawlpite zong Kha sungah nungta kisa mahmah uh ahih hangin Peter pawl, Apollo pawl le Paul pawl cih bangin na kikhen uh hi. Sawltak Paul in “Khris kikhen hiam?” ci-in tai hi (1 Kor.1:12-13). Kha hong kibua ahih leh nupa kilem lote i kilem hiam? Zite khawng Khris itna tawh it loin simmawhna tawh ho zanzanin ahih hangin Kha sung kibual ung mah i ci hiam? Veng le pamte’n thuakhak hong sa mahmah in ei lah khami mahmah in i kigen hiam? Mi’ zite tungah thusiam mahmahin, ei innsungah gilo mahmahin i om hiam? Kha kibuakna khawngah mi’ zite tungah lawitung tuan bangin i tuang hiam?  

Kha letsongte kilunggulh mahmah in tua letsongte i zat dingin Pasian hehpihna hangin hong kipia ahih lam i phawk hiam? Letsong hong kipiate eima nopsak nading, hauh nadingin i zang hiam? Kha letsongte midangte picinsak nadingin hong kipia hi a, i siamna lahna hi loin Ama’ minthan nading ahih lam i phawk hiam? Kha letsongte lunggulh lo ding hi loin, khami hihna taktak pen letsongte hi masa loin Kha gah tawh nuntakna hi (Gal. 5:22-23). Letsongte bek tawh i nuntak manin “ki-itna, lungdamna, lungnopna, lungduaina, migitna, hoihna, cihtakna, lungnemna, pumpi ki-ukzawhna” kinei lo hi. 

Lai Siangtho sinna: Lai Siangtho sinna Pasian huhna tawh Pawlpi thahatte’n hong pan uh a, a diakin Full Gospel International, Far East Mission Church, Zomi Baptist Churches of America le Bowling Green ah Kawlkam tawh zong om cih ka za hi. Pasian thusinna hong kihongte hangin Pasian i phat hi. Tua bek hi loin Pasian thuthuk theih ding deihna tawh hong kipan hih sangte’n i mipihte tampi khuamuhna hong hi dingin ka lamen hi. Lai Siangtho sangkah mite’n i sangkahna hang i tel ding kisam mahmah dingin ka mu hi. Ahang in sangkah khempeuh hunbit nasema kizang ding hi tuan lo hi. Pastor, evangelist le missionary nasem dingte Lai Siangtho sinna ahih kei leh, sin sungin sapna (calling) ngahte a hi uh hi. 

Tuhun ciangin ka lunghimawh ahih leh ken zong B.Th., M.Div., B.D zo ing, ka siapa ka sianu uh tawh degree kikim ka hi uh hi, cih lungsim nei om cih ka mu hi. Tua degree siksanin hunbit a nasemte dinmun tuh nopna le sia hih nopna thuging kiza hi. Sia hih nopna pen khasum ngah ding, thuneihna ciangkhut tawi nopna ahih leh tua bang siate kisam nawn lo hi. Pasian in hong sap manin ama na ka sem ding a, gimna tawlna om leh zong tuate thuak dingin a mansa ka hi, cih kipiakna neite’n i kisam hi. Tua ciang degree zong tuhun ciangin sabaak hawm a i hawmkhak ding zong lauhhuai ka sa hi. Kum 20 khawng a paisa-a Dr. Renthy Keitzer in Eastern Theological College, Jorhat ah a lunghimawh a gen ka phawk kik khat ahih leh, “I’m afraid we will produce unemployable graduates,” “Nasem dinga zat theih loh laizo i neih khak ding ka lau hi,” a cih zong ngaihsuthuai hi. 

Gen kizom in doctor ngah zong kitam mahmah ta hi. Pasian in hong zatsak, ngahtak i sak mahmah tampi mah i om a, lungdamhuai hi. Doctorate degree pen a ngah mite laisiam man khawng a ngah zong om ding a, Pasian nasep citak takin a sep manin kipia zong om ding hi. Doctor cih pen a min ngaih mahmah a, tua min putak ngahtak hih ding kisam kasa hi. Lunghimawhhuai ka sak ahih leh mite laigelh khawng copy ziau a degree ngah, Pasian nasem hi napi amau’ laigelh lohpi khawng amau’ gelh bangin a bawlziau i om ding lauhhuai lua hi. David in Goliath a do ding ciangin kumpi Saul in a galvante David pia a, amah in a lu tungah sumngo lukhu khusakin, sik puan silhsak hi. Tua ciangin David in a galdalnate tungah a namsau khih a, amah kingeinaseh lo ahih manin lam pai dingin a kithawi leh pai thei lo hi. Tua ciangin David in Saul kiangah, “Hihte tawh lam ka pai thei kei hi; bang hang hiam cih leh ka kingeinaseh kei hi,” a ci hi. David in tuate suahkhia hi (I Sam. 17:38-39). David in Saul galvante tawh galdo loin ama siamna tawh gal na do hi. Topa’n hong piak siamna tawh galdo dingin i kihansuah nuam hi.

