ISRAEL EVENING NEWS PAWLKHAT

 ISREAL HOME FRONT COMMAND GUIDLINES

Isreal galkap tangkopa, Rear Adm. Daniel Hagari in Hezbollah makaipipa Nasrallah sihna hangin nautang mipi pilvang dingin theihsakna bawl a, Isreal gam nautang mipi bitna dingin hih a nuaia bangin mipite zuih ding bawl uh hi.

Adiak in mipi 1,000 val om khawm phal hi lo hi. Bawlung suihna leh kimawlna tuamtuamah a en ding mipite phal hi lo hi.

Isreal gam sung state/district/region tuamtuama nasepna mun, sangkahna mun, kikhopna munte-ah mipi zuih dingin hih a nuaia bangin Home Front Command Guidelines bawl uh hi.

EVENING NEWS 

Pute khua lama hong zin Isreal kumpi, Benjamin Netanyahu zong, hun bang tan hiam khat a taam sungin Isreal galkapte in gaalmang-lu, samang lu na tun cih thu a zak ciangin hohnopna bannopna khempeuh nusia in inn lam delh kik vingveng hi cih thu kiza hi.

Isreal vanlengpi Wings of Zion aircraft tawh ciah in a ziat a veiah Isreal Jet fighter ten cing uh a, vaphual mo la bangin van kim laiah lengto diaidiai hi ci uh hi.

HEZBOLLAH MAKAIPI LEH ZOMI COUNCIL DELHI

 HEZBOLLAH MAKAIPIPA IN MUAL HONG LIAMSAN

Isreal galkap mangpipa in tung khuapi bang ka ging e.. nuai simleipi ka thawng e… ciin Isreal galkapte tung NEW ORDER pia in sun leh zan kipailet in Lebanon khuapi, Hezbollah singnuaimite kiphualsatna mun khempeuh-ah beltungpi 2000lb a gik, bunker-buster bomb khiat ngekngek uh a, Beirut khuapi sung a kuampi in a lei liingsak in, a mual a guam thawnsak in, hawlsak diahdiah hi ci uh hi.

Kum 10 val sih ding laua a biikcip, nautang mipite maiah a kihil ngam lo, a kilaakkhia ngam lo, Hezbollah makaipipa, Secretary General, Hassan Nasrallah kap tuk ngawngaw ta uh hi cih thu international main stream lian, meadia khempeuh in tangko zikzekta uh hi.

Isreal galkapte leh Hezbollah-te zongin official in a sih thu confirmed ta uh hi cih uh a, News pawlkhat in bel Hezbollah lam in bel lah confirmed lian nai lo, lah nial lian ngam loin (denied) om dide lai phawt uh hi ci uh hi.

Hezbollahte makaipipa, Hassan Nasrallah pen Middle East gam kuama singnuai mite a huai siam, a thuzoh siam leh guak neek leh gualhuai mahmah khat hi ci uh a, (most powerful figure) bek tham loin Iran kumpite lawm hoihpen leh kithutuakpih  lawmta gualta khangual pha banga ki-en siam a nungta khawm thei mi khat hi ci uh hi. (Iran's closest ally)

MORNING NEWS 

Zomi Council Headquarter, Lamka panlakna tawh September 27, 2023 niin India gam khuapi, Murnika vengah ZOMI COUNCIL kiphuankhia ta hi cih thu kigalzak hi.

Hun sawtpi a kipan ZC Hq. Lamka a lunggulh mahmah khat ahi, tu in hong tangtung in hong taksuak taktakta hi ci uh hi. ZC Hq. Lamka panin makai lulok tengin va uap lum thei uh hi cih thu kiza hi.

Zomi Council Media & Publicity in a gendan in, hun sawt kuam khat mai lam kalsuandan ding leh kimakaihzia ding genkhawm ahih nungin hih a nuaia mite Delhi khuapiah ZOMI COUNCIL(interim Body) makai dingin gual phawt uh hi cih thu kiza hi.

1) Convenor: 

Dr Philip Mangkang Zou IAS Retd.

