ZI HOIH
————
Paunak 31:10
Zi hoih pen suangmanpha sangin manphazaw pek a, ahizongin zi hoih ngah ding haksa mahmah hi.
Paunak 14:1- Numei pilte in innsung nuntakna khangsaka, numei hai te in inn sung susia hi.
Numei leh Nu cih pen Adam i phuah hi a, 'Tu in amah in keima' guh leh tangte ahi hi. Ama min numei kici ding hi," ci hi. Tate pattahna leh makaihna ah Pate sangin Nute in tavuan tampi nei zaw tham hi. Pate inn tawh kigamla mun uh a, Nuten hun tampi tate tawh om khop hun ngah hi. Lai at siampa khat in, " Tate in Nu' lungtang suun a, Pa' meel la uh hihi. Tua mah bangin Pa suun sangin Nu sun tam zaw a, Nu' makaihna tawh ahoih zong tam zaw hi. Numei te in inn sung nopna dingah tavuan a lian penpen nei uh hi.' Nu' cih min bek hilo-in "nu" cih dinmun abuplak ding ahi hi. Numei in ama nasep siangtho thei hen la, Pasian kihtakna leh Pasian' tha tawh a sem khia ding ahi hi. Leitungah kimanna anei dingin numei in atate pantahin ahoihzaw leitungah ateeng dingin pil sak hen. Nu in innkuan kumpinu hi. Atate in a gammite ahi hi. Nu ahihna tawh vang nei tak leh pilvang takin inn sung uk ding hi. Inn sungah ama' huzaapna thupipen ding hia, ama' kammal in thukham ahi hi. Pasian' ukna nuai ah Christian ahih leh tate’ zahtak angah ding ahi hi. Nu in innkuan sungah nasem khat hiloin, innkuan amakaih ding, lam alak ding kumpinu ahihna tate hilh ding hi.Tate pen gual khat pan gualkhat, thukhun khat panin thukhun khatah apantah ding ahi hi. Nupi in ama nasep siangtho ahihlam phawk hen. Pasian kihtakna leh itna tawh anasep sem ta hen. Leitungah kimanna anei dingin tate pantah hen. Nute' nasep ding tampite lakah tate pattahna in asiangtho pen nasep ahi hi.
Tanote pattah zia:
1. Nu leh Pa kithuhual ding
Nu leh Pa te'n tate ih uk zawh nadingin ei leh ei ih ki-uk zawh masak ding kisam hi.
2. Nakpi a uk cip luatna lauhuai
Amau hih theih zah leh a lungsim un a zuih zawh zah tawh kizui-in amau leh mau ngaihsutna leh gamtat theihna aneihnadingun hoih tak lamlah siam ding kisam hi.Siate leh Nu leh Pa te in naupangte ih uk cip luat ciangin amau leh amau ngaihsut tawm theihna (Creative idea) hong nei thei nawn lo uh a, amau leh amau kimuanna bei sak hi.
3. Naupangte Hilh lo a khantohsakna in Mawhna hi.
Naupangten na khat peuh a sep ding ciang a sepzia ahihzia ding teng hilh in amau leh amau sem sak dinga, a hihzawh loh khat huh pak in hileng hong zo ding a, hong thanop to suak in tua sang alian zaw sepnopna hong nei ding uh hi. Sangkah naupangte a tawntungin laisim sak thapai tuan lo-in nasep hun, kimawl hun, laisim hun cih bangin hoihtakin khen dan siam sak ding hi.
4. Naupangte thadah sak lo ding.
Nu leh Pa te in tate it lua in nasem sak ngeilo cih bang zong zang het kei ni. I tate ong zongsang kha ding uh a, Aneu tung a kipan amah tawh kituak khop na sawlsawl ding hi zaw hi.Naupangte'n nasep khat peuh lawptak sem napi a sawtlo in hong cimtak thei pah uh hi. A dang khatpeuh khel themthum nuam uh hi. Ih tate tua bang dingin phal lo ding a sep khat uh hanciamna neih nang kisin sakin huh a kul leh huh ding.
