ISRAEL LAM BUAI SEMSEM

ISREAL LAM BUAI SEMSEM

Iran kumpi in Jordan gam kantan in Hamas singnuaimite vui leh tang tawh phungvuh in, hih galvante tawh Hamas singnuaimite in West Bank lamah phual sat in, panmun la thak hi cih thu Isreal thauhlanziite in thei uh ahih manin Judea leh Samaria gam, Tulkarem, Jenin leh West Bank gam mal kuam lamah Isreal galkapte in MAJOR COMBAT OPERATION zantaka kipanin paipih phat uh hi. 

Isreal galkap 1,000 kim in hih operation paipih ding uh a, tung lam nuai lam panin galvanleng, drone, tank leh Artillery unit-te in amaute nung thuap ding uh a, West Bank kuama kibusa Hamas singnuaimite tawh kisingleiniil in kizutang delh ding uh a, kengtawngin kiman ding uh hi ci hi.

Hamas singnuaimite in nautang mipite kidalna lum in zang uh a, mipite bang belin gal do uh ahih manin Isreal galkapte in west Bank mal kuam lama teng Palestinian mipite kiangah sing leh suang kigawina kawmkal-ah no zong gul sih tang sih kha thei ding na hih man un, tawlkhat sung na kiheemkhia un ciin thu pia uh hi.

Jewish Chronicle in a gendan in Gaza gam Hamaste khut sungah Isreal saltang 108 kim om dingin kingaihsun a, hite lak panin mi 20 kim khawng bek dam lai dingin ki-ummawh hi ci hi. Hih mi 20te leh Gaza gam sunga a leingak Hamas makaipipa, Sinwar pen kuahawm sungah koih khawm uh ahih manin muanmawhna munte bomb zaan ding pen saltangte in sihlawh ngai ding thei ding ahih manin Isreal galkapte adingin ngaihsut haksa hi ciin gen hi. (high risk of harming the hostages)

 

THAIHLAND KUMPI THAK DINGIN NUMEI

 THAIHLAND KUMPI THAK DINGIN NUMEI SAN

Nekguk takguknate hangin Thailand MP (Senator) 40te in prime minister, Paetongtarn Shinawatra khawksak dingin ngetna lai khia uh uh a, Constitutional Court judges 9 lak panin thukhenmang 6 in thukimpihna vote pia uh ahih manin August 14, 2024 Wednesday niin Thailand Prime minister, Paetongtarn Shinawatra pen ahihna panin kipaikhia hi.

A paikhiat ni a zingciang mah in Thailand gam Prime minister dingin Pheu Thai party a phutkhiapa, mihau billionaire Thaksin tatum kum 37 a pha pan, Lia Paetongtarn Shinawatra telcing pah uh a, amah pen a neu tunga kipan Ung-Ing ciin kisam hi. Thailand gam Prime minister naupangpen suak ding hi.

A pa, Thaksin pen Thailand gam prime minister dingin 2001 kum in kitelcing a, 2006 kum in Thailand gam uk zoh thu tawh galkapte in thuneihna la in, thakhat thu in uk khat suah a, ukcip pah lian uh ahih manin gam dangah galtai in kum 15 sung biikcip a, nung kum in hong ciah kik pan hi.

Pheu Thai party a phuankhia a pa Thaksin pen kum 75 bang phata ahih manin a pa zaa laih dingin kum 2021 kum in politics lamah lut in, Pheu Thai party sungah party Chief leh Innovation Advisory Committee nasem hi ci uh hi.

Pilna lamah

Chulalongkorn University panin BA zo a, University of Surrey panin MSc zo kik leuleu hi. Pitaka Suksawat tawh kiteng in tapa 1 leh tanu 1 khat nei uh hi. 

Shinawatra-te innkuan pen a khangthu uh a kisut sut ciangin Sen minam, Hakka Chinese minam hi a ci pawl zong om uh hi.

Hun khat laia kipan Thailand gam ki-ukna leh economy gina lo, tanglam lo, siat lam manawh teng hong puah hong zuun to kik dingin lamen ni.

JESU LAISIANGTHO THUCIAM LUI SUNG KHEMPEUH AH KILANGH

 𝐋𝐚𝐢s𝐢𝐚𝐧𝐠𝐭𝐡𝐨 (thuciamlui) 𝐁𝐮 𝐤𝐡𝐞𝐦𝐩𝐞𝐮𝐡 𝐚𝐡 𝐙𝐞𝐢𝐬𝐮 𝐤𝐢𝐥𝐚𝐧𝐠𝐡.

𝐏iancil ah numei 𝐬𝐮𝐚𝐧 (𝐬𝐞𝐞𝐝) in kilangh...