English Service: A beisa kum nga kum guk lai-in US ka zin uh ciangin hong kidong thei thu ahih leh, “I pau a bei diam?” cih tam veipi hong kidong hi. Ka dawnna pen, “En i zat nawn kei leh a bei hi ding a, i innsungah i zat tangtang laiteng beilo ding hi,” ka ci hi. Nidangin Kawlgam khawngah i tate Mikangpau a siam nadingin sanginn hoihpipi ah kahsak ding i hanciam uh a, Mikangpau khawng hong pau theih uh ciangin i angtang mahmah uh hi. Tuhun leuleu ciangin Mikangpau bekbek tawh hong pau ziahziah uh ahih manin, Zopau a theih ding uh i deihsak kik uh hi. Sunday School bangah Mikangpau zang loin Zokam tawh tate hilh ding deihna hong lian mahmah ta hi. Ahi zongin, Sunday School pen Pasian thusinna hi a, pau sinna hi lo hi. Amau’ telsiam penpen dingin hilh thei leng, i tate’n Pasian hong muh uh leh i minam kip paisuak ding a, Pasian tawh hong kigamlat leh i minam kiam ding hi. 

US sunga Zomi laitan 5 sangnaupang khat kiangah a sianu in, “Nipi kalkhat sungin bang hun cimtakhuai nasapen hiam, ci-in dong hi. Tua naupangpa’n, “Nipi ni kikhop sung mahmah cimtakhuai ka sa pen hi. Zokam tawh thu kigen ka telvet kei a, ka nu le pate’n kikhop sung nai thum sung hong tutpih teitei uh hi,” ci hi. Hih bang naupangte’n nu le pate thu a zuih nawn loh ciangin hong kikhawm lai diam cih ka ngaihsun thei zel hi. Tua hangin thutak a teltheih nadingun amau’ teltheih pau tawh gen ding kisam ka sa hi.

Mikang kam tawh biakpiakna neih ding nidangin a kigen ciangin nu le pate’n sanhak sa uh hi. Ahi zongin tuhun ciangin Pawlpi tampite’n Zokam, Mikangkam le Kawlkam tawh biakna nei thei uh a, hih zong mainawtna lianpi-in ka mu hi. Tua ciang Pawlpi i gen laitakin Sia Go Cin Zam gendanin Dotloh Komiti bangin gen ding hi leng, Pawlpi minte zong gamdang i tun ciangin i minam min tawh kiphut na om kawikawi hi. Tuate sia cihna hipah loin tuban khangthakte adingin tua minte mah a hoihpen ahi diam cih ka ngaihsun thei zel hi. Zomi Church cih pen tukhang adingin hoih mahmah ka sa hi. Ahi zongin i tate i tute khangah Mikang Mivom hong kikhop theih nadingin tua min tawh Pawlpi om pen hoih suak nawnlo kha ding hi. Gentehna-in i Pawlpi min Agape Church a kicih ciangin mi khempeuh hong kikhoppah loh hangin midangte deidanna om lo ahih manin mailamah tua min tawh paisuak thei ding hi. Khang masate’ hunsungin i Pawlpi min i khek kei zongin khangthakte’n mailamah khek ding hong deih ding uh cih ka mukhol hi. 

Thukhupna: Tutung kong gelhte i ngaihsutzia kibang khin lo ding hi, cih ka thei hi. Keima awlmawhte kong gelh hi a, i phattuampih ding lametna ka nei hi. Topa’n i omna ciatah hong kem henla, thupha hong

HEZBOLLAHTE DRONE IN BENJAMIN NETANYAHU INN KHA, IRAN LEH ISRAELITE VAI NASIA SEMSEM

HEZBOLLAHTE DRONE  IN BENJAMIN NETANYAHU INN KHA 

Tuni ni Isreal lamte adingin zanni (Saturday) nitak lam nai 2:30pm kim pawlin Hezbollahte in, a makaipi uh Sinwar phulakna ahi thei mai tam cih zong khentheih mel loin, Lebanon gam panin Rocket/projectiles 180 kim pawl mah tawh Isreal gam phial kap gawp leuleu hi ci uh hi.

Hi bang kawmkalah Hezbollahte drone 3 in Isreal mal lam, Caesarea khuapi a, Isreal kumpipa tenna in bitum a, (holiday home) Isreal galkapte in drone 2 na khiangtan manin na kapkhiasak uh a, khat pen leng mualsuaksak kha uh hi ci hi. 

News tuamtuamte gendan kibang khin lo a, pawlkhat in Drone leng mualsuak pen in Isreal kumpipa tenna inn kap kha hi ci uh a, ahi zongin tua hun laitak in Isreal kumpipa leh a zii, a innkuanpihte kua mah om lo ahih manin a liam a bai kua mah om lo hi ci uh hi. 

Pawlkhat in bel Isreal kumpipa tenna huang sunga om, (acre) moto khat kha in mi khat in sihlawh hi ci uh hi.

A bangbang ahi zongin leitung leh Isreal galkapte in a theih nop zawk thu uh pen Iran tawsawn Hezbollah singnuaimite in Isreal kumpipa thah sawm takpi mah uh hiam (attempt to kill) cih pen a theih nop thu uh leh a buaipihpen thu hi lai phawt uh hi.

Iran kumpipa, supreme Leader, Ali Hosseini Khamenei in ballistic missile tawh Isreal gam kap ding thu a piak lai in, Isreal galkapte in na mittuuk sim pian pah uh a, ahi zongin Pupi Biden in gam khat kumpi lawmlawm kithahsak liang ding pen na awi mel nai lo phawt hi. 

Bangbang hi ta leh zanni Hezbollah singnuaimite in Rocket/projectiles 180 kim tawh Isreal gam a phial kap gawpna hangin Isreal gam kuamah patau dak kisat a, mi khat in sihlawh a, 13 liam hi cih thu kiza hi.

———

ISREAL LAM ZONG KIGING SEMSEM

Zanni thu piang hangin Isreal gam pen uitui khu lo sa a cihdan pian in, Isreal galkapte hehna pen phuulkhia loin so litlit, so nehneh hi ci uh hi.

