PAWLPI PUAHPHA PATE REFORMER

 Pawlpi Puahpha PATE (Reformer) a kici Martin Luther & John Calvin 

Dinpih Thute: 

1) LST bek (Scripture alone)

2) Hehpihna bek ( Grace alone)

3) Upna bek (Faith alone) 

4) Khazih bek (Christ alone)

5) Pasian minthan nading bek (To the glory of God alone) 

Luther leh Calvin pen RC pawlpi langpan hi ci uh ahih manin RC Pawlpi Langpangte - Protestant ci uh a, RC lote in Pawlpi Puahpha (Church Reformer) kicizaw uhi. 

1) LST bek athutawp thunei hi ci kei leng Pasian tawh kisai lo akiim apam tangthute tawh gawmkhawmin lungsim siangtho tawh Pasian biakna om lo ding a, milim bawltawmin nei thei, anam za thei takei leh,anam alim tuamtuam kipia biakna MANLO suak pahpah hi. 

2) Hehpihna hang bekbek hikei leh, kua ta in Pasian tapa cihna ngah zo peuhmah ding ihiam? Ei banglel tak hong it Pasian itna hehpihna hang bekbek a, Zeisu min hangin hehpihna ngahin Pasian TA isuak thei zenzen hi. 

3) Upna bek hikei leh mihingte in upmawh sansat biakpiakna tuaktuam - anam alik tuamtuam leh hehpihna ngahnop manin amau pumpi kibawlsiatna dongin paikhial thei hi.

4) Khazih bekbek Vantung gam tun nading lampi hi. Christian makai tampi leh pawlpi tuamtuamin vantung gam tun nadingin lampi tuamtuam zong uh a, amau thupisak khatciat uangbawlin KHAZIH UPNA BEK ah kinga loin HANCIAMNA zong kisam hi kici hi. Pianthakna leh gupna ngahna pen sepna hiloin Khazih Upna ahi hi. Zeisu Khazih anialte vangam tunglo ding hi cih Zeisu kammal ah kimu hi. 

5) Pasian minthan nading bek hi Pasian nasepna. Pawlkhat in Pasian nasepna paulapin amah kizuakin kiminthangsakin Pasian nangawn mangngilhin upna paikhial tampi om hi. John in kei ka neu semsem ding a, amah (Zeisu) lian semsem ding hi cizaw hi. Makai khat minthan nading leh vang neih nading hiloin ihihna khempeuh ah PASIAN MINTHANNA ahih ding inasep tavuan lian pen ahi hi.

Hih thu pen RC pawlpi leh Pawlpi puahphate kikhena ahang LIANPEN ahi hi. 

Pawlpi Puahpha Pate - Martin Luther leh John Calvin tangthu simna panin muhkhiat thute ciaptehna leh hopsawnna ahi hi. 

Ciapteh Ding:

Nidang ciangin asau akicianzawin kong gelh kik ding hi. Hih lai asimkha khempeuh tung ah Topa in Pawlpi Puahphate dinpih idinpih lai hiam ci-in kisittelna leh thumuhtelna ban ah Pasian thuman taktak telna hong hisak ta hen. 

Sia Lang Khai

Kalaymyo

24.06.2023(8:00)pm