𝐏aikhiatna ah paisan pawi 𝐓𝐮𝐮𝐧𝐨 in kilangh...

𝐒iampi Laibu ah 𝐒𝐢𝐚𝐦𝐩𝐢 𝐥𝐢𝐚𝐧𝐩𝐞𝐧... in kilangh

𝐆amlak vakna ah 𝐦𝐞𝐢𝐢𝐤𝐡𝐮𝐚𝐦𝐩𝐢...in kilangh

𝐓huhilhkikna ah 𝐤𝐚𝐦𝐬𝐚𝐧𝐠... in kilangh

𝐉oshua ah 𝐡𝐨𝐧𝐠𝐡𝐨𝐧 𝐠𝐚𝐥𝐤𝐚𝐩 𝐛𝐮...in kilangh

𝐓hukhente ah 𝐓𝐡𝐮𝐤𝐡𝐚𝐦 𝐧𝐞𝐢𝐩𝐚...in kilangh

𝐑uth ah 𝐭𝐚𝐧𝐚𝐮𝐭𝐞 𝐡𝐨𝐧𝐤𝐡𝐢𝐚 𝐩𝐚...in kilangh

I& II Sam Zeisu amuanhuai pen 𝐤𝐚𝐦𝐬𝐚𝐧𝐠...in kilangh

𝐊umpite leh 𝐊hangtangthu ah 𝐊𝐮𝐦𝐩𝐢𝐩𝐚 in kilangh 

𝐙ra ah Zeisu akisiasa 𝐊𝐮𝐥𝐡 𝐥𝐚𝐦𝐤𝐢𝐤𝐩𝐚...in kilangh

𝐄sther ah 𝐌𝐨𝐫𝐝𝐞𝐜𝐚𝐢... in kilangh

𝐉ob ah a nungta hong 𝐇𝐨𝐧𝐩𝐚... in kilangh

𝐋ate ah 𝐓𝐮𝐮𝐜𝐢𝐧𝐠 𝐏𝐚...in kilangh

𝐏aunak leh thuhilhna ah 𝐏𝐢𝐥𝐧𝐚 𝐧𝐞𝐢𝐩𝐚...in kilangh

𝐒olomon ah Zeisu Zipi𝐩𝐚... in kilangh

𝐈saiah ah 𝐊𝐢𝐥𝐞𝐦𝐧𝐚 𝐤𝐮𝐦𝐩𝐢...in kilangh

𝐉eremiah ah 𝐓𝐡𝐮𝐦𝐚𝐧 𝐡𝐢𝐚𝐧𝐠...in kilangh

𝐊ahla a 𝐚𝐤𝐚𝐩 𝐤𝐚𝐦𝐬𝐚𝐧𝐠...in kilangh

𝐄zekial 𝐚𝐥𝐚𝐦𝐝𝐚𝐧𝐠 𝐤𝐚𝐦𝐬𝐚𝐧𝐠... in kilangh

𝐃aniel, meisung a mi 𝟑 te tawh aom khawm a 𝟒 napa...in kilangh

𝐇osea ah 𝐚𝐳𝐢 𝐚𝐝𝐢𝐧𝐠 𝐚𝐜𝐢𝐭𝐚𝐤 𝐩𝐚𝐬𝐚𝐥... in kilangh

𝐉oel a Khasungah hong 𝐛𝐚𝐩𝐭𝐢𝐳𝐞 𝐩𝐚...in kilangh

𝐀moz v𝐯𝐚𝐧𝐠𝐢𝐤 𝐡𝐨𝐧𝐠𝐩𝐮𝐚𝐤𝐬𝐚𝐤 𝐩𝐚...in kilangh

𝐎badiah athahat 𝐡𝐨𝐧𝐠𝐡𝐨𝐧𝐩𝐚...in kilangh

𝐉onah ah 𝐠𝐚𝐦𝐝𝐚𝐧𝐠 𝐦𝐢𝐬𝐬𝐢𝐨𝐧𝐚𝐫𝐲 lian khat... in kilangh

𝐌icah a sawltak 𝐤𝐚𝐦𝐭𝐚𝐢...in kilangh

𝐍ahum ah a 𝐭𝐡𝐮𝐤 𝐤𝐢𝐤𝐩𝐚...in kilangh

𝐇abakuk ah Pasian sawl 𝐞𝐯𝐚𝐧𝐠𝐞𝐥𝐢𝐬𝐭...in kilangh

𝐙ephaniah 𝐓𝐚𝐧𝐩𝐚...in kilangh

𝐌alachi ah thuman gen 𝐤𝐚𝐦𝐭𝐚𝐢 𝐩𝐚...in kilangh hi.

