THUKHAMPAN SUAHTAKNA DING LAMPI By: Joshua Khai Piang

Thukham pan suahtakna ding lampi.

Pa Pasian tawh kipawl theih na ding lampi.

Thukham panin a suakta nuam teng in simkhawm ni ei a pat pan a tawp dong hehpih na tawh. Thukham panin na suakta nuam hiam sanggam. Thukham panin suahtakna ding lampi man taktak hih dan na ci hi Lai Siangtho in.

Pasian Kammal 

Ahi zongin tu-in ahihleh Khrih Jesuh tawh kipawlin a nungta mite pen mawhna thukhenna tawh kipelh hi. Bang hang hiam cih leh Khrih Jesuh tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.ROM 8:1‭-‬2

Kha Siangtho’ deihna bangin na gamtat uhleh Thukham khutnuai-ah na om nawn kei uh hi.GALATI 5:18

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.JOHAN MASA 2:27

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna, dikna le pumpi ki-ukzawhna hi a, hih bangin a gamta mite, Thukham in bangmah cih thei lo hi. Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi. Kha Siangtho in eite hong nungtasak khinta ahih manin ama hong sawlna bangin eite a nungta ding ihi hi. Kuamah kiphasak loin, khatlekhat kiphin loin, kuamah i kihaza kei ding hi.GALATI 5:22‭-‬26

Pasian tawh ka kipawl hi, a ci mi khempeuh, Jesuh Khrih a gamtat bangin a gamtat ding ahi hi.JOHAN MASA 2:6

Jesuh in, A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi. Mihing sung panin a suakte mihing mah hi bek a, Kha tawh a suakte pen kha mi ahi hi.JOHAN 3:5‭-‬6

Tua khit ciangin amaute tungah, Leitung khempeuhah note pai kawikawi unla, mi khempeuh tungah Lungdamna Thu na hilh ta un. Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

MARKA 16:15‭-‬16

Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.EFESA 1:13

Note sungah Pasian’ Kha Siangtho hong om nakleh nomau pumpi deihna bangin gamta loin Kha Siangtho deihna bangin na gamta ding uh hi. Khrih lungsim a nei lote Khrih tawh kipawl lo hi. Sihna panin Jesuh a thokiksak Pasian’ Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi.ROM 8:9‭, ‬11

By: Joshua Cin K Piang