2) Có-Convenor: K Ginkhanthang

3) General Secy: Henthianlal Buite@Boipu

4) Secretary: Ginsanglal Khaute

MEMBERS:

1) Biaklun Shoute

2) Soilianmang Vaiphei

3) Rev Kamzamang 

4) Suanzalian

5) Vummang

6) Lamlun

7) Khailallem Vaiphei

8) Zamlalmuan Vaiphei

9) Lucas Khaipu

ISRAEL LEH A KIM APAM THUTHANG TUAMTUAMTE

EVENING NEWS

Tu zingsang lei mawng val, ak masa khuan hun pawlin Isreal galvanlengte a lom a tangin leng phei uh a, Hezbollah makaipi, Hasan Nasrallah gimna leh bitumna in, ama omna hi dinga muanmawh, Lebanon khuapi, Dahiyeh veng sunga om, Hezbollahte central headquarters meithalpi tawh sai uh a, taih innpi 6 cimh in vatmai lian uh hi cih thu kiza hi.

Bek tham loin Beirut khuapi kim leh paam teng zong target nei in phial kap gawp uh a, nautang mipite zing sapi in vasa daingo kham bangin awng ngeingai uh a, ku zekzak uh hi ci hi. 

Iran Foreign Minister, Abbas Araghchi in Beirut khuapi bomb-na dingin Isreal galkapte in US khutsuak Pound 5,000 gik bunker bomb zong uh hi ciin Isreal mawhsakna ding zongin ui meikang bang na kipei tengtung uh hi.

Isreal Air Force lamin a gendan in missile lam tawh kisai a makaipi commander of Hezbollah’s missile unit, Southern Lebanon leh ama nungthuappa ahi, Hussein Ahmad Ismail-te a munah phual tuk pah uh a, makai nengneng pawlkhat zong tuk zikzek uh hi ci uh hi.

Hezbollah lamin bel bang mah official in confirm-na tu ciangciang nei nai lo uh hi.

Tu ciangciang thu kizakdan in nautang mipi lam panin mi 6 in sihlawh uh a, liam leh bai 91 kim om hi ci uh hi. 

PUPI DONALD TRUMP IN ZELENSKYY NA ZIN TUN (Akpi tui lai goh)

Pupi Donald Trump in Ukraine kumpipa Zelenskyy pen New York khuapi a om, ama tenna innpi, TRUMP TOWER-ah na zintun a, akpi tui lai khat na gawh hi cih thu kiza hi.

Thucin-thutang guicing takin kikumkhawm uh a, VICTORY PLAN tawh kisai zong limpha takin kikumkhawm thei uh hi cih thu kiza hi.

Pupi Donald Trump in Russia kumpipa Putin tawh lawmta-gualta khangualpha banga ki-en ka hih man un, tutung kitelna-ah gualzohna ka ngah leh Ukraine leh Russia kidona hong veng pah ding hi ci hi. 

Ukraine kumpipa ahi zongin Russia kumpipa ahi zongin ka kizopna uh hoih mahmah ahih manin kilemna dingin bang mah haksatna om lo ding hi ci hi.

Very good relationship with both Ukrainian President Volodymyr Zelenskyy and Russian President Vladimir Putin.

Isreal galkapte lei do gal dai bang nawk dingin (Ground Operation) tungsiahte thu piak ngak in, Lebanon gamgi-ah mansa in om zihziahta uh hi cih thu kiza hi.

Lebanon mipil khat in Middle East gam kuamah Iran sim loh Isreal nang zo ding om nawn khang ei ci hi.

Isreal in lah Iran ten kap phei peuh leh Irante nuclear munpi teng kapzaansak nuam lua kisa in dawk gekgek uh hi.

There would be no resistance to Israel in the region without Iran: Lebanese scholar

ISRAEL IN GALVAN NGAH

Morning news

ISREAL IN BILLION $8.7  MAN GALVAN NGAH ($8.5 billion military aid)

US kumpi in Isreal gam taitai kawmkawm in galvan piak thuahthuah uh a, kilemna ding zongzong kawmin galvan khak thuahthuah uh hi.