Nupi te in zong nasep te zong a vekin sem a, tate leh Pa Meikiangah tu hithiat hi. Zi in an huan sing la, tuitawi buai lua in om ding hilo a, tuate pen zi ten tate a neutung pan pantah loh man hi a, amah leh amah gim kipia hi lel hi. Zite pen innkuan te sila ding a Pasian geel hi lo a, Pasalte huh ding a Pasian piak hi. Pasal in zong Christ' sila a hih leh a zi to in om sam lo ding hi. Nute in amaute nasep bangzahin lian in, a thumanna uh thaman bangzahin gol ahihna aphawk ding uh hiam? Nu' nasep pen Pasian' piak hi a, Topa' thuhilhna tawh kituakin tate akhansuah ding ahi hi. Pasian kihtakna leh itna hih khangno te lungsim sungah koih den ding hi. Tate Zeisu kiangah paipih ding bek hilo hi. Zeisu nungzui ahi dingin tate kipantah ding hi," tate in a khangno lai un singkungno bangin akhangto ding uh hia, tanute in inn kiu suang bang hi ding uh a, Kumpipa inn tawh akilawm dingin kitaat zol ding hi. Nupi manpha amin akigengen...
Maku 14:8- 8 Amah in ka luang a kivuina dingin paknamtui a hong ma nuhkhol hi a, a hihtheih zahzah ciang a hih khinta ahi hi.
E.G.White nun zia:
1. Zindo siam mahmah nupi khat hi.
2. Veng leh paam tawh kilem vengte ahuh thei mahmah nupi khat hi.
3. A nunnem, awnem bek a zangh den nupi khat hi.
4. Mehteh mehgah acing nuam mahmah nupi khat hi.
5. Ganno khawi-in a it mahmah nupi khat hi.
6. Paak suan siamin a et lawm sak thei mahmah nupi khat hi.
7. Van a lei ciangin zong lei khial nemnum cih bang om lo hi.
Van tawm man a amel ahoih sang a tamman sia hakzaw cih mu hi.
8. Sabbath ni pen a tate leh ainnkuan ta dingin nipi kaal khat sungah a noppen, a lungdampen ni hi sak hi.
9. Atate kikhopna lamah a makaih zo mahmah nupi khat hi.
10. Amahmah ki uk zo nupi khat hi.( Sa ngawl)
11. Aneu tung a kipan maitai ngiat hi.Vol 4 Conference Thu kizakna April-June/2018
12.Mi kisapna a hih theih zahin a hu tawntung den mi khat ahih manin a sih ciangin zong a tenna khua khempeuhte in " Nupi sam kang, Zeisu ' itna a gengen nu" ci-in phawk den hi. Tuni-in ei Nupite nuntakna kisittel hi lehang i sih ciangin mite in bangci in hong gen ding hiam?
Nu' huzap
Nu in pate sangin tampi in tate huzap zaw uh hi. Tua huzapna te in tate ih piak gamh lian pen ahi hi. Angsung khual, lungtom, giloin i om leh i tate zong a tua bangmahin hong khang khia ding a, Thukhual lungduai migi hileng i taten tua te hong luahto ding uh hi. Mel pen kibawlpha theilo a, lungsim pen kibawl pha theilua hi. Galpa in nu leh pate sangin hih thu tel zaw ahih manin nute pate tungah hih mawh zolna te napia masa hi. Nu in thei napi ih nial kei leh ta ten hong luah to ding hi. I nial zawh nadingin ih muan ding Pasian bek nei hi hang. Pil vak sitset a om ding ahi hi.
Lungduaina Nisimin tamveipi nu, nu, ci a kahna aw kiza kinken hi. Tua kahna aw te a dawng dingin nu in akihei kawikawi kul hi. Khat in nu huhna kisam, khat in ama sepna te ah lungkim lua ahihmanin nu musak nuam ahih manin hih munte ah lungduai tak a ih phisian sak ding kul hi. Phat huaite phatin, huh huaite huh ding hi. Naupang lel om suk peuh un ci kha kei ni. Tua hi leh i tate lungsim ut ziate thei ding hang a, hih tate nuntakna sungah khuavak bangin taan thei ding hi hang. Ei Nu te pen a tawntungin inn nasep tawh kibuai den keei hi. Tua hun ciangin lungduaitakin ih kidop kei leh pausia khat peuh ki pau kha ding hi. Tate zong ki en man lo thei hi. Kamsangnu in tua pen na mu a, " Khat veivei nasepte kimanghilh bawl zel a lungsim daitakin honpa kiangah thunget zel ding" na ci hi. A tawntungin ih nasep tawh ih buai luat ciang i tate kimanghilh zel a, Pasian sung nangawn ah kithahat zolo hi. Nute in geel siam ni!