October 7 ni a, Hamas singnuaimite in Isreal gam mite a lomthahna hangin Middle East gamah a buai lo ding teng kitaklah mahmah uh ahih manin, Middle East gam kuamah Irante in meiphualpi sat a, tawh pan litlit uh a, gawt mun meikuang kawngkhak hongta hi ci uh hi. (Iran has opened the gates of hell)

Mi pawlkhat in a gendan in Isreal galkapte zong kiging ta mahmah uh a, Isreal pana Iran gam direct a kap thei ding, tai 4038 miles (6498km) ciang a tu thei, Nuclear warhead kilotons 400 a lenpih veva thei, Jericho-3 missiles zong phut veva ta uh hi ci a, warhead bel thuah lian nai lo hih tuak hi

Isreal kumpipa Benjamin Netanyahu bel in, Iran leh a pankhoppihte (proxies) ka zo ding uh hi ci a, kua mah in hong khawlsak zo lo ding a, ong kho zo lo ding hi ciin  reporter te dotna dawng hi.

Reporter: So…Will something deter you? 

Benjamin: No 

Hezbollah singnuaimite in drone zangin Isreal kumpipa thah sawm cih thu a zak ciangin kei zong hong kisawm ding hi ciin lau lua kisa in ling setset kawm in meen piahpuah ta hi ci hi.

Irante in Isrealte a man a that pah dingte bangin awngawng nawn kei uh hen, zo mah nung gap mah ung a cih takpi uh leh hong kisa uh hen. 

Ka lei nuai vanleng tual/airport khawng uh a thei nai uh hiam ciin lahna nei uh hi. Muslimte in lei nuai lamah kua na kheuh gai hi leh kilawm hi. A takpi mah a hi diam?

Anuai ah Play azum mekle cin lei nuai ah vanleng kuan Irante aa thupi hi! 

INDIA LEH CANADA KIKELKI, IRAN LEH ISRAELI BUAI ZWL

INDIA LEH CANADA KIKELKI   10/14/24

Nung kuma Canadian social activist, Canada gam mi, India lutuamte (Sikh minam) sihna tawh kisai, Canadian policete in india kumpi kigolh hi ciin a evidence kician tak a neih man un,  Canada kumpi in india palai, Ambassador/ High Commissioner leh mi dang 5, (convoys/diplomats) Canada gam panin hawlkhia uh a, a thuhkikna dingin India kumpi in Delhi khuapi a om, Canadian High commissioner leh mi dang 5 (convoys/diplomats) mah hawlkhia kik leuleu uh hi cih thu kiza hi.

Nih gel kal sinthu khau bang kikaiawk semsem hi leh kilawm hi.

IRAN TEN NGAWTNA TUAK LEULEU

US in Iran galkapte in Isreal gam ballistic missile tawh a kap manin  gakna (sanctions) pia uh a, tu niin Iran kumpi in Russiate ballistic missile a piak manin UK, Germany leh France-te in Iran kumpi gawtna (sanctions) piakthuah kik leuleu uh hi.

Hih gawtna sungah Iran's national airline, Iran Air, travel bans leh Irante ballistic missile bawlna tawh a kimehmat, a kikaiawk, mimal leh pawl tuamtuamte ngakna pia ding uh hi ci hi. 

A om lai teng Isreal ten kapzaansak lai ding uh a, Iran kumpi zong bak ningneng paat ningniang ta ding uh hi.

———-

Hezbollah makaipipa  a sih khin ciangin kua mah a zaa laih kik pak ding mi kimu zo nawn lo uh ahih manin, Hezbollah singnuaimite a uk a makaih dingin (supervisor) Iran galkap mang khat ahi, Deputy commander of the IRGC-Quds Force, Mohammadreza

Fallahzadeh, Iran kumpi in panmun piak sawm cih thu kiza hi.

—-

Isreal kumpipa Benjamin Netanyahu in Iran galkapte munpi (military infrastructure) a kap ding thu uh hilh a, sawt nawn lo ding hi ci a, ka sawt mahmah uh leh zong, US kitel ma hi hamtang ding hi ci hi.

Zanni Hezbollah singnuaimite in drone tawh Isreal galkap, Golani Brigade

Training Base a kapna mun, Isreal galkap mangpipa, General, Herzi Halevi in tuni in va pha hi.

Training lai mi 4 in sihlawh a, mi dang 40 kim liam hi ci uh hi. Isreal galkap mangpa in, Mai…mai… Hezbollahte hong kiphasak vial ve uh e…a mangsia sia man hi…ciin drone in a suksiat Training Base sunga om, zato inn/clinic, Biakinn/ synagogue, ansai/canteen leh dining hall-te en kawikawi hi ci uh hi.

Sihna a tuak mi 4te pen kum 19 vive hi ci uh hi.

1) Sgt. Omri Tamari 

2) Sgt. Yosef Hieb 

3) Sgt. Yoav Agmon

4) Sgt. Alon Amitay

ISREAL GALKAMTE IN HEZBOLLAHTE BUKUALPI LUH

Isreal galkap, Defense Force's 91st Division-te in tuni in Lebanon gam sim lamah, Hezbollah galkap muan leh suanpen pente ahi, Elite Force-te bukualpi luh uh a, a sungah living room, bed room, kitchen, command centers, an leh tui leh moto saikel khawng om hi ci uh hi.

UKRAIAN LEH RUSSIA NATO THU

10/12/24

UKRAINE LAM

Mai nipi kal October 17-18, 2024 sungin NATO gam Defence minister-te NATO Headquarters, Brussels  khuapi-ah kimuhkhopna nei kik leuleu ding uh hi ci hi.