Nung nipi kal sungin US in Isreal galkapte huhna dingin (military aid) billion $8.7 man galvan khak uh a, gal dona dinga van kisam tuamtuam (wartime procurements) billion $3.5 man khak uh a, Iron Dome leh David's Sling tang leh ni zung tawh thautang dalna (advanced laser system) $5.2 billion man khak uh hi ci hi.

Tuni ciang advanced laser system a zat lam kithei nai lo a, hong zat kal ding ngaklahhuai in, muh kal ding ngaklahhuai mahmah hi. 

Palestinian gam kilom thahna ah a sim a tham in Pupi Biden kigolh hi ciin Muslim gam khempeuh in ngawh in zung kawk uh hi.

PUTIN IN RED LINE BAWLTAWM KIK LEULEU 

Putin in US leh a kaihzatamte in Russia gam thuk lam leh laigil lam long rage missile tawh Ukraine galkapte kap khuan a piak leh Moscow in nuclear galva tawh thuhkik dan ding kingaihsun ding hi ciin western gamte RED LINE pia in tawnbawl kik leuleu hi.

Putin in western gamte nuclear galvan tawh a tawnbawl zakzak gige denden thithe pen west lamin ciamtak mahmah ta uh a, Russia sim loh gam tampi in nuclear galvan kinei a, amah bangin kigen gen lo hi ci uh hi. Putin pen a nunggu ding ngaihsutna nei lo, zulung vei, sintulungpa ci uh hi.(irresponsible)

Mipawlkhatte in western gamte in Ukraine galkapte long range missile zat khuan a piak khak ding a dah siat luat mana a linglawng gawp hi ci uh hi.

Isreal kumpipa Benjamin Netanyahu in UN khawmpi-ah thu a gen ma in, New York khuapi kawng zingte buaina piang khinta hi. New York police-te buaina bawl honkhat man khinta uh hi.

Thugen dinga a paina ding lampi lampi dal sawm in kisa mahmah uh hi.

Irag gama om Islamic resistance lam ten zong drone zangin Isreal gam, Golan heights kap uh hi cih thu kiza hi.

Muslim gam kumpite in Isreal do ngam lian loin singnuaimite tawsawn in Isreal do ding hi leh kilawm hi.

LEBANON LAMTENG BUAINA TUAMTUAM

 MORNING NEWS

Isreal leh Lebanon kal sinthu kisatsuah kisosuah zel ahih manin US kumpi lunghimawh in Middle East lama a omsa US galkap 40,000te nunthuap dingin galkap bang zah hiam khat khakthuah uh a, a mimal pha zah lian gen nuam lo uh hi.

West Bank lamah gam kituhna hangin Palestinian huan neite in Isreal galkapte a lut ding uh phal lo uh a, buaina piang in, olive kung 2,000 kim leh lenggah kung, almond kungte honkhat vatmaisak uh a, mang na nung tawm mai  un. Isreal galkapte pen buai lua ung. Kidaih mahmah kei ung cihsan ziau uh a, lo nei mite khasia lua in kitom kei uh hi.

Isreal galkapte in Lebanon gam Air Strike a nihveina (second Round) pan kik leuleu a, Lebanon sim lam, Hezbollahte kulhpi Beirut’s Dahieh kim leh pam teng nuai kik leuleu uh hi. Hezbollah makaipi nihna, Abu Jawad Harikhi 64 head of Hezbollah’s missile division bitum in nei uh hi ci hi.(target)

Ama bukna taih inn that 6 tawh kappek in si hi ciin News tuamtuam in gen uh a, taih inn cimh in a luanghawm vuknelh lai ahih manin official in a sih thu confirmed tu ciangciang nei nai lo phawt uh hi.

MORNING NEWS 

Isreal galkapte in Lebanon gam sim lam gam kuam tatsat lo, tawlnga loin tuni ciang tung lam panin khawng ngekngek lai uh hi ci uh a, tu ciangciang khua 15 zohbawlta uh hi ci hi.

Tung lam pawl in a haampi a zohbawl khit uh ciangin lei lam pawl letnet namkim tawh kuan phei in, buh phuaisiat leh ansang kaikhopna nei ding uh a, tua bangin Lebanon sim lam gam kuam zohbawl in hialbawl ding uh hi cih thu kiza hi. 