Nu’ nasep thupitna
Ih gen sa mah bangin nute pen nasep neuneu te tawh kibuai den hi. Ahizongin ih nasep gen khiading hileng om tuan lo a, ni suah pan nitum dong mah kibuai hi. Tua kawmkal ah tate' lungduaina, awnem taktawh hopih a, tate lam man hilh hi. Hi napi in khat veivei ciangin kei ka sep om kei Pasian adingin ka hun pia zolo , ete..... gospel pai zolo cih bangin kilungneu sak thei hihang. Pasian in ama nasem mah a hong sang hi cih kiphawksak nuam hihang. Inn sung a ih tanote lamman ah ihkhakna in Pasian nasem pi khat mah hihang. Van ah ih aksi ding na hi pah hi. Pasian in tate pattahna pen missionary sem khat mahin hong tuat aih leh Nute a dingin thanop huai si e! Lawp huai si e! mate guai. Kilungneu sak kei ni, thalawpna tak tawh tate pahtah ni ei guai! " Tate nusia in nasem dingin Pasian in hong sam khia ngeilo ding hi. Nute a langpan ding leh a lawm agual tawh lamlak pilna angah dingin taet nusia ngeikei ni. A.H laimai 246 Tua ahih manin tatenusia lianga biakinn nasepnate ah zong ki konlawh luat ding hilo hi. Nute akihel theihna ahoihpen nasep in tate pattah na hi a, them cik khat zong nusiat khak loh ding ahi hi.
Nu’ Ngaihsut manlo te
Nupi pawlkhat in amahmah sila bangin kingaihsun thei hi. Inn nasep na te ah gim kisa tawl kisa in phunphun hanghangin om thei hi. Tua hihmanin apasal leh atate in inn sung nopsa lo uh hi.
Ahang in a tawntungin tai thuak phunna aw bekbek za uh a, nopsa loin gualnopna leh hehnepna zongin inn pan paikhia uh a, mun hoih lote ah pai thei uh hi. Nupi pawlkhat in ama nasepnate uanggen a , phunthapai hi. Numei dangte tawh kisaikak tawntungin kei gim phadeuh ing. Midangte kei bang hi kei ci thei hi. Tua ahihna ciangciang tawh lungkimlohna anuam zaw nuntakna a lunggulhna in nasepnate ah nopsaklohna leh pasal le tate inn sung nopsa lo in mawhna sung tun hi.
Hih bang nupite in a inn sung nasep zolo napi a mi inn sung peuh va sai pih zawlai thei uh hi. Amah tawh kisai hetlo a vengte vaikhawng buaipih , inn khat khit pai in mite khialnate kicinlohnate kikum hi. Atate a kep ding phawk hi leh tua bangin kikum man het lo ding hi.
A tawntungin maitai in
Nu in lungkham hun lung kiat hun ih tuah ciang leh cinat laitak ahi phial zongin maitai zawh dingleh awnem taka pau ding kisinkul hi. Ei dam lohna hangin itate lungsim am kham sak lo ding hihang.
Kizep kipuahdan
Puan ih silh ciangin ei tawh kilawm ding teel siam ding thupi hi. Tua in mite leh tate zahtakna ngah sak hi. A val lua a kizem puante a khau kai zeizai alung sing lua, amai sing lua, a awm bak lela, cih te silh lo ding hi. Tua mah bangin tate puan ding zong hoihtak geel ding hi. A uanglua a val lua puan silh nikten ah nute in a kisam lo kizepna tawh buai ding hilo hi. akidawk gawp puan te silh lo ding hi.
I neih bangbang siangthosak sitset ding hi. Sum neih khempeuh nik leh puan lei nadingin zangloin ih neih zahzah siangtho sak ding hihang. Nupi pawlkhat leuleu nik leh puan kin lo lua in kikhopnate ah om nengnang a, a tate uh kikhop puan cih bang tuam koih sak lo a, zun nam khawng tawh kikhawm sak hi. Nupi pawl khat leuleu in a sum muh bangbang nik leh puan kizepna in bei sak hi. Nupi khit ciang kizep luat lah hoih lo a, siangtho in kizep siam ding thupi hi. Tua hi leh i pasal , i tate mite in hong zahtakin hong en thei ding uh hi.