Hi hun sungin Russia in Ukraine gam paulama Nuclear tawh NATO gam pawlkhatte a vau den zakzak gige thithe-na hangte kikum ding uh hi ci hi.

Tua banah NATO gamte in Russia gam koici masuan ding, maingatdan ding cih tawh kisai, geelna leh ngaihsutna thakte zong (new strategy) kikumkhawm ngeingai leuleu ding uh hi ci hi.

Russia gam khauh nawk semsem ding cih a deih pawl a om lai in, pawlkhat in dausak semsem ding cih a deih pawl zong om uh hi ci a, NATO gam 32te zong tuni ciang dong kithutuak thei mel lo uh hi ci hi.

Tua bang kawmkal in MATO gam kipawlna sunga om, Hungary leh Slovakia leh Turkey-te in a sim a tham in Russiate na zawlmit zel uh a, na kineel, na uitui zel uh ahih manin, amau kal sinthu zong tawm khat beek kikum dinga lamet ahi hi.

———

Washington Post in a gendan NKorea galkap honpi khat Russia galkapte khut nuai training a nei laitak uh hi a, tu kum tawp lam ciangin Russia galkapte tawh kipawl in Ukraine gamah galmadawk in pang thei ding uh hi ci hi.

Ukraine official lamin zong NKorea galkapte Ukraine gam a si pawlkhat leh a liam pawlkhat zong om khinta hi ci uh hi.

NKorea vaihawmna innpi-ah zong (National

Assembly session) Korean Defense Minister pa, Kim Yong-hyun in, Russia galkapte huh dingin NKorea in galkap a tamzaw kikhak thuah lai mai thei hi ciin gen hi ci uh hi.

A beisa hunin hua gala Kimpu leh ngaanbawkpa in zong galkap lam tawh kisai kihuhtuahna dingin kilemna suai na kai khin uh hi. (mutual treaty akin to a military alliance)

———

Russia galkapte in Black Sea tuipi-ah bomb thang/ mine 300 val ding bang siah uh a, tuihual in a taai lai, tuipi tungah a laam zuazua lai leh tuipi ngei sehtaak khawngah muh ding om ziazua hi ci uh a, hi pen leitung upadi (international maritimes law) tawh kipelh hi ci uh hi.

———-

Western gamte in Russia kumpi gawtna a piak manin Russia galvanleng muan leh suanpen khat ahi, SU-57 5th geration fighter Jet pen bawl zo nawn loin tawlnga phawt uh hi ci hi.

OKLAHOMA KHUAPI ISIS TEN NUAI SAWM, Mipi tamna kidop huai Zomite aw

 OKLAHOMA KHUAPI ISIS TEN NUAI SAWM

Monday niin FBI-te in Oklahoma khuapi-ah Afghanistan khua leh tui, US a galtaia om, Nasir Ahmad Tawhedi, 27 in ISIS min tawh US kitelpi, November 5, 2024 ni ciangin mipi tamna mun khatah ngongtatna (terrorist attack) neih sawm cih thu a zak uh ciangin FBI ten hing mat pah lian uh hi cih thu kiza hi.

FBI ten ama tenna inn panin galvan honkhat zong man a, kitel main an inn a lo, a neihsa khempeuh sum gum paigum suahsak  sawm in pan la hi ci uh hi. Cih nopna-ah an inn a lo leh neihsa khempeuh zuak bei sawm hi ci uh hi.

Justice Department-te maiah zong kitel ni ciangin mipi tamna mun khatah ngongtat a sawm thu hilh hi ci uh hi. Hi banga a hansuah leh a thapia leh galvan khempeuh a vaihawmsak pen ISISte hi ci uh hi. Kihona dinga a van zat khempeuh zong mattangsak pah uh cih thu kiza hi.

Attorney General Merrick B. Garland ISISte in US gamah ngongtatna neih sawm uh ahih manin a suulnung lim taka i khan ding kisam hi ci hi.

Tua ahih manin US gam sunga om Zomite zong pilvangin mipi tamna mun khawnga kisam lua i hih kei buang leh om loh ding thupi a, pilvan ding kisam hi.

TEDIM DISTRICT (တီးတိန် ခရိုင်) THU , HIH THU NA NGAIHSUTNA ZA NUAM ING!

 #HIHTHU KIPHAWKZOLO

TEDIM DISTRICT (တီးတိန် ခရိုင်) THU 

#Sian Khual ✍️ Laikung Pan 

1. TEDIM DISTRICT တီးတိန် ခရိုင်

Zogam, Zomite khuapi Tedim District, တီးတိန် ခရိုင် pen abeisa Galkap hun, NLD hunin Zomi Gamvai Makai, Biakna Makai, CSO Makaite leh Kipawlna tuamtuam Makai ten hanciam in Kumpi thu nei te tungah lampi tuamtuam zongin kingen himah leh Zosuan i cihcih Chin te’n kankuat theih top, khaktan theih top in hong khaktan uh in kingah zo mahmah lo hi. Kilawhsam ci leng zong akikhial lo ding dinmun ah i om ta hi.

Chin te’n gamvai hita leh Biakna vai ah hita leh kankuat theihtop leh khaktan theih top in hong kankuat,khaktan den uh hi. Zomite’n Chin te tungah bang mawhna ki nei liang hiam cih theih nop huai phial hi.