Pupi Biden leh leitung gam makaite bel in, khawl ta peuh ve vua ..Israelte aw.. khawl ta peuh ve un, a hi lo khat tuak ve nu te…. Ukeng thah lah bangin kipek langlang kei tapeuh ve un ciin thotho phawt uh hi.

PUAN LOM ZIAL IN KINAWN KHIATA UH HI

Hezbollah singnuaimite in Lebanon gam sim lama om mite inn leh lote galvan selna dingin zang uh ahih manin Isreal galkapte in na kihemkhia un a cihna tungtawn in, Lebanon sim lama om mipite nai 5 kim taina Lebanon khuapi, Beirut lam zuan in galtai uh a, Al-Zahrani leh Sidon kal lampiah Traffic Jam hangin moto a tul a then a sim ding tangin dim phei mitmet hi ci uh hi.

HEZBOLLAH MAKAIPIPA SI, ZORO, CNF, ZRA, USATE MIDLE EAST AH, INDIA THU, IRAN

 

HEZBOLLAH MAKAIPI BEIRUT KHUAPI-AH KAP TUK

Zantak in Isreal galkapte in hun sawtpi peka kipan a mittuk den khat uh ahi, Lebanon khuapi Beirut dainawl khata om ahi, Dahiya district sunga om, Hezbollah-te kiphualsatna innpi leh a kim a pam teng meithalpi tawh sai uh a, Hezbollah makaipi, Ibrahim Akil (commander of Hezbollah elite Radwan Force) kap tuk lian uh hi ci hi.

A makaipa uh mi dang 14 in sihpih uh a, 66 kim in liam lawh bai lawhpih uh hi ciin Dahiyeh area, Lebanon's Health Ministry in hong tangko khia uh hi.

Israeli Defense Minister, Yoav Gallant in tutung Targeted strike in a bitum pen leh a mittuk pen commander Ibrahim Akil hi a, amah pen Jihadish makaipi khat ahi hi ci hi. (great jihadist leader) 

Amah pen mihing 300 sihna 1983 kum a, Beirut khuapi a, US embassy leh U.S. Marine Corps barracks muna bomb puakna tawh kisai  a makaipipa hi ci uh hi.

Israeli Defense Minister Yoav Gallant in Isreal khua leh tuite venbitna dingin Isrealte galte pen Beirut dawngah kisuulzuih zel ding a, a khekhap kikhan zel ding hi ci hi.

“We will continue pursuing our enemies in order to defend our citizens, even in Dahiya, in Beirut,”

ZORO Makaihna Tawh CNF-CC leh ICNCC-CB Kimu Ding

Zingciang Sept 21, 2024 niin Zo-Reunification Organization ZORO makaihna tawh CNF makaih CC leh AA makaih CB/ ICNCC-te in Mizogam khuapi Aizawl-ah ZORO Vice President lah ahi, Mizoram Chief Minister adviser lah ahi, Pu Lalmuanpuia MLA office-ah kimukhawm dingin gen uh hi.

ZORO thusuah in a gendan in amaute kikal kitelkhialhnate, gamvai leh galvante kikumkhawm ding dan in gen uh hi.

MORNING NEWS

(Thucin-thutang)

Isreal galkapte in Beirut khuapia bomb a khiatna-ah Hezbollah makaipi nungthuappi nihte laka khat ahi, Ibrahim Aqil, Head of the operation Division that khinta uh a, tuin makai lulok dangte zong thah ding hun lem leh mun lem zongin sa suul pheen in, a khekhaap khankhanta uh a, suulzuih den uh hi.

Isreal galkapte mitdawng hih a nuaia makapite ahi hi.

Iran lam zong ui meikang bangin na kipei tengtung leuleu uh a, mi neih ngei loh nei bang khat in tuni in kiselh nopna lungsim tawh a ballistic missile thak nautang mipi muh theih dingin lahna nei uh a, a no sapna dingin JIHAD ci uh a, a min tak pen "Shahed 136 B" hih tuak hi.

High explosive leh warhead zong kithuah thei danin gen uh a, KM 1,000 ciang kap thei danin gen uh hi.