Agelh ~ Sm Ning Nuam Vung
————
Paunak 31:10
Zi hoih pen suangmanpha sangin manphazaw pek a, ahizongin zi hoih ngah ding haksa mahmah hi.
Paunak 14:1- Numei pilte in innsung nuntakna khangsaka, numei hai te in inn sung susia hi.
Numei leh Nu cih pen Adam i phuah hi a, 'Tu in amah in keima' guh leh tangte ahi hi. Ama min numei kici ding hi," ci hi. Tate pattahna leh makaihna ah Pate sangin Nute in tavuan tampi nei zaw tham hi. Pate inn tawh kigamla mun uh a, Nuten hun tampi tate tawh om khop hun ngah hi. Lai at siampa khat in, " Tate in Nu' lungtang suun a, Pa' meel la uh hihi. Tua mah bangin Pa suun sangin Nu sun tam zaw a, Nu' makaihna tawh ahoih zong tam zaw hi. Numei te in inn sung nopna dingah tavuan a lian penpen nei uh hi.' Nu' cih min bek hilo-in "nu" cih dinmun abuplak ding ahi hi. Numei in ama nasep siangtho thei hen la, Pasian kihtakna leh Pasian' tha tawh a sem khia ding ahi hi. Leitungah kimanna anei dingin numei in atate pantahin ahoihzaw leitungah ateeng dingin pil sak hen. Nu in innkuan kumpinu hi. Atate in a gammite ahi hi. Nu ahihna tawh vang nei tak leh pilvang takin inn sung uk ding hi. Inn sungah ama' huzaapna thupipen ding hia, ama' kammal in thukham ahi hi. Pasian' ukna nuai ah Christian ahih leh tate’ zahtak angah ding ahi hi. Nu in innkuan sungah nasem khat hiloin, innkuan amakaih ding, lam alak ding kumpinu ahihna tate hilh ding hi.Tate pen gual khat pan gualkhat, thukhun khat panin thukhun khatah apantah ding ahi hi. Nupi in ama nasep siangtho ahihlam phawk hen. Pasian kihtakna leh itna tawh anasep sem ta hen. Leitungah kimanna anei dingin tate pantah hen. Nute' nasep ding tampite lakah tate pattahna in asiangtho pen nasep ahi hi.
Tanote pattah zia:
1. Nu leh Pa kithuhual ding
Nu leh Pa te'n tate ih uk zawh nadingin ei leh ei ih ki-uk zawh masak ding kisam hi.
2. Nakpi a uk cip luatna lauhuai
Amau hih theih zah leh a lungsim un a zuih zawh zah tawh kizui-in amau leh mau ngaihsutna leh gamtat theihna aneihnadingun hoih tak lamlah siam ding kisam hi.Siate leh Nu leh Pa te in naupangte ih uk cip luat ciangin amau leh amau ngaihsut tawm theihna (Creative idea) hong nei thei nawn lo uh a, amau leh amau kimuanna bei sak hi.
3. Naupangte Hilh lo a khantohsakna in Mawhna hi.
Naupangten na khat peuh a sep ding ciang a sepzia ahihzia ding teng hilh in amau leh amau sem sak dinga, a hihzawh loh khat huh pak in hileng hong zo ding a, hong thanop to suak in tua sang alian zaw sepnopna hong nei ding uh hi. Sangkah naupangte a tawntungin laisim sak thapai tuan lo-in nasep hun, kimawl hun, laisim hun cih bangin hoihtakin khen dan siam sak ding hi.
4. Naupangte thadah sak lo ding.
Nu leh Pa te in tate it lua in nasem sak ngeilo cih bang zong zang het kei ni. I tate ong zongsang kha ding uh a, Aneu tung a kipan amah tawh kituak khop na sawlsawl ding hi zaw hi.Naupangte'n nasep khat peuh lawptak sem napi a sawtlo in hong cimtak thei pah uh hi. A dang khatpeuh khel themthum nuam uh hi. Ih tate tua bang dingin phal lo ding a sep khat uh hanciamna neih nang kisin sakin huh a kul leh huh ding.