2. PASIAN IN HUN SA TA

Kum 2021, Feb1 in, MAL in kawlgambup arna, ukna hong lak tak teh kuama khaktan, kankuat theih nawn loh dingin PASIAN in nasem ta hi. Kumpi Pharaoh lungtang akhel Pasianin MAL lungtang Zomite adingin hong khel sak hi. 

MAL in ama ukna, thu neihna KUMPI TOKHOM pan Zomite khuapi TEDIM DISTRICT တီးတိန် ခရိုင် hong pia vilvel mawk hi. Gamvai Makai, Biakna Makai, CSO Makai leh Kipawlna tuamtuam Makaite nget kul nawnlo leh Chin te kankuat theih loh, Chin te khaktan theih ngiat loh in Zogam ZOMI te Khuapi TEDIM in District (DC-ခရိုင်) hong ngah mawk hi. A lungdam thei hi leng Zomite adingin bangzah tak in lungdam huai hiam..

Kawlgam sunga Myo, District ခရိုင် khempeuh SAC Galkap UKNA piak vive ahihi…

3. A MAIZUM HUAI MAHMAH KHAT 

Kum 2021 in MAL in Kawlgambup arna, ukna hong lak tak teh kuama nget kul nawnlo in Zogam Zomi Khuapi Tedim in DC Khazai hong ngah, hong kipia liauliau mawk hi. 

Ahizongin, amaizum huai mahmah khat in bang hiam cih leh Zomi kampau azang ngiat Kipawlna pawlkhatin ciamnuih bawlin kankuat lawmlawm uh hi. Hih MAL piak Tedim DC piakkik ding hi ci-in kampau in LAI suah zen  uhi. Nak maizum huai lua hiven lawmlawm sam….Tua kipawlnate kua cih leh Mimal kampau kua teng hiam cih i gengen loh hangin na thei pah lel ding hi. 

4. MAL/SAC Piak TEDIM DC/ခရိုင် Deih lo te theih ding 

MAL/SAC Kumpi piak TEDIM DC/ တီးတိန် ခရိုင် a deih lo, akankuat, anialsawm te tungah DOTNA khat nei nuam ingh.

Tua leh MAL/SAC piak TEDIM KHAZAI adeih lo, anial, akankuat te’n SAC kumpi Tan10 Laivuanna pan na ngah 

1. Na Tan10 Aungletmat (Certificate)

2. Na Buaih Letmat tuamtuam te uh SAC kumpi thu neite tungah na pia kik uh diam……?????

Tua letmat Certificate te pia kik in, Laitan neilo mi1 bangin na om nuam hiam..??? Laitan neilo mi1 nasep nasem nuam ding hiam..???Mailam Saupi mukhol sa in kampau gamtat kul hi. 

Hunsia sung pan Zomi leh Zogam ading hamphatna om khempeuh i laksiam leh Zomi leh Zogam in THUPHA ngah bek ding hi. 

Spring Revolution နွေဦးတော်လှန်ရေး pen gualzo ding maw gualzo lo ding cih ki theilo himah leh Tulaitak Kawlgam khuahun i etteh Guallelhna lamah 90% om ta hi. Tua ahihmanin Spring Revolution paulapin Thautawite zong kiphatsak ngam huai hetlo hi. NUG in azawh kei leh Thautawite zong bei haklo ding hi. SAC in hong bengkhia ciatciat dinguh hi.. 

THUPIL 

Ami na muhdah manin a thu nial ken, A thu na deih loh manin ami mudah ken…

Zomite itna takpi tawh hong it 

Sian Khual 

New Zealand 🇳🇿

Hih nasim khin ciang atawpna dong na khin suk in Orange color tawh kituam Home kigelpen na mekin la News tuamtuam lim zui thu lu zui in na sim in! Na hawh zel in 

Thu thang tuamtuam India in Paletwa Chinstate huh

 𝐈𝐧𝐝𝐢𝐚  𝐢𝐧  𝐏𝐚𝐥𝐞𝐭𝐰𝐚  leh 𝐒𝐢𝐭𝐭𝐰𝐞  (စစ်တွေ) 𝐌𝐞𝐢 (𝐄𝐥𝐞𝐜𝐭𝐫𝐢𝐜 𝐏𝐨𝐰𝐞𝐫)  𝐏𝐢𝐚 𝐃𝐢𝐧𝐠:

India In  Myanmar Chin State Paletwa leh Rakhein State, Sittwe (စစ်တွေ) tan  power/meivak pia ding-a;hih tawh kisai-in  Mizoram Govt- in pan la ding hi, ci'n India foreign Minister joint secretary B.Shyam-in gen hi.Mizoram a zin lai(September 12,2024)in , India foreign Minister joint secretary  in  Mizoram state's Power & Electricity Minister Pu F. Rodingliana office-ah kimuhpihin a gen ahi hi. India Govt-in  Myanmar gam  Chin State Paletwa tan mei  pia dinga;  Tua banah, Rakhein State Sittwe tan mei kipia suak ding hi.Hih nasep a taksuak nadingin Mizoram Govt- in pan la ding hi, ci'n Mizoram Govt- news and information Ministry in tak lang hi.

India foreign Minister joint secretary leh Mizoram state's Power & Electricity Minister ten Myanmar leh Bangladesh tawh Business lam a kizopna zong gen uhi.

India leh Arakan gam leh Chiin state kikawm tuahna lampi bawl nadingin(lamsial kipanta, i cih pen) US dollar Crore 484 tak  zanga  Kaladyne Multi Modal Transit Transport Road Project  paipih ahih nunga hih dan thu aom pen amau' ( Tongpaite) adingin thu kipahhuai le politics-ah lawhcinna khat uh hong suak hi. .

