#SINGLAMTEH LAMPI TAWH NUAMKHINLO HI
“Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.”
LUKA 9:23 TDB
Mi pawlkhatte in Christian hihpen nopsana hauhna ding bangin ngaihsut khathei uh hi.
Ataktakin Christian hih pen Gentheihna haksatna tuahna, kipatna hizaw hi. Christian Family or background pan khangkhia leh kihilhna tuamtuamte in ih Lungsim hong luah in nopsakna, minthanna hauhna dinglam bek in kingaihsun thei hi. Christian hih pen ih it ihngaihte tawh kikhenna haksatna thuakna hizaw hi.
Tanglai a Pasian Nungzuite leh Nungzuipite nuntakna pan kimuthei hi.
Hindu, Muslim, Buddhistte panin Jesu nung hong zuite nuntakzia ih et ciangin 1. Nulepa Ulenau Sanggamte tawh kikhenna hong suak hi.
2. Pasian thutawh kituaklo ngeina it leh deih mahmahte nutsiat kul hi.
3. Taksa deihna tuamtuamte Pasian deihlohte tawh kikhen hong kul hi.
4. Pasian deihna bang haksa-in nuamta leh zuih kul sepkul hi.
Tua ahihmanin hihpen leitung taksa tawh ngaihsun or nungta laite a dingin abaih hilo hi. Pasian it taktakna lotawh kikalsuan theilo hi.
Leitung Taksa nopsakna dingin Christian pen na ngaihsut leh na lungkia pelmawh ding hi.
Nopsak hun haksathun ah Pasian mah citeta theih ding kisam hi. Christian Piangthak hihna pen ih leitung taksa i nopsakna tawh kikhenna hi a abaih hilo hi.
Ih nuntakna ah Pasian deihna mah liansak zawden ni
Lungdam
Kh. Siam 21320
No comments:
Post a Comment