CINGAM NI

 " Ci ngam ing (12)"

✍️ Mi khat na etneu ma in, nang hong ki enneu ding in ki ngaihsun lecin, na etneu ngam taak leh ci ngam ing..!

✍️ Mi khat na simmawh ma in, nang hong ki simmawh ding in ki ngaihsun lecin, na simmawh ngam taak leh ci ngam ing..!

✍️ Mi khat na nenniam ma in, nang hong kinengniam ding in ki ngaihsun lecin, na nengniam ngam taak leh ci ngam ing..!

✍️ Mi khat na zahpih na in, nang hong kizahpih ding in ki ngaihsun lecin, na zahpih ngam taak leh ci ngam ing..!

✍️ Mi khat na langpan ma in, nang hong ki langpan ding in ki ngaihsun lecin, na langpan ngam taak leh ci ngam ing..!

✍️ Mi khat na hazat ma in, nang hong ki haza ding in ki ngaihsun lecin, na hazat ngam taak leh ci ngam ing..!

✍️ Mi khat na hawmthawh ma in, nang hong ki hawmthawh ding in ki ngaihsun lecin, na hawmthawh ngam taak leh ci ngam ing..!

✍️ Mi khat mailam na khaksak ma in, nang mailam hong ki khaksak ding in ki ngaihsun lecin, na khaksak ngam taak leh cingam ing..!

✍️ Mi khat na gensiat ma in, nang hong ki gensia ding in ki ngaihsun lecin, na gensiat ngam taak leh cingam ing..!

✍️ Mi khat thanemna na ko ma in, nang thanemna hong kiko ding in ki ngaihsun lecin, na ko ngam taak leh cingam ing..!

✍️ Mi khat khitui na luansak ma in, nang khitui hong ki luangsak ding in ki ngaihsun lecin, na luansak ngam taak leh cingam ing..!

✍️ Meigong tangah khat na nawlkhin ma in, nang meigong tangah ding in ki ngaihsun lecin, na nawlkhin ngam taak leh cingam ing..!

✍️✍️ Na khat peuhpeuh i sep ding, i bawl ding, i pau ding, I geel ding, i khensat ding ciang in ei a ding hileh, hoih ding maw? or hoihlo ding? ci-in ngaihsun kaak masa le hang, khialhna tawm penpen cihna hi.

Lungsim thusuak

JS Khual

KA UT KEI AA, KA PHAL KEI HI

 KA UT KEI-A, KA PHAL KEI HI

👉 Kei hangin ka gam/leitang sungah gitloh ngongtatna aom ding ka ut kei a, kei hangin ka gam/leitang sungah gal leh sa a pian ding ka phal kei hi.

👉 Kei hangin ka mipihte in gimna a thuak ding uh ka ut kei a, kei hangin ka mipihte siatna sung a tun ding uh ka phal kei hi.

👉 Kei’ makaih khialhna hangin ka minam sungah kitot kiselna a om ding ka ut kei a, ken zuauthu ka panpih manin ka minam sungah buaina a pian ding ka phal kei hi. 

👉 Kei' makaih khialh manin Pawlpi sungah kitot/kiselna aom ding ka ut kei a, kei thuneih luat manin Pawlpi sungah buaina a pian ding ka phal kei hi.

👉 Kei hangin mite a ki muhdah ding ka ut kei a, kei hangin mite a kitot/kisel ding uh ka phal kei hi.

👉 Kei hangin mite'n a suplawh ding uh ka ut kei a, kei hangin mite siatna sung a tun ding uh ka phal kei hi. 

👉 Kei’ tungah nu leh pa a khasiat ding ka ut kei a, kei hangin nu leh pa khitui a luan ding ka phal kei hi.

👉 Kei' hangin ka nu leh pa a maizum ding uh ka ut kei a, kei hangin nu leh pa in ta ginalo aneih ding uh ka phal kei hi.

👉 Ka zi/pasal in zi ginalo, pasal ginalo hong neih ding ka ut kei a, ka tate in nu ginalo, pa ginalo a neih ding uh ka phal kei hi.

👉 Kei hangin mite a thanem ding ka ut kei a, kei hangin mite a puk lawh ding ka phal kei hi.

MIkim in hidan cithei le’ng i gam, i lei, i minam, i Pawlpi, i innkuan sung leh i mal nuntakna sung mahmahah buaina hong beizo dinga, nopna hong om zo mahmah ding hi. Ei tekmah ki en masa-in, hanciam ciat ni. 

Topa'n mimal kim hong lawng ta hen. Amen 🙏 

Khazih sungah, ✍️ David Tuang

NA SANGGAM ZOMITE TUNG NACIHTAK KEI LEH NA THUAK KHA DING HI

 A munmun a om Zomite Pasian in hong ompih ta hen. Hi na sak leh na share ciat un.

A Sanggampa a that Kain in Pasian hamsiatna ngah hi. 

A sanggampa a that Absalom in hunlo pi-in khansih hi. 

A sanggam pa a zuak Joseph ute in maizumna leh lungkhamna thuak uh hi. 

A Sanggampa a thupi bawl Jacob in gamh ngah hi.

A Topa a zuak Judas Iscariot in a zuakpa Zeisu sihma in kigui awk hi.

A sanggampa Moses a mindai sak Miriam phak hi. 

Pasian teel Israel te a thah khit sawm Haman in Modekai a khailup sawmna khuam tungah amah kikhai lum hi.

A minamte sang namdangte a thupi sak zaw a thusim a genkhia Samson mit kikhel khiat sak hi.

A Pasian leh aminam amindaisak Samson galte a tawpna ah amah tawh sikhawm veve uh hi.

Amah le a minam a lang pan mite a dingin Nehemiah in hih bangin thungen hi. “Tua ciangin keimah Nehemiah in thu ka ngen a, “Hong za in, kote’ Pasian aw; kote hong kisimmawh hi. Kote hong zahkona amau’ lu tungah lehtuksak inla, gamdang khatah sal suakin mi’ bawlsiatin amaute omsak in.” NEHEMIAH‬ ‭4‬:‭4‬ ‭

Ama kulhcian a susia nuam Sanballat leh Tobiah, Amon mite hangin Nehemiah in a mite tha pia hi.  “Mite’ launa ka muh ciangin, uliante, mi ukte, le mi khempeuh tungah, “Amaute kihta kei un. Na sanggamte, na tapate, na tanute, na zite uh, le na inn na lote uh a dingin hong dosak, a lian a kihtakhuai Topa phawk un,” ka ci hi.”

‭‭NEHEMIAH‬ ‭4‬:‭14‬

Sia Thangboih