Middle East lam hong kisatsuah hong kisosuah kik leuleu uh ahih manin US lam zong lunghimawh in, Gulf of Oman a omsa US Lincoln nungthuap dingin USS Truman monday ni ciang kuantosak kik leuleu ding cih thu kiza hi.

Russia gam sim lam, Krasnodar region, Tikhoretsky district  sunga om, Kamenny khua a, Russiate vui leh tang sekkhawmna munpi/koihkhawmna munpi mun nih tak tuni in Ukraine galkap 719th Artillery-te in suksiatsak cih thu kiza hi.

US kumpite in tu sawng teng Ukraine galkapte in Russia gam thuk lam kapna dingin tai 70 miles ciang kapna a tang golpite piak ding hiam cih a ngaihsut san laitak uh hi a, Monday niin khensatna khat bawl ding uh hi cih thu kiza hi.

Air Marshal, Amar Preet Singh in India galkap vanleng lam tawh kisai a zaa lianpen, Chief of the Air Staff zaa September 30, 2024 ciangin lenta ding cih thu kiza hi.

Air Marshal Amar Preet Singh a beisa hun sungin galdona tuamtuamah galmadawk in na pang khin zo a, galvanleng tawh huihkhua-ah nai 5,000 val na leng khinta hi ci uh hi.

Iranian Foreign Minister, Abbas Araghchi zong 79th Session of the United Nations General Assembly sim dingin New York's John F. Kennedy Airport hong tun khinta hi cih thu kiza hi.

Beirut khuapi a Isreal galkapte in a thahlup Ibrahim Aqil pen a beisa hun in hih a nuaia gitlohna pawinate hangin US kumpi in million 7 tawh a lu na zuak ngei uh hi.

LEBANON TAWH KIDONA PANTA DING

 LEBANON TAWH KIDONA PANTA DING

Tuni in Israel's Defense Minister, Yoav Gallant in Isreal gam maltawng Lebanon tawh gamgi zuula om, Ramat

David Airbase va pha a, Isreal galvanleng hawlte kiangah kidona thak, NEW PHASE OF WAR kipan kik leuleu ding hi cih thu va gen hi. Hezbollah kido cih minsia in lo lian kei mah leh, SECOND OPERATION ciin gen a, Isreal galkap IDF’s 98th Division, galvan leh Tank honkhat zong Isreal mal lam, lebanon gamgi naih lamah (northern front) kuansakta uh hi.

Israel’s defense minister in gal mai, sa mai nawka kal suan ding i hih manin hangsanna, tumguhna leh thuakzawhna kisam mahmah ding hi ciin gen hi.

“We are at the start of a new phase in the war, it requires courage, determination and perseverance,”

Putin in Russia gam pen leitunga galkap haupen a nihna hihsak sawm in panla a, September 16, 2024 niin galkap 180,000 lakthuahna ding thu pia hi. (Decree)

Tu laitak in galkap million 1.32 nei bangin kigen a, million 1.5 khansak sawm hi.

Lungdam nong simsak man un! 

Jesu Christ Topa in na neih kei leh HELL kongpi kihongsa in om

 

𝐇𝐞𝐥𝐥 𝙂𝘼𝙒𝙏𝙈𝙐𝙉 𝐊𝐨𝐧𝐠𝐩𝐢

Gas kimuh khiatna Turkmenistan gam (neukhat) 𝐃𝐚𝐫𝐯𝐚𝐳𝐚 𝐠𝐚𝐬 𝐜𝐫𝐚𝐭𝐞𝐫 ah 1971 in meikangin nikhat ninih khitciang amitpah ding a upmawh uh pen meikangsuak in tudong (kum 50 val) kangta hi. Tua hi-a, tuamun pen Hell kongpi (gate of hell) kici tanghial hi. 

Turkmenistan Soviet Union khutnuai ah aomlai hi-a, Geologist te in natural gas zongkawikawi uh a, suanglianpi nuaikhat ah natural gas adim in om cih mukhia uh hi. Pi 229 thukin pi 65 zai hi. Thunei te in meikuangsuak vet henla hileh nipi khatkhit ciang mit lel inteh acih uhpen natua cilo ahihman in tunidong meikuang suak hi. 