Nupi te in zong nasep te zong a vekin sem a, tate leh Pa Meikiangah tu hithiat hi. Zi in an huan sing la, tuitawi buai lua in om ding hilo a, tuate pen zi ten tate a neutung pan pantah loh man hi a, amah leh amah gim kipia hi lel hi. Zite pen innkuan te sila ding a Pasian geel hi lo a, Pasalte huh ding a Pasian piak hi. Pasal in zong Christ' sila a hih leh a zi to in om sam lo ding hi. Nute in amaute nasep bangzahin lian in, a thumanna uh thaman bangzahin gol ahihna aphawk ding uh hiam? Nu' nasep pen Pasian' piak hi a, Topa' thuhilhna tawh kituakin tate akhansuah ding ahi hi. Pasian kihtakna leh itna hih khangno te lungsim sungah koih den ding hi. Tate Zeisu kiangah paipih ding bek hilo hi. Zeisu nungzui ahi dingin tate kipantah ding hi," tate in a khangno lai un singkungno bangin akhangto ding uh hia, tanute in inn kiu suang bang hi ding uh a, Kumpipa inn tawh akilawm dingin kitaat zol ding hi. Nupi manpha amin akigengen...
Maku 14:8- 8 Amah in ka luang a kivuina dingin paknamtui a hong ma nuhkhol hi a, a hihtheih zahzah ciang a hih khinta ahi hi.
E.G.White nun zia:
1. Zindo siam mahmah nupi khat hi.
2. Veng leh paam tawh kilem vengte ahuh thei mahmah nupi khat hi.
3. A nunnem, awnem bek a zangh den nupi khat hi.
4. Mehteh mehgah acing nuam mahmah nupi khat hi.
5. Ganno khawi-in a it mahmah nupi khat hi.
6. Paak suan siamin a et lawm sak thei mahmah nupi khat hi.
7. Van a lei ciangin zong lei khial nemnum cih bang om lo hi.
Van tawm man a amel ahoih sang a tamman sia hakzaw cih mu hi.
8. Sabbath ni pen a tate leh ainnkuan ta dingin nipi kaal khat sungah a noppen, a lungdampen ni hi sak hi.
9. Atate kikhopna lamah a makaih zo mahmah nupi khat hi.
10. Amahmah ki uk zo nupi khat hi.( Sa ngawl)
11. Aneu tung a kipan maitai ngiat hi.Vol 4 Conference Thu kizakna April-June/2018
12.Mi kisapna a hih theih zahin a hu tawntung den mi khat ahih manin a sih ciangin zong a tenna khua khempeuhte in " Nupi sam kang, Zeisu ' itna a gengen nu" ci-in phawk den hi. Tuni-in ei Nupite nuntakna kisittel hi lehang i sih ciangin mite in bangci in hong gen ding hiam?
Nu' huzap
Nu in pate sangin tampi in tate huzap zaw uh hi. Tua huzapna te in tate ih piak gamh lian pen ahi hi. Angsung khual, lungtom, giloin i om leh i tate zong a tua bangmahin hong khang khia ding a, Thukhual lungduai migi hileng i taten tua te hong luahto ding uh hi. Mel pen kibawlpha theilo a, lungsim pen kibawl pha theilua hi. Galpa in nu leh pate sangin hih thu tel zaw ahih manin nute pate tungah hih mawh zolna te napia masa hi. Nu in thei napi ih nial kei leh ta ten hong luah to ding hi. I nial zawh nadingin ih muan ding Pasian bek nei hi hang. Pil vak sitset a om ding ahi hi.
Lungduaina Nisimin tamveipi nu, nu, ci a kahna aw kiza kinken hi. Tua kahna aw te a dawng dingin nu in akihei kawikawi kul hi. Khat in nu huhna kisam, khat in ama sepna te ah lungkim lua ahihmanin nu musak nuam ahih manin hih munte ah lungduai tak a ih phisian sak ding kul hi. Phat huaite phatin, huh huaite huh ding hi. Naupang lel om suk peuh un ci kha kei ni. Tua hi leh i tate lungsim ut ziate thei ding hang a, hih tate nuntakna sungah khuavak bangin taan thei ding hi hang. Ei Nu te pen a tawntungin inn nasep tawh kibuai den keei hi. Tua hun ciangin lungduaitakin ih kidop kei leh pausia khat peuh ki pau kha ding hi. Tate zong ki en man lo thei hi. Kamsangnu in tua pen na mu a, " Khat veivei nasepte kimanghilh bawl zel a lungsim daitakin honpa kiangah thunget zel ding" na ci hi. A tawntungin ih nasep tawh ih buai luat ciang i tate kimanghilh zel a, Pasian sung nangawn ah kithahat zolo hi. Nute in geel siam ni!