————/-///———

Isreal galkap mang khat ahi, Commander of the Southern Command, Gen. Yaron Finkelman pen October 7 ni a kipanin tuni ciang dong inn lamah khatvei zong ciah kik nai lo a, a zii a tate tawh khatvei zong kimu kik nai lo phawt hi ci uh hi.

Hamaste in Isreal saltangte a kep lai teng leh Hamas makaipi Sinwar a dam lai teng, gal phual (combat zone) ahih kei ka post-ah ka om ding hi ci hi.

ORI GORDIN IN LEBANON GAMA GAM KUANTE VA VEH

Operation Northern arrows makaipipa, Northern Command, Maj. Gen. Ori Gordin in Lebanon gama Isreal galkap gamkuante va pha a, Golani Brigade, Field Commander-pa tawh va kimu uh a, Isreal galkapte Lebanon gam sung a lut zoh uh hih a nuaia bangin Report pia hi.

1) Mi 9 si ta.

2) Mi 16 in liampi ma tuak hi. (critically injured)

3) Mi 70 in liam neu maa tuak hi…. ci hi.

Isreal galkapte Lebanon gam a lut zoh uh tuni a ni 6 cinna ahi hi.

Isreal galkap Lebanon gama gamkuan, 36th Division nuai a, Et Zioni Brigade-te sing liim nuaiah tawlnga in, a kigualnopsuah khit nung un, gam kuan dingin kisa kik leuleu uh hi.

Hezbollah-te in a gam kuam in bomb thang lim siah mahmah uh ahih manin vai sah mahmah hi ci uh hi.

———

Jordanian vanlengpi in Lebanon gama cimawh mangbangte adingin huhna puak.

Romanian vanlengpi in Lebanon gama cimawh mangbangte adingin huhna puak.

Lebanon gama nasem Red Cross-te in Tebneen hospital panin siluang bang hiam khat nawnkhia in, Tyre hospital lamah puak uh hi.

———-

PIANTIT KUMPIPA THUGEN ISREAL GALKAP TEN DAWNNA PIA

Lebanon sim lam, Dahiya khua a om, Piantit-te Company, FRENCH ENERGY COMPANY Isreal galkapte in bomb zaansak uh hi.

Isreal galkapte pen khaupai mahmah lel uh a, Piantit kumpipa thugen pen Isrealte in amau style in thuhkikna a pia uh hi. A lamdangpi a ngaihsut ding hi lo a, amau paizia hi lel hi.

Israel responded in its own style.

—

OCTOBER 7 

Zingciang pen Hamas singnuaimite in mawhna leh khelhna nei lo, Isreal mi 1,200 a lom thah ni, 251 a hing mat ni, kum khat cinna hi a, Isreal, Hamas, Hezbollah leh Iran lamte zong kiging mahmah tek uh hi. Bang thu bang la hong piang tam hungaih ni.

US CENTRAL COMMAND MAKAIPI PAN ISREAL GAM VA PHA

 US CENTRAL COMMAND MAKAIPI PAN ISREAL GAM VA PHA

US Central Commmand, (U.S. CENTCOM) makaipipa, Gen. Michael Kurilla in Isreal gam in nu phu pa phu la dingin kilimthawi mahmah cih thu a zak ciangin tuni in Isreal gam va pha a, Israeli Defense Forces makaite tawh va kimu ding uh hi.

Tu ciangciang thu kizakdan in, integrated air and missile defense system leh Security lama pankhawmdan ding tawh kisai va kikum ding uh hi ci hi. 

A tom in gen leng, satang hawmdan ding leh sa pandan ding teng va kikum ding hi leh kilawm hi.

PIANTIT KUMPIPA A HEHSUAK

Piantit kumpipa, Emmanuel Macron in Gaza gam kapna dingin Isrealte galvan pia nawn kei un ciin leitung pumpi maiah hong tangko khia hi. 

Emmanuel Macron calls for halting arms deliveries to Israel for use in Gaza.

BENJAMIN NETANYAHU IN PIANTIT KUMPIPA KO GAWP

Isreal kumpipa Benjamin in Piantit kumpipa Immanuel Macron kiangah a ngongtat leitung mai 7 in Isreal kap huan a, ka kiven ka kidalna ding uh galvan pia nawn kei un nong cihsan mahmah na mai zum lo hiam..zumhuai lel tak teh…..ciin ko gawp hi.

Benjamin Netanyahu in Piantit kumpipa leh western gam makai pawlkhatte in hi thu na za ta un. Isreal gam galvan pia nawn kei un na cih mahmah uh, na mai uh zum lo hiam. Zum thei un. 

President…Immanuel Macron aw… nang tel loin Isreal in gal kizo veve ding a, nong huh a, nong huh kei zongin Isreal in gal kizo veve ding hi. 

Isreal in gal ka zoh khit uh ciangin na khang tawnin na min sia ding a, dai zikzek ding hi teh.. ciin ui ko ngeu ko in ko hi. (Kicianzaw leh kicingzaw vedio-ah na ngai ciatta un)

Israel will win with or without you - but your shame will reverberate long after Israel wins.

IRAN TUI LAM GALKAP MANGPI PAN KA MANTA UH HI CI HI

Iran gam tui lam galkap mangpipa, Commander of the Iranian Navy - Ali Reza Tangsiri in a man a that pah dingte bangin awngawng kei un la, Iran gam security susia nuam, mei tawh kimawl nuam takpi na hih uh a, ngap mah ung, zo mah nung na cih takpi uh leh hong kisa ta un. Ka manta uh hi ci hi.