Hell gam/khuk koi lai hiam cileng banghang a leinuai kawk hamtang ihiam cihzong ngaihsut huai leh amanthu khat hi gige hi. Leitung dei li (layer 4) in kikhen hi. Adei masa 𝒄𝒓𝒖𝒔𝒕 hi-in 𝕜𝕞 𝟝-𝟟𝟘 thuk a, asatna (temperature) Fahrenheit 400-750 in sa in, anihna 𝒎𝒂𝒏𝒕𝒍𝒆 𝕜𝕚𝕞 𝟞𝟞𝟘 thuk in Fahrenheit 1000-1832 in sa hi. Athumna, utter 𝑪𝒐𝒓𝒆 pen 𝕜𝕞 𝟚,𝟠𝟠𝟡 thuk in Fahrenheit 4500-5500 in sa hi. 𝑰𝒏𝒏𝒆𝒓 𝑪𝒐𝒓𝒆 pen 𝕜𝕞 𝟝𝟙𝟝𝟘-𝟞𝟛𝟟𝟘 in thuk in Fahrenheit 9292 in sa hi.

Asatna, temperature 212 (fahrenheit) ciangin tuiso setset zo in ngaihsun leteh FH 9292 bangzah in sazen dinghiam? 𝗦𝗼𝗱𝗼𝗺 leh 𝗚𝗼𝗺𝗼𝗿𝗿𝗮𝗵 akatlai-a asatzah valin leitung ah meikang asatna omlo hiphial leh kilawm hi. 

𝐆𝐀𝐖𝐓𝐌𝐔𝐍. 

Lai Siangtho in 𝙂𝘼𝙒𝙏𝙈𝙐𝙉 Hell 31 valvei gen aa, "the grave=hankhuk"- "sheol=misite omna" cihbangin muntuamtuam ah gen hi. Kawlgam bup galkapte hangin inn tengkhat bang 𝐌𝐞𝐢 in kangtum khin a, mawhneilo asi tultam pi ban ah tu in 𝐓𝐮𝐢 in khua tampi tuumcip in cikziat huaitak in mi zatampi si hi. 𝐍𝐨𝐚𝐡 hun lai in leitung pan 𝐓𝐮𝐢 phul khia in 𝐒𝐨𝐝𝐨𝐦 leh 𝐆𝐨𝐦𝐨𝐫𝐫𝐚𝐡 ah 𝐌𝐞𝐢 vanpan kiasuk cih mangngilh kei ni. 

𝐆𝐀𝐖𝐓𝐌𝐔𝐍, Hell khuk ihcihzong aom takpi hi-a, Pasian in ihten na leitung a dei/layer te kikhamsak in Fahrenheit 9292 aa asatna ah hongkiasak suk leh tuamun Hell hipah lel hi. Topa in Leitung siat ding phal nailo bek ahih manin eite a om lingleng lai ihi hi. Turkmenistan gam aa gas khupi ah gas tamlua in kum 50 val bang akizomin kangsuak cihpen leisungtawng lamah a deidei in kizomsuk a tua fh tampite hangin mei akuang ahihmah bangin Leitung kisiatma in abawl Pasian kiang tun dingbek thupi hi.

Dr. Jeffrey Lian 

UKRAINE LAM LEH ISRAEL 🇮🇱 LAM

 UKRAINE LAM

Tu sawng teng Ukraine lam thuthak hong om kik leuleu a, Iran kumpi in Ukraine gam energy infrastructure munte leh  frontline munte kapna dingin short range Ballistic Missiles a kici, Fath-360 missiles mal 200 kim khawng pia uh hi cih thu kithang hehu leuleu hi. Hi munte hong kap le uh, nautang mipi in thuak kik leuleu ding uh a, phalbi vuklum tawh Ukraine mipite ngak sawm kik leuleu hi leh kilawm hi.

US kumpi in hi thu tawh kisai bang mah ngencianna nei lian nai lo phawt uh a, Iran kumpite a thukzaw in Ukraine buaina-ah hong kigolh sawm hi cih ciangin gen lai phawt uh a, tua banah Ukraine galkapte in Russia gam a matsak, Kursk Region tai 500 square miles (1,300 kilometers) kima zai panin Ukraine galkapte hawlkhiat sawm uh hi ciin gen lai phawt uh hi.

