CHRISTIANITY LEH RELIGION KILAMDANNA

 Christianity le Religion kilamdanna

1. Christianity pen Pasian Patkhiat (phuatkhiat) hi.

     ➳ Pasian in, Amah a bia ding mi zong khia hi.

          . 

2. Religion pen mihingte Patkhiat (Photkhiat) hi.

     ➳ Mihingte'n, a biak ding uh zong khia hi.

✏Tua ahihhman-in:

      • Christianity pen Religion sung ah kihel theilo hi. 

      • Christianity pen Religion nam khat aa ngaihsut theih zongh hi beek-lo hi.

Christianity: Pasian in Amah a bia dingin, Ama lim-le-mel sun-a, a bawl-sa a mangthangh leitung mite Zeisu tungtawn-in hong zon khiat hong tatkhia i hi hi. Tua tatkhiat-hotkhiat sa thu-ummite'n Zeisu Pasian thupiakna i zuih leh Christian i hi hi. Banghang hiam cihleh, Christian cih-pen "Christ." (Khazih) pan hong pai kammal hi-in, Christ (Khazih) nungzuite a cihna Christian (Khazihmi) kici hi (Acts 11:26)

Religion: Leitungmite'n a biak ding uh a pasian ding uh hong zong ciat uh hi, biak ding kilawm, biak tuak, biak taak a sak uh zongin biak ding tuamtuam zongb hong mukhia pong uh-a, amau hoihsak ciat biakna zongh hong phuankhia pah uh hi, a mau upna-biakna ciat le a kilawm a kituak ding geelna tawh amau pasian ciat hong bia uh hi, tua dan upna le biakna neite' biakna pen "Religion" kici hi. Tua ahihman-in, hih Religion pen; zon tawm, phuah tawm le bawl tawm biakna, ahi hi. Phuah tawm le zon tawm upna biakna ahihman-in, tualsuak upna-biakna ahi hi. 

Ka gen nop bulpi: Christianity le Religion kibang lo hi, a ci ka hi hi. Christian-te pen Religion group-te sung ah kihel lo hi, cih a gen nuam ka hi hi. Biakna dangte'n, ei Christian-te Religion khat in hong ciamteh uh hi. 

A taktak in hih thu tawh kisai Christian thu-um masate' khialhna lianpi khat ahi hi (tu hun Scholar te le Theologians tamzaw in zongh, hih thu a gen le a hilhcian om mel lo lai uh hi). Ahang-pen, thu-um masate'n zongh hih thu tawh kisai na thuk ngaihsut khalomawk uh hi. Bangbang hitaleh, ei Christian-te (Tapidawte) upna biakna pen, leitung mite patkhiat phuah tawm biakna peuh hilo ahihman-in, bawltawm biakna bangin neuseek khak lohding ka lunggulh lianpen khat ahi hi.

Mailam ah, i hun ngah tawh kizui-in, kammal thupi:

• Missions and Mission

• Protestant and Baptist

• Mission/s and Ministry

• The Lord's Supper vs Sacraments

• Sunday and Saturday

• etc

By: Desk Khaipi