We are ready for all possibilities and stand firm against anyone who wants to harm our security and play with fire"

IRAN INTERNET LEH TRAIN TRAFFIC LAM BUAI MANGTA

Mipite buai mahmah ta uh hi. Isreal galkapte in Beirut khuapi sim lam a teng, Dahiya kim leh pama teng nautang mipite kihemkhia dingin Arabic pau tawh thu pia hi. 

Isreal galkapte in Beirut khuapi, Shia Muslimte kulhpi leh tamna mun, Dahiya veng leh kim leh paam teng khawng ngekngek ta uh hi.

US CENTRAL COMMAND TEN YEMEN GAM SAI NGEKNGEK

US CENTRAL COMMAND TEN YEMEN GAM SAI NGEKNGEK 

Tung siahte thu piakna tawh Middle East a om,  US Central Command (CENTCOM)te in tuni in Yemen gam Houthi singnuaite ukna nuaia om, galphual mun/target 15 tang golpite tawh sai ngekngek uh a. Vuikaisak zikzek uh hi.

Tu ciangciang thu kizakdan in mi 16 in sihlawh khinta uh a, 35 in liampi maa tuak uh hi.

Yemen lamin US leh UK a ngawhbawl hang un, UK lamin bel them khat zong ka kigolh kei uh a, ka kisawh kei uh hi ci hi.

Bomb khiatna munte:

1) Hodeida Airport

2) Tembaw khawlna mun lianzaw deuh teng, (major port cities) 

3) Houthi singnuaimite phualsatna Katheib area. (Houthi-controlled military base)

4) Sanana sim lam Bayda province a om, Houthi-te media mun teng.(Al Masirah television network)

Hi banga US in Houthi galvan koih khawmna munte a nuai vatna hang pen Isreal in phulakna paipih nuam kuanta ahih manin Isreal a buaisak thei ding Houthite na zawmsak masa khol zong hi kha thei ding hi.

US lamin a gendan in bel, Houthi ten US drone na kapsak zel uh a, warship zong kap dingin vau zel uh hi ci hi.

Bek tham loin Middle East gam kuamah kilemna leh daihna a om theihna dingin min a hanciam lai un, mi sutuah leh haholh in na kipei tengtung gige uh ahih manin USte mittang na lua ta hi ci uh hi.

NEWS REPORTERS: Pupi Biden in Irante nuclear phualpi kap ding a phal loh tawh kisai in bang ngaihsutna nei na hiam?

PU TRUMP: Ka pian suah zoh thu haivaipen pawl ka zak cilna hi kha thei ding hi. Irante nuclear mun pen a lauhuaipen mun i neih khat ahi hi.

Pupi Biden Senior Advisor, Amos Hochstein in Lebanon kumpite kiangah kilemna ding zawnga kihona (diplomacy) om nawn lo ding a, tu in i gen khop ding zong om tuan nawn lo hi cihsan giap ta hi.

"There is no more diplomacy on the table or anything to discuss now."

Iran galkap mangpipa nungthuappa, Deputy Commander, Ali Fadavi in, Isreal in a hih khelh lai leh Isreal gam in a neih sunsun, gas facilities leh energy facilities-te kisuksiatsak ding hi ci hi. 

Isreal in gas company/plant 3 bek nei uh a, energy facilities zong themno khat bek nei uh hi. A vekpi in kisuksiatsak ding hi ciin tawng kik leuleu hi.

ISREALTE THAUTANG DALNA THUAP SAGIH TAWH KIDAL DING

 Morning News

ISREALTE THAUTANG DALNA THUAP SAGIH TAWH KIDAL DING…?

ISREAL in thautang dalna thuap sagih nei uh a, a ut nak uh leh thuap sagih tawh kidal thei uh hi. Tua ahih manin Irante in Isreal gam a kap uh ciangin dal seng loh dingin a lom a tangin lawn phei pahpah uh hi.

Iran gam pen thautang dalna lamah zawngkhal lai mahmah uh ahih manin sialpi guah thuak in thuak thei kha ding hi ci uh hi. 

Thautang dalna i cih ciangin a dalna beka zat ding hi pah sam lo a, a kapna dingin zong kizang thei pah hi cih zong i phawk ding ka deihhuai mahmah hi.

Isrealte thautang dalna minthangzaw deuhte hih a nuaia bang hi a, a nengneng pawlkhat zong nei thei kha lai ding uh hi.

1) SPYDER: A nai leh a laihawl pawl dalna hi a, (short and medium range) drone, fighter Jet, helicopter leh bomb dalna dinga kibawl hi pen hi.

2) BARAK-8: Tembaw pan hong kikapkhia a tham leen deldal thautangte pawl dalna dinga kibawl hi pipen a, (anti-ship missile) Ballistic missile eh galvanleng kapkhiatna  dingin kizang hi.

3) IRON DOME: A kui len lua lo, a mualheu, a leizui lama leng pawl, thautang neu lam pawl Rocket, motar cihte pawl dalna dinga kibawl hi a, A tang zong neu a, a man zong tawmzaw ahih manin tutung kidona-ah Isreal ten lim zat mahmah uh hi. Sum zong nem tuam mahmah ding hi.

4) DAVID SLING: Van kuam, mual kuam kapna dinga kibawl hi a,(long range) Isrealte in US khutsuak Patriot missile hawmthawh pian ahih man un, a laihna dinga kibawl hi ci uh hi.