A nihna panin Russia drone-te in NATO gam ahi, Romania leh Latvia huihkhua (airspace) kantan in Ukraine gam Danube River gun geia om, tembaw khawlna munte va susia uh a, bek tham loin Latvia gam leitang nangawnah kiasak (crash) uh hi cih thu hong om kik leuleu hi. 

Hih Drone-te pen Belarussian huihkhua (airspace) panin hong kipan uh hi ci uh hi. Gam kumpite in hi thu NATO gam makaite theisak khin uh hi. NATO lamin hong koici malak zel ding uh hiam cih pen bang mah kitel nai lo phawt hi. 

NATO gam makaite in lungsim nang bang diahduai in maimangsak lel ding uh hiam cih zong gen theih om lo hi. NATO Deputy Secretary General, Mircea Geoana bel in, bang mah NATO gam khoih sawmna tu ciangciang om nai lo phawt hi ciin melhbawl hi. 

Nung deuh in zong Russia galkapte in Ukraine gam nautang mipi mun leh mual (civilian infrastructures) phial kap gawp uh a, ni khat thu in 50 bangin sihlawh khin uh hi.

Western thukante bel in Putin in galvan a nei lai teng leh a mittang a hah lai teng khawl sawm loin mu uh hi.

British defense ministers lui belin Russia galkapte in Ukraine gam nautang mipite a phial kap zel uh leh bel, Russiate meithalpi hong kipatkhiatna munte kapna dingin British khutsuak a gamla kapna meithalpi, Storm Shadow missile phalna piak loh a kiphamawh hun hong tung thei kha ding hi ciin Putin in na theita hen ciin thu tawpdan pian in (ultimatum) vau bawl phawt uh hi.

ISREAL LAM

Isreal galkapte Gaza gam sim lam zau-ah a lom a tangin kikhinsuk leuleu uh a, kihotuahna lam limlim (Communications and internet services) khaktan phawt uh hi.

Lawmte pen a sim a tham in ngongtat sawm kik leuleu uh hi leh kilawm hi.

ISREAL LEH HAMMAS KILEMNA DING

 ISREAL-HAMAS KILEMNA DING

Isreal leh Hamas kidona pen gengen ni cileng, nisim naisim in kikaptuahna, bomb kikhiatnate tatsat lo tawlnga loin mun tuamtuamah muh ding om den a, mi tampi in sihlawh manlawh den uh hi. Tutung in tua lam thu tawh kisai khawlsan in, kilemna ding vai tawh kisai tawm khat kikum ding hi hang. Keima mimal muhna hi a, dik pah lian ding hi cihna bel hi tuan het lo hi. 

Isreal leh Hamas kidona tawh kisai, US makaih kilemna ding vaihawm pawlin (mediators) ngaihsutna khuak leh lungsimte zangin kilemna ding zong mah leh, khat lam khat lam lungkimna ding tuni ciang dong mu zo nai lo uh a, ahi zongin kidona pen a tawpna ding laikung laidal hi cih tel mahmah uh ahih manin lungkia lo, thasial loin kilemna ding lampi zong uh hi. (US, Egypt & Qatar ten kilemna palai na sem uh hi) 

Jerusalem Post in a gendan in kilemna ding a gelpi (Frameworks) sungah 90% khat lam khat lamin sang theita uh a, 10% bang om lai hi ci uh hi. Tua 10% khelkhiat ding pen haksa mahmah hi ci uh hi.

Hih kilemna ding a gelpi sungah (frameworks) kilemna ding lom thum in paipih uh hi:

1) Gal mat kikhektuah ding vai tawh kisai.

Condition of the hostage-prisoner exchange.

2) Gal ven khit ciang Gaza gam huhzia ding leh Gaza gam lam kik ding vai tawh kisai.

Humanitarian aid into Gaza and the rehabilitation of the Strip. 

3) Kikap dinkhawl ding vai leh Gaza gam pan Isreal galkapte ciahkik ding vai tawh kisai.

Terms of the ceasefire, including an Israeli withdrawal from Gaza.