𝐂𝐡𝐫𝐢𝐬𝐭-𝐜𝐞𝐧𝐭𝐞𝐫𝐞𝐝 𝐛𝐢𝐛𝐥𝐞 𝐬𝐭𝐮𝐝𝐲 tawh Bible Study ihbawl ding kisamhi.

Credit: Dr. Jeffrey Pau Do Lian 

THUPI ZAW, A THUPIZAWTE BAIHLO HI

 #THUPI ZAW

👉 Bang pawlpi-ah om cih sangin, upna lamah bang ciang tung cih thupi zaw.

👉 Miten hong bangci muh cih sangin, Pasian in hong bangci muh cin thupi zaw.

👉 Bangzah vei kikhawm cih sangin, Pasian' san theih biakpiakna taktak bangzahvei lui khia cih thupi zaw.

👉 Mawhna khialhna bangzah bawl khin cih sangin, kisikkikna takpi tawh Topa' kiangah ciahkikna thupi zaw.

👉 Bangzah ngah/nei cih sangin, bangzah piakhia cih thupi zaw.

👉 Ngah nailohte nget behna sangin, ngahsa tungah lungdamkohna thupi zaw.

👉 Bangzah piakhia cih sangin, phalna takpi tawh pia maw/pialo cin thupi zaw.

👉 Pawlpi mi kibehlap cih sangin, piangthakmi kibehlap cih thupi zaw.

👉 Kituiphumkhin cih sangin piangthak takpi mah maw cih thupi zaw. 

👉 Jesu thei cih sangin, Jesu nei cih thupi zaw.

A thupi zaw lamlam haksa-a, ahizongin a thupi zaw lam lamah thupha om zaw hi. Amen 🙏 

Credit: Khazih sungah, ✍️ David Tuang

https://www.facebook.com/share/p/XcCTdZLxxZ9afAS2/?

TUNI IN LEITUNG GAM TUAMTUAM GAM 5 IN INDEPENDENCE DAY MUAK UH HI

TUNI IN LEITUNG GAM TUAMTUAM GAM 5 IN INDEPENDENCE DAY MUAK UH HI

Tuni in India gam in a 78-veina Independence Day nasia tak india gam khuapi Delhi-ah muak uh a, amau tawh kitawn in leitung gam tuamtuam gam gam 4 in tuni in nasia takin Independence Day zang uh hi. 

1) August 15 niin Indian gam in British gam panin suahtakna ngah uh hi.

2) August 15 niin Republic of the Congo gam in France gam panin suahtakna ngah uh hi.

3) August, 15 niin Korea gam in Japan gam panin suahtakna ngah uh hi. September 2, 1945 niin North leh South Korea in kikhen uh hi

4) August 15 niin Bahrain gam in United Kingdom panin suahtakna ngah uh hi.

https://youtu.be/MTe6C_50X_0?si=CbdZg5wjbfFOr0Vf

 

A 12 VEINA ZBCA KHAWMPI NUAM TAK KIZOW

 A(12) Veina ZBCA Khawmpi nuamtakin kizo ta 

Ani - July 26-28,2024

Amun - ZACC, Seattle. Washington 

Biakpiakna- Tacoma Convention Center 

1- Mizoram pan in CYMA President Pu Lalhmachhuana , MZP President Pu Lalthianghlima leh General Secretary Pu Chinkhanmanga te hong kihel thei.

2- A (3) Veina ZCTS Graduation Speaker pen Dr. David Cassady - President of Baptist Seminary of Kentucky in nei .

3- Zin - 400 kim pha 

4- Choir Kidemna om a akhatna pen AMC Nashville in ngah hi 

5- All A ngah Sangnau pang te Pahtawina Laipi mi 176 tungah kipia hi

6- Valedictorian angah Lia Kimkim leh Lia Sianhoih te Pahtawina Laipi leh $1000 ta kipia hi 

7- Innteek ten mun nuam mahmah na kawm uh a , an zong lim mahmah hi

8- Mizoram pan in Baptist Church of Mizoram ah Administrative Officer asem Rev. Lalruatkima zong hong kihel thei hi.

9- Speaker sem te 

   - Rev. Dr. Pau Khan Khai 

   - Dr. David Cassady 

   - Rev .Dr. Pau Khan Lian 

10- ZCTS ah graduate mi 45 om hi 

11- Worship night ah Topa maipha zonna leh thunget khopna kinei in lawhcing mahmah hi.

12- Tutung Worship team , music team, media team leh steward team khempeuh thupi thei mahmah hi

13- Innteek ten transportation akisam bangin vaihawm uh a thupi mahmah hi

14- Sunday zingsang in Innteek ten Excursion hong paipih uh a muhnop mahmah kisa hi

15- Business Meeting zong nuam kisa mahmah a , thuhoih tampi kigeel thei hi .

ZBCA Office

Augt 2,2024.