5)  ARROW-2: Van gam mual mawng kapna  dinga kibawl hi a, (anti ballistic missile) leitunga a minthang vangvang ballistic missile thautang dalna dinga kibawl ahi hi.

6) ARROWS-3: Tuilu-tuitaw kapna dinga kibawl ahi hi. intercontinental ballistic missile (ICBM) leh ballistic missile tuamtuam kapkhiatna ding leh dalna ding a kibawl ahi hi.

7) IRON BEAM LASER: Hi pen ei pau in ni zung thautang cileng a man thei tam? Isrealte in Irante meizang tawh huul gawm ding maw, ahih kei leh mei-aamsa dan pian tawh bii gawp ding, ka khuak in ban zo nawn lo hi. Isrealte in nei khinta uh a, nung kum lamin sittelna (test) lawhcing takin nei khin zo uh.

Kician taka gelh i sawm teisam hangin a technical term i theihna in cin lo a, a vaangpi khat i vaangtheihna dinga kong at suk gawp ahi hi. A theihzaw leh a telzaw deuhte in hong nihthuahta un.

Leitungah Isreal mudaha a awngawng teng pen Iran, Irag, Syria, Yemen Lebanon leh Palestine gamte hi uh a, leitung a buaisak den zong amau teng hi pian pah hi. A dangte in Hezbollah singnuaimite a mangcip zongin awlmawh luapi lo ding hi.

Zanin Iran Supreme leader, Ali khamenei in leitungah Muslim gam khempeuh pangkhawm thei hi leng, western gamte kizo thei ding hi ciin awngawng a, Muslim gamte kidona huang sungah kaihlut sawmin zolbawl hi.

"If all Islamic countries unite together, they will be able to defeat the West," claimed Ali khamenei.

ISREAL LEH IRAN KAL SINTHU KIKAIAWK SEMSEM

 ISREAL LEH IRAN KAL SINTHU KIKAIAWK SEMSEM

Mi pawlkhatte in leitung galpi kinaih semsem hi ci uh a, pawlkhat in Middle East gam kuama om, Muslimte zong kingeih kithutuak het lo ahih manin Isreal in phulakna a paipih zongin galpi piang zo lo ding hi a ci pawl zong om uh hi.

Tu ciangciang thu kizakdan in Isreal in Iran gam a kapna mun dingte  (military targets) kiciansakta uh a, ahi zongin Iran in a thuhkik khak zenzen leh, koici bangin kiveng kidal ding? Isreal gam security dinmun ding tawh kisai Cabinet in a kikupsan laitak uh hi ci hi. Pawlkhat in phu lak ding vai tawh kisai a khinkhai lai tak uh hi a, phu la sese loin Hezbollah tawh kidona zoh siang phawt ding a deih pawl zong om uh hi ci hi.

Isreal galkapte in Iran gama military target mun dingte a genkhiat nop loh hang un, hih a nuai munte hi hamtang dingin ki-ummawh ciat hi. 

1) Isfahan muna om Irante nuclear munpi (Iranian uranium processing sites in Isfahan)

2) Iranian air defence bases

3) Iran oil infrastructure. A diak in Kharg oil Terminal Isreal galkapte in mittuk deuh uh hi. Iran gam in hi lai mun panin 90% crude oil gam dangah puak uh hi ci hi. Hi lai mun suksiatsak leh, Iran Economic kihumzuulsuk pah hinhen ding hi ci uh hi.

4) Isfahan muna galvan bawlna munpi (weapons factory in Isfahan)

5) Iran’s cluster of missile and drone bases

Ahi zongin Pupi Biden in Irante nuclear munpi a suk ding pen awi lo hi. Bangbang ahi zongin Pupi Biden leh Benjamin Netanyahute ei thei loh kalin sun leh zan kipailet in kiho ding uh ahih manin hong koici pai zel tam? Hungaih ni. 

US thu loin Isreal zong hong tangtat ngam tuan lo ding a, Pupi Biden in Irante nuclear munpi a suk ding uh deih se lua zaw, a awi lo hong kineih khawng zong hi thei hi. Leitung pen politics tawh kal kisuan khawm ahih manin a awi lo takpi mah zong a hi takpi tam theihsiam haksapi hi ta hi.

ISREAL SPECIAL FORCE-TE LEBANON GAM LUT TA

 Evening news

ISREAL SPECIAL FORCE-TE LEBANON GAM LUT TA

Tuni in Isreal galkap Special Force-te in Lebanon sim lama om, target tuamtuam buluh dingin lutta uh hi cih thu kiza hi.

Amerikan official lamte in major ground invasion paipih lo dinga a ngetna uh tungtawn in, a niamzaw deuh LIMITED GROUND OPERATION paipih cih thu kiza hi. Lei galkap pawlin makaih ding uh a, Isreal Air Force leh artillery-te in amaute nung thuap ding uh hi ci hi. A min ding OPERATION NORTHERN ARROWS ci uh hi.

Tutung galsimhna sungah Lebanon gam sim lama om, Hezbollahte kiphualsatna(infrastructures)galvan koihkhawmna mun(weapon depot) command central leh gamgi zuula om kuahawm pawlkhat (network of underground tunnels-te va susia ding uh a, Lebanon sim lam gam kuama om Hezbollahte ak hawl in va hawlmang ding uh hi.

Isreal galkapte tangkopa, Rear Adm. Daniel Hagari in Isreal mipite kiangah Isreal galkapte gamtatnate media lamah thehthang lo dingin ngetna bawl hi.

IDF Spokesperson Rear Adm. Daniel Hagari urged Israelis to refrain from sharing information about troop movements.