THUPHA NGAH BEK HILO, THUPHANAK KONGSUAKSAK DING HI.

THUPHA NGAH BEK HILO, THUPHANAK KONGSUAKSAK DING HI.
Sia PauKhai june 20, 2014 Des Moines ah thusinna Pan kong hopsawn:

Piancil 12:1-3, 
Abraham nuntakna ih et takciangin Thupha ngah ahihna kimu theih a, Thu akingeh ciangin zong Abraham Pasian, Jacob Pasian, leh Isaac Pasian ci-in kipan sese hi. Bang hang hiam cih leh Pasian in amaute thupha apiak atate Abraham suante ahih hang ahi hi.

Abraham pen en le hang UR Khua ah ah inn kuanin tengin Tua munsan panin Pasianin asap ahi hi. Pasianin Banghangin amah sam sese a, asang gamte, apate sam lo hiam cih huai hi. Pasian in mi asap ciangin ama thumang dingte sam hi. Tua ah hih manin Abramhamin ka thumang penin ciai ci-in Pasianin Abraham na sam a, THUPHA kong piang na dingin Napa inn panin Paikhia in ci hi.

Acih bangmah in Abrham zong hong paikhia a, Pasian in amah bek asap pen amah kithukhualsak lua-in asap loh pi Apa leh asanggam pa tapa LOT hong tawnpih sese hi. Tuapanin HARAN khua hong tung uh a, Haran khuapanin apa hong vuai in, Tua khit leh LOT tawh SHECHEM khua ah hong pai leuleu hi. Tua panin BETHEL ah hong pai kik uh a, Bethel panin Kialpi hong tung ahih manin Egypt ah hong tai, hong bu uh a, Angaihsut bang tuan lo ahih manin BETHEL ah hong ciahkik uh hi.

BETHEL panin ah lungsim sung ah Pasian in Thupha pia ding cina pi tudong Thupha ngaihthei lo cihpen hong theih ahih manin a it mahmah LOT atupa tawh kikhen ding hong ngaihsun a, Lot a utna gam leh mualte telsak in, LOT in MOAB gam zang lei teng tel in, amah in Mualtung gamteng HEBRON Kuam lam Tawsaw po na leitak lak hong tang in, A tupa tawh hong kikhen uh teh, Pasian Biakna Hong bawlin Pasian aw Nem za in Tuin thupha kong pia ding hi. Ci in Tano ISAAC khat hong pia hi. Thupha ngah hongkipan hi. Tua bek hi lo in atano neihsun Pasian in hong ngettak teh it sikloin Hong pia a Hihbangin athumang Pasian amungzo Abraham ahi hi.

Tua mah bangin Eite zong Thupha in sanna dingin Pasian in Hongsap atate ih hi a, tuni in Pasian awnem ih zak thehna ding leh Ama THUPHA leh Thupha nak ih suah theihna dingin, Bang kisam hiam cih leh Pasian in ah hong sap khiat takciangin ZOMi te ih Kithukhual sakin Nusiatding akilawmte nusia lo in Pua keng, zang den ih hih manin Abraham bangin thupha sang ding hong cihhangin ahun hong tung thei mahmah lo theih hi. USA ih om manin thupha sang kihi pah lo a, Thupha ih san taktak theihna dingin Ih Pumpi tung ah akilawm lo ih zat, ih muam, ih nek, ih dawnte ih paih khiat masangin Abraham LOT atupa tawh akikhen masangin thupha asang theih loh bangin eite zong Thupha ihsang thei kei ding hi.

Tua ahih manin Nutsiat dingte nusia in Paih khiatding te paikhia le hang Thupha kisang thei pan ding hi. BEL Nin memnam sung ah Vokan bek mah kihuan a, BEL siangtho sung ah Sang, aksa khawng bek mah akihuan Bangin Ih pumpi Asian tho ciangin Thupha kingaih thei pan ding hi.

Peter in sunthapai, zanthapai Ngen tawh nga abeng hangin man lo in zingsang ciangin angen sawp sitsetsa in koih a, Tua laitakin Jesuh hong pai in Nangen tawh huateng vakhuh sin aw acih the Peter in niallo in thumang takin khuhpah in Nga tampi sun leh zan a akhuh sangin tamzaw ding khat vei khuh in man hi. Tua mah bangin Pasian aw nem ih zak teh thumang pah ding kisam mahmah hi. khat veina zaknak leh nih vei ngak kei in la, Leitung thu ahih leh Nih veina zak masang siah mang, sem kei in. Pasian thu, KHa thu ahih leh nih vei ngak kei in. Khat veina taw thumangte Pasian in thupha pia baih hi.

Peter in a ngen siasak sa in koih lo in, Ka ngen hong sawp phot ning cileh pen Jesuh in Paisan maw khuhin cikik lo khangel thei ding hi. ahih hangin Thupha ngaihna dingin amahin angente siang sak sitset hi.

Tuni in thupha sang, thupha nak ih suah na dingin, Pasian in ei bek ah hongsap ahih manin Nunsiatding akilawm hong ninsakte nusia masa inla, Siang tho sitsetin nunta in, Pasian aw nem na zaknak leh Mangpah in, TUa hi leh THupha sang bek hi lo in, THupha nak a suakding in Jesuh in nang leh kei hong siam hong bawl ding hi. Asim kha mimal khat ciat Topa in Thupha sang , Thupha nak ahi dingin hong siam hen. AMEN.

Sia. Paukhai June 20,2014 thusinna pan in Kathu zakteng kong hopsawn hi hi.
By Siam Khaute