Kilemna ding a dalpi pen hih nambat thumna, Gaza gam pan Isreal galkapte ki-withdraw ding vai ahi hi. Hamas singnuaimite in Isreal galkapte Gaza gam pan a ciah kikna ding un, a galmatte uh tawh kal uh hi. Cih nopna-ah Isreal galkapte Gaza gam pan a ciahkik kei ding uh leh a galmatte uh piak sawm lo phawt uh hi.

Tua bang kawmkal in Isreal galkapte in Egypt leh Gaza gamgi PHILADELPHIA CORRIDOR nusiat ding pen haksa sa mahmah uh hi. Hi lai mun pen Isreal thukante in (SHINBET) Hamas singnuai mite in gamdang pana galvan namkim a laklutna cianggek hi ci uh hi. Hi lai mun panin Isreal galkapte ki-withdraw le uh, Gaza gam kidona pen a mawknapi suak ding a, hi lai mun tawnin Hamas singnuaimite in galvan lalut kik ding uh a, a gei mah kisuak kik zel ding a, Isreal leh Hamas kidona a bul panin pat kik kul zel ding hi ci uh hi.

Bangbang hi leh Isrealte gamtatzia pen leitung in khengval sa lua, ngongtat sa lua ta ahih manin gam tuamtuam in Isreal mawhpaih in, Isreal langpanna lian semsem ahih manin Pupi Binden leh Benjamin Netanyahu-te nangawn kitawng dekdek ta uh hi.

Tu dinmun pana et in, Isreal galkapte in Gaza gam pana ki-withdraw ding a san theih ding uh lamethuai sim pianta a, ahi zong Hamas singnuaimite nuntak khuasakzia bang tan hiam sung enkai kawmin PHILADELPHIA CORRIDOR panin kum bang zah hiam khit ciangin Isreal galkapte a tawpkhakna dingin hih Corridor nusia dingin kilemna a bawl ding uh upmawhhuai ta hi.

Bom 💣 

ISREAL GAM BUAI SEMSEM

 ISREAL GAM SEMSEM 

Isreal galkapte in Gaza gam sim lam khuapi, Rafah huam sunga om saltangte a khumcipna kuahawm sung luhkhia a, saltangte honkhia dinga a gepgep laitak un, hamas singnuaimite in hih kuahawm sunga om saltang mi 6te na thatlum mang uh ahih manin Isreal galkapte in a sisa in saltangte luanghawm honkhia uh hi. Site lakah Amerikan gammi khat zong kihel hi ci uh hi.

Hih sihna tawh kisai Hamas singnuaimite in Isreal galkapte ngawh in a mawh a pua ding uh hi ci a, tua bang mah in Isreal kumpipa Benjamin in, a man a thatte khempeuh thukhenna zumkawng-mangkawng a kitut masiah kikhawl lo ding hi ciin hi mite in sikdam leh tuidam a kiho ding ut loin kilemna deih lo uh hi ciin hong tangko khia hi.

Hih saltangte sihna thu in Isreal gam sung deng in, galmat kikhektuah ding vai tawh kisaiin (hostage exchange deal) Isreal kumpite malakna hawmthawh in kumpipa mawhsak in, kawngzing leh gam sung mun tuamtuamah Hostages Families Forum-te makaihna tawh ngawkpi sat in kisinggawh kitatngawh uh a, zeizei sa uh hi.

Isreal saltangte khualna bek tawh Isreal kumpi in Hamaste tawh kilemna gina lo leh tanglam lo khat bawl ding lah Isreal kumpite in haksa sa lai phawt uh ahih manin buaina a bawl nautang mipite phelmit sawm phawtphawt uh hi. 

Tu dinmun pana et in Hamaste deihdan Isreal kumpi in sang thei lo uh a, Isrealte deihdan zong Hamaste in sang thei nai tuan lo phawt uh hi.

Isreal galkapte in Saltang mi 6te luanghawm a pham uh hih a nuaiate ahi hi.

1) Carmel Gat

2)Eden Yerushalmi

3) Alexander Lobanov 4) Almog Sarusi 5)Master Sgt Ori Danino

6) Hersh Goldberg Polin (Amerikan gammi)

Video na en in