Nu’ nasep thupitna
Ih gen sa mah bangin nute pen nasep neuneu te tawh kibuai den hi. Ahizongin ih nasep gen khiading hileng om tuan lo a, ni suah pan nitum dong mah kibuai hi. Tua kawmkal ah tate' lungduaina, awnem taktawh hopih a, tate lam man hilh hi. Hi napi in khat veivei ciangin kei ka sep om kei Pasian adingin ka hun pia zolo , ete..... gospel pai zolo cih bangin kilungneu sak thei hihang. Pasian in ama nasem mah a hong sang hi cih kiphawksak nuam hihang. Inn sung a ih tanote lamman ah ihkhakna in Pasian nasem pi khat mah hihang. Van ah ih aksi ding na hi pah hi. Pasian in tate pattahna pen missionary sem khat mahin hong tuat aih leh Nute a dingin thanop huai si e! Lawp huai si e! mate guai. Kilungneu sak kei ni, thalawpna tak tawh tate pahtah ni ei guai! " Tate nusia in nasem dingin Pasian in hong sam khia ngeilo ding hi. Nute a langpan ding leh a lawm agual tawh lamlak pilna angah dingin taet nusia ngeikei ni. A.H laimai 246 Tua ahih manin tatenusia lianga biakinn nasepnate ah zong ki konlawh luat ding hilo hi. Nute akihel theihna ahoihpen nasep in tate pattah na hi a, them cik khat zong nusiat khak loh ding ahi hi.
Nu’ Ngaihsut manlo te
Nupi pawlkhat in amahmah sila bangin kingaihsun thei hi. Inn nasep na te ah gim kisa tawl kisa in phunphun hanghangin om thei hi. Tua hihmanin apasal leh atate in inn sung nopsa lo uh hi.
Ahang in a tawntungin tai thuak phunna aw bekbek za uh a, nopsa loin gualnopna leh hehnepna zongin inn pan paikhia uh a, mun hoih lote ah pai thei uh hi. Nupi pawlkhat in ama nasepnate uanggen a , phunthapai hi. Numei dangte tawh kisaikak tawntungin kei gim phadeuh ing. Midangte kei bang hi kei ci thei hi. Tua ahihna ciangciang tawh lungkimlohna anuam zaw nuntakna a lunggulhna in nasepnate ah nopsaklohna leh pasal le tate inn sung nopsa lo in mawhna sung tun hi.
Hih bang nupite in a inn sung nasep zolo napi a mi inn sung peuh va sai pih zawlai thei uh hi. Amah tawh kisai hetlo a vengte vaikhawng buaipih , inn khat khit pai in mite khialnate kicinlohnate kikum hi. Atate a kep ding phawk hi leh tua bangin kikum man het lo ding hi.
A tawntungin maitai in
Nu in lungkham hun lung kiat hun ih tuah ciang leh cinat laitak ahi phial zongin maitai zawh dingleh awnem taka pau ding kisinkul hi. Ei dam lohna hangin itate lungsim am kham sak lo ding hihang.
Kizep kipuahdan
Puan ih silh ciangin ei tawh kilawm ding teel siam ding thupi hi. Tua in mite leh tate zahtakna ngah sak hi. A val lua a kizem puante a khau kai zeizai alung sing lua, amai sing lua, a awm bak lela, cih te silh lo ding hi. Tua mah bangin tate puan ding zong hoihtak geel ding hi. A uanglua a val lua puan silh nikten ah nute in a kisam lo kizepna tawh buai ding hilo hi. akidawk gawp puan te silh lo ding hi.
I neih bangbang siangthosak sitset ding hi. Sum neih khempeuh nik leh puan lei nadingin zangloin ih neih zahzah siangtho sak ding hihang. Nupi pawlkhat leuleu nik leh puan kin lo lua in kikhopnate ah om nengnang a, a tate uh kikhop puan cih bang tuam koih sak lo a, zun nam khawng tawh kikhawm sak hi. Nupi pawl khat leuleu in a sum muh bangbang nik leh puan kizepna in bei sak hi. Nupi khit ciang kizep luat lah hoih lo a, siangtho in kizep siam ding thupi hi. Tua hi leh i pasal , i tate mite in hong zahtakin hong en thei ding uh hi.
Agelh ~ Sm Ning Nuam Vung
No comments:
Post a Comment